Ludlame Nekukhutsata Kwephula Umtsetfo

Imininingwane Yesimiso
Indlela Labaphatseka Ngayo Labasebentisa Loluhlelo
Kwatiswa

Imininingwane yesimiso

LUSHINTJO KULOKWENTIWE
Inhloso Yesimiso
Sifuna kuvikela ematfuba etento tebudlova letenteka ngaphandle kwe-inthanethi lokungenteka kutsi tihlobene nekwatiswa lokusetinhlelweni tetfu. Ngisho noma sicondza kutsi bantfu bavame kuveta kwedzelela noma kungaboni ngaso linye ngekusongela noma ngekugcugcutela tento tebudlova ngetindlela letiphansi naletinganakeki, siyalususa lulwimi lolukhutsata noma lolusekela budlova nalolungaba nebungoti esiveni noma kumuntfu. Loku kufaka ekhatsi inkhulumo lelimatako lecondziswe kumuntfu noma licembu lebantfu ngenca yetici noma sici sabo lesivikelwako noma kutsi bahleti ngalokusemtsetfweni yini lapho bakhonakhona. Sisusa kwatiswa, sente ema-akhawunti angasasebenti futsi sisebentisane nebemtsetfo nangabe sikholelwa kutsi kunengoti yekutsi kube nekulimala lokubonakalako noma kusongelwa lokucondzile kwekuphepha kwawonkhewonkhe. Setama nekucabangela lulwimi nekwatiswa lokufakiwe kuze sehlukanise emkhatsini walokubhaliwe lokuvamile nome lokubhaliwe lokunika bantfu lwati nekwatiswa lokuyingoti ekuphepheni kwawonkhewonkhe noma kwemuntfu ngamunye. Ekuncumeni kutsi ingoti singakhona yini kuyikholelwa, singase futsi sicabangele imininingwane leyengetiwe njengekubonakala kwemuntfu etindzaweni tawonkhewonkhe kanye nebungoti ekuphepheni kwakhe.
Kuletinye timo, sibona kusongela kwekufisa nome lokungabangela ludlame, lokufaka ekhatsi emavi laveta kukholelwa kutsi ludlame lutakwenteka, lacondziswe kutiphekula kanye nalabanye bantfu labaneludlame (nasiiii sibonelo: "Tiphekula kufanele tibulawe," "Ngetsemba kutsi batatibulala letiphekula"). Bufakazi lobungaketsembeki, futsi lobungakacondzi asibutsatsi ngalendlela.
Siyakususa:
Siyakususa kusongela ngebudlova lokucondziswe kubantfu labehlukehlukene. Tinsongo tebudlova ngemavi noma tintfo letibonakalako letimele inhloso, sifiso, noma budlova kuloyo lohlosiwe, futsi tinsongo tingavetwa ngetinhlobo letehlukene tetitatimende letifana nemavi tenhloso, kutsatsa sinyatselo, kumela, kuveta litsemba, emavi laveta sifiso kanye nemavi lanemibandzela.
Asikuvimbeli kusongela nangabe kusakatwa ngendlela yekucwayisa noma yekulahla, nangabe kwentiwa tinsongo letingakabi sezingeni leliyingoti kakhulu ngesikhatsi semidlalo yekutsintsana, noma tinsongo letitsite letibhekiswe kubadlali labanebudlova, njengemacembu emaphekula.
