ප්‍රචණ්ඩත්වය සහ උසිගැන්වීම

ප්‍රතිපත්ති විස්තර
පරිශීලක අත්දැකීම්
දත්ත

ප්‍රතිපත්ති තොරතුරු

වෙනස් කරන ලොගය
ප්‍රතිපත්ති තාර්කිකත්වය
අපගේ වේදිකාව මත ඇති අන්තර්ගතයට සම්බන්ධයක් තිබිය හැකි විජාලස්ථ ප්‍රචණ්ඩත්වය විය හැකි කරුණු වැළැක්වීම අපි අරමුණු කරමු. පුද්ගලයන් විසින් බැරෑරුම් නොවන හෝ අනියම් ක්‍රමවලින් තර්ජනය කිරීමෙන් හෝ ප්‍රචණ්ඩත්වය සඳහා උසි ගැන්වීමෙන් අවඥාව හෝ විරුද්ධත්වය ප්‍රකාශ කිරීම සුලභව සිදු කරන බව අපගේ අවබෝධයට යටත් වන අතර ම, ප්‍රචණ්ඩත්වය උසි ගන්වන හෝ ඊට පහසුකම් සලසන භාෂාව සහ මහජන හෝ පුද්ගලික ආරක්ෂාවට විශ්වාස කළ හැකි තර්ජනයක් විය හැකි දෑ අපි ඉවත් කරන්නෙමු. මීට යම් පුද්ගලයකුගේ හෝ පුද්ගල කණ්ඩායමකගේ ආරක්ෂිත ගුණාංගයක්/ගුණාංග හෝ සංක්‍රාමික තත්ත්වය පදනම්ව ඔවුන් ඉලක්ක කරගත් ප්‍රචණ්ඩකාරී භාෂණය අයත් වේ. ශාරීරික පීඩා ඇති වීමේ සැබෑ අවදානමක් හෝ මහජන ආරක්ෂාවට හෝ ඍජු තර්ජනයක් ඇති බව විශ්වාස කරන විට, අපි අන්තර්ගතයන් ඉවත් කිරීම, ගිණුම් අබල කිරීම සහ නීතිය බලාත්මක කිරීමේ බලධාරීන් සමග කටයුතු කිරීම සිදු කරමු. මහජන සහ පුද්ගලික ආරක්‍ෂාවට තර්ජනයක් විය හැකි බවට විශ්වාස කළ හැකි කරුණු අඩංගු අන්තර්ගතවලින් සාමාන්‍ය හෝ දැනුවත් කිරීමේ ප්‍රකාශ වෙන් කර හඳුනා ගැනීම පිණිස භාෂා ව්‍යවහාරය සහ පසුබිම සලකා බැලීමට ද අපි උත්සාහ කරමු. යමක් තර්ජනයක් බවට විශ්වාස කළ හැකි ද යන්න තීරණ කිරීමේ දී, අප විසින් පුද්ගලයෙකුගේ මහජන දෘශ්‍යතාව සහ ඔවුන්ගේ ශාරීරික ආරක්ෂාවට ඇති අවදානම් වැනි අමතර තොරතුරු ද සලකා බැලීමට ඉඩ ඇත.
ඇතැම් අවස්ථාවල දී, ත්‍රස්තවාදීන් සහ වෙනත් ප්‍රචණ්ඩකාරී ලෙස කටයුතු කරන්නන් ඉලක්ක කරගත් ප්‍රචණ්ඩත්වය සිදු කරනු ඇතැයි යන අපේක්ෂාව පාදක කරගත් අදහස් ප්‍රකාශ කිරීම් ඇතුළුව, අභිප්‍රායී හෝ ආවස්ථික ප්‍රචණ්ඩකාරී තර්ජනයන් අපට දැක ගන්නට ලැබේ (උදා: “ත්‍රස්තවාදීන් මරා දැමිය යුතුයි,” “ත්‍රස්තවාදීන්ව මරා දමනු ඇතැයි මම අපේක්ෂා කරමි”). එකී විශ්වස්‍ය නොවන, නිශ්චිත සාක්ෂි නොමැති කරුණු ඊට පටහැනි ලෙස අපි සලකන්නෙමු.
