Dikgoka le Tlhohleletso

Dintlha ka Leano
Boiphihlelo ba Basebedisi
Datha

Dintlha tsa leano

FETOLA HO KENA
Mabaka a Leano
Re rerile ho thibela diketso tsa dikgoka tse ka etsahalang ka thoko ho inthanete tse ka amahanngwang le dikateng mapatlelong a rona. Leha re utlwisisa hore ka tlwaelo batho ba bontsha ho nyonya kapa ho se dumellane ka ho tshosetsa kapa ho hlohleletsa dikgoka ka ditsela tse sa tebisang maikutlo le tsa boswaswi, re tlosa puo e hlohleletsang kapa e kgothaletsang dikgoka kapa ditshoso tsa nnete tsa polokeho ya setjhaba kapa ya motho ka boyena. Sena se kenyeletsa puo e tobileng motho kapa sehlopha sa batho ho itshetlehilwe hodima tshobotsi kapa ditshobotsi tsa bona tse sireleditsweng kapa boemo ba bofalli. Re tlosa dikateng, re kwala diakhaonto mme hape re sebetsa le ba sepolesa ha re dumela hore ka nnete ho ka ba le kotsi ya ho lemala kapa ditshoso tse otlolohileng tsa polokeho ya setjhaba. Hape re leka ho sheba puo le moelelo bakeng sa ho bona phapang pakeng tsa dipolelo tse tlwaelehileng feela kapa tse lemosang setjhaba tsa dikateng tse nang le tshoso ya nnete ya polokeho ya setjhaba kapa motho ka boyena. Mabapi le ho sheba haeba tshoso ke ya nnete, re ka nna ra boela ra sekaseka tlhahisoleseding ya tlatsetso jwaloka ho bonahala ha motho setjhabeng le dikotsi tsa polokeho ya hae.
Maemong a mang, re bona ditshoso tse kgothaletsang dikgoka kapa tse itshetlehileng ka maemo, ho kenyeletsa dipolelo tsa tshepo ya hore ho tla etswa dikgoka, tse lebisitsweng ho baferekanyi le batho ba bang ba dikgoka (ka mohlala, “Baferekanyi ba tlameha ho bolawa,” “Ke lakatsa eka ba ka bolaya baferekanyi”). Re nka ka tsela e fapanang bopaki boo bo se nang botshepehi, bo sa hlakang.
Re Tlosa:
Re tlosa ditshoso tsa dikgoka tse kgahlanong le mahlatsipa a fapafapaneng. Ditshoso tsa dikgoka ke dipolelo kapa dipontsho tse emetseng boikemisetso, tabatabelo, kapa kgoeletso ya dikgoka kgahlanong le phofu, mme ditshoso di ka hlahiswa ka mefuta e fapafapaneng ya dipolelo tse kang dipolelo tsa maikemisetso, dikgoeletso tsa ho nka bohato, ho buella, tlhahiso ya maikutlo a tshepo, dipolelo tsa tabatabelo le dipolelo tsa dipehelo.
Ha re thibele ditshoso ha di abelanwa ka moelelo wa temoso kapa ho tshwela ka mathe, ha ditshoso tse seng mpe haholo di etswa ka moelelo wa dipapadi moo batho ba thetsanang, kapa ditshoso tse itseng kgahlanong le dibapadi tse tletseng dikgoka jwalo ka dihlopha tsa dikgukguni.
Ditshireletso tse etsahalang hohle bakeng sa bohle
Bohle ba sireleditswe kgahlanong le ditshoso tse latelang:
  • Ditshoso tsa dikgoka tse ka lebisang lefung (kapa ka mefuta e meng ya dikgoka tse tshabehang)
  • Ditshoso tsa dikgoka tse ka lebisang temalong e tshabehang (diketso tsa dikgoka tsa bohale bo mahareng). Re tlosa ditshoso tse jwalo kgahlanong le batho ba tummeng setjhabeng le dihlopha tse sa itshetlehang hodima ditshobotsi tse sireleditsweng ha ho na le mabaka a utlwahalang, mme re di tlosa kgahlanong le ho hlasela mahlatsipa afe kapa afe a mang (ho kenyeletsa dihlopha tse itshetlehileng hodima ditshobotsi tse sireleditsweng) ho sa natswe ho utlwahala ha mabaka
  • Kananelo ya dikgoka tse tshabehang haholo kapa tse mahareng (tse ngotsweng kapa ka molomo, kapa tse bontshwang ka setshwantsho ke moetsi kapa lehatammoho), ntle leha di abelanwa ka moelelo wa pholoso, boitshireletso kapa dipapading tseo ho theselanwang (tsa dikgoka tse mahareng kapa tse tlase) kapa di entswe ke ba sepolesa, sesole kapa basebeletsi ba tshireletso ya naha.
  • Ditshoso kapa dipontsho tsa ho kwetelwa kapa ho hapuwa ka mahahapa, ntle le haeba ho totobetse hore dikateng ha di abelanwa ke lehlatsipa kapa ba lelapa e le ho kopa thuso, kapa di abelanwa bakeng sa tlhahisoleseding, ho tshwela ka mathe kapa ka merero ya temoso
Ditshireletso tsa tlatsetso bakeng sa Batho ba Baholo ba Poraefete, Bana Bohle, batho ba kotsing e kgolo le batho kapa dihlopha ho ya ka ditshobotsi tsa bona tse sireleditsweng:
Ho tlatseletsa hodima ditshireletso tsa hohle bakeng sa bohle, batho bohle ba baholo (ha ba tlaleha ka bobona), bana le batho kapa dihlopha tsa batho ba tobilweng ho ya ka tshobotsi kapa ditshobotsi tsa bona tse sireleditsweng, ba sireleditswe kgahlanong le ditshoso tse seng mpe haholo.
Dikgoka tse Ding
Hodima ditshireletso tsohle tse boletsweng ka hodimo mona, re tlosa tse latelang:
  • Dikateng tse kopang, tse tshepisang, kapa tse dumelang ho fana ka ditshebeletso tsa dikgoka tse tshabehang (ka mohlala, babolai ba hirwang, masole a ikemetseng, babolai ba batho ba hlaheletseng, ho retla ditho tsa bosadi) kapa tse buellang tshebediso ya ditshebeletso tsena
  • Ditaelo tsa ho etsa kapa ho sebedisa dibetsa moo ho nang le puo e hlakileng e bolelang sepheo sa ho baka kotsi e tshabehang kapa ho bolaya batho, kapa ditshwantsho tse bontshang kapa tse etsisang sephetho, ntle le ka moelelo wa hore dikateng ha se tsa morero wa dikgoka jwaloka thuto ya boitshireletso (ka mohlala, thupello ya ntwa, martial arts tse kang karate) le thupello ya sesole
  • Ditaelo tsa mokgwa wa ho etsa kapa ho sebedisa diqhomane, ntle le ka moelelo wa hore dikateng ke bakeng sa morero oo e seng wa dikgoka jwaloka merero ya boithabiso (ka mohlala, ditlelabore le dipapadi tsa vidio tse rekiswang, ho tshwasa ditlhapi)
  • Ditshoso tsa ho nka dihlomo kapa ho tlisa dihlomo sebakeng kapa ho kena sebakeng ka sheshe (ho kenyeletsa le empa ho sa felle ka dibaka tsa thapelo, ditsi tsa thuto, dibaka tsa ho vouta kapa dibaka tse sebediswang ho bala divoutu kapa ho tsamaisa dikgetho), kapa dibaka moo ho nang le matshwao a nakwana a kotsi e kgolo ya dikgoka.
  • Ditshoso tsa dikgoka tse amanang le ho vouta, ngodiso ya bakgethi, kapa tsamaiso kapa sephetho sa dikgetho, esita le haeba ho se na lehlatsipa.
  • Ho thoholetsa dikgoka tsa bong e ka ba dikgoka ho molekane wa lerato kapa dikgoka tsa tlhekefetso mmeleng le maikutlong.
Bakeng sa Melao ya Setjhaba e latelang re hloka tlhahisoleseding ya tlatsetso le/kapa ditaba tseo re ka di qobellang:
Re Tlosa:
  • Ho tshosetsa mapolesa kapa bahlanka ba dikgetho, ho sa natswe hore na ba hlaheletse hakae setjhabeng kapa mabaka a ditshoso tseo.
  • Dipolelo tse entsweng ka dikhoutu moo mokgwa wa dikgoka o sa hlakang hantle, empa tshoso e patehile kapa e lohothwa, jwalo ka ha ho bontshitswe ka motswako wa bobedi letshwao la tshoso le letshwao la moelelo letotong le ka tlase mona.
    • Tshoso: polelo ya khoutu eo e leng ya e nngwe ya tse latelang:
      • Tse abelanwang ka moelelo wa ho iphetetsa (mohl., dipolelo tsa takatso ya ho etsa dikgoka kgahlanong le ba bang e le karabelo ya ngongoreho kapa tshoso eo mohlomong e leng ya nnete, e lohothwang kapa e lebeletsweng)
      • Ho bua ka diketsahalo tsa kgale kapa tsa tshomong (mohl., dikateng tse tshosetsang ba bang ka ho bua ka diketsahalo tse tsejwang tsa kgale tsa dikgoka tse entsweng historing kapa tsa ditshomong)
      • Diketso tseo e leng tshoso ya ho nka bohato (mohl. dikateng tse memang kapa tse kgothaletsang ba bang ho etsa dikgoka kapa ho kenela ho etsa diketso tsa dikgoka)
      • E supang tsebo ya kapa tse abelanang tlhahisoleseding e hlokolosi e ka pepesetsang ba bang tabeng ya dikgoka (mohl., dikateng tse hlwayang kapa tse ka bolelang tsebo ya tlhahisoleseding ya motho ka boyena e ka etsang hore tshoso ya dikgoka e be ya nnete. Sena se kenyeletsa ho fana ka maikutlo a ho tseba aterese ya motho ya bodulo, tulo ya hae ya mosebetsi kapa thuto, ditsela tseo a di sebedisang letsatsi ka leng kapa sebaka seo a leng ho sona hajwale)
    • Moelelo
      • Moelelo wa lehae kapa boitsebelo bo netefatsa hore polelo eo ho buuwang ka yona e ka lebisa ho dikgoka tse ka nnang tsa etsahala.
