Utaratibu wa Sera
Ili kudumisha mazingira salama na kuwezesha kujieleza huru, tunazuia au kuondoa akaunti ambazo ni hatari kwa jumuiya. Tumeunda mchanganyiko wa mifumo ya otomatiki na ya kufanya wewe mwenyewe ili kuzuia na kuondoa akaunti ambazo zinatumika kukiuka kupita kiasi au mara kwa mara kanuni zetu katika bidhaa zetu zozote.
Kwa sababu uondoaji wa akaunti ni hatua kali, panapowezekana, tunalenga kupatia jumuiya yetu nafasi ya kujifunza kanuni zetu na kufuata Viwango vya Jumuiya. Kwa mfano, arifa hutolewa kila wakati tunapoondoa maudhui, na mara nyingi sisi pia huwapa watu maelezo kuhusu hali ya ukiukaji huo na vizuizi vyovyote vinavyotekelezwa. Vitendo vyetu vya utekelezaji vimeundwa ili kulingana na uzito wa ukiukaji, historia ya ukiukaji kwenye akaunti na hatari au madhara yanayoletwa kwa jumuiya. Ukiukaji ulio endelea, bila kujali onyo na vizuizi vya mara kwa mara, au ukiukaji unaoleta hatari kali za usalama utasababisha kulemazwa kwa akaunti.
Pata maelezo zaidi kuhusu jinsi Meta inavyotekeleza sera zake na kuzui akaunti katika Kituo cha Uwazi. Huenda tukawekea vizuizi au kulemaza akaunti, asasi nyingine (Kurasa, vikundi, matukio) au rasilimali za biashara (Vidhibiti vya Biashara, akaunti za matangazo) ambazo:
Zinakiuka Viwango vyetu vya Jumuiya vinavyohusisha madhara mabaya, ikiwa ni pamoja na zile tunazopendekeza kwa watekelezaji wa sheria kutokana na hatari iliyopo ya madhara kwa usalama wa mtu binafsi au umma
Zinakiuka Viwango vyetu vya Jumuiya vinavyohusisha madhara yoyote yanayohitaji kupendekezwa kwa watekelezaji wa sheria kutokana na hatari iliyopo ya madhara kwa usalama wa umma.
Zinakiuka Viwango vyetu vya Utangazaji vinavyohusisha udanganyifu au madhara hatari ya biashara
Zinakiuka mara kwa mara Viwango vyetu vya Jumuiya kwa kuchapisha maudhui ya ukiukaji na/au kudhibiti asasi au rasilimali za biashara zinazokiuka
Zinakiuka Viwango vyetu vya Utangazaji mara kwa mara
Zinaonyesha shughuli au tabia inayoashiria wazi madhumuni ya ukiukaji
Huenda tukawekea vizuizi au kulemaza akaunti, asasi nyingine (Kurasa, vikundi, matukio) au rasilimali za biashara (Vidhibiti vya Biashara, akaunti za matangazo) ambazo:
Zinamilikiwa na asasi au mtu yule yule anayemiliki akaunti ambayo imelemazwa
Zimeundwa au kubadilishwa ili kukwepa hatua ya awali ya kuondolewa kwa akaunti au asasi, ikiwa ni pamoja na zilizotathminiwa na kupatikana kuwa na umiliki mmoja na maudhui yanayofanana na yaliyokuwa kwenye akaunti au asasi zilizoondolewa awali.
Zimeundwa ili kuwasiliana na mtumiaji ambaye akaunti yake imezuiwa
Zilizoundwa ili kukwepa vitendo vya utekelezaji au michakato ya ukaguzi
Huenda tukawekea vizuizi au kulemaza akaunti, asasi nyingine (Kurasa, vikundi, matukio) au rasilimali za biashara (Vidhibiti vya Biashara, akaunti za matangazo) ambazo zinaonyesha:
Uhusiano wa karibu na mtandao wa akaunti au asasi nyingine zinazokiuka au kukwepa sera zetu
Uratibu ndani ya mtandao wa akaunti au mashirika mengine ambayo yanakiuka vibaya au mara kwa mara sera zetu
Shughuli au tabia inayoashiria wazi madhumuni ya ukiukaji kupitia mtandao wa akaunti
Tutashughulika ili kuwekea vizuizi au kulemaza akaunti au asasi nyingine (Kurasa, vikundi, matukio) au rasilimali za biashara (Vidhibiti vya Biashara, akaunti za matangazo) zinazojihusisha katika shughuli za nje ya jukwaa zinazoweza kusababisha madhara kwa jukwaa letu, ikiwa ni pamoja na zile:
Zinamilikiwa na mkosaji wa ngono aliyepatikana na hatia, aliyepatikana na hatia ya makosa yanayohusiana na unyanyasaji wa kingono kwa watoto au watu wazima.
Zinazomilikiwa na Shirika Lililobainishwa au kuendeshwa kwa niaba yake
Zimepigwa marufuku kupokea bidhaa, huduma au programu yetu chini ya sheria husika.
Katika hali zifuatazo, tunaweza kuomba taarifa za ziada kuhusu akaunti ili kuhakikisha umiliki na/au shughuli zinazoruhusiwa:
Akaunti zilizoathirika
Kuunda au kutumia akaunti au asasi nyingine kupitia njia za kiotomatiki, kama vile kutayarisha hati (isipokuwa shughuli hiyo ya kutayarisha hati itokee kupitia njia zilizoidhinishwa na haikiuki sera zetu)
Akaunti tupu ambazo hazijatumika kwa muda mrefu