Tintfo Kanye Nelusito Lokubekelwe Imibandzela

Imininingwane Yesimiso
Indlela Labaphatseka Ngayo Labasebentisa Loluhlelo
Kwatiswa

Imininingwane yesimiso

LUSHINTJO KULOKWENTIWE
Inhloso Yesimiso
Kuze sikhutsate kuphepha nekuvimbela tento letingaba yingoti, asibavumeli bantfu, bakhiciti, nebatsengisi, kutsi batsenge, batsengise, batsengise emathikithi, bente tipho, bendlulisele noma batsengiselane tintfo letitsite kanye nelusito etinhlelweni tetfu. Asikuvumeli kushintjisa noma kutsengisa noma nguluphi luhlobo lwetidzakamiva letingaphumela ekutseni tisetjentiswe kabi lokubalwe kunati timiso tetfu letingentasi. Emabhizinisi lachumana buso nebuso nemakhasimende kanye nalaku-inthanethi angakhangisa ngetibhamu, tjwala, neligwayi lokutsengiswa ngaphandle kwetinhlelo tetfu; kodvwa-ke, siyakuvimbela loku kutsi kubonwe bantfwana labancane. Siyakuvumela kukhuluma ngekutsengiswa kwaletintfo etitolo noma kulabatsengisa ku-inthanethi, kuncoma kutsi kube nelushintjo emtsetfweni lowengamele tintfo letitsengiswako nelusito loluniketwako lokuvetwako kulesimiso, nekukhutsata noma kuncoma kusetjentiswa kwetidzakamiva tekwelapha nakukhulunywa ngekwelapha, lokufaka ekhatsi kukhuluma ngemiphumela lemibi letingayibanga emtimbeni nasengcondvweni.
Tintfo Kanye Nelusito Lokubekelwe Imincele kufaka ekhatsi naku lokulandzelako:
  • Imitsi Yekwelapha Nemaphilisi
  • Tikhali, Tinhlavu noma Tichumane
  • Lugwayi kanye Nemikhicito Lehlobene Nalo
  • Tjwala
  • Temphilo Nenhlalakahle
  • Kugembula Nge-inthanethi kanye Nemidlalo
  • Luhlobo lolusengotini naloluvikelwako lwetintfo letiphilako (tilwane tesiganga nalokutimilelako)
  • Tintfo Takadzeni Letentiwe Ngebuciko
  • Imikhicito Netintfo Letiyingoti
  • Titfo Temtimba Neluketjezi
Sigaba ngasinye sichazwe kabanti ngentasi.
Imitsi Yekwelapha Nemaphilisi
Asikuvumeli:
Lokutidzakamiva letiyingoti kakhulu (tidzakamiva letisematfubeni lamakhulu ekusetjentiswa kabi, ekwenta umuntfu abe sigcila sato, nome letihlobene nalokungabanga kugula lokumatima, lokufaka ekhatsi kwecisa tikali letifanele; sibonelo, i-cocaine, i-fentanyl, i-heroin).
Kwatisa lokunjena:
  • Lokwetama kutsenga, kutsengisa, kwenta ibhizinisi, kuchumanisa kutsenga nekutsengisa, kunikela, kwenta sipho nobe kucela tidzakamiva letiyingoti kakhulu.
  • Lokuvuma kutsenga nekutsengisa noma kuchumanisa kwekutsenga nekutsengisa tidzakamiva letiyingoti kakhulu lokwentiwa ngulona lofake lokwatiswa noma ngulabanye.
  • Lokuvuma kusetjentiswa ngumuntfu ngaphandle kwekuvuma kwaloyo muntfu noma endzabeni yekubuyisela, kwelashwa, noma lolunye lusito ekulweni nekusetjentiswa. Lokwatiswa kungenteka kungakhulumi kahle, kungakukhutsati kusebentisa, kuchumanise noma kunikete ticondziso tekwenta noma tekusebentisa tidzakamiva letiyingoti kakhulu.
  • Lokuchumanisa noma kukhutsate (ngaloko sisho kukhulumela kahle, kukhutsata kusebentisa, noma kuniketa ticondziso tekusetibentisa noma kwakha) tidzakamiva letiyingoti kakhulu.
  • Naka: Kuba netinkhulumo mphikiswano noma kugcugcutela kutsi kube semtsetfweni noma kucoca ngemphumelelo lebe khona etindzabeni tesayensi nobe kutekwelapha mayelana netidzakamiva letiyingoti kuvumelekile. Loku kufaka ekhatsi tindzaba netimemetelo tawonkhewonkhe.
Tidzakamiva letingasito tekwelapha (tidzakamiva noma lokunye lokungasebenti ngenjongo yekwelapha noma lokusetjentiselwa kutiva ujabulile - loku kufaka ekhatsi imitsi leyakhiwa ngato noma lokusetjentiswako ekwakheni letidzakamiva.)
