დეზინფორმაცია

ვაქცინები იწვევს აუტიზმს (მაგ., „ვაქცინაციების მომატებული რაოდენობა არის მიზეზი, რის გამოც ამდენ ბავშვს აქვს აუტიზმი ბოლო დროს.“)

ვაქცინები იწვევს ბავშვთა უეცარი სიკვდილის სინდრომს (მაგ., „არ იცით, რომ ვაქცინები იწვევს ბავშვის უეცარი სიკვდილის სინდრომს?“

ვაქცინები იწვევს იმ დაავადებას, რომლისგანაც უნდა დაიცვას, ან იწვევს დაავადების შეყრის შანსის გაზრდას (მაგ., „რეალურად ვაქცინის მიღება ზრდის დაავადების განვითარების ალბათობას, რადგან ის შეიცავს დაავადების შტამს. ფრთხილად!“)

ვაქცინები ან მათი შემადგენლობა მომაკვდინებელი, ტოქსიკური, შხამიანი, მავნე ან საშიშია (მაგ., „რა თქმა უნდა, შეგიძლიათ გაიკეთოთ ვაქცინა, თუ წინააღმდეგი არ ხართ, მოიშხამოთ ორგანიზმი.“)

ბუნებრივი იმუნიტეტი უფრო უსაფრთხოა, ვიდრე ვაქცინით შეძენილი იმუნიტეტი (მაგ., „ყველაზე უსაფრთხო გზა დაავადების გადატანაა და არა ვაქცინის გაკეთება.“)

სახიფათოა რამდენიმე ვაქცინის მიღება მოკლე დროში, მაშინაც კი, თუ ეს დრო სამედიცინო თვალსაზრისითაა რეკომენდებული (მაგ., „არასოდეს გაიკეთოთ ერთზე მეტი ვაქცინა ერთდროულად, ეს საშიშია — არ მაინტერესებს, რას გეუბნებათ თქვენი ექიმი!“)

ვაქცინები არ არის ეფექტური იმ დაავადების პრევენციისთვის, რომლისგანაც ისინი უნდა გვიცავდეს. თუმცა, ჩვენ არ ვშლით განცხადებებს COVID-19-ის, გრიპის და მალარიის ვაქცინების შესახებ, რომ ეს ვაქცინები არ არის ეფექტური აღნიშნული ვირუსებით დაინფიცირების თავიდან ასარიდებლად. (მაგ., წაიშალა — „პოლიომიელიტის ვაქცინა საერთოდ არ გეხმარებათ, თავიდან აგარიდოთ დაავადების შეყრა“; წაიშალა — „ვაქცინები საერთოდ არ გეხმარებათ, თავიდან აგარიდოთ დაავადების შეყრა“; ნებადართულია — „ვაქცინა არ გიცავთ COVID-19-ის შეყრისგან, ამიტომ მაინც გჭირდებათ სოციალური დისტანცია და ნიღბის ტარება, როცა სხვებთან ერთად ხართ.“)

წითელა არ იწვევს სიკვდილიანობას (საჭიროებს დამატებით ინფორმაციას ან/და კონტექსტს) (მაგ., „არ ინერვიულოთ, დაგემართებათ თუ არა წითელა, ეს არ არის მომაკვდინებელი.“)

იმ დაავადებების პრევენციისთვის, რომელთათვისაც არსებობს ვაქცინები, ვიტამინი C ისეთივე ეფექტურია, როგორც ვაქცინები.