تشدد اور اشتعال

پالیسی کی تفصیلات
صارف کے تجربات
ڈیٹا

پالیسی کی تفصیلات

تبدیلی کا لاگ
پالیسی کا استدلال
ہمارا مقصد ایسے ممکنہ آف لائن تشدد کو روکنا ہے جو ہمارے پلیٹ فارمز پر موجود کنٹنٹ سے متعلق ہو سکتا ہے۔ حالانکہ ہم یہ سمجھتے ہیں کہ لوگ عام طور پر غیر سنجیدہ اور بے تکلف انداز سے دھمکی دے کر یا تشدد کا مطالبہ کر کے تحقیر یا اختلاف کا اظہار کرتے ہیں، تاہم ہم ایسی زبان کو ہٹا دیتے ہیں جو سنگین تشدد کو بھڑکاتی یا اس میں سہولت فراہم کرتی ہے نیز عوامی یا ذاتی تحفظ کیلئے قابل یقین خطرات پیدا کرتی ہے۔ اس میں کسی فرد یا لوگوں کے گروپ کو ان کی تحفظ یافتہ خصوصیت (خصوصیات) یا امیگریشن کے سٹیٹس کی بنیاد پر نشانہ بنانے والے پُرتشدد مواد شامل ہیں۔ جب ہمیں لگتا ہے کہ جسمانی نقصان کا حقیقی خطرہ یا عوامی تحفظ کو براہ راست خطرات لاحق ہیں تو ہم مواد کو ہٹا دیتے ہیں، اکاؤنٹس کو غیر فعال کرتے ہیں اور قانون نافذ کرنے والے اداروں کی مدد لیتے ہیں۔ ہم عام یا بیداری پیدا کرنے والے بیانات اور عوامی یا ذاتی تحفظ کیلئے قابل اعتماد خطرہ بننے والے مواد میں تفریق کرنے کیلئے زبان اور سیاق و سباق کو بھی زیر غور لانے کی کوشش کرتے ہیں۔ یہ تعین کرنے کیلئے کہ آیا خطرہ قابل یقین ہے، ہم فرد کی عوامی موجودگی اور اس کے جسمانی تحفظ کیلئے خطرات جیسی اضافی معلومات کو بھی زیر غور لا سکتے ہیں۔
کچھ معاملات میں ہم تشدد کے خواہش طلبی یا مشروط خطرات دیکھتے ہیں، بشمول اس امید کا اظہار کہ دہشت گردوں یا دیگر تشدد پسند افراد کے خلاف تشدد کا ارتکاب کیا جائے گا (جیسے، "دہشت گردوں کو جان سے مار دیا جانا چاہیے"، "مجھے امید ہے کہ وہ دہشت گردوں کو مار ڈالیں گے")۔ ہم اس کے برعکس انہیں مخصوص ثبوت و شواہد کی غیر موجودگی میں قابل اعتماد نہیں مانتے ہیں۔
ہم ہٹا دیتے ہیں:
ہم مختلف اہداف کے خلاف تشدد کی دھمکیوں کو ہٹا دیتے ہیں۔ تشدد کی دھمکیاں ایسے بیانات یا ویژوئلز ہیں جن سے کسی ہدف کے خلاف تشدد کے ارادے، یا اس کی خواہش ظاہر کی جاتی ہے یا اس کا مطالبہ کیا جاتا ہے اور دھمکیوں کو مختلف قسم کے بیانات سے تعبیر کیا جا سکتا ہے جیسے تشدد کرنے کے ارادے والے بیانات، تشدد کرنے کے مطالبات، اس کی وکالت، اس کی امید یا خواہش ظاہر کرنے والے بیانات اور مشروط بیانات۔
ہم دھمکیوں کو اس وقت ممنوع قرار نہیں دیتے جب انہیں آگاہی بڑھانے یا مذمت کرنے والے تناظر میں شیئر کیا جاتا ہے، جب رابطے کے کھیلوں کے تناظر میں کم شدید دھمکیاں دی جاتی ہیں یا مخصوص دھمکیاں جو تشدد پسند لوگوں، جیسے دہشت گرد گروپس کے خلاف دی جاتی ہیں۔
ہر ایک کیلئے عالمی تحفظات
مندرجہ ذیل دھمکیوں سے ہر کسی کی حفاظت کی جاتی ہے:
  • تشدد کی دھمکیاں جو موت کا باعث بن سکتی ہیں (یا انتہائی شدید تشدد کی دوسری شکلیں)