අපි පහත දේ ඉවත් කරන්නෙමු:
විවිධ ඉලක්කවලට ඇතිවන ප්‍රචණ්ඩත්වයේ තර්ජන අපි ඉවත් කරන්නෙමු. ප්‍රචණ්ඩත්වයේ තර්ජන යනු ඉලක්කයකට එරෙහිව ප්‍රචණ්ඩත්වය ක්‍රියාත්මක කිරීමේ අභිප්‍රායක්, අභිලාෂයක් හෝ එසේ කිරීමට උපදෙස් දීමක් නියෝජනය කරන ප්‍රකාශයන් හෝ දෘශ්‍ය රූප වන අතර තර්ජනයන් අභිප්‍රාය දැක්වීමේ ප්‍රකාශ, ක්‍රියාත්මක වීම සඳහා උපදෙස් දීමේ ප්‍රකාශ, අනුබල සැපයීමේ ප්‍රකාශ, අපේක්ෂාව හැඟවීම, අභිලාෂාත්මක ප්‍රකාශ සහ කොන්දේසි සගහත ප්‍රකාශ වැනි විවිධ ආකාරයේ ප්‍රකාශවලින් දැක්විය හැකි ය.
ස්පර්ශනීය ක්‍රීඩා තුළ බරපතළ බවින් අඩු තර්ජන සිදු කෙරෙන විට හෝ ත්‍රස්තවාදී කණ්ඩායම් වැනි ප්‍රචණ්ඩකාරී ලෙස කටයුතු කරන්නන්ට එරෙහි ඇතැම් තර්ජන දැනුවත්භාවය ඉහළ නැංවීමේ හෝ හෙළා දැකීමේ සන්දර්භයක් තුළ බෙදාගන්නා විට අප තර්ජන තහනම් කරන්නේ නැත.
සියලු දෙනා සඳහා ම සාර්වත්‍ර ආරක්ෂණ
පහත සඳහන් තර්ජනවලින් සියලු දෙනාම ආරක්ෂා වී ඇත:
  • මරණය ඇති කළ හැකි ප්‍රචණ්ඩ තර්ජන (නැතහොත් වෙනත් ආකාරයන්ගේ බරපතළ බව වැඩි ප්‍රචණ්ඩත්වය)
  • බරපතල තුවාල ඇති කළ හැකි ප්‍රචණ්ඩ තර්ජන (බරපතළ බව මධ්‍යම ප්‍රචණ්ඩත්වය). ප්‍රසිද්ධ චරිත වෙත සහ ආරක්ෂිත ලක්ෂණ මත පදනම් නොවූ කණ්ඩායම්වලට එරෙහිව ඇති විශ්වාස කළ හැකි තර්ජන අප ඉවත් කරන අතර, අපි විශ්වසනීය බව කුමක් වුවත් වෙනත් ඉලක්ක වෙත එල්ල කරන තර්ජන ද ඉවත් කරන්නෙමු (ආරක්ෂිත ලක්ෂණ මත පදනම් වූ කණ්ඩායම් ද ඇතුළුව)
  • යමකින් නිදහස් කරනු ලැබීමේ, ආත්ම ආරක්ෂාව, ස්පර්ශක ක්‍රීඩා වැනි සන්දර්භයක හෝ නීතිය බලාත්මක කිරීමේ ආයතන, හමුදා හෝ රජයේ ආරක්ෂක කාර්ය මණ්ඩලය විසින් සිදු කරන ලද අවස්ථාවක හැරුණු විට, බරපතළ බව වැඩි ප්‍රචණ්ඩත්වය හෝ මධ්‍යස්ථ ප්‍රමාණයේ ප්‍රචණ්ඩත්වයක (ලිඛිත හෝ වාචික ස්වරූපයෙන් හෝ අපරාධකරුවා විසින් දෘශ්‍ය ලෙස නිරූපණය කර ඇති) නියැළුණු බවට කෙරෙන පිළිගැනීම්
  • බලහත්කාරයෙන් රැගෙන යාම් හෝ පැහැර ගැනීම් නිරූපණය කරන, වින්දිතයෙකු හෝ ඔවුන්ගේ පවුලේ අය උදව් ඉල්ලා කරන ආයාචනයක් ලෙස බෙදා ගන්නා බව නොපෙනෙන, තොරතුරුමය, හෙළා දැකීමේ හෝ දැනුවත් කිරීමේ අරමුණු සඳහා බෙදා ගෙන නොමැති බව පැහැදිලිව නොපෙනෙන තර්ජන හෝ විස්තර
පෞද්ගලික වැඩිහිටියන්, සියලුම දරුවන්, අධි අවදානම් පුද්ගලයන් සහ ආරක්ෂිත ලක්ෂණ මත පදනම් වන කණ්ඩායම් හෝ පුද්ගලයන් සඳහා අතිරේක ආරක්ෂණයන්:
සියලු දෙනා වෙත ඇති විශ්වීය ආරක්ෂණයට අමතරව, සියලුම පෞද්ගලික වැඩිහිටියන් (ස්වයංව වාර්තා කළ විට), තම ආරක්ෂිත ලක්ෂන මත පදනම්ව ඉලක්ක වන දරුවන් සහ පුද්ගලයන් හෝ පුද්ගල කණ්ඩායම් බරපතල බවින් අඩු ප්‍රචණ්ඩත්වයෙන් ආරක්ෂා කෙරේ.
වෙනත් ප්‍රචණ්ඩත්වය
ඉහත දක්වා ඇති සියලුම ආරක්ෂණයන්ට අමතරව, අපි පහත ඒවා ඉවත් කරන්නෙමු:
  • දරුණු ප්‍රචණ්ඩත්වය හා සම්බන්ධ සේවා ඉල්ලන, පිරිනමන හෝ එකී සේවා පිරිනමන බවට පිළිගන්නා අන්තර්ගත (උදාහරණ ලෙස, පහර දෙන්නන්, කුලී හේවායක්, ඝාතකයින්, ස්ත්‍රී යෝනි ඡේදනය) හෝ මෙකී සේවා භාවිතය සඳහා අනුබල සපයන අන්තර්ගත
  • අන්තර්ගතය අධ්‍යාපනමය ආත්මාරක්ෂාව (උදාහරණ ලෙස, සටන් පුහුණුව, සටන් කලා) සහ යුද පුහුණුව වැනි ප්‍රචණ්ඩකාරී නොවන අරමුණක් සහිත සන්දර්භයක වන්නේ නම් විනා, මිනිසුන්ට දරුණු ලෙස තුවාල සිදු කිරීමේ හෝ මිනිසුන් ඝාතනය කිරීමේ අරමුණ පැහැදිලිව ම ප්‍රකාශ කරන භාෂාවක් හෝ අවසන් ප්‍රතිඵලය පෙන්වන හෝ සමානුකරණය කර දක්වන දෘශ්‍යමය තොරතුරු අඩංගු අවි ආයුධ තනන හෝ භාවිත කරන ආකාරය පිළිබඳ උපදෙස්
  • අන්තර්ගතය විනෝදාත්මක භාවිතයන් (උදාහරණ ලෙස, ගිනි අවි සහ වාණිජ වීඩියෝ ක්‍රීඩා, මසුන් දඩයම) වැනි ප්‍රචණ්ඩකාරී නොවන අරමුණක් සහිත සන්දර්භයක වන්නේ නම් විනා, පුපුරන ද්‍රව්‍ය තනන ආකාරය පිළිබඳ උපදෙස්
  • අවි ආයුධ ගැනීමට හෝ යම් ස්ථානයකට (පූජනීය ස්ථාන, අධ්‍යාපන ආයතන, ඡන්ද ගණන් කිරීමේ හෝ මැතිවරණ පරිපාලන මධ්‍යස්ථාන ඇතුළුව ඒවාට පමණක් සීමා නොවූ) හෝ ප්‍රචණ්ඩත්වයක් ඇති වීමේ ඉහළ අවදානමක තාවකාලික සංඥා පවතින ස්ථානවලට අවි ආයුධ ගෙන ඒමට හෝ බලයෙන් ඇතුළු වීමට කරන තර්ජන.
  • ඉලක්කයක් නොමැති වුව ද, ඡන්දය ප්‍රකාශ කිරීම, ඡන්ද දායකයන් ලියාපදිංචිය හෝ මැතිවරණ පරිපාලනය හෝ ප්‍රතිඵලයට අදාළව සිදු කරන ප්‍රචණ්ඩ තර්ජන.
  • සමීප සහකරු කෙරෙහි වන ප්‍රචණ්ඩත්වය හෝ ගෞරවය සඳහා සිදු කරන ප්‍රචණ්ඩත්වය වේවා ලිංගික අනන්‍යතාව මත පදනම් ප්‍රචණ්ඩත්වය උත්කර්ෂයට පැමිණවීම
පහත සඳහන් ප්‍රජා ප්‍රමිති සඳහා, ඒවා බලාත්මක කිරීමට අතිරේක තොරතුරු සහ/හෝ සන්දර්භය අපට අවශ්‍ය වේ:
අපි පහත දේ ඉවත් කරන්නෙමු:
  • ප්‍රසිද්ධ චරිත තත්ත්වය හෝ තර්ජනයේ විස්වසනීයත්ව කුමක් වුවත් නීති බලාත්මක කිරීමේ නිලධාරීන් හෝ මැතිවරණ නිලධාරීන් වෙත සිදු කරන තර්ජන.
  • පහත ලැයිස්තුවෙන් තර්ජන සංඥාවක් සහ සන්දර්භ සංඥාවක් යන දෙකෙහිම සංකලනය මගින් පෙන්නුම් කරන පරිදි, ප්‍රචණ්ඩත්වයේ ක්‍රමය පැහැදිලිව ප්‍රකාශ කර නොමැති, නමුත් තර්ජනය වැස්මකින් හෝ ව්‍යංගව පවතින කේතගත ප්‍රකාශ.
    • තර්ජනය: පහත සඳහන් දේවලින් එකක් වන කේතගත ප්‍රකාශයකි:
      • පළිගැනීමේ සන්දර්භයක් තුළ බෙදා ගෙන ඇත (උදා., සැබෑ, වටහා ගත් හෝ අපේක්ෂා කළ හැකි දුක්ගැනවිලි හෝ තර්ජනයකට ප්‍රතිචාර වශයෙන් අන් අයට එරෙහිව ප්‍රචණ්ඩත්වයේ යෙදීමට ඇති අභිලාෂයේ ප්‍රකාශන)
      • ප්‍රචණ්ඩත්වයේ ඓතිහාසික හෝ ප්‍රබන්ධ සිදුවීම් පිළිබඳ යොමු කිරීම් (උදා. ඉතිහාසය පුරා හෝ ප්‍රබන්ධ සැකසුම් තුළ සිදු කර ඇති ඓතිහාසික ප්‍රචණ්ඩකාරී සිදුවීම් පිළිබඳ සඳහන් කරමින් අන් අයට තර්ජනය කරන අන්තර්ගතය)
      • ක්‍රියා කිරීමට අනුබල දීමට තර්ජනාත්මකව සිදු කරන ක්‍රියා (උදා, තර්ජන ක්‍රියා සිදු කිරීමට හෝ තර්ජන ක්‍රියා සඳහා ඇරයුම් කිරීම හෝ දිරිමත් කිරීම)
      • අන්‍යයන්ට තර්ජනය කිරීමට නිරාවරණය විය හැකි සංවේදී තොරතුරු පිළිබඳ දැනුවත් බව දැක්වීම හෝ ඒවා බෙදා ගැනීම (උදා. ප්‍රචණ්ඩත්වය පිළිබඳ තර්ජනයක වඩාත් විශ්වසනීය විය හැකි පුද්ගලික තොරතුරු පිළිබඳ දැනුවත් කිරීමක හැඟවීමක් හෝ සටහන් තැබීමක් සිදු කරන අන්තර්ගතය. පුද්ගලයෙකුගේ නේවාසික ලිපිනය, එම පුද්ගලයාගේ සේවා ස්ථානය හෝ අධ්‍යාපන ස්ථානය, දෛනික ගමනාගමන මාර්ග හෝ වර්තමානයේ සිටින ස්ථානයේ පිහිටීම පිළිබඳ දැනුම හැඟවීම මෙයට ඇතුළත් වේ)
    • සන්දර්භය
      • අදාළ ප්‍රකාශය ආසන්න ප්‍රචණ්ඩත්වයට හේතු විය හැකි බව ප්‍රාදේශීය සන්දර්භය හෝ විශේෂඥතාව තහවුරු කරයි.
