வன்முறை மற்றும் தூண்டுதல்

கொள்கை விவரங்கள்
பயனர் அனுபவங்கள்
தகவல்

கொள்கை விவரம்

பதிவை மாற்றவும்
நியாயமான கொள்கை
எங்கள் தளங்களில் உள்ள படைப்பு தொடர்பாக இருக்கக்கூடிய சாத்தியமான உடல் ரீதியான வன்முறையைத் தடுப்பதே எங்கள் நோக்கமாகும். தீவிரமற்ற அல்லது இயல்பான பேச்சு வழிகளில் வன்முறைக்கு அச்சுறுத்துவதன் மூலம் அல்லது அழைப்பதன் மூலம் பயனர்கள் பொதுவாக கண்டிப்பு அல்லது மறுப்பை வெளிப்படுத்துவார்கள் என்பதைப் புரிந்துகொள்கிறோம். அதே சமயத்தில் வன்முறை மற்றும் பொது மக்கள் அல்லது தனிநபர்களின் பாதுகாப்பிற்குச் செய்துவிடக்கூடிய வன்முறையைத் தூண்டும் அல்லது ஆதரிக்கும் வார்த்தைகளை அகற்றுகிறோம். பாதுகாக்கப்பட்ட சிறப்பம்சம்(கள்) அல்லது குடிபெயர்தல் நிலை அடிப்படையில் ஒருவரையோ மக்களில் ஒரு குறிப்பிட்ட பிரிவினரையோ இலக்கிடும் வன்முறை பேச்சும் இதிலடங்கும். உடல் ரீதியான காயம் ஏற்படும் ஆபத்திற்குச் சாத்தியமோ பொது மக்கள் பாதுகாப்பிற்கு நேரடி அச்சுறுத்தல்களோ இருப்பதாக நாங்கள் கருதினால் பகிர்வுகளை அகற்றுவோம், கணக்குகளை முடக்குவோம் மற்றும் சட்ட அமலாக்கத்துடன் இணைந்து பணியாற்றுவோம். பொது மக்கள் அல்லது தனிநபரின் பாதுகாப்பிற்கு நம்பகமான அச்சுறுத்தலை உண்டாக்கும் பகிர்வுகளில் இருந்து இயல்பான அல்லது விழிப்புணர்வை ஏற்படுத்தும் கூற்றுகளை அறிவதற்குப் பகிர்வுகளின் மொழியையும் சூழலையும் புரிந்துகொள்ள முயற்சி செய்கிறோம். அச்சுறுத்தல் நம்பகமானது என்பதைத் தீர்மானிப்பதற்கு, நபர் பொதுவில் தெரியும்தன்மை மற்றும் அவர்களுக்கு உடல் ரீதியான பாதுகாப்பிற்கு ஆபத்துகள் போன்ற தகவல்களையும் நாங்கள் கருத்தில்கொள்ளலாம்.
சில சமயங்களில், வன்முறை நடக்கும் என்ற நம்பிக்கையின் வெளிப்பாடுகள் (எ.கா. “கொல்லப்படுவதற்குத் தகுதியான பயங்கரவாதிகள்”, “அவர்கள் பயங்கரவாதிகளைக் கொல்வார்கள் என்று நம்புகிறேன்”) உட்பட ஆர்வமூட்டும் அல்லது நிபந்தனைக்குரிய வன்முறை அச்சுறுத்தல்கள் பயங்கரவாதிகள் மற்றும் பிற வன்முறையாளர்கள் மீது நடத்தப்படுவதைப் பார்க்கிறோம். அவற்றை நம்பகமற்றவையாகவும், அதற்கு எதிரான குறிப்பிட்ட ஆதாரம் இல்லாதவையாகவும் கருதுகிறோம்.
