Mabaka a Leano
E le ho leka ho thibela kapa ho sitisa kotsi e ka hlahang ka thoko ho inthanete le boitshwaro ba bonketsisane, re thibela batho ho thusa, ho hlophisa, ho buella kapa ho dumela diketso tse itseng tsa botlokotsebe kapa tse kotsi tse etswang ho batho, dikgwebo, thepa kapa diphoofolo. Re dumella batho ho ngangisana le ho buella manollo ya molao ya diketso tsa botlokotsebe le tse kotsi, hammoho le ho lemosa batho ka ketso e kotsi kapa ya botlokotsebe eo ba ka e bonang kapa e ba etsahalang hafeela ba sa kgothaletse kapa ho hokahanya dintho tse kotsi.
Re Tlosa:
Ho lematsa batho Tshenolo: ho pepesa boitsebiso kapa dibaka tse amanang le mang kapa mang eo ho thweng
Ho ba setho sa sehlopha se kotsi se senolang; le/kapa
O aba dikamano tsa lelapa le/kapa dikamano tsa marato le setho/ditho tsa sehlopha se kotsing kamora ho senola bong; le/kapa
O entse diketso tsa seprofeshenale ho tshehetsa sehlopha se kotsing ya tshenolo (ntle le boradipolotiki)
Ho pepesa boemo ba ho ikgakanya ba lepolesa, lesole, kapa mosebeletsi wa tshireletso haeba dikateng di na le lebitso la ejente, sefahleho sa yona kapa betjhe le dintlha leha e le dife tse latelang:
Mokgatlo wa lekala la sepolesa
Mosebetsi o phethwang ke lekala la sepolesa
Ho pepesa boemo ba hae ba boikgakanyo
Ho hokahanya, ho tshosetsa, ho tshehetsa, kapa ho dumela hore o kgelositse ntle le ka lebaka la ho fana ka temoso kapa ho tshwela ka mathe, maemo ao e seng a nnete kapa a mampapadi kapa ka lebaka la topollo.
Ho bontsha, ho kgothaletsa, ho buella kapa ho hlohleletsa bonkakarolo phephetsong e kotsi haholo e phatlalletseng hohle ntle le ka morero wa ho fana ka temoso kapa ho tshwela ka mathe. Moo ho bontshwang ditshwantsho ditabeng tsena, re kenyeletsa leibole hore batho ba lemohe hore dikateng e ka ba tse sisimosang.
Ho lematsa diphoofolo
Ho hokahanya, ho tshosetsa, ho tshehetsa kapa ho dumela hore o entse diketso tsa ho lematsa diphoofolo (ka mongolo, ditshwantsho kapa ka mantswe) ntle le mabakeng a:
Ho fana ka temoso kapa ho tshwela ka mathe
Topollo
Ho ipholosa kapa ho itshireletsa, ho sireletsa motho e mong kapa phoofolo
Maemo a inahanelwang kapa a papadi NTLE le moo ho bontshwang dintwa tsa diphoofolo tse hlahisitsweng kapa topollo ya diphoofolo eo e seng ya nnete
Ho tsoma kapa ho tjheha ditlhapi
Sehlabelo sa bodumedi
Tokiso kapa ho tswellisa dijo
Diphoofotswana tse jang kapa tse senyang dimela
Ho bolaya motho ya sotlehileng ka lebaka la bokudi
Ho lwana le poho
Ho hlophisisa, ho tshosetsa, ho tshehetsa, ho hlahisa kapa ho dumela ketso ya papadi ya dintwa le diphoofolo kapa setshwantsho sa vidio se hlahisang ho pholosa diphoofolo tsa maiketsetso ntle ha ho lemoswa setjhaba kapa ketso e tshwelwa ka mathe kapa ha e le topollo.
Ho senya thepa
Ho hlophisa, ho tshosetsa, ho tshehetsa kapa ho dumela hore o sentse thepa ka boomo kapa boshodu (ka mongolo, setshwantsho kapa ka mantswe), ntle le moelelo wa
ho fana ka temoso kapa ho tshwela ka mathe,
Topollo,
Maemo a inahanelwang kapa papadi,
Ho dumela ka moelelo wa boitshireletso, kapa a ho sireletsa motho e mong
ho bontsha tshenyo ya thepa ha ho ipelaetswa,
ho bontsha mongolo kapa setshwantsho se leboteng, kapa
ho bua hantle ka tshenyo ya thepa le boshodu tse entsweng ke ba bang.
Ho tshepisa ho reka kapa ho rekisa dikgetho ka tjhelete, dimpho, ditshebeletso, kapa thepa e nngwe e tshwarehang, ntle le haeba seo se abuwa ka mabaka a ho tshwela ka mathe, ho fana ka temoso, ho tlaleha ditaba, kapa ya ho qabola kapa ho phoqa.
Ho buella, ho fana ka ditaelo bakeng sa, kapa ho bontsha ka maikemisetso a hlakileng a ho nka karolo ka tsela e seng molaong motjheng wa ho vouta (ka mohlala, ho vouta habedi kapa ho bua leshano ka tshwaneleho ya ho vouta) kapa motjha wa palo ya setjhaba (ka mohlala, ho fana ka tlhahisoleseding ya leshano ya demokerafi kapa hore ke batho ba bakae ba dulang le wena), ntle le haeba tsena di abuwa ka meelelo ya ho tshwela ka mathe, ho hlahisa temoso, ho tlaleha ditaba, kapa ho qabola kapa ho phoqa.
Bakeng sa dikateng tse latelang, re kenyeletsa leibole hore batho ba lemohe hore dikateng tseo e ka ba tse sisimosang:
Setshwantsho se bontshang phephetso ya kotsi e kgolo haholo e phatlalletseng ha se abuwa ka sepheo sa ho tshwela ka mathe kapa ho lemosa ka dikotsi tse amehang.
Bakeng sa dikateng tse latelang, re fokotsa bokgoni ba ho sheba dikateng hore e be batho ba baholo feela, ba dilemo di 18 le ho feta:
Ditshwantsho tse hlahisang mefuta e kotsi ya ho kganna koloi e ka fellang ka dikotsi tse tshosetsang bophelo kapa ho shwa ha mokganni kapa ba bang, ntle leha di abuwe maemong a pale tse inahanelwang kapa a seprofeshenale.
Bakeng sa Melao ya Setjhaba e latelang re hloka tlhahisoleseding ya tlatsetso le/kapa ditaba tseo re lokelang ho tiisa hore molao o a phethiswa ho tsona:
Re Tlosa:
Tshenolo: Ho pepesa boitsebiso ba motho le ho mo beha kotsing ya ho lemala:
Ditho tsa LGBTQIA+
Basadi ba tlositsweng lesira
Batho ba sa ahlolwang jwaloka dilalome ha ho buuwa ka Letsholo la ho Tshwara dilalome tsa thobalano
Batho ba amehang dinyeweng, ha kameho ya bona e thibetswe bakeng sa ho pepesetswa setjhaba
Dipaki, dimpimpi, balwanedi, batho ba tshwerweng kapa batshwaruwa ba phapanyetsano
Bakwenehi, ha ba tlalehilwe ka motjha o tshepahalang wa mmuso
Batshwaruwa ba ntwa, ha ho buuwa ntwa ya mabotho a hlometseng
Setshwantsho se ka nnang sa kgelosa setjhaba ka mohlodi wa sona haeba:
Setheo se hlahisitsweng kapa moemedi ya dumelletsweng a hanyetsa setshwantsho, mme
Setshwantsho se na le bokgoni ba ho etsa hore batho setjhabeng ba lemale.
Polelo ya boikemisetso, dikgothaletso tsa ho nka bohato, kapa ho buella dintho tse latelang:
Ho thibela phihlello ya ditshebeletso tsa bohlokwa ha ho na le netefaletso kapa netefaletso e teng phatlalatsa ya hore dipalangwang tsa thuso ya tsohanyetso di thibetswe, KAPA
Ho hlasela motho kapa sehlopha se itseng sa batho ka ho ba thibela ho fihlella ditshebeletso tsa bohlokwa kapa ho ba sitisa ho feta ka tsela e ka behang polokeho ya bona kotsing
Ho sitisa bakgethi kapa palong ya setjhaba, ho kenyeletsang:
Kgweletso bakeng sa tshitiso e hokahantsweng e tla ama bokgoni ba motho ba ho nka karolo dikgethong kapa palong ya setjhaba ya semmuso.
Dipolelong tsa hore ho nka karolo dikgethong kapa palong ya setjhaba ho ka nna ha baka ditlamorao tsa ho nkelwa bohato ke ba molao (ka mohlala, ho tshwarwa, ho kgutlisetswa haeno kapa ho kwallwa tjhankaneng).
Ditshoso tsa ho ya setsheng sa dikgetho ho ya beha leihlo kapa ho ya sheba diketso tsa bakgethi kapa bahlanka ba dikgetho ka morero wa ho ba tshosetsa (mohl., “A re ba bontsheng hore na ke matla ya itjang nkwapo!,”, “Ba batla ntwa? Re tla ba fa ntwa.”).
Ditshoso tsa ho ya setsheng seo dikgetho di neng di tshwaretswe ho sona haeba di tsamaya le mantswe a ho tshosetsa (mohl., “A re ba bontsheng ke mang ya itjang nkwapo mona!,”, “Ba batla ntwa? Re tla ba fa ntwa.”).