Зӯроварӣ ва иғвогарӣ

Тафсилоти сиёсат
Таҷрибаҳои корбар
Иттилоот

Тафсилоти сиёсат

САБТИ ТАҒЙИРОТ
Асоси сиёсат
Мо саъй мекунем, то зӯроварии эҳтимолӣ дар ҷаҳони воқеиро, ки метавонад бо муҳтавое дар платформаҳои мо алоқаманд бошад, пешгирӣ кунем. Гарчанде мо дарк мекунем, ки одамон одатан нафрат ва норозигии худро бо таҳдиду даъватҳои зӯроварӣ ба равиши ғайриҷиддӣ ва муқаррарӣ ифода мекунанд, мо суханҳоеро, ки зӯроварӣ ва таҳдидҳои воқеиро ба бехатарии ҷамъиятӣ ё шахсӣ бармеангезанд ё ба онҳо мусоидат менамоянд, нест мекунем. Ин сухани нафратомезеро, ки бар зидди як нафар ё гурӯҳи одамон дар асоси хусусият(ҳо)и муҳофизатшуда ё вазъи муҳоҷирати онҳо равона шудааст, дар бар мегирад. Вақте мо мутмаин ҳастем, ки хавфи воқеии зараррасонии ҷисмонӣ ё таҳдиди бевосита ба бехатарии ҷамъиятӣ ҷой дорад, мо муҳтаворо нест ва ҳисобҳоро ғайрифаъол мекунем, инчунин бо мақомоти ҳифзи ҳуқуқ ҳамкорӣ менамоем. Мо инчунин кӯшиш менамоем, ки забони баён ва контекстро бо мақсади фарқ кардани изҳороти оддӣ ё баландбардории сатҳи огоҳирӣ аз муҳтавоеро, ки таҳдиди воқеӣ ба бехатарии ҷамъиятӣ ё шахсиро дарбар мегирад, баррасӣ намоем. Ҳангоми муайян кардани воқеияти таҳдид мо инчунин метавонем маълумоти иловагӣ, монанди дараҷаи шинохташавии шахс дар ҷамъият ва хавфҳо ба бехатарии ҷисмонии ӯро ба назар гирем.
Дар баъзе ҳолатҳо мо таҳдидҳои орзуӣ ва шартӣ, аз ҷумла изҳори умедворӣ ба онро мебинем, ки зӯроварӣ дар мавриди террористон ё омилони зӯроварии дигар содир мешавад ва ба онҳо равона карда мешавад (масалан, "Марг ба террористон", "Умедворам онҳо террористонро мекушанд"). Мо онҳоро ғайримуътабар мешуморем, зеро далелҳои мушаххаси ҳолати баръакс мавҷуд нестанд.
Мо инҳоро нест мекунем:
Мо таҳдидҳои зӯровариро нисбат ба ҳадафҳои гуногун нест мекунем. Таҳдидҳои зӯроварӣ изҳорот ё маводи аёние мебошанд, ки ният, кӯшиш ё даъват ба зӯроварӣ нисбат ба ҳадафро ифода мекунанд, инчунин таҳдидҳо метавонанд дар навъҳои гуногуни изҳорот, аз қабили изҳороти ният, даъватҳо ба амал, ҷонибдорӣ, ибрози умед, изҳороти ҳавасмандӣ ва изҳороти шартӣ баён шаванд.
Мо таҳдидҳоеро, ки дар контексти баланд бардоштани сатҳи огоҳӣ ё маҳкумкунӣ мубодила шудаанд, вақте ки таҳдидҳои нисбатан камтар шадид дар контексти варзиши тамосӣ карда мешаванд ё вақте ки таҳдидҳо ба омилони муайяни зӯроварӣ, монанди гурӯҳҳои террористӣ равона шудаанд, манъ намекунем.
Муҳофизати умумӣ барои ҳама
Ҳар кас аз таҳдидҳои зерин муҳофизат карда мешавад:
  • Таҳдидҳои зӯроварӣ, ки метавонанд боиси марг (ё намудҳои дигари зӯроварии шадид) шаванд
  • Таҳдидҳои зӯроварӣ, ки метавонанд боиси ҷароҳати ҷиддӣ шаванд (зӯроварии дорои шиддати миёна). Мо чунин таҳдидҳоро нисбат ба шахсони маъруф ва гурӯҳҳои одамоне, ки ба хусусиятҳои муҳофизатшуда асос наёфтаанд, ҳангоми мавҷуд будани исботҳои боэътимод нест мекунем. Изҳороти таҳдид, ки ба ҳадафҳои дигар равона шудаанд (аз ҷумла ба гурӯҳҳои одамон дар асоси хусусиятҳои муҳофизатшуда), новобаста ба муътамад будани онҳо, нест карда мешаванд
  • Изҳороти иқроршавӣ ба содир кардани зӯроварии шиддаташ баланд ё миёна (дар шакли хаттӣ ё шифоҳӣ ё тасвири аёнӣ аз ҷониби ҷинояткор ё шарики ӯ), ба истиснои ҳолатҳои мубодила дар контексти марбут ба наҷотдиҳӣ, мудофиаи худ, варзишҳои тамосӣ (шиддати миёна ё пасттар) ё вақте ки зӯроварӣ аз ҷониби кормандони мақомоти ҳифзи ҳуқуқ, низомӣ ё амнияти давлатӣ содир шудааст
  • Таҳдидҳо ё тасвирҳои ба гарав гирифтан ё дуздидани одам, ба истиснои он ҳолатҳои возеҳ, ки муҳтаво аз ҷониби ҷабрдида ё оилаи ӯ барои дархости кумак ва ё бо мақсади додани маълумот, маҳкумкунӣ ё баланд бардоштани сатҳи огоҳӣ мубодила карда шудааст
Муҳофизатҳои иловагӣ барои шахсони хусусии калонсол, ҳамаи кӯдакон, шахсони мансуб ба гурӯҳи хатари ҷиддӣ ва шахсон ё гурӯҳҳо дар асоси хусусиятҳои муҳофизатшудаи онҳо:
Илова бар муҳофизати умумӣ барои ҳама, ҳамаи шахсони хусусии калонсол (вақте ки худи онҳо гузориш медиҳанд), кӯдакон ва шахсон ё гурӯҳҳои одамоне, ки дар асоси хусусият(ҳо)и муҳофизатшудаи худ мавриди ҳадаф қарор мегиранд, аз таҳдидҳои зӯроварии шиддаташон паст муҳофизат карда мешаванд.
Зӯровариҳои дигар
Илова бар ҳама муҳофизатҳои дар боло номбаршуда, мо муҳтавои зеринро нест мекунем:
  • Муҳтавое, ки дар он хизматрасонии зӯроварии шадид дархост мешавад, пешниҳод мегардад ё ба пешниҳод кардани он иқрор мешавад (масалан, қотилони кироя, аскарони кироя, одамкушон, буридани узвҳои таносули занон) ё истифодаи ин хизматрасониҳо ҷонибдорӣ мешавад
  • Дастурҳо оид ба тарзи сохтан ё истифода намудани аслиҳа, ки дар матни онҳо мақсади ба таври ҷиддӣ захмдор кардан ё куштани одамон возеҳан изҳор шудааст ё тасвирҳое, ки натиҷаи ниҳоӣ ё натиҷаи шабеҳи онро нишон медиҳанд, ба истиснои ҳолатҳое, ки ба зӯроварӣ рабт надоштани ҳадафи ин муҳтаво аз контекст бармеояд, аз қабили худмудофиаи таълимӣ (масалан, тамрини муҳориба, ҳунарҳои ҷангӣ) ва тамрини низомӣ.
  • Дастурҳо оид ба сохтан ва истифода намудани моддаҳои тарканда, ба истиснои ҳолатҳое, ки ба зӯроварӣ рабт надоштани ҳадафи ин муҳтаво аз контекст бармеояд, аз қабили худмудофиаи фароғатӣ (масалан, фейерверкҳо, бозиҳои видеоии тиҷоратӣ, моҳигирӣ)
  • Таҳдидҳои ба даст гирифтани аслиҳа ё овардани аслиҳа ба макони муайян ё бо зӯрӣ ворид шудан ба макони муайян (аз ҷумла, вале бо ин маҳдуд намешавад, ба ҷойҳои ибодат, муассисаҳои таълимӣ, ҷойҳои овоздиҳӣ ё маконҳое, ки барои ҳисоб кардани овозҳо ё маъмурияти интихобот истифода мешаванд) ё ба маконҳое, ки дар он ҷо муваққатан аломатҳои хавфи баланди зӯроварӣ мавҷуд аст.
  • Таҳдидҳои зӯроварии марбут ба овоздиҳӣ, бақайдгирии овоздиҳандагон ё ташкил ё натиҷаи интихобот, ҳатто агар ҳеҷ гуна ҳадаф мавҷуд набошад.
  • Ситоиши зӯроварӣ дар асоси гендер, ки зӯроварӣ дар муносибатҳои маҳрамона ё зӯроварӣ ба номус аст
Мо барои таъмини риояи Стандартҳои ҷомеаи зерин маълумот ва/ё контексти иловагӣ талаб мекунем:
Мо ин муҳтаворо нест мекунем:
  • Таҳдидҳо ба кормандони ҳифзи ҳуқуқ ё шахсони расмии интихобот, новобаста ба мақоми ходими ҷамъиятӣ доштани онҳо ё далелҳои боэътимоди чунин таҳдид.
  • Изҳороти рамздор, ки дар он усули зӯроварӣ ба таври возеҳ баён нашудааст, балки таҳдид пардапӯш ё пинҳон аст, тавре ки тавассути таркиби аломатҳои таҳдид ва аломатҳои контекстӣ дар рӯйхати зерин нишон дода шудааст.
    • Хатар: изҳороти рамздор, ки яке аз мавридҳои зерин аст:
      • Муҳтавое, ки дар контексти ниқоргирӣ (масалан, изҳори хоҳиши анҷом додани зӯроварӣ нисбат ба дигарон дар посух ба ягон ранҷиш ё таҳдид, ки метавонад воқеӣ, эҳтимолӣ ё пешбинишуда бошад) мубодила шудааст
      • Истинодҳо ба ҳодисаҳои зӯроварӣ дар адабиёти таърихӣ ё бадеӣ (масалан, муҳтавое, ки ба дигарон тавассути истинод ба амалҳои зӯроварие, ки дар тӯли таърих содир шудаанд ё дар адабиёти бадеӣ баён гардидаанд, таҳдид мекунад)
      • Муҳтавое, ки даъват ба амали таҳдидомезро дарбар мегирад (масалан, муҳтавое, ки дигаронро ба кирдорҳои зӯроварӣ ё ба ҳамроҳшавӣ барои анҷоми кирдорҳои зӯроварона даъват мекунад ё таҳрик медиҳад)
      • Ишораҳо ба донистани маълумоти ҳассос, ки метавонад боиси ба зӯроварӣ дучор шудани дигарон шавад ё мубодила шудани чунин маълумот (масалан, муҳтавое, ки дар он огоҳӣ аз маълумоти шахсӣ зикр мегардад ё дар назар дошта шудааст ва метавонад эҳтимоли таҳдиди зӯровариро воқеитар кунад. Ба ин ишора ба донистани суроғаи истиқоматии шахс, ҷои кор ё таҳсил, масири рафтуои ҳаррӯза ё макони ҷории ӯ дохил мешавад)
    • Контекст
      • Шароити маҳал ё арзёбии тахассусӣ тасдиқ мекунад, ки изҳороти мавриди назар метавонад боиси зӯроварии ногузир гардад.
      • Ҳадафи муҳтаво ё намояндаи ваколатдор дар бораи муҳтаво ба мо гузориш медиҳад.
      • Ҳадаф кӯдак аст.
  • Таҳдиди дарназардошташудаи овардани силоҳ ба маконҳо, аз ҷумла, вале бо ин маҳдуд намешавад, ба ҷойҳои ибодат, муассисаҳои таълимӣ, ҷойҳои овоздиҳӣ ё маконҳое, ки барои ҳисоб кардани овозҳо ё маъмурияти интихобот истифода мешаванд (ё ташвиқ кардани дигарон ба чунин амалҳо) ё маконҳое, ки дар он ҷо муваққатан аломатҳои хавфи баланди зӯроварӣ мавҷуд аст.
  • Даъвоҳо ё фарзияҳо дар бораи коррупсия, вайронкуниҳо ё таҳрифҳо дар робита бо интихобот, вақте ки дар муҳтаво ишорае ба таҳдиди зӯроварӣ мавҷуд аст (масалан, таҳдидҳои ба даст гирифтан ё овардани силоҳ, тасвирҳои аёнии силоҳ, истинодҳо ба оташзанӣ, дуздӣ, вандализм), аз ҷумла:
    • Ҳадафгирии шахс(он)и алоҳида
    • Ҳадафгирии макони мушаххас (иёлат ё ҳудуди хурдтар)
    • Дар мавридҳое, ки ҳадаф возеҳ нест
  • Истинодҳо ба ҷамъомадҳо ё рӯйдодҳои марбут ба интихобот, вақте ишорае мавҷуд аст, ки муҳтаво таҳдиди зӯроварӣ аст (масалан, таҳдидҳои ба даст гирифтан ё овардани силоҳ, тасвирҳои аёнии силоҳ, истинодҳо ба оташзанӣ, дуздӣ, вандализм).
  • Таҳдидҳои зӯроварӣ бо шиддати баланд ё миёна ҳангоми муҳофизати худ ё одами дигар, вақте ки бо меъёрҳои зерин мутобиқат мекунад.
    • Бар зидди шахс (ба истиснои шахсоне, ки онҳоро метавон аз рӯи ном ё чеҳра муайян кард, одамоне, ки дар асоси хусусиятҳои муҳофизатшудаи худ мавриди ҳадафгирӣ қарор мегиранд ва кӯдакон)
    • Дар контексти дохилшавӣ ба манзил ё зӯроварии байнишахсӣ, ки бо зӯроварии ҷавобӣ мутаносиб аст ва таҳдиди фаврӣ мебошад
    • Таъсири эҳтимолӣ ба озодии баён аз хавфи зӯроварии ногузир зиёдтар аст
Таҷрибаҳои корбар
Баъзе намунаҳои татбиқи сиёсатҳо нисбат ба муҳтавои одамон дар Facebook-ро бубинед, монанди: равиши гузоришдиҳӣ дар бораи муҳтавое, ки ба фикри шумо, набояд дар Facebook ҷой дошта бошад, огоҳ кардани шумо дар бораи вайрон кардани Стандартҳои ҷомеа ва дидани экрани огоҳӣ дар муҳтавои мушаххас.
Эзоҳ: Мо ҳамеша такмил меёбем, аз ин рӯ он чизе, ки дар ин ҷо мебинед, метавонад дар муқоиса бо он чизе, ки мо айни ҳол истифода мебарем, каме мувофиқат накунад.
ТАҶРИБАИ КОРБАР
Гузоришдиҳӣ
ТАҶРИБАИ КОРБАР
Иртибот пас аз гузориш
ТАҶРИБАИ КОРБАР
Раванди аз байн бурдан
ТАҶРИБАИ КОРБАР
Экранҳои огоҳкунанда
Иттилоот
Гузориши охирин дар бораи татбиқи Стандартҳои ҷомеаро аз назар гузаронед
Татбиқи стандартҳо
Мо дар саросари дунё барои ҳар кас дар Facebook сиёсатҳои яксон дорем.
Гурӯҳҳои бозбинӣ
Гурӯҳи ҷаҳонии мо, ки бештар аз 15000 бозбиникунандаро дар бар мегирад, ҳар рӯз барои таъмини бехатарии одамон дар Facebook кор мекунад.
Ҳамкорӣ бо тарафҳои манфиатдор
Коршиносони берунӣ, академикҳо, ташкилотҳои ғайридавлатӣ ва сиёсатмадорон дар таҳия ва такмили Стандартҳои ҷомеаи Facebook кумак мекунанд.
Дарёфти кумак оид ба зӯроварӣ ва иғвогарӣ
Маълумот гиред, ки ҳангоми дидани ягон мавриде дар Facebook, ки ба Стандартҳои ҷомеаи мо мухолифат мекунад, чӣ метавон кард.
Боздид аз Маркази ёрӣ