Mekgatlo le Batho ba Kotsi

Dintlha ka Leano
Boiphihlelo ba Basebedisi
Datha

Dintlha tsa leano

FETOLA HO KENA
Mabaka a Leano
Ka boiteko ba ho thibela le ho sitisa kotsi ya nnete, ha re dumelle mekgatlo kapa batho ba buang merero ya dikgoka kapa ba amehang diketsong tsa dikgoka hore ba ba teng mapatlelong a rona. Re hlahloba ditheo tsena ho itshetlehile ka boitshwaro ba tsona ka bobedi inthaneteng le ka thoko ho inthanete, haholoholo kamoo di amanang le diketso tsa dikgoka. Tlasa leano lena, re hlwaya batho, mekgatlo le maqulwana a batho. Dikarolo tsena tse hlwailweng di arotswe ka mekgahlelo e mmedi e bontshang boemo ba dikateng tseo molao o lokelang ho phethiswa ho tsona, moo Mokgahlelo 1 e leng moo o tlamehang ho phethiswa ka matla ka ho fetisisa hobane re dumela hore ditheo tsena di na le dikamano tse otlolohileng haholo le ho lemala ho etsahalang ka thoko ho inthanete.
Mokgahlelo wa Pele ke wa mekgatlo e amehang diketsong tse lematsang batho ka matla ka thoko ho inthanete - ho kenyeletsa ho hlophisa kapa ho kgothaletsa diketso tse dikgoka kgahlanong le baahi, ho dula e tlosa batho seriti kapa e buella hore batho ba lemale ka lebaka la dibopeho tse sireleditsweng, kapa ho ameha matsholong a hlophisitsweng a botlokotsebe. Mokgahlelo wa Pele o kenyeletsa mekgatlo ya lehloyo; mekgatlo ya ditlokotsebe; e hlwailweng ke mmuso wa Amerika e le Dikokonono tse Hlwailweng ka ho Ikgetha tsa Dimokolara Tsa Dithethefatsi (di-SDNTK); mekgatlo ya boferekanyi, ho kenyeletsa ditheo le batho ba hwailweng ke mmuso wa Amerika e le Mekgatlo ya Dinaheng tsa Melata ya Baferekanyi (di-FTO) kapa Baferekanyi ba Hlwailweng ka ho Ikgetha ba Lefatshe (di-SDGT). Re tlosa Thoholetso, Tshehetso, le Boemedi ba ditheo tsa Mokgahlelo wa Pele, baetapele ba tsona, bathehi, kapa ditho tse ka sehloohong, hammoho le ho bua ka tsona ho sa hlakang.
Hodima moo, ha re dumelle dikateng tse rorisang, tse tshehetsang, kapa tse emetseng diketsahalo tseo Meta e di hlwaileng e le diketsahalo tse tlolang molao tsa diketso tsa dikgoka - ho kenyeletsa ditlhaselo tsa boferekanyi, diketsahalo tsa lehloyo, diketso tsa dikgoka tse etswang ho mahlatsipa a mangata kapa boiteko ba diketso tsa dikgoka tse etswang ho mahlatsipa a mangata, dipolao tsa letoto, kapa ditlolo tsa molao tsa lehloyo. Ebile ha re dumelle (1) Thoriso, Tshehetso, kapa Boemedi ba moetsi kapa baetsi ba ditlhaselo tse jwalo; (2) dikateng tse fehlwang ke moetsi wa ditlhaselo tse jwalo; kapa (3) ditshwantsho tsa batho kapa mekgatlo e ka thoko tse bontshang nako eo ditlhaselo tse jwalo di etswang ho mahlatsipa a bonahalang. Hape re tlosa dikateng tse Rorisang, tse Tshehetsang kapa tse Emelang mehopolo e kgothaletsang lehloyo, e kang bonatsi le ho hlahella ha makgowa. Re tlosa tse buang ka ho sa hlakang ka diketsahalo kapa mehopolo ena e hlwailweng.
