Tirisodikgoka le Tlhotlheletso

Dintlha Tsa Pholisi
Maitemogelo a Modirisi
Deitha

Dintlha tsa pholisi

FETOLA LLOKO
Mabaka a Pholisi
Re ikaelela go thibela tirisodikgoka e e ka diregang e e seng ya mo inthaneteng e e ka amanngwang le diteng tse di mo dipolatefomong tsa rona. Le fa re tlhaloganya gore batho ba tlwaetse go tlhagisa lenyatso kgotsa kganetsano ka go tshosetsa kgotsa go baka tirisodikgoka ka ditsela tse di seng masisi le tsa botsalano, re tlosa puo e e tlhotlheletsang kgotsa e e nolofatsang tirisodikgoka le matshosetsi a a dumelesegang mo pabalesegong ya botlhe kgotsa ya motho ka namana. Seno se akaretsa puo ya tirisodikgoka e e lebagantsweng motho kgotsa setlhopha sa batho ka ntlha ya dipharologantsho tsa bone tse di sireleditsweng kgotsa ka ntlha ya seemo sa bone sa phudugo. Re tlosa mafoko a a kwadilweng, re thibela go dira ga diakhaonto gape re dira le ba ba gatelelang molao fa re dumela gore go na le kotsi tota ya go gobatsa batho kgotsa matshosetsi a tshireletsego ya batho ka tlhamalalo. Gape re leka go akanyetsa puo le mafoko a a kwadilweng gore re kgone go farologanya mafoko a a sa reyeng sepe kgotsa dipolelo tse di tsibosang batho ka sengwe le mafoko a a kwadilweng a tota a tshosetsang tshireletsego ya morafe kgotsa ya motho ka boene. Fa re batla go lemoga gore a matshosetsi ke one tota, re ka nna gape ra akanyetsa tshedimosetso e nngwe gape e e tshwanang le go bonala ga motho mo bathong le dikotsi malebana le tshireletsego ya bone mo mmeleng.
Mo mabakeng mangwe, re bona matshosetsi a tirisodikgoka a a bontshang gore motho o eletsa e kete sengwe se ka direga kgotsa gore maemo a a rileng a tla baka tirisodikgoka, go akaretsa le dipolelo tse di bontshang go eletsa e kete dirukhutlhi le ba bangwe ba ba dirang tirisodikgoka ba ka dirwa sengwe (ka sekai, “Dirukhutlhi di tshwanelwa ke go bolawa,” “Ke eletsa e kete ba ka bolaya dirukhutlhi tseno”). Re leba tseo e se tse motho a ka di ikanyang, di se na bosupi jo bo tlhamaletseng.
Re Tlosa:
Re tlosa matshosetsi a tirisodikgoka a a dirwang mo bathong ba ba farologaneng. Matshosetsi a tirisodikgoka ke mafoko kgotsa ditshwantsho tse di bontshang boikalelo, keletso e kgolo, kgotsa piletso ya go dira tirisodikgoka mo selong kgotsa bathong ba ba rileng, mme matshosetsi a ka nna a nna mefuta e e farologaneng a mafoko a a tshwanang le mafoko a boikaelelo, piletso ya go tsaya kgato, puelelo, mafoko a tsholofelo, mafoko a keletso e kgolo.
Ga re thibele matshosetsi fa a abelanwa e le tsiboso ya go naya kitso kgotsa go kgala mabaka mangwe, fa matshosetsi a a seng masisi thata a newa mabapi le metshameko e go kgomanwang ka mmele, kgotsa matshosetsi mangwe kgatlhanong le badirisa dikgoka, ba ba tshwanang le ditlhopha tsa borukutlhi.
Tshireletso ya mongwe le mongwe mo lefatsheng lotlhe
Mongwe le mongwe o sireleditswe mo matshosetsing a a latelang:
  • Matshosetsi a tirisodikgoka a a ka nnang a baka loso (kgotsa mefuta e mengwe ya tirisodikgoka ya selekanyo se se kwa godimo thata)
  • Matshosetsi a tirisodikgoka a a ka nnang a baka kgobalo e e maswe thata (tirisodikgoka e e maswe ka selekanyo se se magareng). Re tlosa dilo tseno tse di tshosetsang tse di direlwang batho ba ba itsegeng mo setšhabeng le ditlhopha tse di seng mo karolong ya batho ba ba sireleditsweng fa tota go tshwanela gore ba sireletswe, mme re a di tlosa fa di direlwa bape ba bangwe (go akaretsa le ditlhopha tse e leng karolo ya batho ba ba sireleditsweng) ba ka tswa ba tshwanelwa kgotsa ba sa tshwanelwe
  • Go dumela gore o na le maikarabelo ka tirisodikgoka e e maswe thata kgotsa e e maswe ka selekanyo se se mo magareng (e le e e kwadilweng kgotsa e e dirilweng ka molomo, kgotsa e e bontshiwang ke motho yo o dirang tirisodikgoka eno kgotsa momphato wa gagwe) ntle le fa e bontshiwa ba bangwe ka boikaelelo jwa go ba rekolola, go itshireletsa, mo metshamekong ya kamano (e e maswe ka selekanyo se se mo magareng kgotsa se se kwa tlase ga moo) kgotsa fa e le e e dirilweng ke badiragatsi ba molao, masole kgotsa babereki ba tshireletsego ya naga.
  • Go tshosetsa kgotsa go bontsha go gapiwa ga batho ka dikgoka kgotsa go utswiwa ga batho ntle le fa go bonala gore tshedimosetso eo e ntshiwa ke motho yo o direlwang dikgoka kgotsa ke balelapa la gagwe go kopa thuso, kgotsa gore e bontshiwa ba bangwe ka boikaelelo jwa go ba naya tshedimosetso, go kgala kgotsa go lemosa batho ka sengwe se se diregang
Ditshireletso tsa tlaleletso tsa Bagolo ba ba Poraefete, Bana Botlhe, batho ba ba mo kotsing e kgolo le batho kgotsa ditlhopha tsa batho go ya ka dipopego tse di sireleditsweng tsa bone:
Mo godimo ga ditshireletso tsa lefatshe lotlhe tsa mongwe le mongwe, bagolo ba ba poraefete botlhe (fa e le bone ba ipegileng) bana le batho kgotsa ditlhopha tsa batho ba ba tlhaselwang ka lebaka la (di)popego e e sireleditsweng ya bone, ba sireleditswe mo matshosetsing a tirisodikgoka e e seng masisi thata.
Tirisodikgoka e Nngwe
Mo godimo ga ditshireletso tsotlhe tse di kwadilweng fa tlase, re tlosa tse di latelang:
  • Tshedimosetso e e kopang, e e nayang, kgotsa e e dumelang gore molato wa go naya ditirelo tsa tirisodikgoka e e masisi thata (ka sekai, banna ba ba hirwang go bolaya ba bangwe, batho ba ba ka dirang sengwe le sengwe go bona madi, babolai, go segololwa ga mapele a basadi) kgotsa go buelela tiriso ya ditirelo tseno
  • Ditaelo tsa tsela ya go dira kgotsa go dirisa dibetsa fa go na le puo e e bolelang ka tlhamalalo mokgele wa go gobatsa ka tsela e e masisi kgotsa go bolaya batho, kgotsa ditshwantsho tse di bontshang kgotsa tse di tlhotlheletsang phelelo, ntle le fa go na le tlhaloso ya gore tshedimosetso ga se ya tirisodikgoka e e tshwanang le go iphemela ga thuto (ka sekai, boikatiso jwa ntwa, martial arts) le katiso ya bosole
  • Ditaelo tsa tsela ya go dira kgotsa go dirisa dithunyi, ntle le fa go na le tlhaloso ya gore tshedimosetso ga se ya tirisodikgoka e e tshwanang le ya boitlosobodutu (ka sekai, go thuntshiwa ga melelo le metshameko ya dibidio ya kgwebo, go tshwara ditlhapi)
  • Matshosetsi a gore o batla go tsaya dibetsa kgotsa go lere dibetsa mo lefelong lengwe kgotsa go tsena mo lefelong lengwe ka nkane (go akaretsa le mo mafelong a kobamelo, mafelo a thuto, mafelo a go tlhophelwang mo go one, kgotsa mafelo a a dirisiwang go bala diboutu kgotsa go tsamaisa ditlhopho, mme e se ano fela), kgotsa mafelo a go nang le matshwao a nakwana mo go one a bodiphatsa jwa maemo a a kwa godingwana jwa tirisodikgoka.
  • Matshosetsi a tirisodikgoka a a amanang le go bouta, kwadiso ya go bouta, kgotsa tsamaiso kgotsa dipholo tsa ditlhopho, tota le fa go se na ba ba tlhaselwang.
  • Kgalaletso ya tirisodikgoka e e ka tswang e le tirisodikgoka mo molekaneng yo o gaufi kgotsa tirisodikgoka ya go senya leina
Malebana le Melawana ya Badirisimmogo e e latelang, re batla tshedimosetso e nngwe gape le/kgotsa tlhaloso ya tlaleletso go diragatsa:
Re Tlosa:
  • Matshosetsi kgatlhanong le batlhankedi ba puso kgotsa badiredi ba ditlhopho, go sa kgathalesege gore ba mo maemong afe a go direla puso kgotsa gore matshosetsi ao a tshwanela go le kana kang.
  • Mafoko a a dirilweng dikhoutu moo mokgwa wa tirisodikgoka o sa tlhalosiwang sentle, mme matshosetsi a bontshiwa sentle kgotsa a tlhaloganyesega sentle, jaaka go bontshiwa ke tshupo ya matshosetsi e kopane le tshupo ya tlhaloso mo go a a kwadilweng fa tlase.
    • Matshosetsi: mafoko a a dirilweng dikhoutu a e leng mangwe a a latelang:
      • A a kwadilweng ka tlhaloso ya go ipusolosetsa (ka sekai, mafoko a keletso ya go tsena mo tirisodikgokeng e e dirwang mo go ba bangwe ka lebaka la kutlobotlhoko kgotsa matshosetsi a a ka tswang e le a boammaaruri, a a akanyediwang kgotsa a a lebeletsweng)
      • Go bua ka ditiragalo tsa bogologolo tsa tirisodikgoka tsa dikinane fela (ka sekai mafoko a a kwadilweng a a tshosetsang ba bangwe ka go umaka ditiragalo tsa bogologolo tsa tirisodikgoka tse di dirilweng mo hisetoring yotlhe kgotsa ditiragalo tsa dikinane fela)
      • A a ntseng jaaka mokgosi o o tshosetsang wa go tsaya kgato (ka sekai, mafoko a a kwadilweng a a laletsang kgotsa a a kgothaletsang ba bangwe go dira ditiro tsa tirisodikgoka kgotsa gore le bone ba tsenele go dira ditiro tsa tirisodikgoka)
      • A a bontshang kitso kgotsa a a abelanang tshedimosetso e e sisimosang e e ka nnang ya baya ba bangwe mo tirisodikgokeng (ka sekai, mafoko a a kwadilweng a a umakang kgotsa a a lemotshang go itse ka tshedimosetso kaga motho mongwe e e ka nnang ya dira gore go tshosetsa ka tirisodikgoka go amogelesege. Seno se akaretsa go bua ka go itse aterese ya kwa motho a nnang teng, gore o bereka kae kgotsa o tsena sekolo kae, tsela e a tsamayang ka yone letsatsi le letsatsi kgotsa kwa a leng teng mo nakong eno)
    • Maemo:
      • Maemo a selegae kgotsa kitso e e kgethegileng e tlhomamisa gore mafoko a go buiwang ka one a ka nna a gogela kwa tirisodikgokeng e e larileng.
      • Se mafoko a a kwadilweng a lebisitseng mo go sone kgotsa moemedi yo o neilweng dithata o re begela mafoko a a kwadilweng.
      • Motlhaselwa ke ngwana.
  • Matshosetsi a a sa dirweng ka tlhamalalo go tlisa dibetsa mo mafelong, go akaretsa le mo mafelong a kobamelo, mafelo a thuto, mafelo a go tlhophelwang mo go one kgotsa mafelo a a dirisiwang go bala ditlhopho kgotsa go tsamaisa ditlhopho, (kgotsa go kgothaletsa ba bangwe go dira se se tshwanang), kgotsa mafelo a go nang le matshwao a nakwana a bodiphatsa jwa maemo a a kwa godingwana a tirisodikgoka, mme e se one otlhe.
  • Dipolelo kgotsa dikabakanyo ka bonweenwee mo dilong tsa ditlhopho, go sa tsamaisiweng sentle ga dilo, kgotsa go sa direng dilo ka tekatekano fa go kopanngwa le matshwao a gore tshedimosetso nngwe e na le matshosetsi a tirisodikgoka (ka sekai, matshosetsi a gore go tla tsewa kgotsa go tla lerwe dibetsa, ditshwantsho tse di bonalang tsa dibetsa, tshedimosetso e e buang ka go fisiwa ga dilo, bogodu, kgotsa go senngwa ga dithoto), go akaretsa le:
    • Go tlhasela motho/batho
    • Go tlhasela lefelo le le rileng (naga kgotsa le le potlana mo lone)
    • Moo se se tlhaselwang se sa tlhalosiwang ka tsela e e utlwalang
  • Tshedimosetso e e buang ka dikokoano kgotsa ditiragalo tse di amanang le ditlhopho fa e kopanngwa le matshwao a gore tshedimosetso nngwe e na le matshosetsi a tirisodikgoka (ka sekai, matshosetsi a gore go tla tsewa kgotsa go tla lerwe dibetsa, ditshwantsho tse di bonalang tsa dibetsa, tshedimosetso e e buang ka go fisiwa ga dilo, bogodu, kgotsa go senngwa ga dithoto).
  • Matshosetsi mo tirisong ya dikgoka e e kwa godimo kgotsa e e mo magareng go ya godimo mo go iphemeleng ga motho ka sebele kgotsa ya motho yo mongwe fa maemo a a fa tlase a fitlheletswe.
    • Kgatlhanong le motho (go sa akaretse batho ba ba kgonang go supiwa ka leina kgotsa sefatlhego, batho ba ba lebagantsweng go ya ka dipharologantsho tsa bone tse di sireleditsweng, le bana)
    • Mo maemong a go tsena mo gae kgotsa tirisodikgoka ya fa gare ga batho e e lekanang le tirisodikgoka e e tsibogelwang mme e le matshosetsi a ka gangwe
    • Ditlamorago tse di ka nnang teng mo lentsweng di feta matshosetsi a tirisodikgoka e e tlogang e direga
Ditiriso tsa modirisi
Bona dikai dingwe tsa kafa go tsenngwa tirisong ga molao go lebegang ka teng mo bathong ba ba mo Facebook, jaaka: go ntse jang go bega ka sengwe se o sa akanyeng gore se tshwanetse go nna mo Facebook, go bolelelwa gore o tlotse Melawana ya rona ya Badirisimmogo le go bona sekirine se se go tlhagisang mo dilong dingwe.
Ela tlhoko: Re a tokafala ka metlha, ka jalo se o se bonang fano se ka tswa e le sa bogologolo go se kae fa se bapisiwa le se re se dirisang ga jaana.
DITIRISO TSA MODIRISI
Go bega
MAITEMOGELO A MODIRISI
Puisano ya morago ga pego
MAITEMOGELO A MODIRISI
Maitemogelo a go tlosa
MAITEMOGELO A MODIRISI
Disekerine tsa tlhagiso
Deitha
Leba Pego ya go Diragatswa ga Melao ya Badirisimmogo ya bosheng thata
Tiragatso ya Molao
Re na le dipholisi tse di tshwanang mo lefatsheng lotlhe, tse di dirang mo go mongwe le mongwe mo Facebook.
Ditlhopha tsa basekaseki
Setlhopha sa rona sa basekaseki ba ba fetang ba le 15,000 ba mo lefatsheng lotlhe ba dira letsatsi le letsatsi go tshola batho ba ba mo Facebook ba babalesegile.
Tirisano le bannaleseabe
Bomankge ba kwa ntle, barutegi, di-NGO le batlhami ba dipholisi ba thusa go kaela tiriso ya Melawana ya Badirisimmogo ba Facebook.
Bona thuso ka tirisodikgoka le tlhotlheletso
Ithute se o ka se dirang fa o bona sengwe mo Facebook se se thulanang le Melawana ya Badirisimmogo ya rona.
Etela Lefelo la rona la Thuso