Kwatiswa lokungakafaneli

Imininingwane Yesimiso
Indlela Labaphatseka Ngayo Labasebentisa Loluhlelo
Kwatiswa

Imininingwane yesimiso

LUSHINTJO KULOKWENTIWE
Inhloso Yesimiso
Asikuvumeli kwatiswa lokwentelwe kuyenga, kudukisa, noma kwetfusa labasebentisa tinhlelo tetfu lokufakwe ngenhloso yekutsi babe banyenti kakhulu bantfu labakubukako. Lokwatiswa kuphatamisa bantfu ekwente lokutsite ngekutitsandzela etinhlelweni tetfu futsi kungaphatamisa kuphepha, kutinta nelizinga lekusebentiseka kwetinhlelo tetfu. Sifuna nekuvimbela emachinga ekuhlukumeta, njengekusabalalisa emalinki layenganako latsatsa labasebentisa tinhlelo tetfu labangasoli lutfo abafake asebentisa tintfo letidukisako noma emakhodi, noma atente ngatsi alikhasi leliku-inthanethi leletsenjwako.
Kwatiswa lokungakafaneli lokuku-inthanethi kungenisa imali lenyenti. Timiso tetfu kanye nekubamba kwetfu tintfo kufanele kuhlale kutfutfuka kute sihambisane netintfo letinsha kanye netindlela letinsha tekwatiswa lokungakafaneli. Ekutsatseni sinyatselo sekulwa nekwatiswa lokungakafaneli, silwela kukhulisa tindleko tekukhicitwa nekusabalaliswa kwako etinhlelweni tetfu, sibe sivikela tintfo letetsembekile letentiwa bantfu labasebentisa tinhlelo tetfu.
Asikuvumeli:
  • Kufaka, kusakata, kwenta lokutsite kulokufakiwe nome kwakha ema-akhawunti, Emacembu, Emakhasi, Imicimbi nome lokunye, kungaba ngekutentela matfupha nome ngalokutentakalelako, ngemanani ekubonwa lasetulu kakhulu.
    • Singahle siwabekele imincele ema-akhawunti lavela ngelizinga leliphansi nangabe kunetimphawu teKwatiswa Lokungakafaneli (sibonelo: kuphindzaphindza kufaka intfo yinye) noma nakunetimphawu tekutsi akusilo liciniso.
  • Kwetama noma kuphumelela kutsengisa, kutsenga, noma kushintjisa tintfo letisendzaweni leku-inthanethi, njengema-akhawunti, emacembu, emakhasi, nalokunye.
  • Kwetama noma kuphumelela kutsengisa, kutsenga, noma kushintjisa emalungelo, njengalokwentiwa baphatsi noma balawuli, noma imvume yekufaka lokutsite etincenyeni letitsite.
  • Kwetama noma kuphumelela kutsengisa, kutsenga, noma kushintjisa kwatiswa ngalokutsite lokubita imali, ngaphandle Kwekwatiswa Lokukhangiswako lokuvetwe ngalokucacile, njengoba kuchazwe Simiso Sekwatiswa Lokukhangiswako.
  • Kwetama noma kuphumelela kutsenga, kutsengisa, noma kushintjisa ngalokwentiwe, njengekusekela, kusakata, kubuka, kulandzela, kuchafata, kusetjentiswa kwema-hashtag lacacile, nalokunye. Loku kufaka ekhatsi:
    • Kwetsembisa kuniketa imiklomelo (lokusho, kwetsembisa labanye litfuba lekuwina) imali noma lokulingana nayo ngekushintjisa ngalokwentiwe. (sibonelo: "Noma ngubani losekela likhasi lami utawungena kulabatowina $500")
    • Kwetsembisa kuniketa noma ngabe yini leyimali ngekushintjisa ngalokwentiwe. (sibonelo: "Nawusekela likhasi lami ngitakunika i-iPhone!")
  • Kufuna nome kusho kutsi labasebentisa luhlelo kufanele bente lokutsite kulokufakiwe (sibonelo: kusekela, kusakata) ngaphambi kwekutsi bakhone kubona nome kwenta lokutsite kulokufakiwe labetsenjiswe kona.
  • Kusakata ema-URL, tindzawo letiku-inthanethi, noma tinhlelo, letiyenganako noma letidukisako, lokufaka ekhatsi:
