Izizathu Zepolisi
Siyaqonda ukuba ukhuseleko lweeuser zethu luquka ukukhuselwa kwenkcazelo yazo yobuqu, iiakhawunti, iiprofayili nezinye izinto ezikumaziko kaMeta ezisenokuba ziyazilawula, kwakunye neemveliso neenkonzo ngendlela ebanzi. Amalinge okuqokelela inkcazelo yobuqu enochuku okanye ukubandakanyeka kwindlela yokufikelela kuyo ngendlela engagunyaziswanga ngobuqhinga okanye ngokuthubeleza kuyingozi kwimekobume enobunyani, evulekileyo nekhuselekileyo esifuna ukuyikhuthaza.
Asiyivumeli:
Imizamo yokubeka engozini okanye ukungena kwiiakhawunti ngeendlela ezingagunyaziswanga, kuquka:
Ukungena kwiiakhawunti, iiprofayili, okanye amanye amaziko kaMeta,ngaphandle kwalawo wakho ngeendlela zobuqhinga okanye ngaphandle kwemvume ecace gca evela kwiakhawunti, kwiprofayili, okanye umnikazi weziko.
Ukufumana, ukuzuza okanye ukucela inkcazelo yokungena yenye iuser, inkcazelo yobuqu, okanye enye inkcazelo yeuser enochuku ukwenzela ukuba ungene ngokungekho mthethweni, kuquka la maqhinga alandelayo:
Ukuloba inkcazelo, okuthetha ukudala unxibelelwano okanye iwebhusayithi eyenziwe ngendlela yokuba ibonakale ilunxibelelwano okanye iwebhusayithi enokuthenjwa okanye edume kakuhle usenzela ukuba uzuze inkcazelo enochuku yeuser.
Imizamo Yokufumana Inkcazelo, njengokuzama kaninzi okanye ngokuqhubekayo ukuqokelela okanye ukuzuza iimpendulo kwiakhawunti evela qho okanye imibuzo yokuphinda ufumane iphasiwedi.
IMalware, iGreyware, iSpyware okanye enye ikhowudi eyingozi, njengendlela echazwe apha ngezantsi.
Imizamo yokushera, ukuvelisa, ukuhowusta, okanye ukusasaza ikhowudi eyingozi okanye eyonakalisayo, equka:
Ukukhuthaza okanye ukuqhatha iiuser ukuba zidawunlowude okanye zenze iifayile, iiapps, okanye iiprogramu eziza kubeka engozini ukhuseleko lweintanethi okanye inkcazelo yeuser, kuquka kodwa kungaphelelanga:
IMalware, okuthetha ikhowudi okanye isoftwe eyilelwe ukonakalisa okanye ukufumana indlela yokungena kwiisistimu ngokungekho mthethweni. Oku kuquka iiprogramu eziyilelwe ukonakalisa iisistimu zekhompyutha, kwakunye neesoftwe eziyilelwe ukutsala imali kumaxhoba, njengeramsomware.
ISpyware, esithetha ikhowudi okanye isoftwe eqokelela idatha kwiiuser ize iyithumele kwabanye abantu ingakhange ifumane imvume yeuser, okanye esebenzisa inkcazelo ukwenzela iinjongo zokungcola (umz., izoyiiso zesondo kufunwa imali, ukutyhola umntu, ukungena ngokungekho mthethweni kwiisistimu).
IGreyware, ethetha ikhowudi okanye isoftwe ephazamisana nokusebenza kwekhompyutha uqobo oaknye isofwe kwaye kusenokuba nzima ukuyisusa kwisistimu yekhompyutha okanye inethiwekhi.
Ukuyila, ukushera okanye ukuhowusta isoftwe eyonakalisa iidivayisi zabanye abantu kuquka iiekstenshini zebrawuza neeaplikheshini zemobhayili, kule platfomu okanye ngaphandle kwayo ebeka emngciphekweni iiuser okanye iimveliso neenkonzo zethu.
Ukusongela, ukuvuma ukuba, uye wahekha okanye wenza kwahekhwa - kuquka ukushera okanye ukubhengeza isfotwe, iikhosi, okanye iimveliso ezenza abantu baphazamise iinkqubo zokhuseleko, kuquka isoftwe ekhuthaza ukuhekha isoftwe okanye iinkcukacha
Ukunikela ngeziseko zokubonelela ngeenkonzo, kuquka iinkonzo zokuhowusta iwebhu, iiseva zeenkqubo zamagama edomeyini neenetwekhi zezibhengezo ezenza zikwazi ukusebenza iilinki ezimoshayo ngohlobo lokuba uninzi lwezo ilinki ezikwiinkonzo zethu zinyhashe amacandelo espam nokhuseleko lweekhompyutha emiGangatho Yoluntu.