குழந்தை மீதான பாலியல் ரீதியான துன்புறுத்துதல், வன்கொடுமை மற்றும் நிர்வாணம்

கொள்கை விவரங்கள்
பயனர் அனுபவங்கள்
தகவல்

கொள்கை விவரம்

பதிவை மாற்றவும்
நியாயமான கொள்கை
குழந்தைகளைப் பாலியல் ரீதியாகத் துன்புறுத்துகின்ற அல்லது அவர்களுக்கு ஆபத்தை ஏற்படுத்துகின்ற படைப்பை அல்லது செயல்பாட்டை நாங்கள் அனுமதிப்பதில்லை. வெளிப்படையாக குழந்தை துன்புறுத்தலை நாங்கள் அறிந்த பிறகு, பொருந்தும் சட்டத்திற்கு இணங்கி காணாமல் போன மற்றும் துன்புறுத்தப்படுகின்ற குழந்தைகளுக்கான தேசிய மையத்தில் (NCMEC) நாங்கள் புகாரளிப்போம். சில நேரங்களில் பயனர்கள் தங்கள் குழந்தைகளின் நிர்வாணப் படங்களை நல்ல நோக்கத்துடன் பகிர்வதை நாங்கள் அறிவோம்; எனினும், பிறரால் தவறாகப் பயன்படுத்தக்கூடிய சாத்தியங்கள் இருப்பதாலும், படங்களைப் பிறர் வேறு விதமாக மீண்டும் பயன்படுத்துவதாலும், அல்லது முறைகேடாகப் பயன்படுத்துவதைத் தவிர்ப்பதற்காக இந்தப் படங்களை நாங்கள் வழக்கமாக அகற்றிவிடுவோம்.
ஆன்லைன் பாதுகாப்புப் பிரச்சனைகள் சார்பாக, குறிப்பாக​ குழந்தைகள் தொடர்பாக, எங்கள் கொள்கைகள் மற்றும் அமலாக்கங்கள் பற்றி விவாதிப்பதற்கும் மேம்படுத்துவதற்கும் Meta பாதுகாப்பு ஆலோசனை மன்றம், உட்பட வெளிப்புற நிபுணர்களுடனும் நாங்கள் பணியாற்றுகிறோம். குழந்தைகளைத் தவறாகப் பயன்படுத்துதலுக்கு எதிராக நாங்கள் பயன்படுத்தும் தொழில்நுட்பம் பற்றி மேலும் தெரிந்துகொள்ளுங்கள்.
பின்வருபவற்றைப் பதிவிட வேண்டாம்:
குழந்தையைப் பாலியல் ரீதியாகத் துன்புறுத்துதல்
குழந்தைகளைப் பாலியல் ரீதியாக அச்சுறுத்தும், சித்தரிக்கும், புகழும், ஆதரிக்கும், அது தொடர்பான அறிவுறுத்தல்களை வழங்கும், நோக்கத்திற்கான அறிக்கைகளை உருவாக்கும், குழந்தைகள் மீதான பாலியல் துன்புறுத்தலில் பங்கேற்பதை ஒப்புக்கொள்ளும் அல்லது அது தொடர்பான இணைப்புகளைப் பகிர்ந்துகொள்ளும் பதிவுச் செயல்பாடு அல்லது ஊடாடல்கள். இவற்றில் உண்மையான குறைந்த வயதுடையவர்கள், சின்னஞ்சிறு குழந்தைகள், கைக்குழந்தைகள் அல்லது மனித உருவம் கொண்ட உண்மையாக இல்லாத சித்தரிப்புகள் (கலை, AI உருவாக்கிய பதிவு, கற்பனைக் கதாப்பாத்திரங்கள், பொம்மைகள் போன்றவை) அடங்கும். இதில் பின்வருபவை அடங்கும், ஆனால் அவை மட்டுமே அல்ல:
  • பாலியல் உடலுறவு
    • வெளிப்படையான உடலுறவு அல்லது வாய்வழி உடலுறவு என்பது வாய் அல்லது பிறப்புறுப்பு மற்றொரு நபரின் பிறப்புறுப்புடன் அல்லது ஆசனவாயுடன் உறவு கொள்வது அல்லது நுழைவது, இதில் ஒரு நபரின் பிறப்புறுப்பு அல்லது மலவாய் தெரியும்படி இருப்பது என வரையறுக்கப்படுகிறது.