    • Kufaka kwatiswa lokungemanga: Kufaka kwatiswa lokungemanga ngunoma ngumuphi umetamo wekubalekela timiso tetfu talokufakiwe ngekuveta ngemabomu lokufakiwe lokwehlukile ngaphandle kwepulatifomu, njengema-URL noma tinhlelo tekusebenta, etinhlelweni tetfu tebucotfo naticatsaniswa naloko lokukhonjiswako kulabo labasebentisa loluhlelo.
    • Emalinki Ladukisako: Kwatiswa lokunelinki leyetsembisa kukuniketa luhlobo lolutsite lwekwatiswa kodvwa nawuyivula utfole lokwehluke kakhulu. Loku kungafaka ekhatsi kwatiswa lokuseluhlelweni nome ku-software leyetsenjisiwe.
    • Umkhuba wekukhohlisa ngekushintja indlela: Emakhasi e-inthanethi ladzinga wente lokutsite (sibonelo: i-captcha, bukela sikhangiso, chafata la) kuze ubone lelikhasi lofuna kungena kulo futsi ligama lendzawo leku-inthanethi lale-URL liyashintja ngemuva kwekwenta loko, noma ngalokutentakalelako likukhombise lelinye likhasi lelehluke kakhulu ngaphandle kwekutsi lolisebentisako ente lokutsite.
    • Sekela/sakata: Kucela labasebentisa loluhlelo kutsi batimbandzakanye (ekusekeleni, ekusakateni, ekulandzeleni, noma kunome nguluphi luhlobo lwekutimbandzakanya kwawonkhewonkhe) kuze ukhone kungena ekwatisweni lokutsite lokukhetsekile.
    • Kusebenta lokukhohlisako kwendzawo leku-inthanethi - Kulingisa tincenye letitsite noma kusebenta kwelusito lesiluniketako lokungasebenti, njengekulingisa kucokelela timali, kuvota ku-inthanethi, tinkinobho tekudlala, nome inkinobho yeKusekela lapho leyontfo ingekho khona noma ingasebenti ngendlela lelindzelekile, kuze nje losebentisa luhlelo angene kulinki.
    • Kukhohlisa kwekusebenta kwelikhasi longena kulo: Emakhasi e-inthanethi lanendlela yekuchumana lengasebenti, lokubangela siminyeminye sekungena kulelokhasi ungakacondzi (sibonelo: emabika lavele atichamukele/lokuvela entasi ekhasini, kusitseka kwalofuna kukuchafata, nalokunye). Loku kufaka ekhatsi emachinga njengekukubamba, lapho khona kuba nemabika lativelelako langahambisani nalokufunako nangabe umuntfu etama kuphuma ekhasini langene kulo.
    • Likhasi lokufikela khona lokutsite noma i-domain - Likhasi lapho lokutsite kufikela khona ngaphandle kwepulatifomu, i-URL, noma likhasi le-inthanethi langephandle noma i-domain letenta shengatsi lingumkhicito lowatiwako noma kwatiswa lokucuketse lokungakabhalwa kahle, emagama langakabhalwa kahle noma letinye tindlela tekutenta emakhasi e-inthanethi latiwako, ema-domains noma timphawu talokutsengiswako letisebentisa likhasi lapho kufikela khona lokutsite lokufanana nalokunye, lokusendzaweni leyetsenjwako.
    • Lokunye kusetjentiswa kwema-URL lokukhohlisako noma emalinki lafana kakhulu nalolokungenhla.
  • Nanobe kunjalo, asikuvimbeli:
    • Kukhangisa etinhlelweni letehlukehlukene lokungeke kwentiwe ngenhloso yekubhadala lomunye umuntfu lokusetjentiswana naye
    • Kuniketa lomunye umuntfu umsebenti lowentiwa ngumphatsi noma ngumlawuli welikhasi nobe welicembu kuye ngekutsi uyalitsandza yini lelokhasi noma licembu, kunekutsi kushintjiswe bumcoka balo.
    • Kufaka noma kusakata Kwatiswa Lokukhangiswako lokubekwe kwacaca.
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kwatiswa
Hlola Umbiko Wekugcizelela Timiso Tawonkhewonkhe losandza kwentiwa
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito ngekwatiswa lokungakafaneli
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito