ጽልኣታዊ ጠባይ

ናይ ፖሊሲ ዝርዝራት
ተሞክሮታት ተጠቃሚ
ዳታ

ዝርዝራት ናይ ፖሊሲ

መዝገብ ቀይር
የፖሊሲ መነሻ ሀሳብ
ሰባት ድምፆም ተጠቒሞም ብናፅነትን ብዝበለፀ'ውን ዝራኸቡ ብመንነቶም ጉድኣት ከምዘይበፅሖም እንተተሰሚዕዎም ከምዝኾን ንኣምን። ጽልኣታዊ ጠባይ ኣብ Facebook, Instagram, ወይድማ Threads ዘይንፈቅድ'ውን ነዚ እዩ።
ንፅልኣታዊ ጠባይ ንገልፆ ብጽንሰ ሓሳብ ወይ ድማ ትካላት ከይኮነስ ሕሉው መለልዪ ባህሪታት (PCs) ንብሎም ከም ዓሌት፣ ብሄር፣ ብሄራዊ መበቆል፣ ኣካላዊ ጉድለት፣ ሃይማኖታዊ ዝምድና፣ መደብ፣ ፆታዊ ዝንባለ፣ ፆታ፣ ፆታዊ መንነትን ሓያል ሕማምን መሰረት ገይርካ — ንሰባት — ብቐጥታ ምጥቃዕ ከምዝኾነ እዩ። ብተወሳኺ፡ ንዕድመ ምስ ካሊእ ሕልው መለለዪ ምስ ዝጥቅውስ ከም ሕልው መለለዪ አፍሎጦ ንህቦ ኢና። ኣብ ፖሊሲታት ኢሚግሬሽን ርእይቶን ነቐፌታን ንፈቅድ እንተ ዀንና ንተዓቆብቲ፣ ወጻእተኛታት ስደተኛታት፣ ፅግዕተኛታት ካብ ሓያል መጥቓዕቲ (ኣብ ታሕታይ ደረጃ 1 ረኣይ) ንሕልዎም ኢና። ከምኡ’ውን፣ ንከምስራሕ ዝአመሰሉ ሓለዋ ዘይግበረሎም መለለይ ባህርታት ምስ ካሊእ ውሑስ መለለይ ባህሪ ምስተጣቐሱ ገለ ውሕስናታት ንህብ ኢና። ሓደሓደ ግዜ፣ ብመሰረት ከባብያዊ ፍልልያት፣ ንቃላት ወይ ድማ ሓረጋት ንኣብ ትሕቲ ሓለዋ ዝርከቡ መንነታት ብተደጋጋሚ ኣብ ጥቕሚ ዝውዕሉ ፕሮክሲታት ከም ዝኾኑ አፍልጦ ንህብ ኢና።
ስብእና ዝቕንጥጥ ዘረባ፣ ውንጀላታት ብዛዕባ ከቢድ ኢሞራላዊነትን ገበናውነትን፣ ከምኡድማ ምክፋእ ነወግድ ኢና። ጉድኣት ዘብፅሑ ልሙድ ምስላታት፣ ብታሪኽ ንውሱናት ማሕበረሰባት ንምትሓት፣ ንምፍርራሕ፣ ወይ ድማ ንምንፃል ዝወዓሉን መብዛሕቲኡ ግዜ ምስ ካብ ኢንተርነት ወጻኢ ዝግበር ጎንጺ ዝተኣሳሰሩ ንፅፅራትን እውን ነወግድ ኢና። ኣብ መወዳእታ፣ ንሰባት ኣብ ሕሉዋት መንነታዊ መግለጺታቶም ተደሪኽካ ዒላማ ብምግባር ከበድቲ ጸርፊታት፣ ናይ ንዕቐት ወይ ፍንፈና ኣገላልጻታት፣ መርገም ምጥቃም፣ ከምኡድማ ተነጽሎ ክበጽሖም ጻውዕዒት ምግባር ነወግድ። እዚ ዘረባ ኣብዞም ኣብ ታሕታይ ተገሊጾም ዘለዉ ክልተ ናይ ክብደት ደረጃታት ንመቕሎ።
ሰባት ሓድሓደ ግዜ ነቲ ዘረባ ንምኹናን ወይ ብዛዕባኡ ሪፖርት ንምቕራብ ፀርፊ ወይ ካዓ ናይ ካልእ ሰብ ናይ ፅልኢ ዘረባ ዘጠቓልል ትሕዝቶ ከም ዘካፍሉ ንፈልጥ ኢና። ኣብ ካልኦት ኩነታት፣ ብኻልእ መገዲ ንመዐቀኒታትና ክጥሕስ ዝኽእል ፀርፊ ሓዊስካ፣ ዘረባ፣ ንርእሲ-መወከሲ ወይ ንቕሓት ብዝህብ መንገዲ ኣብ ጥቕሚ ይውዕል እዩ። ናይቲ ተዛራባዕ ሃቀነ ንጹር ኣብ ዝዀነሉ እዋን ከምዚ ዓይነት ዘረባ ንፈቅድ ኢና። ዕላማ ናይቲ ሓሳብ ግልፂ እንተዘኮይኑ፣ ነቲ ትሕዝቶ ከነልግሶ ንኽእል ኢና።
ሰባት ሓደሓደ ግዜ ብጾታ ንዝተፈልዮ ከም መነጻጽሂ ክፍሊታት፣ ገለ ቤት-ትምህርቲታት፣ ገለ ወታደራዊ፣ ሕጊ ኣፈጸምቲ፣ ናይ ምስትምሃር ሚናታት፣ ከምኡድማ ናይ ጥዕናን ሓገዝን ጉጅለታት ንምግላጽ ኣብ ጾታ ዝተደረኸ ኣገላልጻ ይጥቀሙ እዮም። ካልእ ግዜ ድማ፣ ብዛዕባ ፖለቲካዊ ወይ ሃይማኖታዊ ጉዳያት ክዝትዩ እንከለዉ፣ ንኣብነት ብዛዕባ ናይ ትራንስጀንደር መሰላት፣ ስደት፣ ግብረ-ሰዶማዊነት ክዛረቡ እንከለዉ ናይ ተነጽሎ ጻውዕዒት ይገብሩ ወይ ይጻረፉ። ኣብ መወዳእታ፣ ሓደሓደ ግዜ ሰባት ኣብ ፍቕራዊ ርክቦም ፍትሕ ከጋጥም እንከሎ ኣብ ጾታ ዝተደረኸ መርገም ይራገሙ። ፖሊሲታትና ንከምዚኦም ዓይነታት ዘረባታት ዕድል ከም ዝህቡ ተጌሮም እዮም ተቐሪጾም።
አይትጠቅዕ፥
ቅደምሰዓብ 1
ንሰባት ወይ ጕጅለ ሰባት (ብዘይካ ጎነጻዊ ወይ ጺታዊ ገበናት ዝፈጺሞም ተባሂሎም ዝግለጹ ወይድማ ትሕቲ ፍርቂ ጉጅለ ዝውክሉ ሰባት) ብመሰረት ሕልው መንነታዊ መግለጺኦም(ታቶም) ወይ ናይ ኢሚግሬሽን ኩነታቶም ዕላማ ዝገበረ ጽሑፋዊ ወይ ዝረኣይ ትሕዝቶ፥
  • ምስ እንስሳታት እናነጻጸርካ፣ መንቀልቲ ሕማማት እዮም እናበልካ፣ ወይ ምስ ካልእ ትሕተ-ሰብ ፍጥረታት እናዛመድካ ዝግበር ስብእና ዝቕንጥጥ ዘረባታት፣ እንኮላይ፥
    • ጣንጡ (እንተላይ ግን ከኣ ብኡ ዘይተሓጽረ፡ ዱዱዕ፣ ኣንበጣ)
    • እንስሳታት ብሓፈሻ ወይ ብባህሊ ከም ንኡሳት ተጌሮም ዝግለጹ ፍሉያት ዓይነታት እንስሳታት (ነዞም ዝስዕቡ ሓዊሱ ግን ብኡ ከይተሓጸረ፡ ጸለምቲ ሰባትን ህበይን ወይ ህበይ ዚመስሉ ፍጥረታት፤ ኣይሁድን ኣናጹን፤ ኣስላምን ሓሰማታትን፤ ሜክሲኮኣዊያንን ሓሰኻታትን)
    • ባክተሪያታት፣ ቫይረሳት ወይ ደቀቕቲ ተህዋስያን
    • ትሕቲ-ሰባውነት (እንተላይ ድሑራት፣ ዲያብሎሳት፣ ሕንጉጉን ካልኦትን)
  • ናይ ከቢድ ኢሞራላዊነትን ገበናውነትን ውንጀላታት፥፥
    • ጾታዊ መጥቃዕቲ ዜውርዱ (እንኮላይ እዞም ዝስዕቡን ካልኦትን፥ ኣስላም ምስ ኣጣልን ሓሰማታትን ጾታዊ ርክብ እንዳፈጸሙ)
    • ዓመጸኛ ገበነኛታት (እንኮላይ ግብረ ራዕዳውያን፣ ቀተልቲን ካልኦትን)
  • እዞም ዝስዕቡ ጉድኣታት ክፍጸሙ ጻውዒታትን ተስፋን ምግባር (ከበድቲ ወይ ንጹራት ስጋኣታትን ጻውዒታትን ናይ ጎነጽ ኣብ ትሕቲ ናይ ዓመጽን ምልዕዓልን ፖሊሲና ይእለዩ)፥
    • ሕማም ምትሕልላፍ
    • ንተፎጥሮኣዊ መቕዘፍቲ ምቅላዕ
    • ርእሰ-ማህሰይቲ ወይ ርእሰ-ቕትለት
    • ቀታሊኡ ወይ መንቀሊኡ ዘይተፈልጠ ሞት
    • ፈጻሚ ዘይብሎም ወይድማ ብትእዛዝ ኣምላኽ ዘጋጥሙ ሓደጋታትን ካልኦት ኣካላዊ መጉዳእቲታትን
  • ብተለምዶ ምስ ምፍርራሕ ወይ ዓመጻ ዝዛመዱ ከም ንጸለምቲ ንምንሻው ገጽካ ምጽላም ዛኣመሰሉ ጎዳእቲ ልምዲታት፡ ምኽሓድ ዘርኢ ምጥፋእ፤ ኣይሁዳውያን ሰባት ንፋይናንስ፣ ናይ ፖለቲካዊ ወይ ሚድያ ትካላት ይቆጻጸሩ እዮም ዝብል ክሲ፤ ከምኡ’ውን ንዳሊትታት ከም ትሑት ሸቃሎ ምጥቃስ; ከምኡድማ ጸለምቲ ሰባት ምስ ናይ ሕርሻ መሳርሒታት ምዝማድ።
  • ዋላ እውን ናይ ሓቂ ሰብ ኣብ ስእሊ እንተ ዘይተቐልቀለ ነቲ ሓሳብ ፍጻመታት ወይ ግዳያት ናይ ጽልኢ ገበን ዝዀኑ ሰባት የላግጹሉ ኢዮም።
  • ንሰባት ኣብ ሕማሞም ተደሪኽካ ምሕጫጭ።
  • ንሰባት ዘኽፍእ ወይድማ ብኣሉታ ዒላማ ዝገብር ትሕዝቶ። ዘነውሩ ቃላት ተባሂሎም ዝተገልጹ ቃላት ምስ ታሪኻዊ ኣድልዎ፣ ጭቆና፣ ከምኡድማ መጥቃዕቲ ዝዛመዱ ክኾኑ እንከለዉ ኣብ ልዕሊ ሰባት ኣብ ሓለዋ ዝግበረሎም መግለጺታት ተመስሪቶም ብባህሪኦም ናይ ኣድልዎን ስግኣትን ሃዋህው ዝፈጥሩ እዮም።
ፖሊሲ 2
ንሰባት ወይ ጕጅለ ሰባት ብምኽንያት ሕልው መንነታዊ ምግለጺኦም(ታቶም) ዕላማ ዝገበረ (ብጽሑፍ ወይ ብዝረኣይ መልክዕ ዝቐረበ) ትሕዝቶ፡
  • ናይ ተነጸሎ ወይ ኣድልዎ ጻውዒታት ወይ ናይ ተነጽሎ ወይ ኣድልዎ ሃቀነ ዘለዎም መግለጺታት፣ ናኣብነት፥
    • ሓፈሻዊ ተነጽሎ፣ ማለት ከም “X ኣይፍቀድን!” ዝኣመሰሉ ናይ ሓፈሻዊ ተነጽሎ ወይ ኣድልዎ ጻውዒታት
    • ፖለቲካዊ ተነጽሎ፣ ማለት ምኽላእ ፖለቲካዊ ተሳትፎ ወይድማ ክእሰሩ ኣለዎም ዝብል ክትዕ ወይ ምኽላኣ ፖለቲካዊ መሰላት።
    • ቁጠባዊ ምግላል፡ ማለት ቁጠባዊ መፋለጢ ምኽላእ ከምኡ ውን ኣብ ዕዳጋ ሸቕሊ ተሳትፎ ደረት ምግባር ማለት እዩ። ኣብ ጾታ ዝተደረኹ ናይ ወታደራዊ፣ ኣፈጻሚ ሕጊ፣ ከምኡድማ ናይ ኣስተምህሮ ስራሕቲ ደረታት ዝምልከት ክትዕ ዘለዎ ትሕዝቶ ነፍቅድ ኢና። ብተወሳኺ ኣብ ወሲባዊ ዝንባለ ዝተደረኸ ተመሳሳሊ ትሕዝቶ መበገሲኡ ሃይማነታዊ እምነት እንተዀይኑ ነፍቅድ ኢና።
    • ማሕበራዊ ተነጽሎ፣ ማለት ከም ምኽላእ ተጠቃሚነት ቦታታት (ኣካላዊ ወይ ኦንላይ) ከምኡድማ ማሕበራዊ ኣገልግሎታት፣ ብዘይካ ከም መነጻጽሂ ክፍሊታት፣ ስፖርታዊ ንጥፈታን ስፖርታዊ ሊጋትን፣ ናይ ጥዕናን ሓገዝን ጉጅለታት፣ ፍሉያት ቤት-ትምህርቲታት ዝኣመሰሉ ጾታ ዝፈልዩ ጉዳያት።
  • ጸርፊታት፣ እንኮላይ ነዞም ዝስዕቡ ዝምልከቱ፥
    • መግለጺ መንነት፣ እንኮላይ ፈራሕ፣ ቅንዕና ዘይብሉ ዝብሉ ውንጀላታትን ንመሰረታዊ ገበናዊነት፣ ወሲባዊ ዕጥራን ወይ ካልእ ወሲባዊ ኢሞራሊቲ ዝምልከት ውንጀላ።
    • መግለጺታት ኩነተ-ኣእምሮ፣ እንኰላይ ንስድነት፣ ኣእምሮኣዊ ዓቕሚ፣ ኣእምሮኣዊ ሕማም ዝምልከቱ ውንጀላታት፣ ከምኡድማ፣ ኣብ ዘርኣዊ ናይ ኣእምሮ ዓቕሚ ዝተደረኸ ኣብ መንጎ ናይ PC ጉጅለታት ዝግበር ዘይምዕሩይ ንጽጽር። ንኣእምሮኣዊ ሕማም ወይ ዘይጥዑይነት ዝምልከቱ ኣብ ጾታ ወይ ወሲባዊ ዝንባለ ዝተደረኹ ወረታት እንፈቕደሉ ኩነታት ኣሎ፣ ንኣብነት ምስ ብዛዕባ ትራንንስጀንደሪዝምን ግብረሰዶማዊነትን ዝግበሩ ፖለቲካዊን ሃይማኖታዊን መድረኻት ተታሓሒዙ ከም “ዘይንቡር” ዝብሉ ብዙሕ ሓደገኛታት ዘይኰኑ ቃላት ክንፈቅድ ንኽእል።
    • ካልኦት ቦታታት፣ እንኮላይ ንብላሽነት፣ ከንቱነት፣ ግናይነት፣ ረሳሕነትን ካልኦትን ዝምልከቱ ኣገላልጻታት።
  • እቲ ዒላማ ዝተገብረ ኣካል ሕማም ከም ዘምጽእ ዝገልጹ መግለጺታት፣ ናኣብነት “ዑዕ የምጸኣለይ”ን ካልኦትን።
  • ጸርፊ፣ ብዘይካ ኣብ መንጎ ኣንጻር ጾታ ፍቕራዊ ርክብ ኣብ ዘቋርጸሉ እዋን ዝህሉ ጸርፊ ከምዚ ዝስዕብ ዝብል ትርጕም ኣለዎ፡
    • ደይመደይ ኢልካ ንምጽራፍ፣ ንኣብነት “Fuck እቲ [ሓለዋ ዝግበረሉ መንነታዊ መግለጺ]!” ንምባል ብዕላማ “fuck” ወይ ዓይነታት “fuck” ምጥቃም
    • ን ኣብ ጾታዊ ርክብ ምስታፍ ዘመልክቱ ስያመታት ወይ ሓረጋት፡ ወይ ምስ ብልዕቲ፣ ማሃንቱስ፣ ቀልቀል ወይ ሽንቲ ምትንኻፍ፣ ገለ ካብኡ ንምጥቃስ ፣ ግን ኣብዚ ዝተሓጸረ ኣይኮነን፡ ሞትሎይ ጥበቦ፣ ሞዓኮረይ ስዓሞ፣ ንቀልቀለይ ብልዓዮ።
ነዚ ዝስዕብ ናይ ማሕበረሰብ ስሪታት ኣብ ግብሪ ንምውዓል ተወሳኺ ሓበሬታን/ወይ ትሕዝቶን የድልየና፡
አይትጠቅዕ፥
  • ንጾታዊ ኣረኣእያ ሰባት ወይ መንነት ጾታ ንምቕያር ተባሂሉ ፍርያት ወይ ኣገልግሎት ንምሃብ ዚቐርብ ትሕዝቶ።
  • ምስ ሕልው መለለዪ እተተሓሓዘ ሓሳባት ትካላት ሓሳባት ልምድታት ወይ እምነታት ዘጥቅዕ ትሕዝቶ ኣብቶም ሕልው መለለዪ ዘለዎም ሰባት ኣካላዊ ጕድኣት ምፍርራህ ወይ ኣድልዎ ከምጽእ ይኽእል ኢዩ። Meta ኣብቲ ትሕዝቶ ጉድኣት ከየስዕብ ንምፍላጥ ዝተፈላለዩ ምልክታት የርኢ። እዚ ከኣ ኣብዞም ዝስዕቡ ነጥብታት ጥራይ ዝተሓጽረ ኣይኰነን: - ከም ኣመጽ ወይ ምፍርራሕ ከለዓዕል ዝኽእል ትሕዝቶ፣ ኣብ ከም ምርጫ ወይ ቀጻሊ ግጭት ዝኣመሰለ ዝተጋደደ ውጥረት ዝሰፈኖ ግዜ ይሃሉ ኣይሃሉ ብዘየገድስ፣ ኣብ ቀረባ እዋን ኣብ ልዕሊ እቲ ዒላማ ዝተገበረ ጕጅለ ዓመጽ ከምዝተፈጸመዝገልጽ ታሪኽ እንድሕር ኣሎ። ኣብ ገሊኡ መዳያት፣እቲ ተዛራባይ ኣብ ቅድሚ ህዝቢ ተቐባልነት ዘለዎ ወይ ስልጣን ዘለዎ እንተ ኰይኑ ኽንምርምር ንኽእል ኢና።
ኣብ ገሊኡ መዳያት፡ እቲ ትሕዝቶኡ ሓሳብ ንምግላጽ ከም ዝዀነ እንተ ተወሲኑ፡ ነቲ ማሕበረሰባዊ መትከል ዝጥሕስ ትሕዝቶ ኽንፈቅድ ኢና። ግህሰታዊ ባእታታት ናይቲ ትሕዝቶ ኣብ ልዕሊ ገለ ነገር ወይ ገለ ሰብ ንምሕጫጭ ወይ ንምንቃፍ ብመልክዕ ኣሽሙር ክቐርቡ እንከለው ጥራሕ እዩ እቲ ትሕዝቶ ክፍቀድ ዝኽእል።
ኣስተውዕል: ናይ ኤውሮጳዊ ሕብረት ተጠቃሚ እንተዄንካሞ፣ ኣብ ሃገርካ ናይ ጽልኣት ዘረባ ሕጊታት ዝግህስ ትሕዝቶ እንድሕር ርኢኻ፣ ናብ Facebook ወይ Instagram ሕጋዊ ናይ ኣወግድዎ ሕቶ ከተቕርብ ትኽእል ኢኻ።
ተሞክሮታት ተጠቃሚ
ገለ ኣብነታት ናይቲ ኣብ Facebook ዝርከቡ ሰባት ዝፍጽምዎ ተግባር ርአ፡ ንኣብነት፥ ኣብ Facebook ክትረኽቦ ዘይግብኣካ ነገር ሪፖርት ምግባር፡ ናይ ማሕበረሰብ ስሪታትና ከም ዝጠሓስካ ምንጋር ከምኡውን ኣብ ገሊኡ ትሕዝቶ ናይ መጠንቀቕታ ስክሪን ምርኣይ።
መዘኻኸሪ፥ ወትሩ ኢና ንመሓየሽ ዘለና፡ ስለዚ እቲ ኣብዚ ትርእይዎ ዘለኹም ነገራት ምስቲ ሕጂ ንጥቀመሉ ዘለና ክነጻጸር ከሎ ቍሩብ ግዜኡ ዝሓለፎ ክኸውን ይኽእል እዩ ።
ተሞክሮ ተጠቃሚ
ሪፖርት ምግባር
ተሞክሮ ተጠቃሚ
ድሕሪ ሪፖርት ዝግበር ርክባት
ተሞክሮ ተጠቃሚ
ናይ ምውጋድ ተሞክሮ
ተሞክሮ ተጠቃሚ
ናይ መጠንቀቕታ ስክሪን
ዳታ
እቲ ሓድሽ ናይ ማሕበረሰብ ስሪታት ኣፈጻጽማ ሪፖርት ረኣይ
ትግባረ ስሪታት
ኣብ ብምልእታ ዓለም ንሕድሕድ ኣብ Facebook ዘሎ ሰብ ተመሳሳሊ ፖሊሲታት ኣለና።
ገምገምቲ ጉጅለታት
እቲ ካብ 15,000 ንላዕሊ ገምገምቲ ዘለውዎ ዓለምለኻዊ ጉጅለና ኣብ Facebook ድሕንነት ሰባት ንምሕላው ኩሉ ግዜ ይሰርሕ።
ተሳትፎ መዳርግቲ ኣካላት
ግዳማዊ ክኢላታት፡ ምሁራት፡ መንግስታዊ ዘይኮኑ ትካላት ከምኡውን ሓንጸጽቲ ፖሊሲታት ንናይ Facebook ማሕበረሰብ ስሪታት ኣብ ምግላጽ ይሕግዙ እዮም።
ብዛዕባ ጽልኣታዊ ባህሪ ሓገዝ ርኸብ።
ምስ ናይ ማሕበረሰብ ስሪታትና ዝጻረር ነገር ኣብ Facebook እንተ ርኢኹም እንታይ ክትገብሩ ከም ትኽእሉ ፍለጡ።
ማእከል ሓገዝና ተወከስ