ჩაგვრა და შევიწროება ბევრგან ხდება, სხვადასხვა ფორმით, მათ შორის, პირადი ინფორმაციის გავრცელების, მუქარის შემცველი შეტყობინებებისა და არასასურველი კონტაქტის დამყარების მიზნით გაგზავნილი მავნე შეტყობინების ჩათვლით. მსგავსი ტიპის ქმედებები მიუღებელია Facebook-ზე, Instagram-სა და Threads-ზე, რადგან ჩვენი მომხმარებლები თავს უსაფრთხოდ და დაცულად ვეღარ იგრძნობენ.
ჩვენ განვასხვავებთ საზოგადოდ ცნობილ ადამიანებსა და კერძო პირებს, რადგან გვინდა დავუშვათ მსჯელობა, რომელიც ხშირად იმ ადამიანთა მიმართ კრიტიკულ კომენტარებს მოიცავს, ვინც ახალ ამბებში ფიგურირებს ან დიდი აუდიტორია ჰყავს. ცნობილი ადამიანებისთვის ვშლით მძაფრ შეტევებს, ასევე იმგვარ თავდასხმებს, როცა საჯარო პირი პირდაპირ არის მონიშნული პოსტში ან კომენტარში. ჩვენ განვსაზღვრავთ საჯარო პირებს, როგორც სახელმწიფო და ეროვნული დონის მთავრობის წარმომადგენლებს, ამ ოფისების პოლიტიკურ კანდიდატებს, მილიონზე მეტი გულშემატკივრის ან მიმდევრის მქონეებს სოციალურ მედიაში და ადამიანებს, რომლებიც იღებენ მნიშვნელოვან სიახლეებს.
კერძო პირებს შემდეგნაირად ვიცავთ: ვშლით ისეთ შიგთავსს, რომლის მიზანია დამცირება ან შერცხვენა, მაგალითად, განცხადებები პირადი სექსუალური აქტივობის შესახებ. ვიცით, რომ ჩაგვრასა და შევიწროებას შეიძლება მეტი ემოციური გავლენა ჰქონდეს არასრულწლოვანებზე, ამიტომ ჩვენი დებულებები გაძლიერებულ დაცვას უზრუნველყოფს 18 წლამდე მომხმარებლებისთვის, მათი სტატუსის მიუხედავად.
კონტექსტი და განზრახვა მნიშვნელოვანია, ჩვენ ნებას ვრთავთ ადამიანებს გამოაქვეყნონ და გააზიარონ პოსტები, თუ მკაფიოდ ჩანს, რომ გაზიარება მოხდა ჩაგვრისა და შევიწროების დასაგმობად ან მასზე ყურადღების მიპყრობის მიზნით. ზოგიერთ შემთხვევებში, გვჭირდება თვით-შეტყობინება ეს გვეხმარება იმის გაგებაში, სამიზნე ობიექტი გრძნობს თუ არა ჩაგვრას ან შევიწროებას. მსგავსი ქცევის ან შიგთავსის შესახებ შეტყობინების დამატებით, ჩვენ ვურჩევთ ადამიანებს, გამოიყენონ ჩვენს პლატფორმაზე ხელმისაწვდომი ინსტრუმენტები, რომლებიც მათ ხსენებული ქცევისა და შიგთავსისგან დაცვაში დაეხმარებათ.
ჩვენთან ასევე არსებობს ბულინგის პრევენციის ცენტრი, რომელიც არის წყარო არასრულწლოვანებისთვის, მშობლებისა და მასწავლებელთათვის, რომლებიც ეძებენ მხარდაჭერას ჩაგვრასა და სხვა კონფლიქტებთან დაკავშირებით. იგი მოიცავს ნაბიჯ-ნაბიჯ მითითებებს, მათ შორისაა ინფორმაცია, თუ როგორ დავიწყოთ საუბარი ჩაგვრის შესახებ. შეიტყვეთ მეტი ინფორმაცია იმაზე, თუ როგორ ვიცავთ ადამიანებს ჩაგვრისა და შევიწროებისგან აქ.