Mokgahlelo wa 2 o kenyeletsa Mekgatlo e Dikgoka e se Nang Semphato le Puso e etsang dikgoka kgahlanong le puso kapa mekgatlo ya sesole e ntweng empa e sa hlasele baahi boomo. Hape o kenyeletsa Mekgatlo e Hlohlelletsang Dikgoka tse lokisetsang kapa tse kgothaletsang dikgoka kamoso empa e se hakaalo hore ba qadile dikgoka ho fihlela mona. Hape ena ke mekgatlo e ka nnang ya ipheta makgetlo mabapi le dikgatikelo tsa maano a rona a Boitshwaro ba Lehloyo kapa Mekgatlo le Batho ba Kotsi lepatlelong kapa ka thoko ho lona. Re tlosa Thoriso, Tshehetso e Kgolo, le Boemedi ba mekgatlo ena, baetapele ba yona, bathehi kapa ditho tse ka sehloohong tsa yona.
Re a utlwisisa hore basebedisi ba ka nna ba aba dikateng tse kenyeletsang ho bua ka mekgatlo le batho ba kotsi ba hlwailweng ha ho buuwa ka ditaba tsa setjhaba le tsa dipolotiki. Sena se kenyeletsa dikateng tse tlalehang ka, tse tshohlang ka ho se nke lehlakore kapa tse tshwelang ka mathe mekgatlo le batho ba kotsi kapa diketso tsa bona.
Tlaleho ya ditaba e kenyeletsa tlhahisoleseding e abelanwang ho lemosa ka diketsahalo tsa selehae le tsa lefatsheng moo ho amehang mekgatlo le batho ba hlwailweng ba le kotsi.
  • Mohl. “Tse Ipetsang Pele: Al-Shabab e bolela hore e ikarabella tlhaselong ya Somalia"
  • Mohl. “Thaemlaene le manollo ya ditsebi: Se etsahetseng ha ho thunngwa batho Lebenkeleng le Leholo la Buffalo le seo baetsi ba ketso eo e soto ba se buileng ka lekgotleng”
Puisano e sa nkeng lehlakore e kenyeletsa dipolelo tsa nnete, tlaleho ya ditaba, dipotso le tlhahisoleseding e sa ntsheng kahlolo e ntle mabapi le mokgatlo kapa motho ya hlwailweng a le kotsi le boitshwaro ba ona le ba hae.
  • Mohl. “Al Qaeda e tla hanyane ho feta ISIS ka lebaka la hore e haellwa ke boetapele le ditjhelete
  • Mohl. “Anders Breivik ke mohlala o mong wa kamoo ho leng thata ho etsa hore batho ba amohele diphetoho”
Ho tshwela ka mathe ho kenyeletsa ho se tjhaele monwana, ho nyonya, ho qhela, ho seolla, ho soma le dipolelo tse ding tse seng monate ka mokgatlo kapa motho ya hlwailweng a le kotsi le boitshwaro ba hae.
  • Mohl. “Ke nyonya ditlolo tsa molao tsa Salvador Ramos. Mantswe a moahlodi a dumellane le a ka haholo. Ho hang ha a tshwanela ho bontshwa mohau ke lekgotla"
  • Mohl. “Ditlolo tsa molao tsa Hitler di ke ke tsa hlola di lebalwa. Tseno e ne e le tse ding tsa dinako tse bohloko ka ho fetisisa historing"
Maano a rona a reretswe ho fana ka monyetla bakeng sa dipuisano tsa mofuta ona ha ka nako e tshwanang re fokotsa menyetla ya ho lemala ho ka bang teng ka thoko ho inthanete. Kahoo re batla hore batho ba bolele maikemisetso a bona ka ho hlaha ha ba qapa kapa ba aba dikateng tse jwalo. Haeba maikemisetso a mosebedisi a temepedi kapa a sa hlaka, re tlosa dikateng tseo hanghang.
Re ipapisitse le molao wa matjhaba wa ditokelo tsa botho, maano a rona a dumella dipuisano mabapi le ditokelo tsa botho tsa batho kapa ditho tse hlwailweng tsa ditheo tse kotsi, ntle le ha dikateng di kenyeletsa thoriso, tshehetso, kapa boemedi ba ditheo tse hlwailweng kapa ditlolo tse ding tsa leano, tse kang tlhohleletso ya dikgoka.
Ka kopo sheba Leano la Kgwebo la Ditokelo tsa Botho tsa rona bakeng sa tlhahisoleseding e batsi ka boitlamo ba rona ba ditokelo tsa botho bo ananelwang ke matjhaba.
Re Tlosa:
Re tlosa Thoriso, Tshehetso le Boemedi ba mekgatlo e fapafapaneng e kotsi le batho ba kotsi. Mehopolo ena e ama mekgatlo ka boyona, mesebetsi ya yona, le ditho tsa yona. Mehopolo ena ha e thibele ho buella ka kgotso sephetho se itseng sa sepolotiki.