Kuvikelwa kwemhlaba wonkhe kwawo wonkhe umuntfu
Wonkhe umuntfu uvikelekile kuletinsongo letilandzelako:
  • Kusongela ngebudlova lokungaholela ekufeni (nome kuletinye tinhlobo tebudlova lobubulala labanye)
  • Kusongela ngebudlova lokungaholela ekulimaleni kamatima (budlova lobungabulali). Siyakususa kusongela lokunjalo lokucondziswe kubantfu labadvumile nakumacembu lokungakasekelwa eticini letivikelwako nakubekwa tizatfu letiphatsekako tekukukholelwa, futsi siyakususa nakucondziswe kunome ngumuphi umuntfu (lokufaka ekhatsi emacembu lasekelwe eticini letivikelwako) ngisho nobe etsenjwa kangakanani
  • Kwemukelwa kwebudlova lobungabulala lomunye nome lobungabulali (labhaliwe nome lakhulunyiwe, nome lavetwa ngalokubukwako ngulesigangi nome loyo losisitako), ngaphandle nakasakatelwe kuhlenga, kutivikela, imidlalo lefaka ekhatsi kufucana (budlova lobungabulali nome lobungesibubi kangako), nome nabentiwa bemtsetfo, ngemasotja nome lababuke tekuphepha eveni
  • Kusongela nome loko lokukhombisa kutfumba nome kutfunjwa, ngaphandle nakucaca kutsi loko kusakatwa ngulotsintsekako nome umndeni wakubo njengesicelo sekusitwa, nome kusakatwa ngenjongo yekuniketa imininingwane, kugceka nome kwecwayisa
Kuvikeleka lokwengetiwe kweBantfu Labadzala Ngasese, Bonkhe Bantfwana, bantfu labasengotini lenkhulu kanye nebantfu noma emacembu ngekuya ngetici tabo letivikelwako:
Ngetulu kwekuvikeleka kwemhlaba wonkhe kwawo wonkhe umuntfu, bonkhe bantfu labadzala bangasese (uma batibika), bantfwana kanye nebantfu noma emacembu ebantfu lahlosiwe ngesisekelo ngetici letivikelwako, bavikelekile ekusongelweni kwebudlova lobungabulali.
Lobunye Budlova
Ngetulu kwako konkhe lokuvikeleka lokubhalwe lapha ngenhla, siyakususa loku lokulandzelako:
  • Kwatiswa lokucelako, lokuniketa ematfuba, noma lokuvuma kuniketa lusito ebudloveni lobungabulala lomunye (nasi sibonelo, bantfu labatsengwako kuze babulale, emasotja lasebentela kulelinye live, babulali, kujutjwa kwetitfo tangasense tebesifazane) noma lokukhutsata kusebentisa lolusito lolu
  • Ticondziso tendlela yekwakha nome kusebentisa tilimato nangabe kunelulwimi lolukubeka ngembaba kutsi umgomo kulimata kamatima nome kubulala bantfu, nome titfombe letikhombisa noma letilingisa umphumela, ngaphandle nangabe kuveta kutsi inhloso yalolokufakiwe akusibo budlova kodvwa kwekufundzisa kutivikela (nasi sibonelo, kufundzela kuhlasela, ikarati) nekufundzela imphi
  • Ticondziso tendlela yekwakha noma kusebentisa tichumane, ngaphandle nangabe kuveta kutsi lolokufakiwe akukentelwa budlova njengekukusebentisela kutijabulisa (nasi sibonelo, emakhrikhethi nemidlalo yemavidiyo latsengiswako, kudweba)
  • Kusongela kusebentisa tilimato nome kutiletsa endzaweni letsite nome ngekungena ngenkhani endzaweni letsite (lokufaka ekhatsi, tindzawo tekukhontela, tindzawo temfundvo, tindzawo tekuvotela nome lakubalelwa khona emavoti nome lakusetjentwa khona tindzaba telukhetfo, kepha hhayi tona kuphela), nome tindzawo lakunetimphawu tesikhashana tengoti lenkhulu yebudlova.
  • Kusongela ngebudlova etindzabeni tekuvota, kubhaliswa kwalabatawuvota, nome kuphatfwa kwetindzaba telukhetfo nobe imiphumela yalo, ngisho noma ngabe kute umuntfu lokucondziswe kuye.
  • Kukukhulumela kahle kuhlukubeta bantfu bebulili tsite, kungaba ngulokwentiwa ngulotsandzana naye nome kuhlukubeta kwekubuyisa sitfunti
KuleTimiso Tawonkhewonkhe letilandzelako, sidzinga imininingwane leyengetiwe futsi/noma lokutsite lokufakiwe kuze sitsatse sinyatselo:
Siyakususa:
  • Kusongela lokucondziswe kubemtsetfo nome baphatsi belukhetfo, ngisho noma ngabe badvume kangakanani nome lokusongela kubonakala kubafanele.
  • Titatimende letibhalwe ngekhodi lapho luhlobo lwebudlova lungakachazwa ngalokucacile, kodvwa ingoti ifihliwe noma ibhacile, njengobe kuvetwe yinhlanganisela yeluphawu lwekusongela kanye neluphawu lwalokucuketfwe lokuvela eluhlwini lolungentasi.