      • අන්තර්ගතයෙන් ඉලක්ක කරනු ලබන තැනැත්තා හෝ ඒ අයගේ බලයලත් නියෝජිතයෙකු විසින් අන්තර්ගතය අපට පැමිණිලි කරයි.
      • ඉලක්ක කරනු ලබන්නා දරුවෙකි.
  • පූජනීය ස්ථාන, අධ්‍යාපනය ආයතන, ඡන්දය ප්‍රකාශ කිරීමේ ස්ථාන හෝ ඡන්ද ගණන් කිරීමට හෝ මැතිවරණයක් පරිපාලනය කිරීමට භාවිත කරන ස්ථාන හෝ ප්‍රචණ්ඩත්වයක් ඇති වීමේ ඉහළ අවදානමක් ඇති බවට තාවකාලික සංඥාවන් සහිත ස්ථාන ඇතුළු එහෙත් ඒවාට සීමා නොවූ ස්ථානවලට ආයුධ රැගෙන එන බවට (හෝ අන් අයට එසේ කිරීමට දිරි ගන්වනු ලබන) කරනු ලබන ගම්‍යමාන තර්ජන.
  • පහත දේ ඇතුළුව අන්තර්ගතය ප්‍රචණ්ඩ තර්ජනයක් වන බවට සංඥාවක් සමග ඒකාබද්ධ වූ මැතිවරණවලට අදාළ දූෂණ, අක්‍රමිකතා හෝ පක්ෂපාතීත්වයන් පිළිබඳ පිළිගැනීම් හෝ අනුමානයන් (උදා. ආයුධ ගැනීමට හෝ ගෙන ඒමට වන තර්ජනයන්, ආයුධයක දෘශ්‍යමාන රූපයක්, ගිනි තැබීම, සොරකම, විනාශ කිරීම පිළිබඳ සඳහනක්):
    • පුද්ගලයන් ඉලක්ක කිරීම
    • නිශ්චිත ස්ථානයක් ඉලක්ක කිරීම (ප්‍රාන්තයක් හෝ කුඩා ප්‍රදේශයක්)
    • ඉලක්කය පැහැදිලි නැති අවස්ථාවන්
  • අන්තර්ගතය ප්‍රචණ්ඩ තර්ජනයක් වන බවට සංඥාවක් සමග ඒකාබද්ධ වූ මැතිවරණවලට අදාළ එක් රැස්වීම් හෝ සිදු වීම් පිළිබඳ සඳහන් කිරීම් (උදා. ආයුධ ගන්නා බවට හෝ ගෙන එන බවට වන තර්ජනයන්, ආයුධයක දෘශ්‍යමාන රූපයක්, ගිනි තැබීම, සොරකම, විනාශ කිරීම පිළිබඳ සඳහන් කිරීම්).
  • පහත නිර්ණායක සපුරාලන ආත්මාරක්ෂාව සලසා ගැනීම හෝ අන් අයකුගේ ආරක්ෂාව සැලසීම උදෙසා ඉහළ හෝ මධ්‍යම බරපතළ බවක් සහිත ප්‍රචණ්ඩත්වය පිළිබඳ සිදු කරන තර්ජන.
