Тасвири бараҳнагӣ ва фаъолияти ҷинсии калонсолон

Тафсилоти сиёсат
Таҷрибаҳои корбар
Иттилоот

Тафсилоти сиёсат

САБТИ ТАҒЙИРОТ
Асоси сиёсат
Мо намоиши бараҳнагӣ ё фаъолияти ҷинсиро маҳдуд мекунем, зеро баъзе одамон дар ҷомеаи мо метавонанд нисбат ба ин навъи муҳтаво, махсусан бино бар асли фарҳангӣ ё синну соли худ, ҳассос бошанд.
Мо дарк мекунем, ки тасвири бараҳнагӣ метавонад бо мақсадҳои гуногун, аз ҷумла ҳамчун як шакли эътироз, барои баланд бардоштани огоҳӣ дар бораи ягон ташаббус ё барои мақсадҳои таълимӣ ё тиббӣ мубодила карда шавад. Дар мавридҳои мувофиқ ва ҳангоми возеҳ будани чунин ният мо ба ин муҳтаво иҷозат медиҳем. Масалан, дар ҳоле ки мо баъзе тасвири синаи занонро, ки дар он нӯги сина низ инъикос ёфтааст, маҳдуд мекунем, ба тасвирҳои дигаре иҷозат медиҳем, ки дар онҳо амалҳои эътироз, занони машғул ба синамаконӣ ва суратҳои ҷароҳат пас аз ҷарроҳии мастектомия (баъзан бо экрани огоҳӣ дар бораи ҳассос будани муҳтаво ва маҳдудиятҳо дар асоси синну сол ишора мешавад) тасвир шудаанд. Мо инчунин ба санъати ҷаҳони воқеӣ, ки дар он бараҳнагӣ тасвир мешавад, монанди суратҳои тасвирҳо, пайкараҳо ва ғайра (баъзан бо экрани огоҳӣ дар бораи ҳассос будани муҳтаво ва маҳдудиятҳои синнусолӣ ишора мешавад) иҷозат медиҳем. Мо тасвири ҷинсиро ба таври пешфарз, ба хотири пешгирӣ кардани мубодилаи муҳтавои бидуни розигӣ эҷодшуда ё марбут ба ноболиғ нест мекунем.
Тибқи ин сиёсат, мо суратҳо ва видеоҳои ҳақиқии бараҳнагӣ ва фаъолияти ҷинсӣ, тасвирҳои тавассути ЗС ё компютер тавлидшудаи бараҳнагӣ ва фаъолияти ҷинсӣ ва тасвирҳои рақамиро, новобаста ба “фотореалистӣ” ба назар расидани онҳо (масалан, он ба инсони воқеӣ монанд аст), нест мекунем. Тавре ки дар боло зикр шуд, мо инчунин боэҳтиёт ба санъати ҷаҳони воқеӣ ва муҳтавои муайяни тиббӣ, таълимӣ ва муҳтавое, ки барои баланд бардоштани сатҳи огоҳӣ пешбинӣ шудааст, истисно мекунем, ки дар ин сиёсат муфассал тавсиф шудааст.
Муҳтавои марбут ба бараҳнагии кӯдакон дар Стандарти ҷомеаи мо оид ба истисмори ҷинсӣ, озор ва бараҳнагии кӯдакон баррасӣ шудааст.
Мо ба ҳамаи корбарон муҳтавои зеринро иҷозат намедиҳем:
Тасвири бараҳнагии калонсолон
  • Тасвири фотореалистӣ ё рақамии бараҳнагии калонсолон, агар мавридҳои зерин тасвир шуда бошанд:
    • Узвҳои таносули намоён (аз ҷумла узвҳои таносуле, ки бо мӯйи зери ноф ё пӯшишҳои рақамӣ пӯшонида шудаанд)
    • Мақъадҳои намоён ва/ё аксҳои аз наздик гирифташудаи суринҳо
    • Нӯгҳои синаи намоёни занон, ба ҷуз контексти ширмаконӣ ё амали эътироз
  • Видеоҳои фотореалистӣ/ рақамие, ки дар онҳо таваҷҷуҳи асосӣ ба чатан, синаҳо ё суринҳо тамаркуз ёфтааст ва бидуни огоҳии шахс(он)и дар онҳо тасвирёфта сабт шудаанд
  • Ба назар гиред, ки мо бо маҳдудиятҳои мушаххас ба тасвири бараҳнагии калонсолон дар контексти иловагии махсус, монанди контексти тиббӣ ё тандурустӣ иҷозат медиҳем. Ин бо тафсилоти бештар дар қисматҳои зерин оварда шудааст.
