بچوں کا جنسی استحصال، بدسلوکی اور عریانیت

پالیسی کی تفصیلات
صارف کے تجربات
ڈیٹا

پالیسی کی تفصیلات

تبدیلی کا لاگ
پالیسی کا استدلال
ہم ایسے کنٹنٹ یا سرگرمی کی اجازت نہیں دیتے جس سے بچوں کا جنسی استحصال ہوتا ہو یا انہیں خطرہ لاحق ہوتا ہو۔ جب ہمیں واضح طور پر بچوں کے جنسی استحصال کا پتہ چلتا ہے تو قابل اطلاق قانون کے مطابق نیشنل سنٹر فار مسنگ اینڈ ایکسپلوئٹڈ چلڈرن (NCMEC) کو اس کی رپورٹ کرتے ہیں۔ ہم جانتے ہیں کہ بعض اوقات لوگ نیک ارادوں کے ساتھ خود اپنے بچوں کی عریاں تصاویر شیئر کر دیتے ہیں، تاہم، عموماً ہم ان تصاویر کو ہٹا دیتے ہیں تاکہ دوسرے ممکنہ طور پر اس کا غلط استعمال نہ کریں اور دیگر افراد ان تصاویر کو دوبارہ استعمال یا غلط طریقے سے استعمال نہ کر سکیں۔
ہم خاص طور پر بچوں سے جڑے آن لائن تحفظ کے مسائل پر اپنی پالیسیوں اور نفاذ کے حوالے سے بات چیت کرنے اور انہیں بہتر بنانے کیلئے بیرونی ماہرین بشمول ‏Meta کے تحفظ کے مشاورتی بورڈ کے ساتھ بھی کام کرتے ہیں۔ بچوں کے استحصال کے خلاف ہماری جانب سے استعمال کی جانے والی ٹیکنالوجی کے بارے میں مزید جانیں۔
درج ذیل کو پوسٹ نہ کریں:
بچوں کا جنسی استحصال
ایسا مواد، سرگرمی یا انٹریکشنز جس میں بچوں (بشمول حقیقی نابالغوں، نونہالوں یا چھوٹے بچوں یا انسان نما چیزوں جیسے آرٹ، AI کی مدد سے بنایا گیا مواد، خیالی کردار، گڑیا وغیرہ جیسی غیر حقیقی چیزوں) کے جنسی استحصال کی دھمکیاں دی گئیں ہوں، اس کی عکاسی، تعریف، حمایت کی گئی ہو، اس کی ہدایات فراہم کی گئی ہو، اس کے ارادے کا اظہار کیا گیا ہو، اس میں شرکت کو تسلیم کیا گیا ہو یا اس کے لنکس شیئر کیے گئے ہوں۔ اس میں مندرجہ ذیل چیزیں بلا تحدید شامل ہیں:
  • مباشرت
    • نمایاں طور پر مباشرت یا اورل سیکس، جسے کسی فرد کے منہ یا اعضائے تناسل کو کسی دوسرے فرد کے فرج یا مقعد میں داخل کرنے یا ایک دوسرے کے رابطے میں آنے کے طور پر بیان کیا گیا ہے، جہاں کم از کم ایک فرد کا اعضائے تناسل یا فرج ظاہر ہوتے ہیں۔
    • بظاہر مباشرت یا اورل سیکس، بشمول ایسی صورتحال جب رابطہ ہونے والا ہو یا براہ راست نظر نہ آتا ہو۔
    • اعضائے تناسل یا مقعد پر ہیجان پیدا کرنا، بشمول جب سرگرمی قریب الوقوع ہوتی ہے یا براہ راست نظر نہیں آتی ہے۔
    • مذکورہ بالا کسی بھی سرگرمی میں جانور کا شامل ہونا۔
  • جنسی سامان کے ساتھ بچے، بشمول لیکن بلا تحدید:
    • باندھنے کا سامان
    • جنسی ہیجان کی علامات
    • اعضائے تناسل یا فرج پر توجہ دینا
    • جنسی ہیجان والے بالغ کی موجودگی
    • جنسی کھلونے کی موجودگی یا جنسی ہیجان، تسکین یا جنسی بدسلوکی کیلئے استعمال ہونے والی کوئی چیز
    • شہوانی پوشاک
    • عریاں ہونا
    • منظم ماحول (مثال کے طور پر، بستر پر) یا پیشہ ورانہ شاٹ (معیار/ فوکس/ زاویہ)
    • کھلے منہ بوسہ لینا
    • انسانی چھاتی کے نپلز میں ہیجان پیدا کرنا اور خواتین کی چھاتی کو نچوڑنا (سوائے دودھ پلانے کے سیاق میں)
    • جنسی سرگرمی کی ضمنی پراڈکٹس کی موجودگی
  • بچوں کو جنسی خواہش کے سیاق و سباق میں شامل کرنے والا مواد
  • ایسا مواد جو بچوں سے جنسی رغبت کی حمایت کرتا ہو، اسے فروغ دیتا ہو، اس کی وکالت کرتا ہو یا ترغیب دیتا ہو بشرطیکہ اس میں صحت کے تناظر میں غیر جانبدارانہ بحث نہ کی گئی ہو
  • ایسا مواد جس میں بچوں کے جنسی استحصال کے مبینہ متاثرین کی نام یا تصویر کے ذریعے شناخت کی جاتی ہے یا ان کا مذاق اڑایا جاتا ہے
ترغیب
ایسا مواد جس میں جنسی مواد یا سرگرمی میں بچوں کو دکھانے یا شامل کرنے کا مطالبہ کیا جاتا ہے، اسے یہ کہا جاتا ہے:
  • بچوں کے ساتھ جنسی بدسلوکی کا مواد (CSAM)
  • حقیقی یا غیر حقیقی بچوں کی برہنہ تصویر
  • حقیقی یا غیر حقیقی بچوں کی جنسی تصویر
بچوں کے ساتھ غیر مناسب انٹریکشنز
ایسا کنٹنٹ جس میں بچوں کے ساتھ غیر مناسب انٹریکشنز ہوتا ہے یا اس کی سہولت دی جاتی ہے، جیسے:
  • بچوں کے ساتھ جنسی تعلقات قائم کرنے کی درخواست کرنا، اس کا اہتمام کرنا یا منصوبہ بنانا
  • جنسی گفتگو کے ذریعے بچوں کو جنسی سرگرمی میں مشغول کرنے کیلئے آمادہ کرنا یا بچوں کو جان بوجھ کر جنسی نوعیت کا کنٹنٹ دکھا کر یا پرائیویٹ میسجز کے ذریعے بچوں کو جنسی کنٹنٹ پیش کرنا، دکھانا، ان سے حاصل کرنا یا اس کی درخواست کرنا
  • بچوں کے ساتھ پرائیویٹ میسجز میں مضمر جنسی گفتگو کرنا
  • پرائیویٹ میسجز میں بچوں سے جنسی مواد حاصل کرنا یا مانگنا
استحصالی انٹیمیٹ تصاویر اور سیکس ٹورشن
ایسا مواد جس میں درج ذیل چیزوں سے حقیقی بچوں کا استحصال کرنے کی کوشش کی جاتی ہے:
  • حقیقی یا غیر حقیقی نجی تصاویر یا معلومات افشاء کرنے کی دھمکی دے کر زبردستی پیسے، جنسی فعل یا نجی تصاویر کا مطالبہ کرنا
  • شہوت انگیز نجی گفتگو یا حقیقی یا غیر حقیقی نجی تصاویر کو شیئر کرنا، شیئر کرنے کی دھمکی دینا یا ارادہ ظاہر کرنا
بچوں کو شہوانی انداز میں دکھانا
  • ایسا مواد (بشمول تصاوير، ویڈیوز، ریئل ورلڈ آرٹ، ڈیجیٹل مواد اور زبانی اظہار) جس میں حقیقی یا غیر حقیقی بچوں کو جنسی انداز میں دکھایا جاتا ہے
  • حقیقی یا غیر حقیقی بچوں کو جنسی انداز میں دکھانے والے گروپس، پیجز اور پروفائلز
بچوں کی عریانیت
ایسا مواد جس میں حقیقی یا غیر حقیقی بچوں کی عریانیت دکھائی جاتی ہے جہاں عریانیت کو یوں بیان کیا جاتا ہے:
  • حقیقی یا غیر حقیقی بچوں کے اعضاء تناسل کو قریب سے دکھانا
  • حقیقی یا غیر حقیقی ننگے چھوٹے بچوں کی یہ چیزیں دکھانا:
    • اعضائے تناسل، خواہ کسی شفاف کپڑے میں چھپے ہوئے یا غیر واضح ہوں
    • مقعد اور/یا مکمل عریاں کولہوں کو قریب سے دکھانا
  • حقیقی یا غیر حقیقی برہنہ نابالغ بچوں کی یہ چیزیں دکھانا:
    • اعضائے تناسل (بشمول صرف زیر ناف بالوں یا شفاف کپڑے سے چھپایا ہوا عضو تناسل)
    • مقعد اور/یا مکمل عریاں کولہوں کو قریب سے دکھانا
    • خاتون کے بے پردہ نپلز
    • گردن سے لے کر گھٹنوں تک کپڑے کے بغیر - خواہ اعضائے تناسل یا خاتون کے نپلز نظر نہ آئیں
  • بجز اس کے کہ غیر حقیقی تصاویر صحت کے مقاصد کیلئے ہوں یا فن مصوری کے ذریعے بچے کی عریانیت کا غیر جنسی اظہار کیا جائے
بچوں کے ساتھ غیر جنسی زیادتی
ایسی ویڈیوز یا تصاویر جن میں شیئر کرنے کے ارادے سے قطع نظر حقیقی یا غیر حقیقی بچوں کے ساتھ غیر جنسی زیادتی دکھائی جاتی ہے، بجز اس کے کہ تصویر کا تعلق فن مصوری، کارٹون، فلموں یا ویڈیو گیمز سے ہو
ایسا کنٹنٹ جس میں بچوں کے ساتھ غیر جنسی زیادتی میں حصہ لینے کیلئے ہدایات فراہم کی جاتی ہیں یا ان کی حوصلہ افزائی، تائید، پروموٹ اور حمایت کی جاتی ہے
بچوں کے جنسی استحصال، بدسلوکی اور عریانیت (CSEAN) سے متعلق ہماری پالیسیوں کی خلاف ورزی کرنے والے اکاؤنٹس کو ہٹانے کے علاوہ، ہمارے جائزہ کاران اور خودکار سسٹمز ممکنہ طور پر ناپسندیدہ یا غیر محفوظ انٹریکشنز کو روکنے میں مدد کیلئے مختلف اقسام کے سگنلز پر غور کرتے ہیں۔
  • ہم درج ذیل کی بنیاد پر بالغوں کیلئے اکاؤنٹس کو غیر فعال کر سکتے ہیں یا پراڈکٹس اور فیچرز (مثلاً، کچھ مخصوص اکاؤنٹس کو فالو کرنے کی اہلیت) تک رسائی کو محدود کر سکتے ہیں، جیسے دوسرے اکاؤنٹس کے ساتھ ان کے انٹریکشنز، خلاف ورزی کرنے والے کنٹنٹ کی تلاش یا اس کے ساتھ انٹریکشن (مثلاً، لائک کرنا یا محفوظ کرنا)، یا ایسی کمیونٹیز (مثلاً گروپس) میں ممبرشپ جنہیں ہم نے ہماری پالیسیوں کی خلاف ورزی کرنے کے سبب ہٹا دیا ہے۔
درج ذیل کنٹنٹ کیلئے، ہم ایک وارننگ سکرین شامل کرتے ہیں تاکہ لوگوں کو معلوم ہو سکے کہ کنٹنٹ پریشان کن ہو سکتا ہے اور کنٹنٹ کو اٹھارہ سال یا اس سے زیادہ عمر کے بالغوں کے دیکھنے کیلئے محدود کر دیتے ہیں:
  • ایسی ویڈیوز یا تصاوير جن میں پولس افسران یا فوجی اہلکار بچوں کے ساتھ غیر جنسی زیادتی کرتے ہوئے نظر آتے ہیں
  • بچوں کے ساتھ غیر جنسی زیادتی کی ویڈیوز یا تصاویر، جب قانون نافذ کرنے والے ادارے، بچوں کا تحفظ کرنے والی ایجنسیاں، یا بھروسہ مند حفاظتی پارٹنرز درخواست کرتے ہیں کہ ہم کسی بچے کو واپس حفاظت میں لانے کے واضح مقصد کیلئے پلیٹ فارم پر مواد چھوڑیں
مندرجہ ذیل کنٹنٹ کیلئے ہم ایک حساسیت کی سکرین شامل کرتے ہیں تاکہ لوگ باخبر رہیں کہ یہ کنٹنٹ کچھ لوگوں کیلئے پریشان کن ہو سکتا ہے:
  • ایسی ویڈیوز یا تصاوير جن میں کسی بچے کو مذہبی رسومات کے تناظر میں پانی کے اندر پُرتشدد طریقے سے ڈبویا جا رہا ہو
