Kutibulala, Kutilimata, Kanye Nemikhuba Yekudla Lengakavami

Imininingwane Yesimiso

Indlela Labaphatseka Ngayo Labasebentisa Loluhlelo

Kwatiswa

Imininingwane yesimiso

LUSHINTJO KULOKWENTIWE

Lamuhla

26 February 2026

14 May 2025

2 October 2024

25 Kholwane 2024

2 Kholwane 2024

1 May 2024

29 December 2023

28 April 2022

30 September 2021

4 May 2020

17 December 2020

18 November 2020

30 Kholwane 2020

1 Kholwane 2019

26 April 2019

20 March 2019

31 Ingci 2018

Inhloso Yesimiso

Sikukhatsalela kakhulu kuphepha kwebantfu labasebentisa tinhlelo tetfu. Sibonisana njalo nabocwephesha etindzabeni tekutibulala, kutilimata kanye nemikhuba yekudla lengakavami, kute sitfole kwatiswa lokutsintsa imitsetfo yetfu nekutsatsa sinyatselo, futsi sisebentisana netinhlangano letisemhlabeni wonkhe kute sinikete lusito kubantfu labacindzetelekile.

Ngisho noma singabavumeli bantfu kutsi bahalalise noma bakhutsate kutibulala, kutilimata nome imikhuba yekudla lengakavami, ngemabomu nobe ngeliphutsa, siyabavumela kutsi bacoce ngaletihloko ngobe sifuna kutsi tinhlelo tetfu tibe yindzawo lapho bantfu bangakhuluma ngalokwenteke kubo, bacwayise labanye ngaletindzaba, futsi bafune lusito kulomunye nalomunye. Singaphindze sibeke imincele kuze kubukwe bantfu labadzala, labaneminyaka lengu-18 kuya etulu budzala:

Sisusa noma ngukuphi kwatiswa lokukhutsata kutibulala, kutilimata nome imikhuba yekudla lengakavami, lokufaka ekhatsi kwatiswa kwebuciko njengetitfombe letihlekisako noma imifanekiso kanye nanome ngukuphi kwatiswa kwekutilimata lokusitfombe, kungakhatsaliseki kutsi kukusiphi simo. Siyakususa kwatiswa lokuneticondziso tekwehla kakhulu emtimbeni Siphindze sisuse kwatiswa lokuhlekisa ngebantfu lebebatibulala nome labasindze ekutibulaleni, ekutilimateni nome emikhubeni yekudla lengakavami, kanye nemifanekiso yalokwentekako ngesikhatsi umuntfu atibulala noma atilimata. Kwatiswa lokuvunyelwe lokumayelana nekwelulama ekutibulaleni, ekutilimateni, nome emikhubeni yekudla lengakavami, kodvwa lokungaba netitfombe letingacansula, (njengesilondza leselashiwe) kubekwa ngemuva kwe-screen lesisecwayiso kute kungakhubi labanye futsi senta kutsi kubonwe bantfu labadzala labaneminyaka lengu-18 nangetulu budzala.

Nangabe bantfu bafaka noma bafuna kwatiswa kwekutibulala, kutilimata, nome kwemikhuba lengakavami yekudla, sitabacondzisa etinhlanganweni tendzawo letingabasita futsi nangabe licembu letfu leLusito Lwemacembu likhatsatekile ngengoti lengahle yenteke masinyane sitawuchumana nebelusito loluphutfumako kuleyo ndzawo kute sibatfolele lusito. Kute utfole imininingwane leyengetiwe, vakashela Indzawo Yekuphepha KaMeta.

Mayelana nekwatiswa lokuvela bukhoma, bocwephesha basitjele kutsi nangabe lotsite atsi ucabanga kutibulala eluhlelweni loluvela bukhoma, kufanele sikuyekele lokwatiswa sikhatsi lesidze lesingasikhona, ngoba umuntfu nakacitsa sikhatsi lesidze akhuluma kukhamera, kuba nematfuba lamanyenti ekutsi umngani noma lilunga lemndeni lishayele belusito loluphutfumako. Nobe kunjalo, kute kuncishiswe ingoti yekutsi kube nemtselela lomubi kulabanye ngekubukela lokwatiswa, sitakumisa kusakatwa kwako bukhoma lapho nje loyo muntfu sekafuna kusitsatsa mbamba lesinyatselo. Njengoba kushiwo ngenhla, kunoma ngusiphi simo, sitawutsintsana netinhlelo telusito loluphutfumako nangabe sitfola kutsi lotsite usengotini lesheshako yekutilimata.

Asikuvumeli:

Kwatiswa lokutfutfukisa, kukhutsate, kuchumanise, nome kunikete ticondziso tekutibulala, kutilimata, nome temikhuba yekudla lengakavami.