    • மறைமுகமான பாலியல் உடலுறவு அல்லது வாய்வழி உடலுறவு, நெருக்கமான தொடர்பிலோ மறைமுகமாகக் காட்டுவதோ இதில் அடங்கும்.
    • பிறப்புறுப்புகள் அல்லது ஆசனவாயின் உணர்ச்சித் தூண்டல், நெருக்கமான தொடர்பிலோ மறைமுகமாகக் காட்டுவதோ இதில் அடங்கும்.
    • மேலே குறிப்பிடப்பட்டுள்ள ஏதேனும் ஒரு விலங்கு சம்பந்தப்பட்டது.
  • பாலியல் கூறுகள் கொண்ட குழந்தைகள், ஆனால் இவை மட்டும் அல்ல:
    • விருப்பமின்றிக் கட்டுப்படுத்துதல்
    • உணர்வைத் தூண்டும் அறிகுறிகள்
    • பிறப்புறுப்புகள் அல்லது மலவாயில் கவனம் செலுத்ததல்.
    • பாலியல் உணர்வு தூண்டப்பட்ட வயதுவந்தோர்
    • பாலியல் பொம்மைகள் இருப்பது அல்லது பாலியல் தூண்டுதலுக்காக அல்லது திருப்திக்காக ஏதேனும் ஒரு பொருளைப் பயன்படுத்துதல் அல்லது பாலியல் வன்கொடுமை
    • பாலியல் நோக்கத்துடன் கூடிய ஆடை
    • துணி களைதல்
    • அரங்கேற்றப்பட்ட சூழல் (உதாரணமாக, ஒரு படுக்கையில்) அல்லது தொழில்முறை ஷாட் (தரம்/ஃபோகஸ்/கோணங்கள்).
    • வாய் முத்தம்
    • முலைக்காம்புகளைத் தூண்டுதல் அல்லது பெண்களின் மார்பகங்களைப் பிழிதல் (பால் கொடுக்கும் சூழல் தவிர்த்து)
    • பாலியல் செயல்பாட்டிற்கான துணைத் தயாரிப்புகள் இருத்தல்
  • பாலியல் இச்சையைத் தூண்டும் சூழலில் குழந்தைகளை ஈடுபடுத்தும் பதிவு
  • சுகாதாரச் சூழலில் நடுநிலையாக விவாதிக்கப்படாவிட்டால், பெடோபிலியாவில் பங்கேற்பதை ஆதரிக்கும், விளம்பரம் செய்யும், வாதாடும் அல்லது ஊக்குவிக்கும் பதிவு.
  • பெயர் அல்லது படத்தின் மூலம் குழந்தை பாலியல் சுரண்டலுக்கு ஆளானதாகக் கூறப்படும் நபர்களை அடையாளப்படுத்தும் அல்லது கேலி செய்யும் பதிவு
பாலியல் கோரிக்கை
குழந்தைகளைச் சித்தரிக்கும் அல்லது அவர்கள் சம்பந்தப்பட்ட பாலியல் பதிவு அல்லது செயல்பாட்டைக் கேட்கும் பதிவு, இவ்வாறு வரையறுக்கப்படுகிறது:
  • குழந்தை பாலியல் வன்கொடுமை தொடர்பான பதிவு (CSAM)
  • நிஜமான அல்லது சித்தரிக்கப்பட்ட குழந்தைகளின் நிர்வாணப் படங்கள்
  • நிஜமான அல்லது சித்தரிக்கப்பட்ட பிள்ளைகளின் பாலியல் படங்கள்
குழந்தைகளுடன் தகாத உரையாடல்கள்
பின்வருபவை உட்பட குழந்தைகளுடன் தகாத உரையாடல்களை உருவாக்கும் அல்லது ஆதரிக்கும் பகிர்வு:
  • குழந்தைகளுடன் பாலியல் செயல்களைக் கேட்டல், ஏற்பாடு செய்தல் அல்லது திட்டமிடல்
  • பாலியல் உரையாடல்கள் மூலம் பாலியல் செயல்பாட்டில் ஈடுபடக் குழந்தைகளைத் தூண்டுதல் அல்லது உள்நோக்கத்துடன் வெளிப்படுத்துவது மூலம் அல்லது தனிப்பட்ட மெசேஜ்கள் மூலம் குழந்தைகளுக்கு அல்லது அவர்களிடம் இருந்து பாலியல் மெட்டீரியலை வழங்குதல், காட்டுதல், பெறுதல் அல்லது கேட்டல்
  • குழந்தைகளுடன் தனிப்பட்ட மெசேஜ்களில் மறைமுகமாகப் பாலியல் உரையாடல்களில் ஈடுபடுதல்
  • தனிப்பட்ட மெசேஜ்களில் குழந்தைகளிடமிருந்து பாலியல் விஷயங்களைப் பெறுதல் அல்லது கேட்டல்
தவறாகப் பயன்படுத்தப்படும் நெருக்கமான படங்கள் மற்றும் பாலியல் ரீதியான செயல்கள்
இதன் மூலம் நிஜமான குழந்தைகளைப் துன்புறுத்த முயற்சிக்கும் பதிவு:
  • அவர்களின் நெருக்கமான படம் அல்லது அந்தரங்கத் தகவலை அம்பலப்படுத்துவதாக அச்சுறுத்திக் கட்டாயப்படுத்தி பணம், உதவிகள் அல்லது அவர்களின் நெருக்கமான படத்தைப் பெறுவது
  • தனிப்பட்ட பாலியல் உரையாடல்கள் அல்லது நெருக்கமான படங்களைப் பகிர்வதற்கான நோக்கத்தைப் பகிர்தல், அச்சுறுத்தல் அல்லது கூறுதல்
குழந்தைகளைப் பாலியல் ரீதியாகக் காண்பித்தல்
  • இது நிஜமான அல்லது சித்தரிக்கப்பட்ட குழந்தைகளைப் பாலியல் ரீதியான சூழலில் காட்டும் பதிவு (படங்கள், வீடியோக்கள், நிஜ உலகக் கலை, டிஜிட்டல் பதிவு மற்றும் வாய்மொழி சித்தரிப்புகள் அடங்கும்)
  • நிஜமான அல்லது சித்தரிக்கப்பட்ட குழந்தைகளைப் பாலியல் ரீதியான சூழலில் காட்டும் குழுக்கள், பக்கங்கள் மற்றும் சுயவிவரங்கள்
குழந்தை நிர்வாணம்
நிஜமான அல்லது சித்தரிக்கப்பட்ட குழந்தைகளின் நிர்வாணத்தைச் சித்தரிக்கும் பதிவு, நிர்வாணம் இவ்வாறாக வரையறுக்கப்படுகிறது:
  • நிஜமான அல்லது சித்தரிக்கப்பட்ட குழந்தைகளுடைய பிறப்புறுப்பின் நெருக்கமான காட்சிகள்
  • நிஜமான அல்லது சித்தரிக்கப்பட்ட சின்னஞ்சிறு நிர்வாணமான குழந்தைகள் இவ்வாறு காட்டப்படுதல்:
    • மறைக்கப்பட்டாலும் அல்லது வெளிப்படையான ஆடைகளால் மூடப்பட்டிருந்தாலும் கூட பிறப்புறுப்பு தெரிதல்.
    • ஆசனவாய் தெரிதல் மற்றும்/அல்லது பிட்டங்களின் முழு நிர்வாண நெருக்கமான காட்சி.
  • நிஜமான அல்லது சித்தரிக்கப்பட்ட நிர்வாணமான குறைந்த வயதுடையவர்கள் இவ்வாறு காட்டப்படுதல்:
    • பிறப்புறுப்பு காட்டப்படுதல் (அந்தரங்க முடி அல்லது வெளிப்படையான ஆடைகளால் மட்டுமே மறைக்கப்பட்ட பிறப்புறுப்பு உட்பட)
    • ஆசனவாய் தெரிதல் மற்றும்/அல்லது பிட்டங்களின் முழு நிர்வாண நெருக்கமான காட்சி.
    • பெண் முலைக்காம்புகளை வெளிப்படுத்துவது
    • பிறப்புறுப்பு அல்லது பெண் முலைக்காம்புகள் எதுவும் தெரியாவிட்டாலும் கூட, கழுத்து முதல் முழங்கால் வரை உடைகள் இல்லாமல் இருத்தல்
  • சித்தரிக்கப்பட்ட படங்கள் உடல்நல நோக்கங்களுக்கானவை என்றாலோ குழந்தை நிர்வாணம் நிஜ உலக கலைப்படைப்பில் சித்தரிக்கப்பட்டிருந்தாலோ அவற்றுக்கு விலக்கு உண்டு
குழந்தைகள் மீதான பாலியல் சாராத துன்புறுத்தல்
நிஜ உலகக் கலைப்படைப்பு, கார்ட்டூன்கள், திரைப்படங்கள் அல்லது வீடியோ கேம்களில் இருந்து பெறப்பட்ட படங்களாக இல்லாத பட்சத்தில், பகிர்வு நோக்கத்தைப் பொருட்படுத்தாமல் நிஜமான அல்லது சித்தரிக்கப்பட்ட குழந்தைகள் மீதான பாலியல் சாராத துன்புறுத்தலைச் சித்தரிக்கும் வீடியோக்கள் அல்லது படங்கள்
குழந்தைகள் மீதான பாலியல் சாராத துன்புறுத்தலில் பங்கேற்பதைப் பாராட்டும், ஆதரிக்கும், ஊக்குவிக்கும், ஆதரித்துப் பேசும், பங்கேற்பதற்கான அறிவுறுத்தல்களை வழங்கும் அல்லது பங்கேற்பதை ஊக்குவிக்கும் பகிர்வுகள்
குழந்தைகள் சம்பந்தப்பட்ட பாலியல் ரீதியான துன்புறுத்துதல், வன்கொடுமை மற்றும் நிர்வாணம் (CSEAN) தொடர்பான எங்கள் கொள்கைகளை மீறும் கணக்குகளை அகற்றுவது மட்டுமின்றி, சாத்தியமான தேவையற்ற அல்லது பாதுகாப்பற்ற செயல்களை மேற்கொள்வதைத் தடுக்க உதவும் பல வகையான சிக்னல்களை எங்கள் மதிப்பாய்வாளர்களும் அதுவாகவே இயங்கும் அமைப்புகளும் கருத்தில் கொள்கின்றர் (கொள்கின்றன).
  • பெரியவர்கள் பிற கணக்குகளில் செயல்களை மேற்கொள்வது, விதிமீறும் பகிர்வுகளைத் தேடுவது அல்லது அத்தகைய பகிர்வுகளில் செயல்களை மேற்கொள்வது (எ.கா: விரும்புவது அல்லது சேமிப்பது) அல்லது எங்கள் கொள்கைகளை மீறியதற்காக நாங்கள் அகற்றிய சமூகங்களில் (எ.கா. குழுக்கள்) உறுப்பினராக இருப்பது போன்றவற்றின் அடிப்படையில் கணக்குகளை நாங்கள் முடக்கலாம், தயாரிப்புகள் மற்றும் அம்சங்களுக்கான அணுகலை (எ.கா. சில கணக்குகளைப் பின்தொடரும் திறன்) அவர்களுக்குக் கட்டுப்படுத்தலாம்.
பின்வரும் பகிர்விற்கு, ஓர் எச்சரிக்கைத் திரையைச் சேர்த்துள்ளோம், இதனால் பகிர்வு சங்கடமளிப்பதாக இருக்கலாம் என்பதை மக்கள் அறிவார்கள். மேலும், பதினெட்டு மற்றும் அதற்கு மேற்பட்ட வயதுடையவர்கள் மட்டுமே பார்க்கும் வகையில் கட்டுப்பாடு இருக்கக்கூடும்:
  • குழந்தைகள் மீதான பாலியல் சாராத துன்புறுத்தல் செய்யும் காவல்துறை அதிகாரிகள் அல்லது இராணுவ அதிகாரிகளைச் சித்தரிக்கும் வீடியோக்கள் அல்லது படங்கள்
  • குழந்தைகள் மீதான பாலியல் சாராத துன்புறுத்தலின் வீடியோக்கள் அல்லது படங்களைச் சட்ட அமலாக்கமும், குழந்தை பாதுகாப்பு ஏஜென்சிகள் அல்லது நம்பகமான பாதுகாப்புக் கூட்டாளர்களும் குழந்தையைப் பாதுகாக்கும் வெளிப்படையான நோக்கத்திற்காகப் பதிவைத் தளத்தில் விட்டுவிடுமாறு கோரும்போது
பின்வரும் பகிர்விற்கு, எச்சரிக்கை திரையைச் சேர்த்துள்ளோம், இதனால் பகிர்வு சிலருக்கு ஏற்றதாக இருக்கலாம் என்பதை மக்கள் அறிவார்கள்:
  • மத சடங்குகளின் பின்னணியில் ஒரு குழந்தையை நீரில் வலுக்கட்டாயமாக மூழ்கடிக்கும் வீடியோக்கள் அல்லது படங்கள்
பின்வரும் சமூகத் தரநிலைகளுக்கு, பின்வருபவற்றை அமல்படுத்த கூடுதல் தகவல்கள் மற்றும்/அல்லது சூழல் எங்களுக்கு வேண்டும்:
பின்வரும் பகிர்விற்கு, ஒரு எச்சரிக்கை லேபிளைச் சேர்த்துள்ளோம், இதனால் பகிர்வு விரும்பத்தகாததாக இருக்கலாம் என்பதை மக்கள் அறிவார்கள்:
  • பஞ்சம், இனப்படுகொலை, போர்க்குற்றங்கள் அல்லது மனிதகுலத்திற்கு எதிரான குற்றங்களின் பின்னணியில் செய்தி நிறுவனத்தால் பதிவிடப்பட்ட குழந்தைகளின் நிர்வாணப் படங்கள். இவை விதிமீறும் தலைப்புடன் அல்லது விதிமீறும் நோக்கத்துடன் பகிரப்பட்டால், பகிர்வு அகற்றப்படும்
குழந்தைகள் மீதான பாலியல் சாராத துன்புறுத்தலின் விளைவை விவரிக்கும் படத்தை செய்தி ஊடகக் கூட்டாளர்கள், NGOக்கள் அல்லது பிற நம்பகமான பாதுகாப்பு கூட்டாளர்களால் புகாரளிக்கும்போது நாங்கள் அகற்றக்கூடும்.
பெயர் அல்லது படத்தைத் தவிர்த்து பிற வழிகளில் குழந்தைப் பாலியல் துன்புறுத்தலால் பாதிக்கப்பட்டவராகக் கருத்தப்படுபவர்களின் அடையாளத்தை வெளிப்படுத்தும் பகிர்வை நாங்கள் அகற்றக்கூடும் (அந்த நபரின் அடையாளத்தைக் கண்டறிய வழிவகுக்கக்கூடிய தகவல்கள் பகிர்வில் இருந்தால்).
