Kukhutsata Telicansi Kubantfu Labadzala Nenkhulumo Letibeka Ebaleni Tindzaba Telicansi

Imininingwane Yesimiso
Indlela labaphatseka ngayo labasebentisa loluhlelo

Imininingwane yesimiso

LUSHINTJO KULOKWENTIWE
Inhloso Yesimiso
Njengobe kuvetiwe esimisweni lesimayelana neNekusitakala Ngebantfu Labadzala Ngekwelicansi, bantfu basebentisa lusito lwetfu kute bacoce futsi bente kunakwe kakhulu kuhlukunyetwa ngetelicansi nekusitakala ngebantfu kutemacansi. Siyakubona kubaluleka kwalencociswano futsi siyayivumela. Sivumela nekutsi kucocwe ngekulwela emalungelo alabatsengisa ngemtimba kanye nekulawulwa kwalomsebenti wekutsengisa ngemtimba. Kodvwa-ke, sibeka imincele nangabe kwatiswa kugcugcutela tindzaba tekuya ecansini nome kutsengisa ngetemacansi lokwentiwa bantfu labadzala nome nangabe kwatiswa kucela nome kuniketa ngetitfombe tetemacansi nome kwatiswa kwetindzaba tekuya ecansini. Loku sikwentela kutsi sigweme kutfutfukisa tento letingase tihlanganise kushushumbisa, kuphocelela netento temacansi letentiwa ngaphandle kwekuvumelana.
Siphindze sivimbele lulwimi lolukhuluma ngalokusebaleni ngetemacansi lokungaholela ekukhutsateni tekulalana ngobe labanye bantfu labakubonako loko emhlabeni wonkhe kungenteka kubakhube, futsi kungase kuvimbele bantfu kutsi bachumane nebangani babo kanye nebantfu labahlukahlukene.
Asikuvumeli:
Kwatiswa lokuvula litfuba, lokucela nome lokuniketa tindlela tekuchumana nalabatsengisa ngemtimba, lokuchazwa ngekutsi kucela nome kufuna kulala nalotsite kute akubhadale imali nanome yini lebalulekile ngekwenta loku lokulandzelako:
  • Kunika litfuba nobe kucela kulalana nalotsite (njengekuphekeletela, kubhujunga umtimba lokukhutsata kulala nobe lokuvusa inkhanuko, tincociswano/kukhulumisana ngekulalana, imisebenti lekuvusa inkhanuko ngekutsintsa lokutsite nobe kubanjwa ngemandla)
  • Kusebentisa emagama esitsotsi lachaza bugwadla lobuhambisana nekunika litfuba nome kucela kuba khona, intsengo, nome nguluphi luphawu lwemali nome lokulingana nemali, indzawo, nome imininingwane yekuchumana
  • Kuhlanganyela ekukhutsateni temacansi lokuhlanganiswe nemali nanome nguluphi luphawu lwekutsengiselana ngemali nome lokunye lokunjengemali
  • Kuvetwa nome kukhuluma ngekuya ecansini nome labo lobambisene nabo lokuhambisana nemali nanome ngutiphi timphawu tetekutsengiselana ngemali nome lokunye.
  • Kufuna bantfu nome kuniketa labanye bantfu kutsi bahlanganyele emsebentini wetemacansi kukhulunywa ngako esimisweni seKukhutsata Kusitakala Ngebantfu.
Kwatiswa lokutsintsa kukhutsata temacansi, lokuniketa, lokucela nome lokuniketa tindlela tekuchumana ngenjongo yekuya ecansini njengaloku lokulandzelako:
  • Kuya ecansini nome kuvusa inkhanuko
  • Kulalana lokwentiwa ngemlomo
  • Kukhangeka esitfweni semtimba
  • Kukhulumisana nome tincociswano temacansi.
  • Kubhujungwa kwemtimba kwetemacansi lokuvusa inkhanuko nome imilayeto levusa inkhanuko
  • Kudansa lokuvusa inkhanuko nome kuhlubula
  • Kusakata titfombe tebugcunu (njengetitfombe tebungunu, emavidiyo etemacansi)
Kwatiswa lokucela, lokuniketa nome lokuveta tindlela tekutfola kwatiswa lokungcolile, nome lokunemagama lasetjentiswa bantfu nome emalinki emakhasi e-inthanethi etitfombe letingcolile.
Lulwimi lolukhuluma ngalokusebaleni ngetemacansi mayelana:
  • Netitfo tangasese,
  • Nesimo sekuvuka kwenkhanuko (sibonelo, kuba manti nome kuphakama kwetindvuku)
  • Nekuya Ecansini
  • Loku lokungenhla akufaki ekhatsi kwatiswa lokusakatwa ngenjongo yekuhlekisa, kuphukuta nome kucalekisa ngetemacansi
Siyakuvumela kwatiswa lokwehlukile kuloku lokukhulunywe ngako kuletimiso nangabe kufakwe ngenjongo yekusola, kufundzisa, kwecwayisa, nobe nakwentiwa umbiko wetindzaba. Kulesimiso, asikuvimbeli nekukhuluma ngetento tekuya ecansini. Nanome kunjalo, loku kungavumeleka kubantfu labadzala labaneminyaka lengetulu kwalengu-18 kutsi basite bantfwana labancane kulokuhambisana neminyaka yabo njengobe kusho simiso seTemphilo Kanye Nenhlalakahle.
Kulokwatisa lokulandzelako, sente kutsi kubonwe bantfu labadzala, labaneminyaka lengu-18 nangetulu:
  • Kwatiswa lokukhuluma ngekuya ecansini nome tento temacansi
  • Kwatiswa lokucuketse emagama alabasebentisa loluhlelo, emalinki noma emalogo Emakhasi e-Inthanethi Labhaliselwe Bantfu Labadzala
  • Inkhulumo lebeka tindzaba telicansi ebaleni ngendlela lehlekisako nome lephukutako, lokuhlanganisa tifaniso tetemacansi
  • Lulwimi lolugudlisela ekuyeni ecansini lolukhuluma ngekulalana
KuleTimiso Tawonkhewonkhe letilandzelako, sidzinga imininingwane leyengetiwe futsi/noma lokutsite lokufakiwe kuze sitsatse sinyatselo:
  • Kuletinye timo, sitakuvumela kwatisa lokungase ngandlela tsite kwephule Timiso Tawonkhewonkhe nangabe kuncunywa kutsi lolokufakiwe kuyaphukuta. Lokufakiwe kutawuvunyelwa kuphela nangabe lokwephula umtsetfo kuloko lokufakiwe kugcekwa noma kubhekiswe kulokutsite noma kumuntfu lotsite kuze kuhlekiswe ngaye noma agcekwe.
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito mayelana nekusitakala ngemuntfu kutemacansi kanye nelulwimi lolukubeka ebaleni kuya ecansini
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito