Ukuzibulala, Ukuzenzakalisa, Nezigulo Zengqondo Ezenza Umntu Atye Ngendlela Engafanelekanga

Iinkcukacha Zepolisi

Okubonwa Yiuser

Inkcazelo

Iinkcukacha zepolisi

TSHINTSHA ILOGU

Namhlanje

27 Februwari 2026

15 Meyi 2025

3 Oktobha 2024

26 Julayi 2024

3 Julayi 2024

2 Meyi 2024

30 Disemba 2023

29 uApr 2022

1 Oktobha 2021

5 Meyi 2020

18 Disemba 2020

19 Novemba 2020

31 Julayi 2020

2 Julayi 2019

27 uApr 2019

21 uMatshi 2019

1 Septemba 2018

Izizathu Zepolisi

Silukhathalele kakhulu ukhuseleko lwabantu abasebenzisa iiapp zethu. Sithetha qho neengcali ezijongene nokuzibulala, ukuzenzakalisa nezigulo ezinokwenza nendlela otya ngayo ukuze zisincede xa sisenza iipolisi zethu naxa sizinyanzelisa, kwaye sisebenza nemibutho esehlabathini jikelele ukuze sincede abantu abasengxakini.

Ngoxa singabavumeli abantu ukuba, ngabom okanye bengazimiselanga, babhiyozele okanye bakhuthaze ukuzibulala, ukuzenzakalisa okanye izigulo ezinokwenza nendlela otya ngayo, siyabavumela abantu ukuba bathethe ngale miba kuba sifuna iinkonzo zethu zibe yindawo apho abantu baphakelana amava, bazise abanye abantu ngezi ngxaki, kwaye bafune inkxaso omnye komnye. Kwakhona ukukwazi ukubona le khontenti singakubekela umda ukuze ibukelwe ngabantu abadala abaneminyaka eli18 nangaphezulu kuphela.

Siyayisusa nayiphi ikhontenti ekhuthaza ukuzibulala, ukuzenzakalisa okanye izigulo ezinokwenza nendlela otya ngayo, kuquka ikhontenti engeyoyokwenene efana neememes okanye imifanekiso, nayo nayiphi na ikhontenti yokuzenzakalisa ebonisa ezi zinto ngokuphandle, kungakhathaliseki ukuba imeko eyenzeka kuyo ithini na. Siyayisusa ikhontenti enemiyalelo yekuslima ngendlela ebaxiweyo. Siyayisusa nenkcazelo ehlekisa ngamaxhoba okanye abantu abasinde ekuzibulaleni, ekuzenzakaliseni okanye kwizigulo ezinokwenza nendlela otya ngayo, kunye nokuboniswa kokuzibulala okanye ukuzenzakalisa komntu ngexesha okwenzeka ngalo. Ikhontenti engokuchacha ekuzibulaleni, ekuzenzakaliseni okanye kwisigulo esinokwenza nendlela otya ngayo evunyelweyo, kodwa enemifanekiso engakhathaza abantu, (njengesiva esiphilileyo) igqunywa ngeskrini sokufihla izinto ezinochuku kwaye siza kubeka umda ukuze ibe ngabantu abaneminyaka eli18 nangaphezulu kuphela abakwaziyo ukuzibona.

Xa abantu bepowusta okanye bekhangela ikhontenti edibene nokuzibulala, ukuzenzakalisa okanye isigulo esinokwenza nendlela otya ngayo, siza kubalathisa kwimibutho yasekuhlaleni enganikela ngenkxaso kwaye ukuba Iqela elenza imisebenzi yoluntu lethu lixhalabele ukuba umntu angasengozini kungekudala siza kuqhagamshelana nabeenkonzo zongxamiseko ukuze bancede. Ukuze ufumane inkcazelo engakumbi, ndwendwela Iziko Lokhuseleko LikaMeta.

Malunga nekhontenti esasazwa ngqo, iingcali zisixelele ukuba xa umntu esithi uzimisele ukuzibulala kwistrimu esisasazwa ngqo, sifanele siyiyeke loo khontenti ixesha elide kangangoko kunokwenzeka, xa umntu ethetha ixesha elide kwikhamera, maninzi namathuba okuba umhlobo okanye ilungu lentsapho lifowunele abeenkonzo zongxamiseko. Kodwa ke, ukuze sinciphise umngcipheko wokuxhwalekiswa kwabantu kukubona le khontenti, siza kukuyekisa ukustrima ngokuthe ngqo xa isisongelo asenzayo sijika sibe lilinge lokuzibulala. Njengoko kutshiwo ngasentla, enoba ithini na imeko, siza kuqhagamshelana nabeenkonzo zongxamiseko xa sibona ukuba umntu usengozini ekhawulezileyo yokuzenzakalisa.

Asiyivumeli:

Ikhontenti ekhuthaza, entyontyela, eququzelela, okanye enikela ngemiyalelo yokuzibulala, yokuzenzakalisa, okanye yesigulo sengqondo esenza umntu atye ngendlela engafanelekanga.