இவற்றை அகற்றுவோம்:
பல்வேறு தரப்பினருக்கு எதிரான வன்முறை அச்சுறுத்தல்களை நாங்கள் அகற்றுகிறோம். வன்முறை அச்சுறுத்தல்கள் என்பவை ஒரு தரப்பினருக்கு எதிராக வன்முறையை உருவாக்குவதற்கான நோக்கம், ஆசை அல்லது அழைப்பைக் குறிக்கும் கூற்றுகள் அல்லது காட்சிகள் ஆகும். அச்சுறுத்தல்கள் பல்வேறு வகையான கூற்றுகள் மூலம் வெளிப்படுத்தப்படலாம். அதாவது, வன்முறை தொடர்பான நோக்கத்தைத் தெரிவிக்கும் கூற்றுகள், நடவடிக்கை எடுக்க அழைப்பு விடுத்தல், பதிலடி கொடுத்தல், அவ்வாறு நடக்க நம்பிக்கை வைத்தல், மறைமுகமான கூற்றுகள் மற்றும் நிபந்தனைக் கூற்றுகள்.
விழிப்புணர்வு ஏற்படுத்தும் அல்லது கண்டனம் தெரிவிக்கும் சூழலில் பகிரப்படும்போது, தொடுதல் இருக்கக்கூடிய விளையாட்டுகளின் சூழலில் தீவிரத்தன்மை குறைவான அச்சுறுத்தல்களைக் கொடுப்பது அல்லது பயங்கரவாதக் குழுக்கள் போன்ற குறிப்பிட்ட சில வன்முறையாளர்களுக்கு எதிராக அச்சுறுத்தல்கள் ஏற்படும்போது நாங்கள் அச்சுறுத்தல்களைத் தடைசெய்வதில்லை.
அனைவருக்கும் உலகளாவியப் பாதுகாப்புகள்
பின்வரும் அச்சுறுத்தல்களிலிருந்து அனைவரும் பாதுகாக்கப்படுகிறார்கள்:
  • மரணத்திற்கு வழிவகுக்கும் வன்முறை அச்சுறுத்தல்கள் (அல்லது மிகத் தீவிரமான பிற வன்முறை)
  • மோசமான காயத்திற்கு வழிவகுக்கும் வன்முறை அச்சுறுத்தல்கள் (மிதமான தீவிரமுள்ள வன்முறை). நம்பகமானதாக இருக்கும்போது, பாதுகாக்கப்பட்ட பண்புகளின் அடிப்படையில் இல்லாத பிரபலமான நபர்கள் மற்றும் குழுக்களுக்கு எதிரான இத்தகைய அச்சுறுத்தல்களை நாங்கள் அகற்றுவோம் மற்றும் நம்பகத்தன்மை எப்படி இருந்தாலும், பிற தரப்பினருக்கு (பாதுகாக்கப்பட்ட பண்புகளின் அடிப்படையில் இருக்கும் குழுக்கள் உட்பட) எதிரான இத்தகைய அச்சுறுத்தல்களை அகற்றுவோம்
  • மீட்பு, தற்காப்பு, தொடுதல் இருக்கக்கூடிய விளையாட்டுகள் (மிதமான அல்லது குறைவான தீவிரமுள்ளது) ஆகிய சூழல்களிலோ சட்ட அமலாக்கம், ராணுவம் அல்லது மாநிலப் பாதுகாப்பு அதிகாரியால் மேற்கொள்ளப்படும்போதோ பகிரப்படுபவை தவிர, மிகத் தீவிரமுள்ள அல்லது மிதமான தீவிரமுள்ள வன்முறையை மேற்கொண்டதை ஒப்புக்கொள்ளும் கூற்றுகள் (எழுத்துப்பூர்வமாக அல்லது வாய்மொழியாக அல்லது குற்றவாளி அல்லது ஒரு கூட்டாளி செய்து காட்டுதல்)
  • பாதிக்கப்பட்டவர் அல்லது அவரது குடும்பத்தினரால் உதவி வேண்டுகோளாகவோ தகவல் அளித்தல், கண்டனம் தெரிவித்தல் அல்லது விழிப்புணர்வு ஏற்படுத்தும் நோக்கங்களுக்காகவோ பகிர்வு பகிரப்படுகிறது என்பது தெளிவாகத் தெரியாதபட்சத்தில், ஆள்கடத்தல் அல்லது கட்டாயப்படுத்தித் தூக்கிச்செல்லுதல் நடைபெறும் என்று அச்சுறுத்துதல் அல்லது அந்தச் செயல்களைச் சித்தரித்தல்
வயதுவந்த சாமானியர்கள், அனைத்துத் தரப்புக் குழந்தைகள், அதிக ஆபத்துள்ள நபர்கள் மற்றும் பாதுகாக்கப்பட்ட பண்புகளின் அடிப்படையில் இருக்கும் நபர்கள் அல்லது குழுக்களுக்கு எதிரான கூடுதல் பாதுகாப்புகள்:
அனைவருக்குமான உலகளாவிய பாதுகாப்புகளுடன் கூடுதலாக, அனைத்து வயதுவந்த சாமானியர்கள், அனைத்துத் தரப்புக் குழந்தைகள், பாதுகாக்கப்பட்ட பண்புகளின் அடிப்படையில் குறிவைக்கப்படும் நபர்கள் அல்லது குழுக்கள் குறைந்தளவு தீவிரமுள்ள வன்முறை அச்சுறுத்தல்களில் இருந்து பாதுகாக்கப்படுகின்றனர்.
பிற வன்முறை
மேலே பட்டியலிடப்பட்டுள்ள அனைத்துப் பாதுகாப்புகளுடன் கூடுதலாக, பின்வருபவற்றை அகற்றுவோம்:
  • மிகத் தீவிர வன்முறைச் சேவைகளை (உதாரணமாக, தாக்குபவர்கள், கூலிப்படை, கொலைகாரர்கள், பெண்கள் பிறப்புறுப்பு சிதைத்தல்) கேட்கும், வழங்கும், வழங்குவதாக ஒப்புக்கொள்ளும் அல்லது இந்தச் சேவைகளின் உபயோகத்தை ஆதரிக்கும் பகிர்வுகள்.
  • கற்கும் நோக்கிலான தற்காப்புக் கலை (உதாரணமாக, சண்டைப் பயிற்சி, போர் தொடர்பான தற்காப்புக் கலைகள்), ராணுவப் பயிற்சி போன்ற வன்முறையற்ற நோக்கிலான பகிர்வு என்ற விளக்கம் இல்லாதபட்சத்தில், ஆயுதங்களை எப்படி உருவாக்குவது அல்லது பயன்படுத்துவது தொடர்பான அறிவுறுத்தல்கள். இதில் மக்களைக் கடுமையாகக் காயப்படுத்துவது அல்லது கொல்வது இலக்கு என்பதை வெளிப்படையாகத் தெரிவிக்கும் வார்த்தைகள் அல்லது இறுதி முடிவைக் காட்டும் அல்லது உருவகப்படுத்தும் படங்கள் இருக்கும்
  • பொழுதுபோக்குப் பயன்பாடுகள் (உதாரணமாக, பட்டாசுகள், வர்த்தக வீடியோ கேம்கள், ஃபிஷிங்) போன்ற வன்முறையற்ற நோக்கில் இருக்கும் சூழல் இல்லாதபட்சத்தில், வெடிபொருட்களை எப்படித் தயாரிப்பது அல்லது பயன்படுத்துவது என்பது குறித்த அறிவுறுத்தல்கள்
  • ஓர் இடத்தில் (வழிபாட்டுத் தலங்கள், கல்வி வளாகங்கள், வாக்குச் சாவடிகள் அல்லது வாக்குகளை எண்ணுவதற்கு அல்லது தேர்தலை நடத்துவதற்குப் பயன்படும் இடங்கள் உட்பட; ஆனால் இவை மட்டுமே அல்ல) அல்லது வன்முறைக்கு அதிக வாய்ப்பிருக்கும், தற்காலிக அறிகுறிகள் உள்ள இடங்களில் ஆயுதங்களை எடுக்கவோ ஆயுதங்களைக் கொண்டுவரவோ கொடுக்கப்படும் அச்சுறுத்தல்கள் அல்லது ஓர் இடத்தில் அத்துமீறி நுழைதல்.