Kwatisa lokunjena:
  • Lokwetama kutsenga, kutsengisa, kutsenga nekutsengisa, kuchumanisa kutsenga nekutsengisa, kunikela, kwenta sipho noma kucela tidzakamiva letingasito tekwelapha.
  • Lokuvuma kutsenga nekutsengisa noma kuchumanisa kwekutsenga nekutsengisa tidzakamiva letingasito tekwelapha lokwentiwa ngulona lofake lokwatiswa noma ngulabanye.
  • Lokuvuma kusetjentiswa ngumuntfu ngaphandle kwekuvuma kwaloyo muntfu noma endzabeni yekubuyisela, kwelashwa, noma lolunye lusito ekulweni nekusetjentiswa. Lokwatiswa kungenteka kungakhulumi kahle mayelana nekukhutsata kusebentisa, kuchumanisa noma kuniketa ticondziso tekwenta noma tekusebentisa tidzakamiva letingasito tekwelapha.
  • Lokuchumanisa noma kukhangise (ngaloko sisho kukhulumela kahle, kukhutsata kusebentisa, noma kuniketa ticondziso tekusebentisa noma kwakha) tidzakamiva letingasito tekwelapha.
  • Imetamo yekutsengisa noma kukhutsata tidzakamiva letingasito tekwelapha letingekho emtsetfweni.
  • Kucuketse tintfo letitsengiswako letikhombisa tidzakamiva letingasito tekwelapha.
Imitsi loyibhalelwe betemphilo (tidzakamiva letidzinga kutsi utibhalelwe betemphilo noma bakunikete tona)
Kwatiswa:
  • Lokwetama kutsenga, kutsengisa noma kwenta ibhizinisi ngemitsi loyibhalelwa betemphilo ngaphandle nangabe:
    • Kufakwa luhla lwentsengo yemitsi yekugoma ngenjongo yekufundzisa nobe kucocisana nangabe kubonwa bantfu labadzala labaneminyaka lengu-18 noma ngetulu kuphela.
    • Kuvuma kutfumela lokutsite nakufakwe ngemabhizinisi etekutsengiselana lasemtsetfweni etemphilo nangabe kubonwa bantfu labadzala labaneminyaka lengu-18 noma ngetulu kuphela. Lokwatiswa kufanele futsi kufake ekhatsi inchazelo kuze kuchunyanwe nacwephesha wetemphilo losemtsetfweni noma kutfolakale lokusemtsetfweni lokutsiwe ukwente.
  • Lokwetama kunikela noma kuphana ngemitsi loyibhalelwa betemphilo, ngaphandle kwalapho kunesimo lesibucayi setemnotfo, semphilo, senhlalakahle yesive noma nakunenhlekelele yemvelo.
  • Lokucela imitsi loyibhalelwa betemphilo, ngaphandle kwalapho lokwatiswa kukhuluma ngekutsi iyatsengeka, kumelula kuyitfola noma isebenta kahle kakhulu kutekwelapha.
  • Naka: Kuvumelekile kuba netinkhulumo mphikiswano noma kugcugcutela kutsi kube semtsetfweni noma kucoca ngemphumelelo lebe khona etindzabeni tesayensi nobe kutekwelapha mayelana netidzakamiva lotinikwa ngudokotela. Loku kufaka ekhatsi tindzaba netimemetelo tawonkhewonkhe.
Titjalo Lokukholelwa Kutsi Tiyelapha
  • Kwatiswa lokwetama kutsenga, kutsengisa, kwenta ibhizinisi, kunikela noma kuphana noma kucela titjalo lokukholelwa kutsi tiyelapha.
  • Naka: Kuba netinkhulumo mphikiswano noma kugcugcutela kutsi kube semtsetfweni noma kucoca ngelichaza lelidlalwa titjalo lokukholelwa kutsi tiyelapha etindzabeni tesayensi nobe kutekwelapha kuvumelekile.
Insangu Kanye Nemikhicito Letsetfwe Kuyo
  • Kwatiswa lokwetama kutsenga, kutsengisa, kwenta ibhizinisi, kunikela noma kuphana noma kucela insangu netintfo letinesitsako sayo i-THC noma letinye titsako letifana naso letitsintsa ingcondvo.
Lokwatiswa lokulandzelako kubonwa kuphela bantfu labadzala labaneminyaka lengu-18 budzala nangetulu.
Titjalo Lokukholelwa Kutsi Tiyelapha
  • Kwatiswa lokukhombisa kuvuma kwemuntfu kusebentisa titjalo lokukholelwa kutsi tiyelapha, kutichumanisa nobe kutikhangisa (ngaloku sisho kutsi ukhuluma kahle ngato), noma kukhutsata kutsi tisetjentiswe.
    • Ngaphandle kwalapho noma ngukuphi kwaloku lokungenhla kwenteka enganekwaneni noma efilimini.