Фаъолияти ҷинсии калонсолон
  • Тасвирҳои фотореалистӣ/ рақамии фаъолияти ҷинсии калонсолон, аз ҷумла:
    • Фаъолият ё ангезиши ҷинсии ошкор:
      • Алоқаи ҷинсӣ ё алоқаи ҷинсии даҳонии ошкор, ки тавассути вуруд ё тамоси узвҳои таносул ё даҳони шахсе бо узвҳои таносул ё мақъади шахси дигар ва ё ҷойгир ё ворид кардани узвҳои таносул дар дохил ё бар рӯи бозичаи шаҳвонӣ нишон дода мешавад, вақте ки ҳадди ақал узвҳои таносул ё мақъади як нафар намоён аст
      • Ангезиши ошкорои узвҳои таносул ё мақъади шахс, ки ба он барангезиш ё ворид кардани бозичаҳои шаҳвонӣ ба узвҳои таносул ё мақъади шахс ишора мекунад, вақте ки тамос бо узвҳои таносул ё мақъад бевосита намоён аст
    • Фаъолияти ҷинсӣ ё ангезиши дар назар дошташуда:
      • Алоқаи ҷинсӣ ё алоқаи ҷинсии даҳонии дар назар дошташуда, ки тавассути вуруд ё тамоси узвҳои таносул ё даҳони шахсе ба узвҳои таносул ё мақъади шахси дигар нишон дода мешавад, вақте ки узвҳои таносул ё мақъад ва/ё вуруд ё тамос бевосита намоён нест
      • Ангезиши дар назар дошташудаи узвҳои таносул ё мақъади шахс, ки тавассути ангезиш ё ҷойгир кардани бозичаҳои шаҳвонӣ бар рӯи узвҳои таносул ё мақъади шахс ё ворид кардани бозичаҳои шаҳвонӣ ба узвҳои таносул ё мақъади шахс ё ҷойгир кардани узвҳои таносул бар рӯи ё дохили бозичаи шаҳвонӣ нишон дода мешавад, вақте ки узвҳои таносул ё мақъад, ангезиш, ҷойгузорӣ ва/ё вуруд бевосита намоён нест
      • Фаъолияти ҷинсии қарибулвуқуъ, ки тавассути ҳолатҳое нишон дода мешавад, ки тамоси даст, даҳон ё узвҳои таносули шахс бо узвҳои таносул ё мақъади шахси дигар дар ҳоли шуруъ шудан аст
    • Ангезиш ё фаъолияти ҷинсии дигар:
      • Бархостани узви таносул
      • Мавҷудияти маҳсулоти изофӣ барои фаъолияти ҷинсӣ
      • Бозичаҳои шаҳвонӣ, ки дар боло ё дохили даҳон гузошта шудаанд
      • Ангезиши нӯгҳои синаи бараҳнаи инсон
      • Фишурдани синаҳои зан, ки ҳамчун ҳаракати доштани он бо ангуштони қатшуда муайян карда мешавад, ки ҳам нишонаҳои афшурдан ва ҳам тағйирёбии возеҳи шакли синаҳоро нишон медиҳад. Мо ба фишурдани сина дар контекстҳои синамаконӣ иҷозат медиҳем.
    • Тасвирҳои фотореалистӣ/ рақамии санъати ҷаҳони воқеӣ, ки фетишро нишон медиҳанд ва амалҳои зеринро дар бар мегиранд:
      • Амалҳое, ки эҳтимолан боиси марги ягон шахс ё ҳайвон мешаванд
      • Ҷудо кардан ба узвҳо
      • Одамхӯрӣ
      • Наҷосат, пешоб, туф, оби бинӣ, ҳайз ё қайкунӣ
      • Ҷимоъ бо ҳайвонот
      • Ҷимоъ бо хешовандони наздик
      • БИҲТ (бандагӣ ва интизом, ҳукмфармоӣ ва тобеият, садизм ва мазохизм), танҳо дар ҳолате ки нишондиҳандаҳои ҷинсӣ низ вуҷуд доранд
  • Тасвири фотореалистии фаъолият ё ангезиши ҷинсии дарназардошташуда дар контексти тиббӣ ё марбут ба саломатӣ
  • Аудиои муфассали фаъолияти ҷинсӣ
  • Ба назар гиред, ки мо бо маҳдудиятҳои мушаххас ба тасвири фаъолияти ҷинсӣ дар контексти махсус, монанди контексти тиббӣ ё тандурустӣ иҷозат медиҳем. Ин бо тафсилоти бештар дар қисматҳои зерин оварда шудааст.
Дар муҳтавои зерин мо имконияти дидани муҳтаворо танҳо ба калонсолони 18-сола ва калонтар маҳдуд мекунем ва нишонае илова менамоем, то одамон огоҳ шаванд, ки муҳтаво метавонад ҳассос бошад:
  • Тасвири рақамӣ ва санъати ҷаҳони воқеии фаъолияти ҷинсӣ ё ангезиши ошкор дар контексти тиббӣ ё тандурустӣ
  • Тасвири фотореалистӣ/ рақамӣ ва санъати ҷаҳони воқеии ангезиш ё фаъолияти ҷинсии ошкор ё дигар дар контексти тиббӣ ё тандурустӣ
  • Тасвири фотореалистӣ/ рақамӣ ва санъати ҷаҳони воқеии узвҳои таносул, мақъадҳои намоён, аксҳои аз наздик гирифташудаи суринҳо ё нӯгҳои синаи намоёни занон дар контексти ҷарроҳӣ барои тасдиқи ҷинс
  • Санъати ҷаҳони воқеии узвҳои таносули намоён (аз ҷумла узвҳои таносуле, ки бо рӯйпӯши рақамӣ пӯшида ё тира карда шудаанд ва узвҳои таносуле, ки танҳо бо мӯйи зери ноф пӯшида шудаанд), мақъадҳои намоён, аксҳои аз наздик гирифташудаи суринҳо ё нӯгҳои синаи намоёни занон, вақте ки тасвир ба бараҳнагӣ тамаркуз мекунад ва дар контексти тиббӣ ё тандурустӣ мубодила нашудааст
  • Тасвири фотореалистӣ/ рақамии узвҳои таносули намоён (аз ҷумла узвҳои таносуле, ки бо рӯйпӯши рақамӣ пӯшида шудаанд ё тира карда шудаанд ва узвҳои таносуле, ки бо мӯйи зери ноф пӯшида шудаанд), аксҳои аз наздик гирифташудаи суринҳо, мақъадҳои намоён ё нӯгҳои синаи намоёни занон, вақте ки он дар контексти гуруснагӣ, генотсид, ҷиноятҳои ҷангӣ ё ҷиноятҳо нисбат ба инсоният мубодила шудааст
Мо имконияти дидани муҳтавои зеринро танҳо ба калонсолони 18-сола ва калонтар маҳдуд мекунем:
  • Тасвирҳои фотореалистӣ/рақамӣ, ки ҳолатҳои қариб бараҳнаро нишон медиҳанд, аз қабили тасвири бараҳнагие, ки танҳо бо рӯйпуши рақамӣ ё ашёи ношаффоф пӯшида шудааст ва ҳолатҳои мушаххаси андоми бараҳнае, ки бо либоси баданнамо пӯшида шудааст
  • Тасвирҳои фотореалистӣ/рақамии одамон, вақте ки тасвир ба чатан, сурин ё сина(ҳо)и занон тамаркуз мекунад
  • Тасвири фотореалистӣ/ рақамӣ ва санъати ҷаҳони воқеии фаъолият ё ангезиши ҷинсии ошкор, дар назар дошташуда ё дигар, ки дар онҳо танҳо андом ё тарҳи бадан намоён мебошад
  • Санъати ҷаҳони воқеӣ, ки дар он
    • Тасвир фаъолияти ҷинсӣ ё ангезиши дарназардошташуда, ошкор ё дигарро тасвир мекунад, ба истиснои ҳолатҳое, ки дар контексти тиббӣ ё тандурустӣ пост карда шудааст
    • Тасвир саҳнаҳои ҷимоъ бо ҳайвонотро тасвир мекунад, ба шарте ки он беғаразона ё барои маҳкум кардан мубодила шавад ва одамон ё ҳайвоноти дар он тасвиршуда воқеӣ набошанд.
  • Тасвири фотореалистии тахайюлии шинохташуда, ки фаъолият ё ангезиши ҷинсии дар назар дошташуда ё дигарро тасвир мекунад
  • Тасвири фотореалистӣ/ рақамӣ ва санъати ҷаҳони воқеӣ, ки тасвирҳои зеринро нишон медиҳад:
    • Фаъолияти марбут ба шаҳват, монанди бӯса кардан бо забони намоён ва рақси шаҳвонӣ ё эротикӣ
    • Шахсоне, ки тақлиди фаъолияти ҷинсиро мекунанд
    • Ишораҳое, ки ба узвҳои таносул, истимно, алоқаи ҷинсӣ бо даҳон ё алоқаи ҷинсӣ ишора мекунанд
    • Логотипҳо, скриншотҳо ё наворҳои видеои сомонаҳои машҳури порнографӣ
  • Муҳтавое, ки аудиои фаъолияти ҷинсиро дар бар мегирад
Мо ба муҳтавои зерин нишона илова мекунем, то одамон огоҳ шаванд, ки муҳтаво метавонад ҳассос бошад:
  • Тасвири фотореалистӣ/ рақамӣ ва санъати ҷаҳони воқеӣ, ки тасвирҳои зеринро нишон медиҳад:
    • Тасвири узвҳои таносули намоён (аз ҷумла узвҳои таносуле, ки бо пӯшиши рақамӣ пӯшида ё тира карда шудаанд ва узвҳои таносуле, ки бо мӯйи зери ноф пӯшида шудаанд), тавсири аз наздик гирифташудаи суринҳо, ё мақъадҳои намоён, вақте ки он дар контексти тиббӣ ё тандурустӣ мубодила шудааст. Ин метавонад мавридҳои зеринро дар бар гирад, масалан:
      • Лаҳзаҳои таваллуд ва пас аз таваллуд
      • Муоинаи шахсии саратон ё бемории дигар
  • Нӯгҳои намоёни синаи занон, вақте ки дар контексти тиббӣ ё тандурустӣ (аз ҷумла мастэктомия ё татуҳои одамони аз саратон шифоёфта) мубодила шудаанд
Мо барои таъмини риояи Стандартҳои ҷомеаи зерин маълумот ва/ё контексти иловагӣ талаб мекунем:
  • Дар мавридҳои муайян мо муҳтаворо ба одамони синни 18-сола ва калонтар бо нишонае иҷозат медиҳем, ки дар ҳолатҳои дигар метавонад ба Стандартҳои ҷомеаи мо мухолифат кунад, агар муқаррар карда шавад, ки ин муҳтаво ҳазломез аст. Ба муҳтаво танҳо дар сурате иҷозат дода мешавад, ки унсурҳои вайронкунандаи он ба услуби ҳазломез ифода ёфта бошанд ё ба ягон чиз ё ягон каси дигар бо мақсади масхара ё танқиди ӯ рабт дода шаванд.
Таҷрибаҳои корбар
Баъзе намунаҳои татбиқи сиёсатҳо нисбат ба муҳтавои одамон дар Facebook-ро бубинед, монанди: равиши гузоришдиҳӣ дар бораи муҳтавое, ки ба фикри шумо, набояд дар Facebook ҷой дошта бошад, огоҳ кардани шумо дар бораи вайрон кардани Стандартҳои ҷомеа ва дидани экрани огоҳӣ дар муҳтавои мушаххас.
Эзоҳ: Мо ҳамеша такмил меёбем, аз ин рӯ он чизе, ки дар ин ҷо мебинед, метавонад дар муқоиса бо он чизе, ки мо айни ҳол истифода мебарем, каме мувофиқат накунад.
ТАҶРИБАИ КОРБАР
Гузоришдиҳӣ
ТАҶРИБАИ КОРБАР
Иртибот пас аз гузориш
ТАҶРИБАИ КОРБАР
Раванди аз байн бурдан
ТАҶРИБАИ КОРБАР
Экранҳои огоҳкунанда
Иттилоот
Гузориши охирин дар бораи татбиқи Стандартҳои ҷомеаро аз назар гузаронед
Татбиқи стандартҳо
Мо дар саросари дунё барои ҳар кас дар Facebook сиёсатҳои яксон дорем.
Гурӯҳҳои бозбинӣ
Гурӯҳи ҷаҳонии мо, ки бештар аз 15000 бозбиникунандаро дар бар мегирад, ҳар рӯз барои таъмини бехатарии одамон дар Facebook кор мекунад.
Ҳамкорӣ бо тарафҳои манфиатдор
Коршиносони берунӣ, академикҳо, ташкилотҳои ғайридавлатӣ ва сиёсатмадорон дар таҳия ва такмили Стандартҳои ҷомеаи Facebook кумак мекунанд.
Дарёфти кумак оид ба тасвири бараҳнагӣ ва фаъолияти ҷинсии калонсолон
Маълумот гиред, ки ҳангоми дидани ягон мавриде дар Facebook, ки ба Стандартҳои ҷомеаи мо мухолифат мекунад, чӣ метавон кард.
Боздид аз Маркази ёрӣ