    • පුද්ගලයෙකුට එරෙහිව (නමින් හෝ මුහුණෙන් හඳුනාගත හැකි පුද්ගලයින්, ඔවුන්ගේ ආරක්ෂිත ලක්ෂණ මත පදනම්ව ඉලක්ක කරගත් පුද්ගලයින් සහ දරුවන් හැර)
    • අත්‍යාසන්න තර්ජනයක් වන ප්‍රචණ්ඩකාරී තත්ත්වයකට ප්‍රතිචාර වශයෙන් ගන්නා එකී ප්‍රචණ්ඩකාරී තත්ත්වයට අනුපාතිකව නිවසට ඇතුළු වීමේ හෝ පුද්ගලාන්තර ප්‍රචණ්ඩත්ව සන්දර්භයක දී
    • හඬක් නැඟීම කෙරෙහි ඇති විය හැකි බලපෑමෙන් අත්‍යාසන්න ප්‍රචණ්ඩත්වයෙහි අවදානම ලඝු කරනු ලබයි
පරිශීලක අත්දැකීම්
Facebook මත සිටින පුද්ගලයන් සඳහා නීතිය බලාත්මක කිරීම බලපැවැත්වෙන ආකාරය පිළිබඳ නිදසුන් කිහිපයක් බලන්න, එනම්: Facebook තුළ තිබිය යුතු යැයි ඔබ නොසිතන දෙයක් පැමිණිලි කිරීම, ඔබ අපේ ප්‍රජා ප්‍රමිති උල්ලංඝනය කර ඇති බව පවසනු ලැබීම හා ඇතැම් අන්තර්ගතයන් පිළිබඳ අනතුරු ඇඟවීමේ තිරයක් දැකීම පෙනෙන ආකාරය.
සටහන: අපි සැම විටම දියුණු වෙමින් සිටිමු, එබැවින් ඔබ දැනට දකින දේ අප දැනට භාවිත කරන දේ හා සසඳන විට තරමක් යල් පැන ගිය ඒවා විය හැකි ය.
පරිශීලක අත්දැකීම
පැමිණිලි කිරීම
පරිශීලක අත්දැකීම
පශ්චාත් පැමිණිලි සන්නිවේදනය
පරිශීලක අත්දැකීම
ඉවත් කිරීමේ අත්දැකීම
පරිශීලක අත්දැකීම
අනතුරු ඇඟවීමේ තිර
දත්ත
නවතම ප්‍රජා ප්‍රමිතීන් බලාත්මක කිරීමේ වාර්තාව බලන්න
බලාත්මක කිරීම
Facebook තුළ සිටින සෑම කෙනෙකුටම අදාළව ලොව පුරා එකම ප්‍රතිපත්ති අපට තිබේ.
සමාලෝචන කණ්ඩායම්
සමාලෝචකයන් 15,000කට අධික සංඛ්‍යාවක් සිටින අපගේ ගෝලීය කණ්ඩායම Facebook තුළ සිටින පුද්ගලයන් ආරක්‍ෂිතව තබා ගැනීම සඳහා දිනපතා කටයුතු කරති.
පාර්ශවකරුවන්ගේ නියැළීම
බාහිර විශේෂඥයන්, විද්වතුන්, රාජ්‍ය නොවන සංවිධාන සහ ප්‍රතිපත්ති සම්පාදකයන් Facebook ප්‍රජා ප්‍රමිති දැනුම් දීමට උදව් කරති.
ප්‍රචණ්ඩත්වය සහ උසිගැන්වීම පිළිබඳව උදව් ලබා ගන්න
අපගේ ප්‍රජා ප්‍රමිතිවලට පටහැනි වන යම් දෙයක් ඔබ Facebook තුළ දුටුවහොත් ඔබට කළ හැකි දේ දැන ගන්න.
අපගේ සහාය මධ්‍යස්ථානයට පැමිණෙන්න