Pontsho ya Mmatota ya Gore o Mang

Dintlha Tsa Pholisi
Maitemogelo a Modirisi

Dintlha tsa pholisi

FETOLA LLOKO
Mabaka a Pholisi
Boikanyego ke motheo wa badirisimmogo ba rona. Re dumela gore boikanyego bo thusa go bopa badirisimmogo moo batho ba ikarabelang mo go ba bangwe, le mo Meta, ka ditsela tse di utlwalang. Re batla go letlelela ditsela tse dintsi tse go bontshiwang boitshupo ka tsone go ralala badirisimmogo ba mo lefatsheng lotlhe, mme di thibela go etsisa motho yo mongwe le go itshupa o le motho yo mongwe. Gore go nne le lefelo le go nang le tshireletsego mo go lone le batho ba ka tshepanang le go aga badirisimmogo, ga re letlelele gore go dirwe diakhaonto kgotsa diporofaele tse di tlhamiwang kgotsa tse di dirisiwang go tsietsa ba bangwe.
Mo Facebook, re batla gore batho ba tlhame akhaonto e le nngwe ba dirisa leina le ba le dirisang letsatsi le letsatsi le le supang gore motho ke mang. Re tlhamile Diporofaele tse Dingwe go thusa batho go bontsha dikarolo tse di farologaneng tsa gore ke bomang, tse di tshwanang le dilo tse ba di kgatlhegelang kgotsa dikgwebo.
Ga re letlelele go dirisiwa ga ditirelo tsa rona mme re tla thibela kgotsa re tla emisa tiriso ya diakhaonto tsa Facebook, Instagram, le Threads go dira kgotsa dilo tse dingwe tsa Facebook (tse di tshwanang le Ditsebe, ditlhopha) tse di:
  • Ke ya bana ba ba sa leng babotlana thata
  • Go itira jaaka ekete o motho yo mongwe kgotsa setheo ka:
    • Go dirisa (di)tshwantsho tsa bone, kgotsa go tshwana ka boikaelelo jwa go tsietsa ba bangwe
    • Go bua ka lentswe le motho yo mongwe kgotsa selo se modirisi a sa rebolelwang go dira jalo (ka sekai, ka go tlhama Tsebe kgotfsa Porofaele)
  • Tsaya karolo mo go bueng maaka ka gore motho ke mang ka go timetsa kgotsa go tsietsa ba bangwe, go dira gore o se ka wa otlhaelwa molato mongwe, kgotsa go tlola Melao ya rona ya Badirisimmogo. Re akanyetsa mabaka a le mmalwa fa re sekaseka se se seng boammaaruri ka tsela e e timetsang, se se tshwanang le:
    • Diphetolo tse di boelediwang kgotsa tsa botlhokwa tsa go lemoga dintlha, tse di tshwanang le leina kgotsa dingwaga.
    • Tshedimosetso ya porofaele e e timetsang, e e tshwanang le dintlha tsa porofaele le lefelo la porofaele
    • Go dirisa ditshwantsho tsa setoko
  • Dirisa leina le le nang le dikarolo tse di tlolang Melao ya rona ya Badirisimmogo.
Mo Facebook, re tla batla tshedimosetso e nngwe pele ga re tsaya kgato go simolola ka go thibela ka nakwana go ya go dira gore diporofaele kgotsa diakhaonto di se ka tsa dira gotlhelele fa o:
  • Naya letsatsi la matsalo le e seng la boammaaruri
  • Dirisa leina le e seng la boammaaruri le o le dirisang letsatsi le letsatsi
  • Tlhama akhaonto e le nngwe e e emelang kgotsa e e dirisiwang ke batho ba feta a le mongwe.
  • Tlhama kgotsa nna le diakhaonto tse dintsi tsa Facebook
  • Dira akhaonto e e emelang setlamo se e seng sa motho, se se tshwanang le kgwebo, seruiwa, kgotsa motho mongwe yo e seng wa mmatota
  • Boloka diporofaele tse di se nang sepe tse di nang le nako e telele di ntse di sa dirisiwe
Ditiriso tsa modirisi
Bona dikai dingwe tsa kafa go tsenngwa tirisong ga molao go lebegang ka teng mo bathong ba ba mo Facebook, jaaka: go ntse jang go bega ka sengwe se o sa akanyeng gore se tshwanetse go nna mo Facebook, go bolelelwa gore o tlotse Melawana ya rona ya Badirisimmogo le go bona sekirine se se go tlhagisang mo dilong dingwe.
Ela tlhoko: Re a tokafala ka metlha, ka jalo se o se bonang fano se ka tswa e le sa bogologolo go se kae fa se bapisiwa le se re se dirisang ga jaana.
DITIRISO TSA MODIRISI
Go bega
MAITEMOGELO A MODIRISI
Puisano ya morago ga pego
MAITEMOGELO A MODIRISI
Maitemogelo a go tlosa
MAITEMOGELO A MODIRISI
Disekerine tsa tlhagiso
Tiragatso ya Molao
Re na le dipholisi tse di tshwanang mo lefatsheng lotlhe, tse di dirang mo go mongwe le mongwe mo Facebook.
Ditlhopha tsa basekaseki
Setlhopha sa rona sa basekaseki ba ba fetang ba le 15,000 ba mo lefatsheng lotlhe ba dira letsatsi le letsatsi go tshola batho ba ba mo Facebook ba babalesegile.
Tirisano le bannaleseabe
Bomankge ba kwa ntle, barutegi, di-NGO le batlhami ba dipholisi ba thusa go kaela tiriso ya Melawana ya Badirisimmogo ba Facebook.
Bona thuso ka bosupi jwa boammaaruri jwa gore o mang
Ithute se o ka se dirang fa o bona sengwe mo Facebook se se thulanang le Melawana ya Badirisimmogo ya rona.
Etela Lefelo la rona la Thuso