  • تشدد کی دھمکیاں جو سنگین چوٹ کا باعث بن سکتی ہیں (متوسط درجے کی شدت والا تشدد)۔ ہم عوامی شخصیات اور غیر تحفظ یافتہ خصوصیات والے لوگوں کے گروپس کے خلاف ایسی دھمکیوں کو ہٹا دیتے ہیں جو قابل اعتبار قابل اعتماد اور ممکنہ طور پر قابل عمل ہو سکتے ہیں، اور کسی بھی دوسرے اہداف (بشمول تحفظ یافتہ خصوصیات کے حامل لوگوں کے گروپس) کے خلاف ان دھمکیوں کو ہٹا دیتے ہیں، اس قطع نظر کہ وہ دھمکیاں قابل اعتبار ہیں یا نہیں
  • انتہائی شدید یا درمیانے درجے کی شدت والے تشدد کے اعترافات (تحریری یا زبانی شکل میں یا مجرم یا کسی ساتھی کے ذریعے ویژوئل طور پر دکھایا گیا ہو) سوائے اس تشدد کے جو تلافی، اپنے دفاع، رابطے والے کھیلوں (درمیانے درجے کی یا اس سے کم شدت والے) کے سیاق و سباق میں شیئر کیا گیا ہو یا جب اس تشدد کا ارتکاب قانون نافذ کرنے والوں، فوجی یا ریاستی سیکورٹی اہلکاروں کے ذریعہ کیا گیا ہو
  • دھمکیاں یا اغوا کرنے یا اٹھا لے جانے کی تصویر کشی، الّا یہ کہ یہ واضح ہو کہ اس کنٹنٹ کو متاثرہ یا اس کے خاندان کی طرف سے مدد کی التجا کے طور پر شیئر کیا جا رہا ہے یا معلوماتی، مذمت یا بیداری کے مقاصد کیلئے شیئر کیا گیا ہے
عوام الناس، تمام بچوں، زیادہ خطرے سے دوچار افراد اور وہ افراد یا گروہ جو تحفظ یافتہ خصوصیات کے حامل ہیں:
ہر کسی کیلئے عالمی معیار کے تحفظات کے علاوہ، تمام بالغ افراد (یعنی عام افراد جب وہ خود اطلاع دیں)، بچوں اور تحفظ یافتہ خصوصیت کے حامل افراد یا گروہوں، جنہيں ان کی مخصوص وابستگی (جیسے مذہب، رنگ اور نسل وغیرہ) کی بنیاد پر نشانہ بنایا جاتا ہے، کو کم شدت والے تشدد کی دھمکیوں سے تحفظ فراہم کیا جاتا ہے۔
دیگر تشدد
اوپر درج تمام تحفظات کے علاوہ، ہم درج ذیل کو بھی ہٹا دیتے ہیں:
  • ایسا کنٹنٹ جو انتہائی شدید تشدد کی سروسز طلب کرتا ہے، آفر کرتا ہے یا اس کا اعتراف کرتا ہے (مثلاً، ہٹ مین، کرائے کے سپاہی، قاتل، خواتین کے جنسی اعضا کو مسخ کرنے والے) یا وہ کنٹنٹ جو ان سروسز کے استعمال کی وکالت کرتا ہے
  • ہتھیار بنانے یا استعمال کرنے کے طریقے کے تعلق سے ہدایات جہاں واضح زبان میں لوگوں کو شدید زخمی کرنے یا مارنے کا مقصد بتایا گیا ہو یا ایسی تصویر جو حتمی نتیجہ کو ظاہر کرتی ہو یا اس کی نقل کرتی ہو، الّا یہ کہ مواد غیر متشدد مقصد جیسے کہ تعلیمی سیلف ڈیفنس (مثال کے طور پر جنگی تربیت، مارشل آرٹس) اور فوجی تربیت کے تناظر میں ہو
  • دھماکہ خیز مواد بنانے یا استعمال کرنے کے تعلق سے ہدایات، الّا یہ کہ ایسے سیاق و سباق کے ساتھ ہو کہ مواد غیر متشدد مقصد جیسے تفریحی استعمال (مثال کے طور پر، آتش بازی اور کمرشل ویڈیو گیمز، ماہی گیری) کیلئے ہے