  • எந்தத் தரப்பையும் குறிவைக்காவிட்டாலும், வாக்குப்பதிவு, வாக்காளர் பதிவு அல்லது நிர்வாகம் அல்லது தேர்தல் முடிவுகள் தொடர்பான வன்முறை அச்சுறுத்தல்கள்.
  • பாலின அடிப்படையிலான வன்முறையைப் புகழ்தல், அது நெருக்கமான துணைக்கு எதிரான வன்முறை அல்லது ஆணவம் அடிப்படையிலான வன்முறையாகும்
பின்வரும் சமூகத் தரநிலைகளுக்கு, பின்வருபவற்றை அமல்படுத்த கூடுதல் தகவல்கள் மற்றும்/அல்லது சூழல் எங்களுக்கு வேண்டும்:
இவற்றை அகற்றுவோம்:
  • சட்ட அமலாக்க அதிகாரிகள் அல்லது தேர்தல் அதிகாரிகளுக்கு எதிரான அச்சுறுத்தல்கள், அவர்கள் பிரபலமான நபராக இருக்கும் நிலை அல்லது அச்சுறுத்தலின் நம்பகத்தன்மை எதுவாக இருந்தாலும்.
  • கீழே உள்ள பட்டியலில் இருக்கும் அச்சுறுத்தல் அறிகுறி, சூழல் அறிகுறி ஆகிய இரண்டையும் சேர்ப்பதன் மூலம் காட்டப்பட்டுள்ளபடி, வன்முறையின் முறை தெளிவாகக் குறிப்பிடாமல், ஆனால் அச்சுறுத்தல் மறைக்கப்பட்டோ மறைமுகமாக வைத்தோ சுருக்கமாக எழுதப்பட்ட வாக்கியங்கள்.
    • அச்சுறுத்தல்: பின்வருபவற்றில் ஒன்றான சுருக்கமாக எழுதப்பட்ட வாக்கியம்:
      • பழிவாங்கும் சூழலில் பகிரப்பட்ட பகிர்வு (எ.கா., உண்மையாக, உணரப்படும் அல்லது எதிர்பார்க்கப்படக்கூடிய ஒரு குறை அல்லது அச்சுறுத்தலுக்குப் பதிலளிக்கும் விதமாக மற்றவர்களுக்கு எதிராக வன்முறையில் ஈடுபடும் எண்ண வெளிப்பாடுகள்)
      • வரலாற்று அல்லது கற்பனையான வன்முறை சம்பவங்கள் பற்றிய குறிப்புகள் (எ.கா., வரலாறு முழுவதும் அல்லது கற்பனையான அமைப்புகளில் நிகழ்த்தப்பட்ட அறியப்பட்ட வரலாற்று வன்முறைச் சம்பவங்களைக் குறிப்பிடுவதன் மூலம் மற்றவர்களை அச்சுறுத்தும் பகிர்வு)
      • செயல்படுத்துவதற்கான அச்சுறுத்தல் அழைப்பாகச் செயல்படுவது (எ.கா., வன்முறைச் செயல்களைச் செய்ய அல்லது வன்முறைச் செயல்களில் ஈடுபட மற்றவர்களை அழைக்கும் அல்லது ஊக்குவிக்கும் பகிர்வு)
      • மற்றவர்களை வன்முறைக்கு உட்படுத்தக்கூடிய முக்கியமான தகவல்களைப் பற்றிய அறிவைக் குறிக்கிறது அல்லது பகிர்ந்து கொள்கிறது (எ.கா., வன்முறை அச்சுறுத்தலை அதிக நம்பகத்தன்மையடையச் செய்யக்கூடிய தனிப்பட்ட தகவல்களைப் பற்றிய விழிப்புணர்வைக் குறிக்கும் அல்லது உணர்த்தும் பகிர்வு. இது ஒரு நபரின் குடியிருப்பு முகவரி, அவர்கள் வேலை செய்யும் இடம் அல்லது கல்வி, தினசரிப் பயண வழிகள் அல்லது தற்போதைய இருப்பிடம் பற்றித் தெரிந்துவைத்திருப்பதைக் குறிக்கிறது)
    • சூழல்
      • உள்ளூர் சூழல் அல்லது நிபுணத்துவமானது சந்தேகத்திற்குரிய அறிக்கை உடனடி வன்முறைக்கு வழிவகுக்கும் என்பதை உறுதிப்படுத்துகிறது.
      • பகிர்வினால் குறிவைக்கப்படுபவர் அல்லது அங்கீகரிக்கப்பட்ட பிரதிநிதி பகிர்வை எங்களிடம் புகாரளிக்கிறார்.
      • குறிவைக்கப்படுபவர் ஒரு பிள்ளை ஆகும்.
  • குறிப்பிட்ட இடங்களில் (வழிபாட்டுத் தலங்கள், கல்வி வளாகங்கள், வாக்குச் சாவடிகள் அல்லது வாக்குகளை எண்ணுவதற்கு அல்லது தேர்தலை நடத்துவதற்குப் பயன்படும் இடங்கள் உட்பட; ஆனால் இவை மட்டுமே அல்ல) அல்லது வன்முறைக்கு அதிக வாய்ப்பிருக்கும் தற்காலிக அறிகுறிகள் உள்ள இடங்களில் ஆயுதங்களைக் கொண்டுவருவதற்கான மறைமுக அச்சுறுத்தல்கள்.
  • பகிர்வானது வன்முறை அச்சுறுத்தலாக இருப்பதாகத் தெரியும் அறிகுறியுடன் (எ.கா., ஆயுதத்தை எடுப்பதற்கு அல்லது கொண்டுவருவதற்கான அச்சுறுத்தல்கள், ஆயுதத்தின் காட்சிச் சித்தரிப்புகள், தீ வைப்பு, திருட்டு, நாசவேலை பற்றிய குறிப்புகள்) ஒப்பிட்டு, தேர்தல் தொடர்பான ஊழல், முறைகேடுகள் அல்லது பாரபட்சம் பற்றி வழங்கப்படும் கூற்றுகள் அல்லது ஊகங்கள். இதில் பின்வருபவை அடங்கும்:
    • தனிநபர்களைக் குறிவைத்தல்
    • ஒரு குறிப்பிட்ட இடத்தைக் குறிவைத்தல் (மாநிலம் அல்லது அதைவிடச் சிறிய பகுதிகள்)
    • தரப்பினர் வெளிப்படையாக இல்லாத சூழல்
  • பகிர்வானது வன்முறை அச்சுறுத்தலாக இருப்பதாகத் தெரியும் அறிகுறியுடன் (எ.கா., ஆயுதத்தை எடுப்பதற்கு அல்லது கொண்டுவருவதற்கான அச்சுறுத்தல்கள், ஆயுதத்தின் காட்சிச் சித்தரிப்புகள், தீ வைப்பு, திருட்டு, நாசவேலை பற்றிய குறிப்புகள்) ஒப்பிட்டு வழங்கப்படும் தேர்தல் தொடர்பான கூட்டங்கள் அல்லது நிகழ்வுகளுக்கான குறிப்புகள்.
  • கீழே கொடுக்கப்பட்டுள்ள நிபந்தனைகளைப் பூர்த்திசெய்யும் பட்சத்தில், தன்னையோ பிறரையோ பாதுகாப்பதற்காகச் செய்யும் அதிக அல்லது நடுத்தர அளவிலான தீவிரத்தன்மை கொண்ட வன்முறை அச்சுறுத்தல்கள்.
    • ஒரு நபருக்கு எதிராக (பெயர் அல்லது முகத்தைக் கொண்டு எளிதில் அடையாளம் காணக்கூடிய நபர்கள், பாதுகாக்கப்பட்ட பண்புகளின் அடிப்படையில் குறிவைக்கப்படும் நபர்கள் மற்றும் குழந்தைகள் தவிர)
    • வீட்டிற்குள் அத்துமீறி நுழைதல் அல்லது வேறொருவரின் வன்முறைக்கு ஈடான இருநபர்களுக்கு இடையேயான வன்முறை ஆகியவை உடனடி அச்சுறுத்தலாக இருத்தல்
    • உடனடி வன்முறை அபாயத்தைவிட குரலெழுப்புவதால் ஏற்படும் தாக்கம் அதிகமாக இருத்தல்.
பயனர் அனுபவங்கள்
Facebook இல் உள்ளவர்களுக்குப் பின்வருபவை போன்ற விதிமீறல் அமலாக்கம் எவ்வாறு காட்சியளிக்கும் என்பதற்கான சில எடுத்துக்காட்டுகளைப் பாருங்கள்: Facebook இல் இருக்கக்கூடாது என நீங்கள் கருதுவதைப் புகாரளிப்பது, எங்களது சமூகத் தரநிலைகளை நீங்கள் மீறியுள்ளீர்கள் என்பதைத் தெரிவிப்பது மற்றும் சில பகிர்வுகள் மீது எச்சரிக்கை திரையைப் பார்ப்பது எப்படிக் காட்சியளிக்கும் போன்றவை.
கவனத்திற்கு: நாங்கள் எப்போதும் மேம்படுத்திக் கொண்டே இருக்கிறாம். எனவே, இங்கு நீங்கள் பார்ப்பது, நாங்கள் தற்போது பயன்படுத்துவதைக் காட்டிலும் சற்று பழையதாக இருக்கக்கூடும்.
பயனர் அனுபவம்
புகாரளித்தல்
பயனர் அனுபவம்
புகாருக்குப் பின்னரான தகவல்தொடர்பு
பயனர் அனுபவம்
அகற்றுதல் அனுபவம்
பயனர் அனுபவம்
எச்சரிக்கை திரைகள்
தகவல்
சமீபத்திய சமூகத் தரநிலைகள் அமலாக்க அறிக்கையைக் காண்க
செயலாக்கம்
Facebook இல் உள்ள அனைவருக்கும் உலகம் முழுவதும் ஒரே கொள்கைகளையே கொண்டுள்ளோம்.
மதிப்பாய்வுக் குழுக்கள்
Facebook இல் உள்ளவர்களைப் பாதுகாப்பாக வைத்திருப்பதற்கு எங்களது உலகளாவியக் குழுவில் உள்ள 15,000க்கும் அதிகமான மதிப்பாய்வாளர்கள் தினமும் பணியாற்றுகின்றனர்.
பங்குதாரர் ஈடுபாடு
வெளிநிறுவன நிபுணர்கள், கல்வியாளர்கள், NGOக்கள் மற்றும் கொள்கை உருவாக்குநர்கள் Facebook சமூகத் தரநிலைகளைத் தெரிவிப்பதற்கு உதவுகின்றனர்.
வன்முறை மற்றும் தூண்டுதல் தொடர்பான உதவியைப் பெறுங்கள்
எங்கள் சமூகத் தரநிலைகளுக்கு எதிராக இருக்கும் எதையேனும் Facebook இல் நீங்கள் பார்த்தால் நீங்கள் என்ன செய்யலாம் என்பதை அறியுங்கள்.
எங்கள் உதவி மையத்தைப் பாருங்கள்