சட்ட அமலாக்கம், அரசாங்கம், நம்பகமான கூட்டாளர் கேட்கும்போது அல்லது குறைந்த வயதுடையவரால் அல்லது அவரின் பெற்றோர்/சட்ட ரீதியான பாதுகாவலரால் புகாரளிக்கப்படும்போது, குறைந்த வயதுடையவரின் பாதுகாப்பிற்கு ஆபத்து இருக்குமெனில், தனிப்பட்ட குறைந்த வயதுடையவரை அடையாளம் காணும் நோக்கத்திற்காக உருவாக்கப்பட்ட படைப்புகளை நாங்கள் அகற்றலாம்.
பயனர் அனுபவங்கள்
Facebook இல் உள்ளவர்களுக்குப் பின்வருபவை போன்ற விதிமீறல் அமலாக்கம் எவ்வாறு காட்சியளிக்கும் என்பதற்கான சில எடுத்துக்காட்டுகளைப் பாருங்கள்: Facebook இல் இருக்கக்கூடாது என நீங்கள் கருதுவதைப் புகாரளிப்பது, எங்களது சமூகத் தரநிலைகளை நீங்கள் மீறியுள்ளீர்கள் என்பதைத் தெரிவிப்பது மற்றும் சில பகிர்வுகள் மீது எச்சரிக்கை திரையைப் பார்ப்பது எப்படிக் காட்சியளிக்கும் போன்றவை.
கவனத்திற்கு: நாங்கள் எப்போதும் மேம்படுத்திக் கொண்டே இருக்கிறாம். எனவே, இங்கு நீங்கள் பார்ப்பது, நாங்கள் தற்போது பயன்படுத்துவதைக் காட்டிலும் சற்று பழையதாக இருக்கக்கூடும்.
பயனர் அனுபவம்
புகாரளித்தல்
பயனர் அனுபவம்
புகாருக்குப் பின்னரான தகவல்தொடர்பு
பயனர் அனுபவம்
அகற்றுதல் அனுபவம்
பயனர் அனுபவம்
எச்சரிக்கை திரைகள்
தகவல்
சமீபத்திய சமூகத் தரநிலைகள் அமலாக்க அறிக்கையைக் காண்க
செயலாக்கம்
Facebook இல் உள்ள அனைவருக்கும் உலகம் முழுவதும் ஒரே கொள்கைகளையே கொண்டுள்ளோம்.
மதிப்பாய்வுக் குழுக்கள்
Facebook இல் உள்ளவர்களைப் பாதுகாப்பாக வைத்திருப்பதற்கு எங்களது உலகளாவியக் குழுவில் உள்ள 15,000க்கும் அதிகமான மதிப்பாய்வாளர்கள் தினமும் பணியாற்றுகின்றனர்.
பங்குதாரர் ஈடுபாடு
வெளிநிறுவன நிபுணர்கள், கல்வியாளர்கள், NGOக்கள் மற்றும் கொள்கை உருவாக்குநர்கள் Facebook சமூகத் தரநிலைகளைத் தெரிவிப்பதற்கு உதவுகின்றனர்.
குழந்தையைப் பாலியல் ரீதியாகத் துன்புறுத்துதல், வன்கொடுமை மற்றும் நிர்வாணம் தொடர்பான உதவியைப் பெறுங்கள்
எங்கள் சமூகத் தரநிலைகளுக்கு எதிராக இருக்கும் எதையேனும் Facebook இல் நீங்கள் பார்த்தால் நீங்கள் என்ன செய்யலாம் என்பதை அறியுங்கள்.
எங்கள் உதவி மையத்தைப் பாருங்கள்