Izizathu Zepolisi
Ngelinge lokuthintela nokuphazamisa umenzakalo osengenzeka ngokoqobo nokulinganiswa kwento embi, asivumi ukuba abantu baququzelele, balungiselele, bakhuthaze okanye bavume izenzo ezithile zolwaphulomthetho okanye ezenzakalisayo ezijoliswe ebantwini abathile, amashishini, ipropati okanye izilwanyana. Siyabavumela abantu babe nengxoxo mpikiswano ngokuphathelele ukuba semthethweni kolwaphulomthetho oluthile nezenzo eziyingozi, kwakunye nokuqwalasela izenzo eziyingozi nezolwaphulomthetho abasenokuba baye bazibona okanye zenzeka kubo lo gama nje bengakhuthazi okanye beceba ngokuchuliweyo ukwenzakalisa.
Siyakususa:
Ukonzakalisa abantu Ikhontenti ediza ukuba ngubani okanye uhlala phi umntu otyholwa:
Ngokuba lilungu leqela elisemngciphekweni wokudizwa; kunye/okanye
Ukushera ukuzalana kunye/okanye ukuthandana nomntu olilungu leqela elisemngciphekweni wokudizwa; kunye/okanye
Ngokwenza imisebenzi eprofeshinali exhasa iqela elisemngciphekweni wokudizwa (ngaphandle kwabezopolitiko)
Ngokudiza umsebenzi oyintlola kwezonyanzeliso lomthetho, umkhosi, okanye ezokhuselo xa ikhontenti negama lelo gosa, ubuso balo okanye ibheji kunye nayo nayiphi na kwezi zilandelayo:
Umbutho wearhente yabo nabaphi na abezonyanzeliso lomthetho
Umsebenzi wearhente yabo nabaphi na abezonyanzeliso lomthetho
Ukuchazwa ngokuphandle kwemeko yabo yomsebenzi owenziwa emfihlekweni
Ukuququzelela, ukusongela, ukuxhasa, okanye ukuvuma ukufowunela abezongxamiseko ubabhanxa ngaphandle kwaxa kulunyukiswa abantu okanye igxekwa loo nto, isteyijiwe okanye umntu ezihlamba etyaleni.
Ukubonisa, ukupromowutha, ukumela okanye ukukhuthaza inxaxheba kwitshalenji engundaba mlonyeni ebeka umntu emngciphekweni ophezulu ngaphandle kwaxa kusenzelwa ukulumkisa okanye ukugxeka. Apho kuboniswa imifanekiso kwezi meko, siye siquke ileyibhuli ukwenzela abantu bazi ukuba le khontenti isenokuba nochuku.
Ukonzakalisa izilwanyana
Ukuququzelela, ukusongela, ukuxhasa okanye ukuvuma izenzo zokonzakalisa izilwanyana emzimbeni (ngokubhala, ngemifanekiso okanye ngokuthetha) ngaphandle kwakwimeko apho:
Kusaziswa abantu okanye kugxekwa
Umntu ezihlamba etyaleni
Ukusindisa okanye ukukhusela isiqu sakho, omnye umntu okanye esinye isilwanyana
Kwiimeko zasentsomini ezisteyijiweyo NGAPHANDLE kwaxa kuboniswa imilo yezilwanyana esteyijiweyo okanye xa kusenziwa ngathi kusindiswa izilwanyana
Kuzingelwa okanye kulotywa iintlanzi
Kusenziwa idini lonqulo
Kulungiswa okanye kuproseswa ukutya
Izinambuzane okanye izityalo ezimosha izityalo
Ukuzibulala xa zisentlungwini kwaye zingenakuncedakala
Ukuthelekisa iinkunzi zeenkomo
Ukuququzelela, ukusongela, ukuxhasa, ukubonisa okanye ukuvuma ukusteyija imilo yezilwanyana okanye ukubonisa ividiyo yemifanekiso yokuhlangulwa kwezilwanyana kobuxoki ngaphandlle kwaxa kulunyukiswa abantu okanye kugxekwa okanye kuhlanjwa izono.
Ukonakalisa ipropati
Ukuququzelela, ukusongela, ukuxhasa okanye ukuvuma ukuba wenze izenzo zokonakalisa impahla, ubusela okanye ukuhekha okuyingozi (ngokubhala, imifanekiso okanye ukuthetha), ngaphandle kwakwimeko apho
Kulunyukiswa abantu okanye kugxekwa,
Umntu ezihlamba etyaleni,
Iyimeko yasentsomini okanye esteyijiweyo,
Ukuvuma kwimeko yokuzikhusela, okanye yokukhusela omnye umntu
ukubonisa ukonakaliswa kwempahla kwimeko yoqhankqalazo,
ukubonisa igraffiti, okanye
Ukuthetha kakuhle ngokonakaliswa kwezinto nobusela obenziwe ngabanye
Iiofa zokuthenga okanye ukuthengisa iivoti ngemali, izipho, iinkonzo okanye ezinye iimpahla eziphathekayo, ngaphandle kwaxa zigxekwa, ukwaziswa kwabantu, iingxelo zeendaba, okanye ukuhlekisa okanye umongo wokuphoxisa.
Ukukhuthaza, ukunikela imiyalelo, okanye ukubonisa injongo ecace phandle yokuthatha inxaxheba ngokungekho mthethweni ekuvoteni (ngokomzekelo, ukuvota kabini okanye ukwenza ubuqhinga uzenze ufanelekele ukuvota) okanye kwinkqubo yobalo bantu (ngokomzekelo, ukunikeza ingxelo yobuxoki ngemvelaphi yobuntu bakho okanye inani labantu abakwakho), ngaphandle kokuba oko kusherwa kuba kugxekwa, kuncedwa abantu bazi ngako, kwingxelo kwiindaba, okanye kuhlekiswa okanye kuphoxiswa ngako.
Kule khontenti ilandelayo, siquka ileyibhuli ukuze abantu bazi ukuba loo khontenti kusengenzeka ibe nochuku:
Imifanekiso ebonisa itshalenji eyingozi engundaba mlonyeni ukuba isherwa namagama acacisayo ayigxekayo okanye yazisa abantu ngemingcipheko edibene nayo.
Kule khontenti ilandelayo, sivumela abantu abadala kuphela ukuba bayibone, abaneminyaka eli18 ubudala nangaphezulu:
Imifanekiso ebonisa iintlobo eziyingozi zokuqhuba imoto ezinokukhokelela kumenzakalo osongela ubomi okanye ukufa komqhubi okanye abanye, ngaphandle kwaxa oko kusherwa kwiimeko zento engeyonyani okanye kwizinga lezobungcali.
Kule Migangatho Yoluntu ilandelayo, sidinga inkcazelo eyongezelelekileyo kunye/okanye ingcombolo ethile ukuze sikwazi ukunyanzelisa ipolisi ethi:
Siyazisusa:
Ukudizwa kweemfihlo: ukudiza iinkcukacha zomntu nokumbeka engozini yokonzakala:
Amalungu eLGBTQIA+
Amabhinqa angazigqumanga ubuso
Abantu abangekafunyaniswa benetyala lokuba zizaphuli mthetho ezidibene nesondo xa amapolisa eqhuba Iphulo Lokubambisa izaphuli mthetho zesondo
Abantu ababandakanyeke kumatyala ezomthetho, xa kungavumelekanga ukuba kwaziwe ukubandakanyeka kwabo kuwonkewonke
Amangqina, iintlola, abazabalazi, abantu abavalelwe entolongweni okanye abathinjwa
Abanxaxhi, xa bexelwe liziko elithembekileyo likarhulumente
Amabanjwa emfazwe, kwimeko yemfazwe yezigalo
Imifanekiso ekungenzeka iqhathe uwonkewonke malunga nemvelaphi yayo ukuba:
Umbutho obonisiweyo okanye ummeli wayo ogunyazisiweyo uyayikhaba loo mifanekiso, kwaye
Loo mifanekiso kungenzeka idale umonakalo kuwonkewonke.
Amazwi abonisa ukuzimisela, ukuhlatywa kwekhwelo, okanye ukukhuthaza ukuba:
Kubhlokwe indlela yokufikelela kwiinkonzo ezingundoqo xa kukho isiqinisekiso okanye isiqinisekiso esifumanekayo kuwonkewonke sokuba izithuthi zemo yongxamiseko zibhlokiwe, OKANYE
Kujoliswe kumntu othile okanye kwiqela labantu ngokubhloka indlela yokufikelela kwiinkonzo ezibalulekileyo okanye indlela yokungena engavalwanga nto leyo enokubeka engozini ukhuseleko lwabo
Ukuphazamisana nonyulo okanye ukubalwa kwabantu, kuquka:
Ukuhlatywa kwekhwelo lokwenziwa kweenzame eziza kuphazamisa ukukwazi komntu ukuthatha inxaxheba kunyulo olusemthethweni okanye ekubalweni kwabantu.
Amabango okuba ukuvota nokubalwa kwabantu kungenzeka kuphumele ekubeni bathathelwe amanyathelo ngabanyanzelisi bomthetho (umzekelo, babanjwe, babuyiselwe kwilizwe labo okanye bavalelwe entolongweni).
Izisongelo zokuya kwisiza ekuvotelwa kuso ukuya kubeka iliso okanye ukubukela abavoti okanye izinto ezenziwa ngamagosa onyulo xa kwezo zisongelo kukho namazwi athi (umz., "Masibabonise ukuba ngubani ophetheyo,", "Bafuna imfazwe? Baza kuyifumana imfazwe.”).
Izisongelo zokuya kwindawo yezinto eziza kwenziwa emva konyulo xa zihambisana nezoyikiso (umz., "Masibabonise ukuba ngubani ophetheyo!", "Bafuna imfazwe? Baza kuyifumana imfazwe.”).