Thoriso, e hlaloswa e le efe kapa efe ya tse ka tlase mona:
  • Ho buella kapa ho sireletsa diketso tsa dikgoka kapa tsa lehloyo tsa mokgatlo o hlwailweng ka ho bolela hore diketso tseo ke tsa boitshwaro bo amohelehang, tsa sepolotiki kapa di a utlwahala kapa di na le lebaka le leng le etsang hore di amohelehe kapa di utlwahale.
    • Mohl. "Hitler ha a etsa letho se phoso."
  • Ho qoolla kapa ho keteka ketso ya dikgoka kapa ya lehloyo ya mokgatlo o hlwailweng jwalo ka ha eka ke katleho kapa phihlello:
    • Mohl. “Hizbul Mujahideen o hlola ntwa e lwanelang tokoloho le boipuso Kashmir”
  • Polelo e kgothaletsang ho ba setho kapa polelo e reng o ka lakatsa ho ba motho ya tshwailweng kapa moetsi wa ketsahalo ya dikgoka e tlolang molao.
    • Mohl. “Ke lakatsa eka nka kenela ISIS le ho ba karolo ya Khilafah”
Re tlosa Thoriso ya mekgatlo ya Mokgahlelo 1 le 2 esita le diketsahalo tse hlwailweng.
Bakeng sa diketsahalo tse hlwailweng tsa Mokgahlelo 1, re ka nna ra tlosa dipuo tse sa hlakang kapa tse se nang moelelo haeba maikemisetso a mosebedisi a sa bontshwa ka ho hlaka. Sena se kenyeletsa boswaswi bo sa hlakang kapa dipuo tse ntle tse sa roriseng dikgoka kapa lehloyo la mokgatlo o hlwailweng.
Thoholetso, e hlaloswa e le efe kapa efe ya tse ka tlase mona:
  • Tshehetso e Matla
    • Ketso leha e le efe e ntlafatsang boemo ba ditjhelete ba mokgatlo o hlwailweng - ho kenyeletsa ho lebisa tjhelete mokgatlong o hlwailweng, kapa ho e tlosa mokgatlong o hlwailweng;
      • Mohl., "Nyehela ho KKK!"
    • Ketso leha e le efe e fanang ka thepa ho setheo kapa ketsahalo e hlwailweng;
      • Mohl., "Haeba o batla ho romela diphuthelwana tsa tlhokomelo ho Sinaloa Cartel, sebedisa aterese ena:"
    • Ho thaotha lebitsong la mokgatlo kapa ketsahalo e hlwailweng;
      • Mohl., "Haeba o batla ho lwanela Caliphate, nthomelle molaetsa"
  • Tshehetso e Nngwe
    • Ho tsamaisa tlhahisoleseding kapa thepa, ho kenyeletsa dikgokahanyo tsa semmuso, lebitsong la setheo kapa ketsahalo e hlwailweng.
      • Mohl., Ho qotsa ka kotloloho setheo se hlwailweng ntle le mantswe a tshwelang ka mathe, a bontshang ho se nke lehlakore, kapa e le karolo ya tlaleho ya ditaba.
    • Ho etsa kgoeletso ya hore ho etswe ho hong lebitsong la mokgatlo kapa ketsahalo;
      • Mohl. "Iteanye le Atomwaffen Division – (XXX) XXX-XXXX"
Re tlosa Tshehetso yohle ya Mokgahlelo wa 1 le Tshehetso e Matla ya Mokgahlelo wa 2.
Boemedi , bo hlaloswa e le efe kapa efe ya tse ka tlase mona:
  • Ho bolela hore o setho sa setheo se hlwailweng, kapa o setheo se hlwailweng.
    • Mohl., "Ke drakone e hlwahlwa ya KKK."
  • Ho etsa Leqephe, Profaele, Ketsahalo, Sehlopha, kapa setheo se seng sa Facebook seo e leng sa kapa se hlahiswang e le sa Setheo se Hlwailweng kapa se tsamaiswang lebitsong la sona, kapa e bolelang hore ke ketsahalo e hlwailweng.
    • Mohl., Leqephe le bitswang "American Nazi Party."
Re tlosa Boemedi ba Mekgatlo e Hlwailweng, Mekgatlo ya Mokgahlelo 1 le 2 le diketsahalo tse hlwailweng.
Mefuta le Mekgahlelo ya Mekgatlo e Kotsi
Mokgahlelo 1: Bokgukguni, lehloyo le hlophisitsweng, diketso tsa ditlolo tsa molao tse kgolo, boiteko ba diketso tsa dikgoka ho mahlatsipa a mangata, diketso tsa dikgoka ho mahlatsipa a mangata, dipolao tsa letoto, le diketsahalo tsa dikgoka tse tlolang molao
Ha re dumelle batho kapa mekgatlo e amehang diketsong tsa tlolo ya molao tse hlophisitsweng, ho kenyeletsa tse hlwauweng ke mmuso wa Amerika e le dinkokonono tse ikgethileng tsa dimokolara tsa dithethefatsi (di-SDNTK); lehloyo, kapa bokgukguni, ho kenyeletsa ditheo tse hlwauweng ke mmuso wa Amerika e le Mekgatlo ya Dikgukguni Tsa Dinaha Tse Ding (di-FTO) kapa e le Dikgukguni Tse Hlwauweng ka ho Kgethetha Tsa Lefatshe (di-SDGT) ho ba teng lepatlelong. Hape ha re dumelle batho ba bang ho emela ditheo tsena. Ha re dumelle baetapele kapa ditho tse hlahelletseng ka mahetla tsa mekgatlo ena ho ba teng lepatlelong lena, matshwao a e emetseng hore a sebediswe lepatlelong, kapa dikateng tse e thoholetsang kapa tse rorisang diketso tsa yona, ho kenyeletsa dipuo tse sa hlakang ka yona. Hodima moo re tlosa tshehetso le ha e le efe bakeng sa batho bana le mekgatlo ena.
Ha re dumelle dikateng tse rorisang, tse tshehetsang, kapa tse emetseng diketsahalo tseo Meta e di hlwaileng e le ditlhaselo tsa bokhukhuni, diketsahalo tsa lehloyo, diketso tsa dikgoka tse etswang ho mahlatsipa a mangata kapa boiteko ba diketso tsa dikgoka tse etswang ho mahlatsipa a mangata, dipolao tse etswang ka tsela e tshwanang, ditlolo tsa molao tsa lehloyo kapa diketsahalo tsa dikgoka tse tlolang molao. Ebile ha re dumelle (1) dikateng tse rorisang, tse tshehetsang, kapa tse emelang moetsi kapa baetsi ba ditlhaselo tse jwalo; (2) dikateng tse hlahisitsweng ke moetsi wa ditlhaselo tse jwalo; kapa (3) ditshwantsho tsa mokgatlo kapa motho ya ka thoko tse bontshang nako eo ditlhaselo tse jwalo di etswang ho mahlatsipa a bonahalang.
Hape ha re dumelle Thoriso, Tshehetso, kapa Boemedi ba mehopolo e hlwailweng e le ya lehloyo, hammoho le dipuo tse sa hlakang tse buang ka tsona.
Mekgatlo ya dikgukguni le batho, ba hlaloswang e le mahanapuso ba:
  • Ba amehang, ba kgothaletsang, ba fanang ka tshehetso e matla diketsong tsa dikgoka tsa ka boomo le tse rerilweng.
  • Ba bakang kapa ba lekang ho baka lefu, temalo kapa kotsi e tshabehang ho badudi, kapa motho leha e le ofe e mong ya sa nkeng karolo ka ho otloloha dikgohlanong tsa batho ba hlometseng, le/kapa tshenyo e kgolo ya thepa e amahanngwang le lefu, temalo e tshabehang kapa kotsi e tshabehang ho badudi
  • Ka morero wa ho hatella, ho tshosa le/kapa ho susumetsa badudi ka kakaretso, mmuso kapa mokgatlo wa matjhaba
  • Ka morero wa ho fihlella sepheo sa sepolotiki, sa bodumedi, kapa sa mohopolo.
Setheo sa Lehloyo, se hlaloswang e le mokgatlo kapa motho ya tlatsang le ho kgothaletsa lehloyo kgahlanong le ba bang ho itshetlehile ka dibopeho tsa bona tse sireleditsweng. Diketso tsa setheo sena di bonahala ka bonyane a mang a maitshwaro a latelang:
  • Dikgoka, mantswe a tshosetsang, kapa mekgwa e kotsi ya tlhoriso e tobileng batho ho itshetlehile ka dibopeho tsa bona tse sireleditsweng
  • Tshebediso e iphetang ya puo ya lehloyo;
  • Boemedi ba Mehopolo ya Lehloyo kapa Ditheo tse ding tse hlwailweng e le tsa Lehloyo, le/kapa
  • Thoriso kapa Tshehetso ya Mekgatlo e meng e hlwailweng e le ya Lehloyo kapa Mehopolo ya Lehloyo.
