Inhloso Yesimiso
Siyati kutsi bantfu batsintseka ngetindlela letingafani ekwatisweni lokunebudlova kanye netitfombe tebudlova. Kute sivikele bantfu labasebentisa tinhlelo tetfu ekwatisweni lokunjalo, siyakususa kwatiswa lokuhlasimulisa umtimba bese sifaka tecwayiso kuletinye tinhlobo tekwatiswa lokunebudlova kute bantfu bati kutsi kungase kubakhube ngaphambi kwekutsi bakuchafate. Sibeka imincele kute bantfu labancane labasebentisa tinhlelo tetfu bangakhoni kubona kwatiswa lokungase kungabafaneli nome kungabalungeli labaneminyaka yabo. Ngekwenta loku, sihlose kusita bantfu bakujabulele kusebentisa tinhlelo tetfu, sibe sichubeka nekuniketa bantfu indzawo lapho bakhona khona kukhuluma.
Siyati kutsi labasebentisa tinhlelo tetfu bangase basakate kwatiswa kute bachaze kabanti noma balahle tento letifana nekunyatselwa kwemalungelo ebantfu noma kuhlaselana kuhlonyiwe. Timiso tetfu tiyacabangela nangabe kwatiswa kusakatwa kulesimo futsi tiyakuvumela kutsi kukhulunywe ngako futsi kukhishwe tecwayiso ngendlela lefanele.
Etikhangisweni letibhadalelwako, sifaka tindlela letengetiwe tekuphepha. Nasi sibonelo: kwatiswa lokutsatfwa ngekutsi kungakhuba labanye akukafaneli kufakwe etikhangisweni. Asitivumeli netikhangiso kutsi tibe netitfombe nome emavidiyo letfusako, lashwacisa lugogo, nome lakhubanako. Kute utfole kwatiswa lokwengetiwe, sicela uye encenyeni yetfu letsi Timiso Tekukhangisa.
Ungafaki:
Titfombe tebantfu
Emavidiyo ebantfu, labaphilako noma labafile, kungasiko ngenjongo yetekwelapha, laveta:
Kucuywa kwemtimba.
Tibilini letibonakalako, njengetitfo letivetiwe, ematsambo, noma emamasela kubantfu labaphilako noma labafile;
Bantfu labavutsako noma labashisiwe; noma
Kuncunywa umphimbo.
Kusakatwa bukhoma kwesigwebo sentsambo.
Emavi Lavisa Buhlungu
Emavi lavisa buhlungu akuveta umbono– njengemavi lachaza sitfombe noma kuphawula – lokukhombisa injabulo noma kwenetiseka ngekuhlupheka noma kuhlazeka kwebantfu noma tilwane.
Sisusa
Emavi lavisa buhlungu labhekiswe etitfombeni (kokubili kumavidiyo kanye nasetitfombe letinganyakati) tona ngalokwehlukile letitfola secwayiso ngephansi kwalesimiso, kweluleka bantfu kutsi lolokufakiwe kungase kuphatamise; ngaphandle nangabe letitfombe tikhombisa tento tekutivikela (sibonelo: ividiyo yemuntfu lotivikela ekubanjweni inkunzi kuhlonyiwe) noma letitekwelapha (sibonelo: sitfombe sabocwephesha betekwelapha bahlinza).
Emavi lacacile lavisa buhlungu ngekuhlupheka kwetilwane letikhonjiswe etitfombeni, kanye netitfombe letikhombisa tilwane tisuka ekuphileni tiye ekufeni.
Kuniketa nome kucela titfombe letisusiwe nome letitfola secwayiso ngephansi kwalesimiso, nangabe kuhambisana nemavi lavisa buhlungu.
Kuloku lokulandzelako, sifake secwayiso kuze bantfu bati kutsi lokwatiswa kungase kubaphatse kabi labanye. Siphindze sibeke imincele kuze lokwatiswa kubukwe bantfu labadzala, labaneminyaka lengu-18 kuya etulu:
Titfombe tebantfu
Emavidiyo ebantfu, labaphilako noma labafile, ngenjongo yetekwelapha, laveta:
Kucuywa kwemtimba.
Tibilini letibonakalako, njengetitfo letivetiwe, ematsambo, noma emamasela kubantfu labaphilako noma labafile;
Bantfu labavutsako noma labashisiwe, kufaka ekhatsi etimeni tekushiswa nawufile; noma
Kuncunywa umphimbo.
Titfombe letinganyakati tebantfu, labaphilako noma labafile, letiveta:
Kucuywa kwetitfo temtimba.
Tibilini letibonakalako, njengetitfo letivetiwe, ematsambo, noma emamasela kubantfu labaphilako noma labafile;
Bantfu labavutsako noma labashisiwe; noma
Kuncunywa umphimbo.
Titfombe (kokubili emavidiyo netitfombe letinganyakati) letiveta kufa kwemuntfu ngesibhuku (lokufaka ekhatsi ngalesikhatsi afa nobe ngemuva kwaloko) nobe umuntfu lobhekene nesimo lesibeka kuphila kwakhe engotini (njengekushayiswa yimoto, kuwa asuka endzaweni lephakeme, nobe lokunye kulinyatwa emtimbeni lokungabangela kufa).
Titfombe letikhombisa sigwebo sekufa semuntfu (ngaphandle kwalokusakatwa bukhoma).
Titfombe letikhombisa tento tekuhlukumeta ngesibhuku (sibonelo: tentfo teludlame noma kusongela lokubulalako ngetindzaba letivinjelwe ngenkhani) lokwentiwe kumuntfu nobe ecenjini lebantfu.
Titfombe letikhombisa letinye tintfo letingasito tekwelapha (sibonelo: imikhwa, tingalo, noma letinye tintfo tensimbi) tibhobosa sikhumba semuntfu.
Titfombe letikhombisa ematinyo emuntfu laphukile, laphuma ingati, ematinyo lakhishiwe lakukhona khona ingati; noma kufakwa kwaletinye tintfo ematinyweni noma etisinini.
Titfombe letikhombisa imibungu kanye nebantfwana labafile labangephandle kwesibeletho, ngaphandle nangabe kunalomunye umuntfu kulesitfombe.
Titfombe tetilwane
Noma ngutiphi titfombe tetilwane, letiphilako noma letifile, – letikhombisa kucuywa, tibilini letibonakalako, kushiswa noma kusha, noma kubiliswa tiphila.
Titfombe tetilwane lebetiphila kodvwa letiya ngekuya tifa.
Titfombe tebantfu labenta tento tesibhuku etilwaneni letiphilako (sibonelo kukhahlela, kumitisa, noma kuhlutsa tinsiba).
Kulokwatiswa lokulandzelako sente kutsi kubonwe bantfu labaneminyaka lengu-18 budzala nangetulu:
Titfombe tebantfu
Titfombe letiveta sidvumbu lesingakavalwa sonkhe nome lesivulwe sonkhe, ngisho nome kute lokukhomba kubulawa ngesibhuku.
Titfombe letikhombisa imibungu kanye nebantfwana labafile labangephandle kwesibeletho, ngaphandle nangabe kunalomunye umuntfu kulesitfombe.
Titfombe letiveta tinyalitsi letihlaba sikhumba semuntfu kube kungasiko kutsi uyagoma, welashwa ngekuhlatjwa ngetinyalitsi, udvwetjwa i-tattoo, nome uyabhobosa.
Sitfombe lesiveta bantfu labalimele etindzabeni letikhuluma ngetemphilo lapho babonakala basetinhlungwini noma bakhatsatekile, banetibati noma banelishubhu lasesibhedlela ebusweni kanye/noma etandleni.