Kwatiswa lokukuveta ebaleni kwetama kutibulala, kutilimata nome titfombe temikhuba yekudla lengakavami

Kwatiswa lokuveta umuntfu lowetama kutibulala noma lofe ngekutibulala

Titfombe tebantfu natisakatwe kanye kanye netintfo letihlotjaniswa netinkinga tekudla

Kwatiswa lokunake kakhulu kukhombisa timbambo, ematsambo langasentsanyeni, tikhala letisematsangeni, tingculu, sisu lesishobele ekhatsi, umgogoda lophumele ngephandle, siphanga, ematsambo labonakalako emikhonweni nome emilenteni nome tihlatsi letifacakile nakusakatwe kanye kanye nemagama lahlotjaniswa netinkinga tekudla

Kwatiswa lokuneticondziso tekwehla kakhulu emtimbeni

Kwatiswa lokuvuma imikhuba yekwehla lokukhulu emtimbeni nakusakatwa kanye nemigomo lehambisana nendlela yekudla lengakavami

Kwatiswa lokuneticondziso tekutincisha kudla lokutsite nakusakatwa kanye nemigomo lehambisana nendlela yekudla lengakavami

Kwatiswa lokuhlekisa ngalabatsintsekako noma labasindze ekutibulaleni, ekutilimateni noma emikhubeni yekudla lengakavami lokungenteka beyatiwa noma lokutsiwa babhekene nekwetama kutibulala, kutilimata noma netinkinga tekudla

Titfombe letiveta kushintjwa kwemtimba (sibonelo: kutibhala, kutisika, kutibhala ngekutisika, kutishaya, nalokunye) nakusakatwa endzabeni lemayelana nekwetama kutibulala nome kutilimata

Kuloku lokulandzelako, sifake secwayiso kuze bantfu bati kutsi lokwatiswa kungase kubaphatse kabi labanye. Siphindze sibeke imincele kuze kubukwe bantfu labadzala, labaneminyaka lengu-18 kuya etulu:

Titfombe noma emavidiyo lakhombisa umuntfu lowaba nesandla ekubulaweni kwesigulane/lowasita ekutibulaleni esimeni sekwelashwa.

Kwatiswa lokukhombisa tigameko takadzeni tekutilimata njengelinceba lekusikeka leselaphola noma letinye titfombe tekutilimata letingatfusi letivela esimeni sekutilimata, kutibulala noma lesikhombisa kululama

Kwatiswa lokukhombisa timbambo, ematsambo, tikhala ematsangeni, tingculu, sisu, umgogodla lophumile, siphanga, ematsambo labonakalako emkhonweni noma emilenteni noma tihlatsi letimuncene esimweni sekululama

Kulokwatisa lokulandzelako, siniketa bantfu lusito futsi sente kutsi kubonwe bantfu labadzala labaneminyaka lengu-18 nangetulu budzala kuphela:

Kuvuma lokubhaliwe nome ngemlomo kutibulala, kutilimata nome kutsi unenkinga yekudla.

Emavi langacaci, langase agudlisele ekutibulaleni noma akhulume ngako (lokufaka ekhatsi emahlaya noma titfombe lotisebentisa ngemvume lokumayelana nesimo lesidzabukisako, kucindzeteleka, kukhuluma ngekufa njengekuphunyuka, noma lokuvela emasikweni latsandvwako lokugcizelela imicabango lekabi nalebanga kukhatsateka) esimeni sekutibulala noma kutilimata.

Kulokwatisa lokulandzelako, sente kutsi kubonwe bantfu labadzala labaneminyaka lengu-18 nangetulu budzala kuphela:

Kuhlekisa nome kulahla umcondvo wekutibulala, kutilimata nome tinkinga tekudla

Kulandzisa lokuchaza ngekutibulala ngemininingwane lengetulu kwekucamba ligama noma kukhuluma ngesento noma imiphumela

Kuvuma kwehla ngalokwecile emtimbeni

KuleTimiso Tawonkhewonkhe letilandzelako, sidzinga imininingwane leyengetiwe futsi/noma lokutsite lokufakiwe kute sitsatse sinyatselo:

Singawususa umlayeto wekutibulala nasesicinisekisile ngekutibulala noma kwetama kutibulala. Setama kutfola imilayelo yekwetama kutibulala sisebentisa tindlela letehlukehlukene, letifaka ekhatsi, kodvwa hhayi loku kuphela:

Ticelo telilunga lemndeni nome ummeleli wetemtsetfo,

Imibiko levela kubetindzaba, kubemtsetfo, nome kuleminye imitfombo lesisebentisana nayo (sibonelo: tinhlangano tahulumende, ema-NGO), nome kule Lifomu Lekuchumana Lelinekwatiswa Lokumayelana Nekutibulala nome Lifomu Lekuchumana Ka-Instagram.

Siyatinaka timphawu letiba khona nangabe bantfu bangekho etinhlelweni tetfu tekuvuma kukwenta noma tekukhutsata kutibulala, kutilimata, kuba nemikhuba lengakavami yekudla noma kwehla kakhulu emtimbeni lokwentiwa ngulosebentisa tinhlelo tetfu kuze silandzelele kutsi kukhona yini lakufake etinhlelweni taka-Meta lokungaba nebungoti kulabanye.