Mekgatlo ya Ditlokotsebe, e hlaloswang e le mokgatlo wa batho ba bararo kapa ho feta ba:
  • o kopaneng tlasa lebitso, mo/mebala, matshwao a le/matsoho kapa matshwao a tsebahalang; mme
  • o amehang kapa o tshosetsang ka ho kenella ketsong ya botlokotsebe e kang ho bolaya motho, tsamaiso ya dithethefatsi, kapa ho kwetela.
Diketso Tsa Dikgoka tse Etswang ho Mahlatsipa a Mangata le Dipolao tsa Batho ba Bangata
  • Re nka ketsahalo e le ya ketso ya dikgoka e etswang ho mahlatsipa a mangata kapa boiteko ba ketso ya dikgoka e etswang ho mahlatsipa a mangata haeba e baka temalo kapa polao ya batho ba bararo kapa ho feta ketsahalong e le nngwe, e leng se hlaloswang e le ho shwa kapa ho lemala ka tsela e tshabehang. Motho leha e le ofe ya entseng tlhaselo e jwalo o nkuwa e le moetsi kapa ya lekang ho ba moetsi wa ketso ya dikgoka e etswang ho mahlatsipa a mangata.
  • Re nka motho leha e le ofe ya entseng dipolao tse pedi kapa ho feta diketsahalong tse ngata kapa dibakeng tse ngata e le mmolai wa letoto la batho.
Mehopolo e Tletseng Lehloyo
  • Leha re hlwaya mekgatlo le batho re shebile boitshwaro ba yona/bona, re boetse re a hlokomela hore ho na le mehopolo le ditumelo tse itseng tse tsamaisanang haholo le diketso tsa dikgoka le maiteko a ho thaothela batho diketso tsa dikgoka kapa ho kotelwa ha ba bang ka lebaka la maemo a bona a sireleditsweng. Maemong ana, re hlwaya mohopolo ka bo ona le ho tlosa dikateng tse tshehetsang mohopolo ona polatefomong ya rona. Mehopolo ena e kenyeletsa:
    • Bonazi
    • Bophahamo ba Makgowa
    • Bosetjhaba ba Makgowa
    • Mohopolo wa ho Itsheka ha Makgowa
  • Re tlosa Thoriso e pepenene, Tshehetso, Boemedi ba mehopolo ena, le ho tlosa batho le mekgatlo e ipapisang le e le nngwe kapa ho feta ya mehopolo ena e tletseng lehloyo.
Mokgahlelo 2: Mahanapuso a Dikgoka le Mekgatlo e Hlohleletsang Dikgoka
Mekgatlo le batho ba hlwailweng ke Meta e le Mahanapuso a Dikgoka le Mekgatlo e Hlohleletsang Dikgoka, ha e a dumellwa ho ba teng mapatlelong a rona, kapa hore boteng ba yona bo ntshetswe pele ke ba bang lebitsong la yona. Kaha dihlopha tsena di ikakgetse ka setsotswana diketsong tsa dikgoka, di kgahlanong le mmuso kapa sesole ditlhaselanong tsa batho ba hlometseng (Mahanapuso a Dikgoka) kapa di lokisetsa kapa di buella kapa di hlahisa maemo a diketso tsa dikgoka tsa kamoso (Mekgatlo e Hlohleletsang Dikgoka), tshehetso e matla ya mekgatlo ena ha e a dumellwa. Hape re tla tlosa thoriso ya mekgatlo ena.
Mahanapuso a Dikgoka, a hlaloswang e le lehanapuso lefe kapa lefe le:
  • Kenellang mokgweng wa diketso tsa ka boomo le tse rerilweng tsa dikgoka tse tshabehang tsa ho hlasela mmuso, sesole kapa dihlopha tse ding tse hlometseng tse nkang karolo ka kotloloho dikgohlanong boemong bo ho nang le tlhaselano ya dihlopha tse hlometseng, mme e sa hlasele baahi ka boomo kapa ka ho hlakileng ka diketso tse matla tsa dikgoka: LE/KAPA
  • Le hanelang baahi monyetla wa ho fihlella ditsi tsa ditshebeletso tsa bohlokwa kapa dirafshwa tsa tlhaho: LE/KAPA
  • Le kenellang mokgweng wa ditlhaselo tse reretsweng ho tlisa tshenyo e kgolo ya ditsi tsa ditshebeletso tse sa amaneng le lefu, temalo e tshabehang kapa ho tswa kotsi hampe ha baahi.
Mekgatlo e Susumetsang Diketso Tsa Dikgoka e hlaloswa ka tsela e latelang:
Mokgatlo o Susumetsang Diketso Tsa Dikgoka (ka Kakaretso) ke mokgatlo wa mahanapuso:
  • Sepheo sa se tekilweng kapa mosebetsi o rerilweng ho fana, ka dikgoka, mosebetsi o sa thibelwang wa qobello wa mmuso (jwalo ka sepolesa, sesole, bofalli) sebakeng sa, kapa ho phaella ho, ya mmuso ka bo ona, kapa ho sitisa ka dikgoka tshebetso ya phethiso ya molao e etswang ke mmuso;
  • O nkile bohato bo boholo hore o phethe sepheo sena se boletsweng mapatlelong a Meta; mme
  • O kenelletse matsholong a mangata a ho tshosetsa kapa ho hlohleletsa diketso tse tshabehang tsa dikgoka (inthaneteng kapa o se inthaneteng);
Mokgatlo o Thibetsweng wa Lehloyo ke mokgatlo wa mahanapuso o:
  • O kenellang boitshwarong kapa dipuong tse susumetsang lehloyo le hlophisitsweng, empa ha o fihlelle boemo ba mokgatlo wa Mokgahlelo wa 1, hobane ha o amehe kapa ha o buella pepenene diketso tsa dikgoka, kapa hobane o na le dikamano tse fokolang le mekgatlo kapa batho ba neng ba hlwailwe pele.
Bakeng sa Melao ya Setjhaba e latelang re hloka tlhahisoleseding ya tlatsetso le/kapa ditaba tseo re lokelang ho tiisa hore molao o a phethiswa ho tsona:
  • Maemong a itseng, re tla bontsha dikateng tseo ho ka etsahalang hore di tlole Melao ya Setjhaba ha ho nkwa hore dikateng tseo ke tsa ho phoqa. Dikateng di tla dumellwa hafeela dikarolo tse hatikelang tsa dikateng e le tsa ho phoqa kapa di amahanngwa le ntho e itseng kapa motho e mong bakeng sa ho mo soma kapa ho mo tshwaya phoso.
Boiphihlelo ba basebedisi
Sheba mehlala e meng ya kamoo phethiso ya molao e shebahalang bakeng sa batho ho Facebook, e kang: hore na ho jwang ho tlaleha ntho e o nahanang hore ha e a lokela ho ba ho Facebook, ho bolellwa hore o tlotse Melao ya Setjhaba ya rona le ho bona sekrine sa temoso mabapi le dikateng tse itseng.
Ela hloko: Re dula re ntlafala, kahoo seo o se bonang mona e ka nna ya ba ke sa kgalenyana ha ho bapiswa le seo re se sebedisang hajwale.
BOIPHIHLELO BA BASEBEDISI
Ho Tlaleha
BOIPHIHLELO BA BASEBEDISI
Puisano ya kamora tlaleho
BOIPHIHLELO BA BASEBEDISI
Boiphihlelo ba ho fokotsa
BOIPHIHLELO BA BASEBEDISI
Diskrine tsa temoso
Datha
Sheba Tlaleho ya moraorao ya Qobello ya Melao ya Setjhaba
Qobello
Re na le maano a tshwanang lefatsheng ho pota, bakeng sa bohle ba ho Facebook.
Dihlopha tsa tekolo
Moifo wa rona wa lefatsheng lohle wa balekodi ba fetang 15,000 o sebetsa letsatsi ka leng ho etsa hore batho ba dule ba bolokehile ho Facebook.
Ditherisano le bankakarolo
Ditsebi tsa ka ntle, dirutehi, di-NGO le baetsi ba maano ba thusa ka ho tataisa Melao ya Setjhaba ya Facebook.
Fumana thuso ka batho le mekgatlo e kotsi
Ithute seo o ka se etsang haeba o bona ho hong ho Facebook ho kgahlanong le Melao ya Setjhaba ya rona.
Etela Setsi sa Thuso sa rona