ርእሰ-ቅትለት፡ ርእሰ-ማህሰይቲ ወይከኣ ናይ ኣመጋግባ ዲስኦርደር

ናይ ፖሊሲ ዝርዝራት
ተሞክሮታት ተጠቃሚ
ዳታ

ዝርዝራት ናይ ፖሊሲ

መዝገብ ቀይር
የፖሊሲ መነሻ ሀሳብ
ብዛዕባ ድሕንነት ናትና መተግበሪ ዝጥቀሙ ሰባት ብዕምቖት ንሓሊ። ምስ ሰብ ናይ ርእሰ-ቅትለት፡ ርእሰ-ማህሰይ ከምኡድ ናይ ኣመጋግባ ዲስኦርደር ሞያ ክኢላታት ብሱሩዕ ንምኻኸርን ንፖሊሲታትናን ሕጊ መኽበርትና ሓበሬታዊ ሓገዝ ንምግባር፣ ኣብ ስቓይ ዘለዉ ሰባት ሓገዝ ንምሃብ ምስ ኣብ ዙሪያ ዓለም ዘለዉ ትካላት ንሰርሕ።
ሰባት ብአፍልጦ ይኹን ብዘይኣፍልጦ ርእሰ-ቅትለት፡ ርእሰ-ማህሰይሪ ወይከኣ ናይ ኣመጋግባ ዲስኦርደር ከይንእዱ ወይካዓ ከየተባብዑ እንዳኸልከልና፣ Facebook ሰባት ተጓንፎኦም ከካፍሉሉ ዝኽእሉሉ፣ ኣብዚኦም ጉዳያት ንቕሓት ዝፈጥሩሉን ካብ ካልኦት ሰባት ሓገዝ ዝረኽቡሉ ቦታ ንክኸውን ስለንደሊ ሰባት ኣብዚኦም ጉዳያት ክመያየጡ ንፈቅድ ኢና። ብተወሳኺ እቲ ትሕዝቶ 18 ዓመትን ልዕሊኡን ዝዕድሚኦም ሰባት ጥራሕ ከም ዝርእዩዎ ክንገብሮ ንኽእል ኢና።
ከም ሜም ወይካዓ መግለፅታትን ዝኣመሰሉ ልቦለዳዊ ትሕዝቶታትን እቲ መልእኽቲ ብዘየግድስ፣ ዝኾነ ዓይነት ዘስካሕክሕን ርእሰ- ማህሰይቲ ዘርኢ ትሕዝቶ ሓዊሱ ርእሰ-ቅትለት፡ ርእሰ-ማህሰይቲ ወይከኣ ናይ ኣመጋግባ ዲስኦርደር ዘተባብዕ ትሕዝቶ ነልዕል ኢና። ንጥዕና ኣብ ሓደጋ ዘእትው ናይ ክብደት ምንካይ ባህሪ ዝምልከቱ መምርሒታት ዝሓዘ ትሕዝቶ ነወግድ። ብተወሳኺ ኣብ ልዕሊ ግዳያት ናይ ርእሰ-ቅትለት፣ ርእሰ-ማህሰይቲ ወይ ድማ ኣብ ልዕሊ ናይ ኣመጋግባ ዲስኦርደር ዘለዎም ሰባት ዘባጭው ትሕዝቶ፡ ከምኡድማ ቀጥታዊ ፍጻመ ርእሰ-ቅትለት ወይ ርእሰ-መጉዳእቲ ዘርእዩ ምስሊታት ነወግድ ኢና። ሕውየት ካብ ርእሰ-ቅትለት፡ ርእሰ-ማህሰይቲ፣ ወይድማ ናይ ኣመጋግባ ዲስኦርደር ዘርኢ ትሕዝቶ ፍቑድ ክኸውን ይኽእል እዩ፡ እንተኾነ ዘሕርቕ ምስሊ ዘርኢ ክኸውን ይኽእል እዩ፡ ንኣብነት (ከም ዝሓወየ በሰላ ዝኣመሰለ) ኣብ ድሕሪ ተኣፋፊ ስክሪን ክረኣይ እንከሎ፣ ብተወሳኺ እቲ ትሕዝቶ 18 ዓመትን ልዕሊኡን ዝዕድሚኦም ሰባት ጥራሕ ከም ዝርእዩዎ ክንገብሮ ንኽእል ኢና።
ሰባት ባዛዕባ ምስ ርእሰ-ቅትለት፡ ርእሰ-ማህሰይቲ ወይከኣ ናይ ኣመጋግባ ዲስኦርደር ዝተላገቡ ትሕዝቶታት ክእልሹ ወይካዓ ክልጥፉ ከለዉ፣ ናብ ሓገዝ ክህቡዎም ዝኽእሉ ዞባዊ ትካላት ንመርሖምን እንተደኣ ማሕበረሰባዊ ስራሕትና ቅፅበታዊ መጉዳእቲ እንተተሓሳሲቡዎም ምእንቲ ሓገዝ ክህቡዎም ምስ ዞባዊ ግልጋሎታት ህፁፅ ኩነታት ርክብ ክንገብር ኢና። ንተወሳኺ ሓበሬታ፣ ንውሑስ ማእኸል Meta ተወከስ።
ብዛዕባ ናይ ቀጥታ ፈነወ ትሕዝቶ ድማ፣ ዝኾነ ሰብ ርእሰ-ቅትለት ክፍጽም ሃቂኑ ከም ዘሎ ኣብ ቀጥታ ፈነወ እንድሕር ገሊጹ፣ እቲ ትሕዝቶ ሱቕ ኢሉ ክቕጽል ክንሓድጎ ከም ዘለና ክኢላታት ነጊሮሙና እዮም፣ ምኽንያቶም ድማ እቲ ሰብ ኣብ ካሜራ ዝጸንሐሉ ግዜ ብዝነውሐ ቁጽሪ ዝኾነ ዓርኩ ወይ ኣባል ቤተ-ሰብ ናይ ኢመርጀንሲ ኣገልግሎታት ክጽውዑ ዝኽእሉሉ ዕድል ክብ ዝበለ ስለ ዝኾነ ዝብል እዩ። ይኹን እምበር፣ ካልኦት እዚ ትሕዝቶ ሪኦም ክርበሹ ዝኽእሉሉ ዕድል ንምንካይ፣ እቲ ስግኣት ናብ ግብራዊ ፈተነ ኣብ ዝሰጋገረሉ ነጥቢ እቲ ቀጥታ ፈነወ ከነቋርጾ ኢና። ኣብላዕሊ ከምተገለፀ፣ በዝኾነ ጉዳይ፣ ገለ ሰብ ዓረሰ ጉድኣት ንምብፃሕ ኣብ ኣፍደገ ሓደጋ ከምዝኾነ እንተለሊና ምስ ግልጋሎታት ህፁፅ ኩነታት ርክብ ክንገብር ኢና።
ንሕና ዘይነፍቅዶም፥
  • ርእሰ-ቅትለት፣ ወይ ርእሰ-ማህሰይቲ ወይከኣ ናይ ኣመጋግባ ምምዝባል ዘጋውሕ፣ ዘተባብዕ፣ ዘወሃህድ፣ ወይ መምርሒ ዝህብ ትሕዝቶ።
  • መስካሕክሒ ርእሰ-ቕትለት፣ ርእሰ-ማህሰይቲ፣ ከምኡድማ ናይ ኣመጋግባ ምምዝባል ምስሊ ዘርኢ ትሕዝቶ
  • ርእሰ-ቕትለት ክፍጽም ዝፍትን ሰብ ወይ ርእሰ-ቕትለታዊ ሞት ክፍጽም ዘርኢ ትሕዝቶ
  • ምስ ናይ ኣመጋግባ ዲስኦርደር ዝዛመዱ ቃላት ተጠቂምካ ናይ ሰባት ስእሊ ምምቕራሕ
  • ኣብ ስንክልና መሰንገለ፣ ኣብ ሓላቅምቲ፣ ኣብ ናይ ሰለፍ ጋግ፣ ምሕኵልቲ፡ ዝተሓለገ ከስዐ፣ ንደገ ዝወጸ ዓንዲ ሑቖ ወይ ስካፑላ፣ ምስ ናይ ኣመጋግባ ምምዝባል ዝተሓሓዝ ዘተኮረ ቃላት ኣሰኒካ ዝፍነው ትሕዝቶ
  • ንጥዕና ኣብ ሓደጋ ዘእትው ናይ ክብደት ምንካይ ባህሪ ዝምልከቱ መምርሒታት ዝሓዘ ትሕዝቶ
  • ምስ ናይ ኣመጋግባ ዲስኦርደር ዝገልጹ ቃላት ዝፍነው ንጥዕና ብዝጎድእ ኣገባብ ዝተገብረ ናይ ክብደት ምንካይ ከይዲ ዘርኢ ትሕዝቶ
  • እቲ ምስ ምምዝባል ኣመጋግባ ዚተሓሓዝ ከቢድን ዘይጥዑይን ክብደት ንምቕናስ ዝሕግዝ መምርሒታት ዝሓዘ ትሕዝቶ እንኰላይ ንናይ ኣመጋግባ ዲስኦርደር ዝምልከቱ ቃላት ዝሓዘ
  • ኣብ ልዕሊ እቶም ብቓልዕ ዝፍለጡ ወይ ርእሰ-ቕትለት፣ ርእሰ-ማህሰይቲ ፈጺሞም ተባሂሎም ዝሕመዩ ወይ ካብ ከዚ ዛኣመሰለ ሓደጋ ዝተረፉ ግዳያት ናይ ርእሰ-ቕትለት፣ ርእሰ-ማህሰይቲ ወይ ናይ ኣመጋግባ ምምዝባል ዝላገጽ ትሕዝቶ
  • ኣብ ሰውነት ሰብ ስራሕ ለውጢታት ምግባር ዘርኢ ምስሊ (ንኣብነት፣ውቃጦ፣ ምውጋእ፣ ምብጣሕ፣ ርእሰ-መግረፍቲ፣ ወዘተ)፣ ምስ ርእሰ-ቅትለት ወይ ርእሰ-ማህሰይቲ ኣዛሚድካ ክመቓራሕ እንከሎ።
ነዚ ዚስዕብ ትሕዝቶ፣ ሰባት እቲ ትሕዝቶ ተኣፋፊ ክኾን ከም ዝኽእል ምእንቲ ክፈልጡ መጠንቀቕታ ዚህብ ስክሪን ንገብረሉ ኢና። ነቲ ትሕዝቶ ኣብቶም 18ን ካብኡ ንላዕልን ዝዕድሚኦም ዓበይቲ ናይ ምርኣይ ክእለትና ደረት ንገብረሉ ኢና፡
  • ንሓደ ብሓገዝ/ ደገፍ ናይ ሕክምና ቦታ ከይዱ ርእሱ ክቐትል ዝፍጽም ሰብ ዘርኢ ስእልታት ወይ ቪድዮታት።
  • እቲ ብዛዕባ ገዛእ ርእስኻ ምጕዳእ፣ ርእሰ-ቕትለት ወይ ቑስሊ ምሕዋይ ዝኣመሰለ ስእላዊ መግለፂ ዘይብሉ ናይ ቀደም ገዛእ ርእስኻ ጕድኣት ዝገልጽ ትሕዝቶ።
  • ኣብ ሕውየታዊ ኩነታት ዝርከብ መሰንገለ፣ ሓላቅምቲ፣ ናይ ሰለፍ ሃጓፋት፣ ምሕኩልቲ፣ ዝተሓለገ ከስዕ፣ ንደገ ዝወጸ ዓንዲ-ሕቘ፣ ስካፑላ፣ ብግልጺ ዝረኣይ ናይ ኣእዳው ኣእጋር ኣዕጽምቲ ወይ ዝዓሞቐ ምዕጉርቲ ዘርኢ ሕዝቶ
ነዚ ዝስዕብ ትሕዝቶ፣ ንሰባት እታወታት ከነቕርብ ከምኡድማ እቲ ትሕዝቶ 18 ዓመትን ልዕሊኡን ዝዕድሚኦም ሰባት ጥራሕ ከም ዝርእዩዎ ክንገብር ኢና፥
  • ብጽሑፍ ወይ ብዘረባ ዝቐረቡ ራሰ-ቕትለት፣ ርእሰ-ማህሰይቲ ወይ ናይ ኣመጋግባ ዲስኦርደር እምነታዊ መግለጺታት።
  • ኣብ ርእሰ-ቕትለታዊ ወይ ርእሰ-ማህሰይታዊ ኩነታት ዘይንጹር፣ ርእሰ-ቕትለታዊ ክዀኑ ተኽእሎ ዘለዎም መግለጺታት ወይ መወክሳት (እንኰላይ ንናይ ሕርቃን ኩነተ-ጠባይ፣ ጓሂ ዝገልጹ፣ ሞት ከም መማረጺ ዝገልጹ ሜማት ወይ ኣቐዲሞም ዝተሳእሉ ስእሊታት ከምኡድማ ካብ ገፊሕ ተቐባልነት ዘለዎ ኰይኑ ኣብ ጽልሙት፣ ዘጨንቕ ሓሳባት ትኹረት ዝገብር ባህሊ ዝተቐድሐ ትሕዝቶ)።
ነዚ ዝስዕብ ትሕዝቶ፣ እቲ ትሕዝቶ ልዕሊ 18 ዓመት ዝዕድሚኦም ጥራሕ ከም ዝርእዩዎ ክንገብር ኢና:
  • ላግጺ ወይ ምብጫው ኣብ ልዕሊ ስነ-ሓሳብ ናይ ርእሰ-ቕትለት፣ ርእሰ-ማህሰይቲ ወይ ናይ ኣመጋግባ ዲስኦርደር
  • ንርእሰ-ቕትለት ልዕሊ ምጽራሕ ወይ ምጥቃስ እቲ ፍጻመ ወይ ድሕረ-ፍጻመ ዝኸይድ ዝርዝር መግለጺታት ዝሓዘ ዛንታታት
  • ኣብ ጥዕናኻ ዝጎድእ ከይዲ ምንካይ ክብደት ከም ዝተጸመድካ ብቕሉዕ ከተርኢ ምፍታን
ነዚ ዝስዕብ ናይ ማሕበረሰብ ስሪታት ኣብ ግብሪ ንምውዓል ተወሳኺ ሓበሬታን/ወይ ትሕዝቶን የድልየና፥
  • ርእሰ-ቕትለት ክንፍጽም ወይ ርእሰ-ቕትለት ክንፍጽም ከም እትፍትን መረጋገጺ ምስ እንረክብ ነቲ ናይ ርእሰ-ቕትለት መዘኻኸሪታት ከነልግሶ ንኽእል ኢና። ብዙሓት ሜላታት ማለት እንኮላይ እዞም ዝስዕቡን ካልኦትን ሜላታት ተጠቂምና ንርእሰ-ቕትለት ዝምልከቱ መዘኻኸሪታት ከነለሊ ንፍትን፥
    • ካብ ስድራ-ቤት ወይከኣ ካብ ሕጋዊ ወኪል ዝመጹ ጠለባት፣
    • ካብ ሚድያ፣ ናይ ሕጊ ኣካላት፣ ወይድማ ካልኦት ናይ ሳልሳይ ኣካል ምንጪታት (ንኣብነት፣ ናይ መንግሲ ትካላት፣ ዘይመንግስታዊ ትካላት)፣ ወይ ናይ ርእሰ-ቕትለታዊ ትሕዝቶ ርክብ ቅጥዒ ወይ ናይ Instagram ርክብ ቅጥዒ።
    • ርእሰ-ቕትለት፣ ርእሰ-ማህሰይቲ፣ ናይ ኣመጋግባ ዲስኦርደር ወይድማ ክብደን ንምንካይ ኢልካ ልዕሊ ዓቐን ዘዕብር ስጉምቲታት ምውሳድ ዝኣመሰሉ ነገራት ዝገብሩ ወይ ምግባር ዘተባብዑ ከይዀኑ ንምጽራይን ንሳቶም ኣብ ናይ Meta መድረኻት ዝጥቅዕዎ ትህዝቶ ኣብ ልዕሊ ካልኦት ሰባት ሓደጋ ከስዕብ ዝኽእል ከይከውንን ንምምርማር ካብ መድረኽና ወጻኢ ዝገብሩዎ ንጥፈታት እውን ክንፍትሽ ንኽእል ኢና።
ተሞክሮታት ተጠቃሚ
ገለ ኣብነታት ናይቲ ኣብ Facebook ዝርከቡ ሰባት ዝፍጽምዎ ተግባር ርአ፡ ንኣብነት፥ ኣብ Facebook ክትረኽቦ ዘይግብኣካ ነገር ሪፖርት ምግባር፡ ናይ ማሕበረሰብ ስሪታትና ከም ዝጠሓስካ ምንጋር ከምኡውን ኣብ ገሊኡ ትሕዝቶ ናይ መጠንቀቕታ ስክሪን ምርኣይ።
መዘኻኸሪ፥ ወትሩ ኢና ንመሓየሽ ዘለና፡ ስለዚ እቲ ኣብዚ ትርእይዎ ዘለኹም ነገራት ምስቲ ሕጂ ንጥቀመሉ ዘለና ክነጻጸር ከሎ ቍሩብ ግዜኡ ዝሓለፎ ክኸውን ይኽእል እዩ ።
ተሞክሮ ተጠቃሚ
ሪፖርት ምግባር
ተሞክሮ ተጠቃሚ
ድሕሪ ሪፖርት ዝግበር ርክባት
ተሞክሮ ተጠቃሚ
ናይ ምውጋድ ተሞክሮ
ተሞክሮ ተጠቃሚ
ናይ መጠንቀቕታ ስክሪን
ዳታ
እቲ ሓድሽ ናይ ማሕበረሰብ ስሪታት ኣፈጻጽማ ሪፖርት ረኣይ
ትግባረ ስሪታት
ኣብ ብምልእታ ዓለም ንሕድሕድ ኣብ Facebook ዘሎ ሰብ ተመሳሳሊ ፖሊሲታት ኣለና።
ገምገምቲ ጉጅለታት
እቲ ካብ 15,000 ንላዕሊ ገምገምቲ ዘለውዎ ዓለምለኻዊ ጉጅለና ኣብ Facebook ድሕንነት ሰባት ንምሕላው ኩሉ ግዜ ይሰርሕ።
ተሳትፎ መዳርግቲ ኣካላት
ግዳማዊ ክኢላታት፡ ምሁራት፡ መንግስታዊ ዘይኮኑ ትካላት ከምኡውን ሓንጸጽቲ ፖሊሲታት ንናይ Facebook ማሕበረሰብ ስሪታት ኣብ ምግላጽ ይሕግዙ እዮም።
ርእሰ-ቅትለት፡ ርእሰ-ማህሰይቲ ወይከኣ ናይ ኣመጋግባ ዲስኦርደር ዝምልከት ሓገዝ ርኸብ
ምስ ናይ ማሕበረሰብ ስሪታትና ዝጻረር ነገር ኣብ Facebook እንተ ርኢኹም እንታይ ክትገብሩ ከም ትኽእሉ ፍለጡ።
ማእከል ሓገዝና ተወከስ