Sitfombe salokuphuma kumuntfu nalokumanti lokuphuma emtimbeni (sibonelo: emangcoliso, umchamo, emahlanta, tigonagona, emafinyela, lokuputjutwa emtimbeni, nome ingati).
Sitfombe lesiveta timoto letishako nome letichumako, nome lesiveta timoto letigijimako nome umphumela kugijima lokube nawo kuletinye tintfo lemoto nayiphuma emgwacweni futsi / nome kuvela indzawo yemshayeli nome yalogibele ilimele kakhulu.
Titfombe tetilwane
Sitfombe lesiveta tilwane, letifile noma letiphilako, lakubonakala khona ingati.
Sitfombe lesiveta tilwane letitalako (sibonelo: kunengati nome tibilini letivele ebaleni).
Sitfombe lesiveta tilwane, letiphilako noma letifile, lapho kubonakala khona tilokatana letiphuma kuto (sibonelo: timphetfu nome tibungu).
Sitfombe lesikhombisa tilwane letilimele tisetinhlungwini.
Titfombe Letakhiwe
Sitfombe lesiveta bantfu labakhiwe kube ngatsi sitfombe mbamba, kuletimo letilandzelako:
Kucuywa kwetitfo temtimba;
Tibilini letibonakalako, njengetitfo letivetiwe, ematsambo, nome emamasela;
Bantfu labavutsako noma labashisiwe;
Kuncunywa umphimbo; noma
Kufa ngesibhuku nome timo letiyingoti emphilweni.
Sitfombe lesiveta bantfu ngatsi ngibo mbamba (lapho lesitfombe sibukeka ngatsi noma sicishe sifane nesitfombe nome ividiyo yemuntfu mbamba), kuletimo letilandzelako:
Tintfo letisetjentiswa ekwelapheni naletingasito tekwelapha (sibonelo: imikhwa, tipikili, nome letinye tintfo letiyinsimbi) letibhobosa sikhumba;
Lokuphuma kumuntfu kanye nalokumanti lokuphuma emtimbeni (sibonelo: emangcoliso, umchamo, emahlanta, tigonagona, emafinyela, nome lokuputjuka emtimbeni), ngaphandle kwengati;
Bantfwana labafile nome imibungu lengephandle kwesibeletho;
Sitfombe lesiveta tilwane letakhiwe, kodvwa letibonakala ngatsi sitfombe mbamba, kuletimo letilandzelako:
Kucuywa kwetitfo temtimba;
Tibilini letibonakalako, njengetitfo letivetiwe, ematsambo, nome emamasela;
Tilwane letivutsako noma letishisiwe;
Tilwane letibiliswa tiphila;
Kunengati;
Tilwane lebetiphila kodvwa letiya ngekuya tifa.
Bantfu labenta tento tesibhuku (sibonelo: kukhahlela, kucwilisa noma kuhlutsa tinsiba) etilwaneni letiphilako;
Tilwane letilimele letisetinhlungwini
Tilwane letinetilokatana letiphuma kuto (sibonelo: timphetfu nome tibungu).
KuleTimiso Tawonkhewonkhe letilandzelako, sidzinga imininingwane leyengetiwe kanye/nome lokutsite lokufakiwe kuze sitsatse sinyatselo:
Asikuvumeli:
Titfombe noma lokulalelwako kwemuntfu abulawa ngesibhuku lapho lokufa kwemuntfu kucinisekiswa lirekhodi lebemtsetfo, sitifiketi sekufa, umbiko waLesisebentisana Nabo Labetsenjwako, noma umbiko webetindzaba futsi lilunga lemndeni wemufi licela kutsi kususwe.
Ividiyo yebantfu labashisiwe noma labavutsako esimeni sekutishisa ngendlela yekukhombisa sento sekubhikisha.
Singahle sivumele:
Sitfombe semuntfu lobulawa ngesibhuku noma simo lesiyingoti ekuphileni nangabe loko lokukhonjiswako kungagcine kwentekile