Рафтори ғайриаслӣ

Тафсилоти сиёсат
Таҷрибаҳои корбар

Тафсилоти сиёсат

САБТИ ТАҒЙИРОТ
Асоси сиёсат
Рафтори ғайриаслӣ шаклҳои мураккаби гуногуни фиребгариро дар бар мегирад, ки аз ҷониби шабакаи объектҳои ғайриаслии таҳти назорати ҳамон як шахс ё шахсон қарордошта бо мақсади фиреб кардани Meta ё ҷомеаи мо ва ё давр зада гузаштани Стандартҳои ҷомеаи мо анҷом дода мешавад.
Дар ҳолатҳое, ки омилони таҳдиди душманона аз шахсияти тақаллубӣ барои даст задан ба шаклҳои печидаи Рафтори ғайриаслӣ истифода мебаранд, мо ин рафторро ҳамчун рафтори ғайриаслии ҳамоҳангшуда (РҒҲ) муайян менамоем.
Ин стандартҳо ва чораҳои татбиқ новобаста ба муҳтаво ё идеология татбиқ мешаванд ва барои эҷоди фазое тарҳрезӣ шудаанд, ки одамон дар он метавонанд ба одамон ва ҷомеаҳое, ки бо онҳо таомул мекунанд, эътимод дошта бошанд.
Вақте ки мо ин шабакаҳоро муайян менамоем, мо ҳисобҳо, Саҳифаҳо, Гурӯҳҳои қалбакӣ ё объектҳои Meta-ро, ки мустақиман дар амалиёт иштирок доранд, нест мекунем. Дар ҳолатҳое, ки ин одамон инчунин Саҳифаҳо, Гурӯҳҳо ё ҷомеаҳоеро эҷод, идора ва ба ҳамкорӣ моил мекунанд, мавриди ҳадаф қарор медиҳанд ё назорат мекунанд, ки ниҳодҳои аслиро намояндагӣ мекунанд ва дар рафтори ғайриаслӣ иштирок накардаанд, мо метавонем барои хориҷ кардани ашхосе, ки қоидаҳоро вайрон кардаанд, чораҳо андешем, аммо ба одамон ва ҷомеаҳои иштирокнакарда иҷозат медиҳем, ки дар хизматрасониҳои мо боқӣ монанд.
Мо дар ҳар ҳолати имконпазир хулосаҳои худро оид ба шабакаҳои РҒҲ дар Гузоришҳо дар бораи таҳдиди душманона мубодила мекунем, ки онҳоро метавон дар ин ҷо пайдо кард. Гузоришҳои мазкур маънии фаро гирифтани доираи мукаммали чораҳои татбиқ тибқи Сиёсат оид ба рафтори ғайриаслиро надоранд, аммо кумак мекунанд, то ҷомеаи мо табиати таҳаввулкунандаи таҳдидҳоеро дарк намоянд, ки мо дар ин фазо дучор мешавем.
Мо ба инҳо иҷозат намедиҳем:
Эҷод, истифода ё иддаои истифодаи объектҳои ғайриаслии Meta (Ҳисобҳо, Саҳифаҳо, Гурӯҳҳо ва ғайра) бо мақсади:
  • Фиреб додани Meta ё корбарони мо дар мавриди ҳувият ё асли бинандагон ё ниҳоде, ки онҳо намояндагӣ мекунанд
  • Саркашӣ аз риояи Стандартҳои ҷомеаи мо.
  • Истифодаи нодурусти системаҳои гузоришдиҳии Meta барои таъқиб намудан, таҳдид кардан ба дигарон ё хомӯш кардани онҳо.
Мо барои таъмини риояи Стандартҳои ҷомеаи зерин маълумот ва/ё контексти иловагӣ талаб мекунем:
Мо ба инҳо иҷозат намедиҳем:
  • Иштирок ё иддаои иштирок кардани ниҳодҳо дар рафтори ғайриаслии ҳамоҳангшуда, ки ҳамчун шаклҳои махсусан мураккаби рафтори ғайриаслӣ муайян карда мешавад ва дар он ҳувияти ғайриаслӣ унсури марказии ин амалиёт мебошад ва операторҳо усулҳои душманонаро барои давр задани ошкоршавӣ ё аслӣ ба назар расидан истифода мебаранд.
  • Иштирок ё иддаои иштирок кардани ниҳодҳо дар дахолати хориҷӣ, ки ҳамчун рафтори ғайриаслии ҳамоҳангшуда муайян мешавад ва дар он операторҳои шабака дар ҳамон кишваре, ки амалиёти дахолат бинандагонро ҳадафгирӣ мекунад, қарор нагирифтаанд
  • Аз ҷониби ҳукуматҳое, ки ба манъи дарозмуддати шабакаҳои иҷтимоӣ дастур додаанд, истифода шудани сохторҳои расмӣ, идораҳо ва сафоратҳои онҳо барои инкор кардани истифодаи қувва ё амалҳои зӯроварӣ дар контексти ҳамла алайҳи тамомияти арзии як давлати дигар, ки мухолифи моддаи 2(4) Оинномаи СММ аст.
Таҷрибаҳои корбар
Баъзе намунаҳои татбиқи сиёсатҳо нисбат ба муҳтавои одамон дар Facebook-ро бубинед, монанди: равиши гузоришдиҳӣ дар бораи муҳтавое, ки ба фикри шумо, набояд дар Facebook ҷой дошта бошад, огоҳ кардани шумо дар бораи вайрон кардани Стандартҳои ҷомеа ва дидани экрани огоҳӣ дар муҳтавои мушаххас.
Эзоҳ: Мо ҳамеша такмил меёбем, аз ин рӯ он чизе, ки дар ин ҷо мебинед, метавонад дар муқоиса бо он чизе, ки мо айни ҳол истифода мебарем, каме мувофиқат накунад.
ТАҶРИБАИ КОРБАР
Гузоришдиҳӣ
ТАҶРИБАИ КОРБАР
Иртибот пас аз гузориш
ТАҶРИБАИ КОРБАР
Раванди аз байн бурдан
ТАҶРИБАИ КОРБАР
Экранҳои огоҳкунанда
Татбиқи стандартҳо
Мо дар саросари дунё барои ҳар кас дар Facebook сиёсатҳои яксон дорем.
Гурӯҳҳои бозбинӣ
Гурӯҳи ҷаҳонии мо, ки бештар аз 15000 бозбиникунандаро дар бар мегирад, ҳар рӯз барои таъмини бехатарии одамон дар Facebook кор мекунад.
Ҳамкорӣ бо тарафҳои манфиатдор
Коршиносони берунӣ, академикҳо, ташкилотҳои ғайридавлатӣ ва сиёсатмадорон дар таҳия ва такмили Стандартҳои ҷомеаи Facebook кумак мекунанд.
Дарёфти кумак оид ба рафтори ғайриаслӣ
Маълумот гиред, ки ҳангоми дидани ягон мавриде дар Facebook, ки ба Стандартҳои ҷомеаи мо мухолифат мекунад, чӣ метавон кард.
Боздид аз Маркази ёрӣ