  • ہتھیار اٹھانے یا کسی مقام پر ہتھیار لانے یا زبردستی کسی مقام میں داخل ہونے کی دھمکیاں (جن میں عبادت گاہیں، تعلیمی مقامات، پولنگ کے مقامات یا ووٹوں کی گنتی یا الیکشن کا انتظام کرنے کیلئے استعمال کیے جانے والے مقامات بلا تحدید شامل ہیں) یا ایسے مقامات جہاں تشدد کے بڑھتے ہوئے خطرے کے عارضی اشارے موجود ہیں۔
  • ووٹنگ، ووٹر رجسٹریشن یا الیکشن کے انتظام یا نتائج سے متعلق تشدد کی دھمکیاں، چاہے کوئی ہدف نہ ہو۔
  • صنفی بنیاد پر ہونے والے تشدد کی تعریف کرنا جو کہ انٹیمیٹ پارٹنر کی جانب سے واقع ہوتا ہے یا کبھی غیرت کی بنیاد پر ہوتا ہے
مندرجہ ذیل کمیونٹی کے معیارات کیلئے، ہمیں نفاذ کی خاطر اضافی معلومات اور/یا سیاق و سباق کی ضرورت ہوتی ہے:
ہم ہٹا دیتے ہیں:
  • قانون نافذ کرنے والے افسران یا الیکشن کے اہلکاروں کے خلاف دھمکیاں، چاہے ان کی عوامی شخصیت کا اسٹیٹس کچھ بھی ہو اور دھمکی قابل اعتماد ہو یا نہ ہو۔
  • ایسے کوڈ والے بیانات جن میں تشدد کا طریقہ واضح طور پر بیان نہیں کیا گیا ہو لیکن دھمکی پوشیدہ یا مضمر ہو، جیسا کہ درج ذیل لسٹ میں موجود خطرے کے سگنل اور سیاق و سباق کے سگنل دونوں کے امتزاج سے دکھایا گیا ہے۔
    • دھمکی: کوڈ والا وہ بیان جو درج ذیل میں سے ایک ہو:
      • انتقام کے تناظر میں شیئر کیا گیا مواد (مثال کے طور پر، کسی شکایت یا دھمکی کے جواب میں دوسروں کے خلاف تشدد کی خواہش کا اظہار جو حقیقی، ظاہری یا متوقع ہو سکتا ہے)
      • تشدد کے تاریخی یا افسانوی واقعات کا حوالہ (مثلاً خیالی انداز میں یا تاریخ میں پیش آنے والے تشدد کے مشہور تاریخی واقعات کا حوالہ دے کر دوسروں کو دھمکی دینے والا مواد)
      • ایسی دھمکی جس کے ذریعے لوگوں کو بھڑکایا گیا ہو (مثلاً، ایسا مواد جو دوسروں کو تشدد کرنے یا تشدد میں شامل ہونے کی دعوت یا ترغیب دیتا ہو)شدد کرنے یا تشدد میں شامل ہونے کی دعوت یا ترغیب دیتا ہے)
      • ایسی حساس معلومات کا علم ہونے کی نشاندہی یا اسے شیئر کرنے والا مواد جس سے دوسروں پر تشدد ہو سکتا ہو (مثلاً، ایسا مواد جو یہ بتاتا ہو کہ اس میں کسی کی ذاتی معلومات ہے یا ہو سکتی ہے، جس کے نتیجے میں تشدد کا خطرہ مزید بڑھ جاتا ہے۔ اس میں کسی فرد کے رہائشی پتے، ان کے روزگار یا تعلیم کی جگہ، روزانہ سفر کے راستوں یا موجودہ مقام کی معلومات اشارتاً ظاہر کرنا شامل ہے)
    • سیاق و سباق
      • مقامی سیاق و سباق یا ماہرین اس بات کی تصدیق کرتے ہیں کہ زیر بحث بیان فوری تشدد کا باعث بن سکتا ہے۔
      • مواد کا ہدف یا آتھرائزڈ نمائندہ ہمیں مواد کی رپورٹ کرتا ہے۔
      • ہدف ایک بچہ ہے۔
  • مقامات پر اسلحہ لانے کی مضمر دھمکیاں، جس میں عبادت گاہیں، تعلیمی مقامات، پولنگ کے مقامات یا ووٹوں کی گنتی یا الیکشن کا انتظام کرنے کیلئے استعمال کیے جانے والے مقامات شامل ہیں لیکن ان تک محدود نہیں ہیں (یا دوسروں کو ایسا کرنے کی ترغیب دینا) یا ایسے مقامات جہاں تشدد کے بڑھتے ہوئے خطرے کے عارضی اشارے موجود ہیں۔
