Ukuqonda Inqubomgomo
Ukuze kugcinwe indawo ephephile futhi kuqinisekiswe ukukhuluma ngokukhululekile, sibeka umngcele noma sisuse ama-akhawunti ayingozi emphakathini. Siye sakha amasistimu ayinhlanganisela azenzekelayo nenziwayo ukuze sibeke umngcele futhi sisuse ama-akhawunti asetshenziselwa ukwephula ngokushaqisayo noma ngokuphikelelayo izinqubomgomo zethu kuyo yonke imikhiqizo yethu.
Ngenxa yokuthi ukususwa kwe-akhawunti yisenzo esikhulu, noma nini lapho kungenzeka khona, sihlose ukunikeza umphakathi wethu amathuba okufunda imithetho yethu nolandela Izimiso zethu Zomphakathi. Ngokwesibonelo, isikhathi ngasinye lapho sisusa okuqukethwe, nangezikhathi eziningi sinikeza futhi abantu ulwazi mayelana nesimo sokwephula kanye nanoma yimiphi imingcele esetshenzisiwe. Izinyathelo zethu zokuphoqelela zihloselwe ukuba zihambisane nezinga lokwephula, umlando wokwephula kwi-akhawunti, nengozi noma ukulimala okungaba khona emphakathini. Ukwephula okuqhubekayo, naphezu kokuxwayiswa nokubekelwa imingcele ngokuphindaphindiwe, noma ukwephula okwenza kube nezingozi ezinkulu zokuphepha kuzoholela ekuvalweni kwe-akhawunti.
Funda kabanzi ngendlela i-Meta ephoqelela ngayo izinqubomgomo zayo futhi ebekela ngayo ama-akhawunti imingcelee Esikhungweni Sokuveza Ulwazi. Singase sibeke umngcele noma sivale ama-akhawunti, ezinye izinhlangano (Amakhasi, amaqembu, izenzakalo) noma ama-asethi ebhizinisi (Abaphathi Bebhizinisi, ama-akhawunti ezikhangiso):
Aphula Izimiso Zomphakathi ezibandakanya ukulimaza okushaqisayo, okuhlanganisa nalokho esikudlulisela kwabezomthetho ngenxa yengozi yokulimala okuseduze kumuntu noma ekuphepheni komphakathi
Aphula Izimiso Zomphakathi ezibandakanya ukulimaza okudinga ukudluliselwa kwabezomthetho ngenxa yengozi yokulimala okuseduze kumuntu noma ekuphepheni komphakathi
Aphula Izimiso Zezikhangiso ezibandakanya ukulimaza ibhizinisi ngokukhohlisayo noma ngokuyingozi
Aphula ngokuphikelelayo Izimiso zethu Zomphakathi ngokuthumela okuqukethwe okwephulayo kanye/noma ngokuphatha izinhlangano ezephulayo noma ama-asethi ebhizinisi
Aphula ngokuphikelelayo Izimiso zethu Zezikhangiso
Abonisa okwenziwayo noma ukuziphatha okubonisa injongo eyephula ngokucacile
Singase sibeke umngcele noma sivale ama-akhawunti, ezinye izinhlangano (Amakhasi, amaqembu, izenzakalo) noma ama-asethi ebhizinisi (Abaphathi Bebhizinisi, ama-akhawunti ezikhangiso):
Omuntu ofanayo noma inhlangano njenge-akhawunti evaliwe
Asunguliwe noma asetshenziswe kabusha ukuze ugweme ukususwa kwangaphambilini, okuhlanganisa lezo ezihlolwe njengezinobunikazi obufanayo nokuqukethwe njengama-akhawunti asusiwe noma izinhlangano
Asungulwe ukuze axhumane nomsebenzisi ovimbe i-akhawunti
Noma-ke asetshenziselwa ukugwema izenzo zethu zokuphoqelela noma izinqubo zokuhlola
Singase sibeke umngcele noma sivale ama-akhawunti, ezinye izinhlangano (Amakhasi, amaqembu, izenzakalo) noma ama-asethi ebhizinisi (Abaphathi Bebhizinisi, ama-akhawunti ezikhangiso) abonisa:
ukuxhumana okuseduze nenethiwekhi yama-akhawunti noma nezinye izinhlangano ezephula noma ezigwema izinqubomgomo zethu
Ukuxhunyaniswa kumanethiwekhi ama-akhawunti noma nezinye izinhlangano ezephula ngokuphikelelayo noma ngokushaqisayo izinqubomgomo zethu
Okwenziwayo noma ukuziphatha okubonisa injongo ecacile yokwephula kusetshenziswa inethiwekhi yama-akhawunti
Sizosebenzela ukubeka umngcele noma sivale ama-akhawunti noma ezinye izinhlangano (Amakhasi, amaqembu, izenzakalo), noma ama-asethi ebhizinisi (Abaphathi Bebhizinisi, ama-akhawunti ezikhangiso) ahlanganyela kokwenziwayo okungekho kwipulatifomu okungaholela ekulimaleni kwipulatifomu yethu, okuhlanganisa lawo:
Angawesigebengu sezocansi esigwetshiwe, esigwetshelwe amacala ahlobene nokuhlukunyezwa ngokocansi kwezingane noma kwabantu abadala.
AngaweNhlangano Ekhethiwe noma aphethwe egameni layo
Avinjelwe ekutholeni imikhiqizo yethu, amasevisi noma isofthiwe ngaphansi kwemithetho esebenzayo
Ezimweni ezilandelayo, singase sicele imininingwane eyengeziwe mayelana ne-akhawunti ukuze sithole umnikazi kanye/noma okwenziwayo okuvumelekile:
Ama-akhawunti angavikelekile
Ukusungula noma ukusebenzisa i-akhawunti noma enye inhlangano ngezindlela ezizenzekelayo, njengokubhala (ngaphandle kwalapho ukubhala kwenzeka ngemizila egunyaziwe futhi kungephuli izinqubomgomo zethu)
Ama-akhawunti angenalutho asenesikhathi eside engasebenzi.