      • Lehlatsipa la dikateng kapa moemedi ya dumeletsweng o re tlalehela dikateng.
      • Lehlatsipa ke ngwana.
  • Ditshoso tse lohothwang tsa ho tlisa dihlomo dibakeng tse itseng, ho kenyeletsa le empa ho sa felle ka dibaka tsa thapelo, ditsha tsa thuto, dibaka tsa ho vouta kapa dibaka tse sebediswang ho bala divoutu kapa ho tsamaisa dikgetho (kapa ho kgothaletsa ba bang ho etsa seo) kapa dibaka tseo ho nang matshwao a nakwana a kotsi e kgolo ya dikgoka.
  • Dipolelo kapa mabarebare a bobodu bo amanang le dikgetho, dintho tse sa tsamayeng ka tshwanelo, kapa leeme ha le kopane le letshwao la hore dikateng di tshosetsa dikgoka (mohl., ditshoso tsa ho hlomela ka sebetsa kapa ho tlisa sebetsa, ditshwantsho tse bonahalang tsa sebetsa, kapa ditshupiso tsa ho tjhesa, boshodu, tshenyo ya thepa), ho kenyeletsa:
    • Ho hlasela motho kapa batho
    • Ho hlasela sebaka se itseng (naha kapa se senyane)
    • Moo se hlaselwang se sa hlakang hantle
  • Ho bua ka dipokano kapa diketsahalo tse amanang le dikgetho ha di kopantswe le letshwao la hore dikateng di tshosetsa ka dikgoka (mohl., ditshoso tsa ho hlomela kapa ho tla ka sebetsa, ditshwantsho tse bonahalang tsa sebetsa, ho bua ka ho tjhesa thepa, boshodu, tshenyo ya thepa).
  • Ditshoso tsa diketso tse tshabehang kapa tse mahareng tsa dikgoka e le ho itshireletsa kapa ho sireletsa motho e mong ha ho kgengwa le mekgahlelo e ka tlase mona.
    • Tse kgahlanong le motho (ntle le batho ba ka tsejwang ka mabitso kapa difahleho, batho ba hlaselwang ka lebaka la ditshobotsi tsa bona tse sireleditsweng, le bana)
    • Ka moelelo wa ho kena ntlong kapa ho hlasela motho ka dikgoka e le ho iphetetsa ka dikgoka mme e le tshoso ya se etswang hanghang
    • Ho phatlalatsa ditlamorao tse ka bang teng ho le bohlokwa ho feta kotsi ya diketso tse mothating wa ho etsahala tsa dikgoka
Boiphihlelo ba basebedisi
Sheba mehlala e meng ya kamoo phethiso ya molao e shebahalang bakeng sa batho ho Facebook, e kang: hore na ho jwang ho tlaleha ntho e o nahanang hore ha e a lokela ho ba ho Facebook, ho bolellwa hore o tlotse Melao ya Setjhaba ya rona le ho bona sekrine sa temoso mabapi le dikateng tse itseng.
Ela hloko: Re dula re ntlafala, kahoo seo o se bonang mona e ka nna ya ba ke sa kgalenyana ha ho bapiswa le seo re se sebedisang hajwale.
BOIPHIHLELO BA BASEBEDISI
Ho Tlaleha
BOIPHIHLELO BA BASEBEDISI
Puisano ya kamora tlaleho
BOIPHIHLELO BA BASEBEDISI
Boiphihlelo ba ho fokotsa
BOIPHIHLELO BA BASEBEDISI
Diskrine tsa temoso
Datha
Sheba Tlaleho ya moraorao ya Qobello ya Melao ya Setjhaba
Qobello
Re na le maano a tshwanang lefatsheng ho pota, bakeng sa bohle ba ho Facebook.
Dihlopha tsa tekolo
Moifo wa rona wa lefatsheng lohle wa balekodi ba fetang 15,000 o sebetsa letsatsi ka leng ho etsa hore batho ba dule ba bolokehile ho Facebook.
Ditherisano le bankakarolo
Ditsebi tsa ka ntle, dirutehi, di-NGO le baetsi ba maano ba thusa ka ho tataisa Melao ya Setjhaba ya Facebook.
Fumana thuso ka dikgoka le tlhohleletso
Ithute seo o ka se etsang haeba o bona ho hong ho Facebook ho kgahlanong le Melao ya Setjhaba ya rona.
Etela Setsi sa Thuso sa rona