  • الیکشن کے تعلق سے بدعنوانی، بے ضابطگیاں یا تعصب کے بارے میں دعوے یا قیاس آرائیاں جب اس کے ساتھ ایسے اشارے موجود ہوں کہ مواد میں تشدد کی دھمکی دی جا رہی ہے (مثلاً، ہتھیار اٹھانے یا لانے کی دھمکیاں، ہتھیار کی بصری عکاسی، آتش زنی، چوری، توڑ پھوڑ کے حوالے) بشمول:
    • فرد (افراد) کو ہدف بنانا
    • کسی مخصوص لوکیشن (ریاست یا اس سے چھوٹی جگہ) کو ہدف بنانا
    • جہاں ہدف واضح نہ ہو
  • الیکشن سے متعلق اجتماعات یا ایونٹس کے حوالہ جات جب اس کے ساتھ ایسے اشارے موجود ہوں کہ مواد میں تشدد کی دھمکی دی جا رہی ہے (مثلاً، ہتھیار اٹھانے یا لانے کی دھمکیاں، ہتھیار کی نمائش، آتش زنی، چوری، توڑ پھوڑ کی باتیں کی جا رہی ہوں)۔
  • اپنے یا کسی دوسرے انسان کے دفاع میں بہت زیادہ یا متوسط درجے کی شدت والے تشدد کے خطرات جب درج ذیل معیار کے مطابق ہوں۔
    • کسی شخص کے خلاف (چہرے سے قابل شناخت افراد کے علاوہ، ان کی تحفظ یافتہ خصوصیات کی بنیاد پر ہدف بنائے گئے افراد، اور بچے)
    • گھر میں داخلے یا باہمی تشدد کے تناظر میں جو پُر تشدد ردعمل کے متناسب ہو اور جس میں فوری خطرہ لاحق ہو
    • اظہار رائے پر ممکنہ اثر فوری تشدد کے خطرے سے زیادہ ہو
صارف کے تجربات
اس حوالے سے چند مثالیں دیکھیں کہ Facebook پر موجود لوگوں کو اصولوں کا نفاذ کیسا نظر آتا ہے، جیسے کہ: آپ کے خیال میں جس چیز کو Facebook پر نہیں ہونا چاہیے اس کی رپورٹ کیسے کی جاتی ہے، یہ کیسے بتایا جاتا ہے کہ آپ نے ہماری کمیونٹی کے معیارات کی خلاف ورزی کی ہے اور کسی کنٹنٹ پر وارننگ سکرین دیکھنا کیسا لگتا ہے۔
نوٹ: ہم ہمیشہ بہتری کی طرف گامزن ہیں، لہذا آپ یہاں جو کچھ دیکھ رہے ہیں وہ اس سے تھوڑا پرانا ہو سکتا ہے جو ہم فی الحال استعمال کر رہے ہیں۔
صارف کا تجربہ
رپورٹ کرنا
صارف کا تجربہ
رپورٹ کے بعد ہونے والی بات چیت
صارف کا تجربہ
ہٹائے جانے کا تجربہ
صارف کا تجربہ
وارننگ سکرینز
ڈیٹا
کمیونٹی کے معیارات کے نفاذ کی تازہ ترین رپورٹ دیکھیں
نفاذ
ہماری پالیسیاں Facebook استعمال کرنے والے دنیا کے تمام صارفین کیلئے ایک ہی ہیں۔
جائزہ کار ٹیم
Facebook پر لوگوں کو محفوظ رکھنے کیلئے 15,000 سے زائد جائزہ لینے والوں کی ہماری عالمی ٹیم ہر روز کام کرتی ہے۔
سٹیک ہولڈر انگیجمنٹ
بیرونی ماہرین، اکیڈمکس، NGOs اور پالیسی ساز افراد Facebook کمیونٹی کے معیارات سے باخبر رکھنے میں مدد کرتے ہیں۔
تشدد اور اشتعال کے حوالے سے مدد حاصل کریں
اس بارے میں جانیں کہ اگر آپ کو Facebook پر کوئی ایسی چیز دکھائی دے جس سے ہماری کمیونٹی کے معیارات کی خلاف ورزی ہوتی ہو تو آپ کیا کر سکتے ہیں۔
ہمارے ہیلپ سنٹر پر جائیں