Ikhontenti ebonisa ukuzibulala okuhlasimlisayo, ukuzenzakalisa okanye imifanekiso yesigulo sengqondo esenza umntu atye ngendlela engafanelekanga

Ikhontenti ebonisa umntu owenza ilinge lokuzibulala okanye ofa ngokuzibulala

Imifanekiso yabantu xa isherwe kunye namagama anxulunyaniswa nezigulo zengqondo ezenza umntu atye ngendlela engafanelekanga

Ikhontenti ejolisa ekuboniseni iimbambo, ingqosha, isikhewu esiphakathi kwamathanga, iihips, isisu esitshonileyo, umnqonqo opoqileyo, igxalaba, ukubonakala kwamathambo ezingalweni okanye izidlele ezitshonileyo xa zisherwa kunye namagama anxulunyaniswa nezigulo zengqondo ezidibene nokutya ngendlela engafanelekanga

Ikhontenti enemiyalelo yekuslima ngendlela ebaxiweyo

Ikhontenti evuma ukuslima ngendlela ebaxiweyo xa isherwa kunye namagama anxulunyaniswa nezigulo zengqondo ezenza umntu atye ngendlela engafanelekanga.

Ikhontenti enemiyalelo yokudayetha okungqongqo xa isherwa kunye namagama anxulunyaniswa nezigulo ezidibene nendlela otya ngayo

Ikhontenti ehlekisa ngamaxhoba okanye ngabantu abasinde ekuzibulaleni, ekuzenzakaliseni okanye kwizigulo zengqondo ezenza umntu atye ngendlela engafanelekanga abaziwa nguwonkewonke okanye ekuthiwa batyhubela isenzo sokuzibulala okanye sokuzenzakalisa okanye banamava azo

Imifanekiso ebonisa ukutshintsha komzimba (umz., itattoo, ukugqobhoza, iziva, ukuzikatsa, njl.) xa isherwa kwimeko yokuzibulala okanye yokuzenzakalisa

Kule khontenti ilandelayo, siquka iskrini esilumkisayo ukuze abantu bazi ukuba loo khontenti inganochuku. Kwakhona le khontenti siyibekela umda wokuba ibukelwe ngabantu abadala kuphela, abaneminyaka eli18 nangaphezulu:

Iifoto okanye iividiyo ezibonisa umntu obandakanyeke kwieuthanasia/ekuncedeni umntu azibulale kwimeko yezonyango.

Ikhontenti ebonisa izenzo zakudala zokuzenzakalisa enjengeziva eziphilileyo okanye imifanekiso yokuzenzakalisa engahlasimlisiyo kwimeko yokuzenzakalisa, yokuzibulala okanye yokuchacha.

Ikhontenti ebonisa iimbambo, ingqosha, isikhewu esiphakathi kwamathanga, iihips, isisu esitshonileyo, umnqonqo opoqileyo, igxalaba, ukubonakala kwamathambo ezingalweni okanye izidlele ezitshonileyo kwimeko yokuchacha

Kule khontenti ilandelayo, siye sibanike izinto zokubanceda abantu kwaye sivumela abantu abadala abaneminyaka eli18 ubudala nangaphezulu ukuba bayibone:

Amazwi abhaliweyo okanye athethwayo avuma ukuzibulala, ukuzenzakalisa okanye isigulo sengqondo esenza umntu atye ngendlela engafanelekanga.

Ukuthetha izinto ezingacacanga, ezisenokuba zibhekisa ekuzibulaleni okanye zigudle (kuquka iimeme okanye imifanekiso yestock engokuxhwaleka, ukuchaza ukufa njengecebo lokubhungca, okanye ikhontenti evela kwimithombo ethandwayo egxininisa kwiingcinga ezimfiliba, ezixhwalekisayo) kwimeko yokuzibulala okanye yokuzenzakalisa.

Kule khontenti ilandelayo, sivumela abantu abadala kuphela ukuba bayibone, abaneminyaka eli18 ubudala nangaphezulu:

Ukuhlekisa okanye ukugxeka ukuzibulala, ukuzenzakalisa okanye isigulo sengqondo esenza umntu atye ngendlela engafanelekanga

Iingcaciso eziqulethe ingcaciso yokuzibulala eneenkcukacha ezidlulela ngaphaya kokutsho nje okanye ukukhankanya isenzo okanye umphumo

Ukuvuma ukuba uye waslima ngendlela ebaxiweyo

Kule Migangatho Yoluntu ilandelayo, sidinga inkcazelo eyongezelelekileyo kunye/okanye ingcombolo ethile ukuze sikwazi ukunyanzelisa ipolisi:

Kungenzeka sizisuse nezibhilivana ezibhalwe ngabantu abazibulalayo xa siye saqinisekisa ukuba uzibulele okanye uzame ukuzibulala. Siye sizame ukuzibhaqa izibhilivana ezibhalwe ngabantu abazibulalayo sisebenzisa izinto eziliqela eziquka kodwa zingaphelelanga kwezi:

Izicelo zentsapho okanye zommeli osemthethweni,

Iingxelo ezivela kwabeendaba, okanye kweminye imithombo esecaleni (umz. iiarhente zikarhulumente, iiNGO), okanye Ifomu Yokuqhamshelana Ngekhontenti Ekhuthaza Ukuzibulala okanye Ifomu Yokuqhagamshelana NoInstagram.

Sisenokujonga neesiganli ezingekho kwiplatfomu ezithile zokuvuma okanye zokukhuthaza ukuzibulala, ukuzenzakalisa, isigulo sendlela otya ngayo okanye iindlela ezibaxekileyo zokuhlisa umzimba ezivela kwiuser ethile ukuze siphonononge enoba loo khontenti ipowusitiweyo kwiiplatfomu zikaMeta ingaba ngumngcipheko na kwabanye.