    • Kusongela: sitatimende lesibhalwe ngekhodi lesingulokunye kwaloku lokulandzelako:
      • Lokusakatwe ngenjongo yekuphindzisela (nasi sibonelo: kuveta sifiso sekwenta budlova lobucondziswe kulabanye kuze kukhishwe sibhongo noma kusongelwa lokungaba yintfo mbamba, kube ngulokubonakala kungenteka noma lokulindzelwe)
      • Kubhekisela etigamekweni tebudlova letingumlandvo noma leticanjiwe (nasi sibonelo: kwatiswa lokusongela labanye bantfu ngekubhekisela etigamekweni tebudlova letatiwako letivetiwe kuwo wonkhe umlandvo noma kuleticanjiwe)
      • Lokugcugcutela labanye kutsi batsatse sinyatselo ngekubasongela (nasi sibonelo, kwatiswa lokumema nome lokukhutsata labanye kutsi bente tento tebudlova nome bajoyine ekwenteni tento tebudlova)
      • Kuveta lwati noma kusakata imininingwane lebucayi lokungaholela labanye ebudloveni (nasi sibonelo: kwatiswa lokuphawula ngalokutsite noma lokucaphelisa ngalokufakwe ngumuntfu lotsite lokungase kwente kusongelwa ngebudlova kucinisekwe kakhulu ngako. Loku kufaka ekhatsi kwati likheli lendzawo umuntfu lahlala kuyo, indzawo lasebenta kuyo noma lafundza kuyo, tindzawo lahamba kuto onkhe malanga noma indzawo lahlala kuyo nyalo)
    • Imininingwane yendzaba
      • Imininingwane yendzawo noma bocwephesha bayacinisekisa kutsi lolokubhaliwe lokukhulunywa ngako kungaphumela ebudloveni lobutawukwenteka ngekushesha.
      • Lolohlosiwe ngalokwatiswa noma ummeleli losemtsetfweni uyasibikela ngalolokufakiwe.
      • Kuhloswe umntfwana.
  • Kusongela lokungabekwa ngembaba kwekuletsa tilimato etindzaweni, lokufaka ekhatsi tindzawo tekukhontela, tikhungo temfundvo, tindzawo tekuvotela nome lakubalelwa khona emavoti nome lokusetjentwa kuto tindzaba telukhetfo, kepha hhayi tona kuphela (nome kukhutsata labanye bantfu kutsi bente lokufanako) nome tindzawo letinetimphawu tesikhashana tekuba khona kwengoti lenkhulu yebudlova.
  • Kumangalela nome tinsolo mayelana nenkhohlakalo elukhetfweni, kungetsembeki, nome kubandlulula nakuhlangene netimphawu tekutsi lokwatiswa kunekusongela ngebudlova (nasi sibonelo: kusongelwa kutsi usebentise silimato nome usiletse, lokubukwako lokuveta silimato, kucala imililo ngemabomu, kweba, kumosha imphahla), lokufaka ekhatsi:
    • Lokucondziswe kumuntfu nome bantfu
    • Lokucondziswe endzaweni letsite (sifundza nome indzawo lencane kunaso)
    • Nangabe kungakashiwo kutsi kucondziswe kuphi
  • Lokubhekisela emibutsanweni lephatselene nelukhetfo nome imibutsano lapho kuhlangene netimphawu tekutsi lokufakiwe kunengoti yebudlova (nasi sibonelo: kusongelwa kutsi usebentise silimato nome usiletse, lokubukwako lokuveta silimato, kukhuluma ngekucala imililo ngemabomu, kweba, kumosha imphahla).
  • Tinsongo teludlame lolunebungoti lobukhulu nobe lobusemkhatsini ekutivikeleni wena noma lomunye umuntfu nangabe kwentiwe naku lokulangentasi.
    • Lucondziswe kumuntfu (ngaphandle kwebantfu labatiwa ngemagama noma kubonakale buso babo, bantfu lolucondziswe kubo kuye ngetici tabo letivikelwako, kanye nebantfwana)
    • Esimeni sekungena ekhaya noma ludlame emkhatsini webantfu lolulingana neludlame lokwentiwe lokutsite ngalo futsi lolulusongo lolutawenteka ngekushesha
    • Umtselela longaba khona evini wendlula ingoti yeludlame loluseta
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kwatiswa
Hlola Umbiko Wekugcizelela Timiso Tawonkhewonkhe losandza kwentiwa
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito mayelana neludlame nekukhutsata kwephula umtsetfo
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito