Mabaka a Pholisi
Re lemoga gore pabalesego ya badirisi ba rona e akaretsa tshireletsego ya tshedimosetso ya bone ya sebele, diakhaonto, diporofaele le ditheo tse dingwe tsa Meta tse ba ka tswang ba di laola, gammogo le dithulaganyo tsa rona le ditirelo ka kakaretso. Maiteko a go kgobokanya tshedimosetso e e masisi ya sebele kgotsa go tsena kwa ntle ga tetlelelo ka go dirisa mekgwa ya tsietso kgotsa ya tsenelelo ya kotsi mo maemong a boikanyego, a a bulegetseng botlhe e bile a se kotsi a re batlang go nna nao.
Ga re letlelele:
Maiteko a go tsena ka bolotsana kgotsa go fitlhelela diakhaonto ka go dirisa mekgwa e e sa letlelelwang, go akaretsa:
Go tsena mo diakhaontong, diporofaele, kgotsa ditheo tse dingwe tsa Meta, Inc., go na le tse e leng tsa motho ka mekgwa ya tsietso kgotsa kwa ntle ga tetlelelo e e bonalang go tswa mo akhaontong, porofaele, kgotsa mong wa setheo.
Go bona, go nna le kgotsa go kopa tshedimosetso ya go tsena ya modirisi yo mongwe, tshedimosetso ya sebele, kgotsa tshedimosetso ya bosephiri ya modirisi yo mongwe ka lebaka la go tsena ntle le tetlelelo, go akaretsa tiriso ya mekgwa e e latelang:
Go tsietsa batho gore ba neele tshedimosetso ya bone ya bosephiri, go go tlhalosiwang jaaka mokgwa wa go dira ditlhaeletsano le diwebosaete tse di tlhametsweng gore di lebege jaaka ditlhaeletsano kgotsa diwebosaete tse di ikanyegang thata kgotsa tse di nang le serodumo se se siameng ka lebaka la go fitlhelela tshedimosetso ya bosephiri ya modirisi ka tsela ya tsietso.
Tsietso ya motho ka go tsena ka bolotsana mo tshedimosetsong ya gagwe ya khupamarama, e e jaaka maiteko a a boelediwang kgotsa a a tlhomameng a go senka kgotsa go bona dikarabo tsa dipotso tse di bodiwang ka tlwaelo mo akhaontong kgotsa tse di bodiwang go bona gape password.
Sofotewee e e senyang, Sofotewee e e sa batlegeng, sofotewee e e kgobokanyang tshedimosetso ya motho ka bolotsana le go e romelela ba bangwe kgotsa khoutu e nngwe e e senyang, jaaka go tlhalositswe fa tlase.
Maiteko a go abelana, tlhama, tshola, kgotsa anamisa khoutu e e kotsi kgotsa e e matshosetsi, go akaretsa:
Go rotloetsa kgotsa go tsietsa badirisi go laisolola, kgotsa go dirisa difaele, di-app, kgotsa mananeotiriso a a tla tsenyang mo kotsing tshireletsego ya modirisi mo inthaneteng kgotsa tshireletsego ya deitha, go akaretsa, mme go sa lekanyediwa go:
Sofotewee e e senyang, e e tlhalosiwang jaaka khoutu kgotsa sofotewee e e diretsweng go senya kgotsa tsena mo ditsamaisong kwa ntle ga tetlelelo. Seno se akaretsa mananeotiriso a a diretsweng go senya ditsamaiso tsa khomphiutha, gammogo le sofotewee e e diretsweng go tsaya madi mo batswasetlhabelong, jaaka sofotewee e e diretsweng go kganela motho go tsena mo tsamaisong ya khomphiutha go fitlhelela a duela madi a selekano se se rileng.
Sofotewee e e kgobokanyang tshedimosetso ya motho ka bolotsana le go e romelela ba bangwe, e e tlhalosiwang jaaka khoutu kgotsa sofotewee e e kgobokanyang deitha ka ga badirisi le go e romela kwa bathong ba bangwe ntle le tumelelo e e dirwang ka kitso e e tletseng ya modirisi, kgotsa e e dirisang deitha ka mabaka a a seng mo molaong (sk. go gapeletsa motho thobalano ka go mo tshosetsa, go gapeletsa motho go duela madi a mantsi ka go mo tshosetsa ka tshenolo ya tshedimosetso e e rileng, go tsena mo ditsamaisong ka tsela e e seng mo molaong).
Sofotewee e e sa batlegeng, e e tlhalosiwang jaaka khoutu kgotsa sofotewee e e nyefolang tiriso ya hatewee kgotsa sofotewee mme go ka tswa go le boima go e tlosa mo tsamaisong ya khomphiutha kgotsa mo netewekeng.
Go tlhama, go abelana kgotsa go nna mong wa sofotewee ya tshenyo gammogo le megatlana ya sebatli le di-app tsa selulafouno, mo polatefomong kgotsa eseng mo go yone e e bayang badirisi ba rona kgotsa dithulaganyo le ditirelo mo kotsing.
Go tshosetsa, go amogela, kgotsa go kgontsha go tsenelelwa mo inthaneteng - go akaretsa ka go abelana kgotsa go bapatsa sofotewee kgotsa ditlhagisiwa tse di dirang gore batho ba kgone go efoga ditsamaiso tsa tshireletso, go akaretsa sofotewee e e rotloetsang go hekiwa ga sofotewee kgotsa dintlha tsa go tsena
Go neela mafaratlhatlha a mo inthaneteng, go akaretsa ditirelo tse di laolang webo, disefara tsa tsamaiso ya leina la domeine le dineteweke tsa dipapatso tse di letlelelang dilinki tsa tirisobotlhaswa moo e leng gore bontsi jwa dilinki tseo tse di mo ditirelong tsa rona di tlola molao wa dikarolo tsa sepamo kgotsa tshireletsego ya mo inthaneteng tsa Melawana ya Badirisimmogo.