ავთენტურობის დაცვის ჩვენი ძალისხმევის ფარგლებში ვუკრძალავთ ადამიანებს, ჩვენს მომსახურებებში განახორციელონ თავიანთი პიროვნების არასწორი ინტერპრეტაცია, გამოიყენონ ყალბი ანგარიშები, ხელოვნურად გაზარდონ შიგთავსის პოპულარობა, ან ჩაერთონ ისეთ ქმედებებში, რომელთა მიზანია ჩვენი საზოგადოების სტანდარტებით გათვალისწინებული სხვა პირობების დარღვევა. არაავთენტური ქცევა გულისხმობს მოტყუების მრავალფეროვან კომპლექსურ ფორმას, რომელსაც ახორციელებს არაავთენტური აქტივების ქსელი, რომელსაც ერთი პირი ან პირთა ჯგუფი აკონტროლებს და რომლის მიზანია Meta-ს ან ჩვენი საზოგადოების მოტყუება ან საზოგადოების სტანდარტების აღსრულებისგან თავის არიდება.
როდესაც წინააღმდეგობრივი საშიშროების მონაწილე ადამიანები იყენებენ ყალბ ანგარიშებს კომპლექსური მატყუარა ტაქტიკის განსახორციელებლად, რათა გავლენა მოახდინონ საჯარო დებატებზე, ისინი ეწევიან საქმიანობას, რასაც ჩვენ კოორდინირებულ საეჭვო ქცევას ვუწოდებთ. ეს ნიშნავს, რომ ისინი ერთად მუშაობენ საჯარო დისკუსიების მანიპულირებისთვის კონკრეტული მიზნით და ყალბი ანგარიშები მათ ოპერაციებში მთავარ როლს თამაშობს. ამგვარი დამრღვევი ქცევა მოტყუების უფრო მნიშვნელოვანი და დახვეწილი ძალისხმევის გამო, მეტად მკაცრ და ხშირ შემთხვევაში, წინასწარ განსაზღვრულ პასუხს იღებს. სადაც შესაძლებელია, ჩვენ ქსელებთან ვაზიარებთ ჩვენს დასკვნებს კოორდინირებული საეჭვო ქცევის შესახებ ჩვენი კვარტალური წინააღმდეგობრივი საფრთხეების ანგარიშების მეშვეობით, რომელიც ხელმისაწვდომია აქ. ამ ანგარიშების მიზანი არ არის არაავთენტური ქცევის შესახებ დებულების ფარგლებში განხორციელებულ ყველა ქმედების შესახებ ინფორმაციის მიწოდება. ამ გზით ჩვენ ვცდილობთ დავეხმაროთ ჩვენს საზოგადოებას გაიაზრონ ის მზარდი საფრთხეები, რის წინაშეც ჩვენ ამ სივრცეში ვდგავართ.
რადგანაც არაავთენტური ქცევა ხშირად დაკავშირებულია სამოქალაქო ან პოლიტიკურ შიგთავსთან, ჩვენი მიზანია აღვკვეთოთ არაავთენტური ქცევა განსაკუთრებით არჩევნების კონტექსტში. წინამდებარე აღსრულების ქმედებები და სტანდარტები ვრცელდება როგორც პოლიტიკურ, ისე სხვა ნებისმიერი ტიპის შიგთავსზე. წინამდებარე დებულებები მიზნად ისახავს დებატებისა და მსჯელობების ავთენტურობის დაცვას ჩვენს მომსახურებებზე და ისეთი სივრცის შექმნას, სადაც ადამიანებს შეეძლებათ ერთმანეთისა და იმ საზოგადოებების ნდობა, რომელთანაც ინტერაქციას ამყარებენ.