مندرجہ ذیل کمیونٹی کے معیارات کیلئے، ہمیں نفاذ کی خاطر اضافی معلومات اور/یا سیاق و سباق کی ضرورت ہوتی ہے:
مندرجہ ذیل مواد کیلئے ہم ایک وارننگ لیبل شامل کرتے ہیں تاکہ لوگ باخبر رہیں کہ مواد حساس بھی ہو سکتا ہے:
  • نیوز ایجنسی کی طرف سے پوسٹ کردہ تصاویر جن میں قحط، نسل کشی، جنگی جرائم، یا انسانیت کے خلاف جرائم کے تناظر میں بچوں کی عریانیت دکھائی جاتی ہے الا یہ کہ اس میں خلاف ورزی والا کیپشن شامل ہو یا خلاف ورزی کے تناظر میں شیئر کیا گیا ہو، جس کیس میں مواد کو ہٹا دیا جاتا ہے
ہم نیوز میڈیا پارٹنرز، NGOs یا دیگر قابل اعتماد حفاظتی پارٹنرز کے ذریعے رپورٹ کیے جانے پر بچوں کے ساتھ غیر جنسی زیادتی کے بعد کی تصویر کشی کو ہٹا سکتے ہیں۔
ہم ایسے مواد کو ہٹا سکتے ہیں جس سے بچوں کے جنسی استحصال کے مبینہ متاثرین کی ان کے نام یا تصاویر کے علاوہ دیگر ذرائع سے شناخت ہوتی ہو اگر مواد میں ایسی معلومات شامل ہو جس سے فرد کی شناخت کا امکان ہو۔
اگر نابالغ کی حفاظت کو خطرہ ہو تو ہم کسی نجی نابالغ کی شناخت کے مقصد سے بنائے گئے کنٹنٹ کو ہٹا سکتے ہیں، جب قانون نافذ کرنے والے ادارے، حکومت، قابل اعتماد پارٹنر کی طرف سے درخواست کی گئی ہو، یا خود نابالغ یا نابالغ کے والدین/قانونی سرپرست کی طرف سے کنٹنٹ کی رپورٹ کی گئی ہو
صارف کے تجربات
اس حوالے سے چند مثالیں دیکھیں کہ Facebook پر موجود لوگوں کو اصولوں کا نفاذ کیسا نظر آتا ہے، جیسے کہ: آپ کے خیال میں جس چیز کو Facebook پر نہیں ہونا چاہیے اس کی رپورٹ کیسے کی جاتی ہے، یہ کیسے بتایا جاتا ہے کہ آپ نے ہماری کمیونٹی کے معیارات کی خلاف ورزی کی ہے اور کسی کنٹنٹ پر وارننگ سکرین دیکھنا کیسا لگتا ہے۔
نوٹ: ہم ہمیشہ بہتری کی طرف گامزن ہیں، لہذا آپ یہاں جو کچھ دیکھ رہے ہیں وہ اس سے تھوڑا پرانا ہو سکتا ہے جو ہم فی الحال استعمال کر رہے ہیں۔
صارف کا تجربہ
رپورٹ کرنا
صارف کا تجربہ
رپورٹ کے بعد ہونے والی بات چیت
صارف کا تجربہ
ہٹائے جانے کا تجربہ
صارف کا تجربہ
وارننگ سکرینز
ڈیٹا
کمیونٹی کے معیارات کے نفاذ کی تازہ ترین رپورٹ دیکھیں
نفاذ
ہماری پالیسیاں Facebook استعمال کرنے والے دنیا کے تمام صارفین کیلئے ایک ہی ہیں۔
جائزہ کار ٹیم
Facebook پر لوگوں کو محفوظ رکھنے کیلئے 15,000 سے زائد جائزہ لینے والوں کی ہماری عالمی ٹیم ہر روز کام کرتی ہے۔
سٹیک ہولڈر انگیجمنٹ
بیرونی ماہرین، اکیڈمکس، NGOs اور پالیسی ساز افراد Facebook کمیونٹی کے معیارات سے باخبر رکھنے میں مدد کرتے ہیں۔
بچوں کا جنسی استحصال، بدسلوکی اور عریانیت کے حوالے سے مدد حاصل کریں
اس بارے میں جانیں کہ اگر آپ کو Facebook پر کوئی ایسی چیز دکھائی دے جس سے ہماری کمیونٹی کے معیارات کی خلاف ورزی ہوتی ہو تو آپ کیا کر سکتے ہیں۔
ہمارے ہیلپ سنٹر پر جائیں