Асоси сиёсат
Мо эътироф мекунем, ки бехатарии корбарони мо амнияти маълумоти шахсӣ, ҳисобҳо, профилҳо ва дигар субъектҳои таҳти идораи онҳо дар Meta, инчунин ба маънои фарохтар, амнияти маҳсулот ва хизматрасониҳои моро дар бар мегирад. Кӯшишҳои ҷамъоварии маълумоти шахсии ҳассос ё даст задан ба дастрасии беиҷозат бо усулҳои фиреб ё мудохила боиси расонидани зарар ба фазои асил, кушода ва бехатаре мегардад, ки мо мехоҳем онро созмон диҳем.
Мо ба инҳо иҷозат намедиҳем:
Кӯшишҳои рахна кардан ё дастрасӣ пайдо кардан ба ҳисоб бо воситаҳои беиҷозат, аз ҷумла:
Тавассути воситаҳои фиребанда ё бидуни иҷозати ошкорои соҳиби ҳисоб, профил ё ниҳод пайдо кардани дастрасӣ ба ҳисобҳо, профилҳо ё ниҳодҳои дигари Meta, ба ғайр аз оне ки ба худи шахс тааллуқ дорад.
Гирифтан, ба даст овардан ё дархост кардани маълумоти вуруд, маълумоти шахсӣ ё дигар маълумоти ҳассоси корбари дигар бо мақсади пайдо кардани дастрасии беиҷозат, аз ҷумла тавассути тактикаҳои зерин:
Фишинг ҳамчун амалияи эҷод кардани иртиботҳо ё сомонаҳое муайян карда мешавад, ки ҳамчун иртиботҳо ё сомонаҳои бештар муътамад ё боэътибор бо мақсади ба таври қаллобӣ ба даст овардани маълумоти ҳассоси корбар тарҳрезӣ шудаанд.
Муҳандисии иҷтимоӣ, аз қабили кӯшишҳои такрорӣ ва пайвастаи ҷамъоварӣ кардан ё ба даст овардани ҷавобҳо ба саволҳои маъмулӣ дар бораи барқароркунии ҳисоб ё парол.
Нармафзори зараровар, нармафзори ба эҳтимоли зиёд хатарнок, нармафзори ҷосус ё рамзи зараровари дигар, ки дар зер тавсиф шудааст.
Кӯшишҳои мубодила, таҳия, ҷойгир кардан ё паҳн кардани рамзи зиёновар ё зараровар, аз ҷумла:
Ҳавасманд кардан ё фиреб додани корбарон ба боргирӣ ё ба кор андохтани файлҳо, барномаҳо ё замимаҳое, ки амнияти ҳузури онлайн ё амнияти маълумоти корбарро таҳти хатар мегузоранд, аз ҷумла, вале бо ин маҳдуд намешавад:
Нармафзори зараровар ҳамчун рамз ё нармафзоре муайян карда мешавад, ки барои расонидани зарар ё пайдо кардани дастрасии беиҷозат ба системаҳо пешбинӣ шудааст. Ба ин барномаҳое, ки барои расонидани зарар ба системаҳои компютерӣ пешбинӣ шудаанд, инчунин нармазфоре, ки барои кашидани пул аз ҷабрдидагон пешбинӣ шудааст, монанди нармафзори тамаъҷӯ дохил мешаванд.
Нармафзори ҷосус ҳамчун рамз ё нармафзоре муайян карда мешавад, ки дар бораи корбарон иттилоот ҷамъ меорад ва онро бидуни ризоияти огоҳонаи корбар ба тарафҳои сеюм мефиристад ё иттилоотро бо мақсадҳои ғайриқонунӣ истифода мебарад (масалан, таҳдиди шаҳвонӣ, шантаж, дастрасии ғайриқонунӣ ба системаҳо).
Нармафзори ба эҳтимоли зиёд хатарнок ҳамчун рамз ё нармафзоре муайян карда мешавад, ки истифодаи сахтафзор ё нармафзорро коҳиш медиҳад ва нест кардани он аз система ё шабакаи компютерӣ метавонад душвор бошад.
Эҷод, мубодила ё ҷойгир кардани нармафзори зиёновар, аз ҷумла изофаҳои мурургар ва барномаҳои мобилӣ дар ё берун аз платформа, ки корбарон ё маҳсулот ва хизматрасониҳои моро зери хатар мегузорад.
Таҳдид, иқрор ё додани имконият ба рахна- аз ҷумла тавассути мубодила ё реклама кардани нармафзор, курсҳо ё маҳсулоте, ки ба одамон имкони давр зада гузаштани системаҳои амниятиро фароҳам мекунад, аз ҷумла нармафзоре, ки ба рахна кардани нармафзор ё маълумоти вуруд ташвиқ мекунад
Пешниҳоди инфрасохтори онлайн, аз ҷумла хизматрасониҳо оид ба нигоҳдории сомона, серверҳои системаи номи домен ва шабакаҳои реклама, ки пайвандҳои зарароварро тавре фаъол менамоянд, ки аксари он пайвандҳо дар хизматрасониҳои мо ба қисмҳои спам ва амнияти киберии Стандартҳои ҷомеа мухолифат мекунанд.