Insangu Kanye Nemikhicito Letsetfwe Kuyo
  • Kwatiswa lokuchumanisa noma lokugcugcutela (ngaloko sisho kukhulumela kahle, kukhutsata kusebentisa, noma kuniketa ticondziso tekusebentisa noma kwakha) insangu nemikhicito lene-THC noma letinye titsako letifanako letitsintsa ingcondvo.
  • Lokufakiwe ngulabaniketana insangu lokuhlobene nelibhizinisi lapho kungekho khona imetamo yekutsenga, kutsengisa noma kutsengiselana insangu kanye nemikhicito lecuketse i-THC noma tincenye letihlobene netidzakamiva letitsintsa ingcondvo.
  • Kwatiswa lokwetama kutsenga, kutsengisa, kwenta ibhizinisi, kunikela, kupha noma kucela sitsako sensangu lesidliwako (i-CBD) noma lokunye lokufanako lokwakhiwe ngaso.
  • Kwatiswa lokwetama kutsenga, kutsengisa, kwenta ibhizinisi, kunikela, kupha noma kucela sitsako sensangu lesingadliwa (i-CBD) noma lokunye lokufanako lokwakhiwe ngaso.
  • Lokufakiwe lokukhuluma ngetifo letihlobene nesitsako sensangu lesingadliwa (i-CBD) noma imikhicito lefanako yaso.
  • Kwatiswa lokukhombisa insangu lengekho emtsetfweni.
Emaphilisi lowanikwa ngudokotela
  • Lokufakiwe lokwetama kutsenga, kutsengisa noma kutsengiselana imitsi latsite dokotela uyinatse kunoma ngusiphi simo, lokufaka ekhatsi ngesikhatsi nangabe kufakwe ngemabhizinisi lasemtsetfweni ekunakekelwa kwemphilo.
  • Kwatiswa lokwetama kutsenga, kutsengisa, kwenta ibhizinisi, kunikela, kuphana noma kucela imitsi.
  • Kwatiswa lokufaka ekhatsi kuvuma noma kudla emaphilisi lowanikwe ngudokotela.
Tikhali, Tinhlavu noma Tichumane
Asikuvumeli:
Kwatisa lokunjena:
  • Lokwetama kutsenga, kutsengisa, noma kwenta ibhizinisi ngetibhambu, tincenye tetibhamu, tinhlavu, tichumane, noma kushushumbisa tilimato letiyingoti ngaphandle nangabe:
    • kufakwe Likhasi, Licembu noma lifayela laka-Instagram lelimelela emabhizinisi lasemtsetfweni lasebentelana nemakhasimende buso nebuso, lokufaka ekhatsi emabhizinisi lacupha atsengise, emakhasi e-inthanethi, timphawu nome tinhlangano tahulumende (sibonelo, litiko lemaphoyisa, litiko lebeticishamlilo) noma umuntfu nje lotimele lowasakatela kwatiswa emabhizinisi lasemtsetfweni lasebentelana nemakhasimende buso nebuso; futsi kufanele kubonwe kuphela bantfu labadzala labaneminyaka lengu-21 budzala nome ngetulu.
  • Lokwetama kunikela noma kuphisana ngetibhamu, tincenye tetibhamu, tinhlavu, tichumane, noma kushushumbisa tikhali letiyingoti ngaphandle nangabe kufakwe kuloku lokulandzelako:
    • Kunikela, kutsenga nekutsengisa noma kuphindze kutsengwe tibhamu netinhlavu titsengwa Likhasi, Licembu noma lifayela le-Instagram lelimele tinhlangano letisemtsetfweni telibhizinisi lokhonako kulo kukhulumisana nemakhasimende buso nebuso, kufaka ekhatsi emabhizinisi ekutsengisa, emakhasi e-inthanethi nome tinhlangano tahulumende, noma umuntfu lotsite losakata lokwatiswa egameni lalebhizinisi lesemtsetfweni; futsi kufanele kubonwe kuphela bantfu labadzala labaneminyaka lengu-21 budzala nome ngetulu.
    • Indali nome emathikithi etibhamu lakhishwa ngemabhizinisi lasemtsetfweni lasebentelana nemakhasimende buso nebuso, lokufaka ekhatsi titolo letinkhulu, tinhlangano letisebentisana nahulumende nome tinhlangano letingayenti inzuzo, nome bantfu labatimele labasebentisana nemabhizinisi lasemtsetfweni lasebentelana nemakhasimende buso nebuso nome labasekelwa ngiwo; futsi kufanele kubonwe bantfu labadzala labaneminyaka lengu-21 budzala nome ngetulu.
  • Lokucela tibhamu, emaphatsi etibhamu, tinhlavu, tichumane, noma tintfo letikhutsata kubulala.
  • Lokufuna kutsenga, kutsengisa, kupha, kushintjiselana, kwendlulisela, kuchumanisa, kukhutsata kusetjentiswa kweluhlelo lwekushicilela nge-3D noma ticondziso tekukhicita tibhamu noma emaphatsi ato ngangcondvomshini noma kunikete imvume yekungena kuko, ngisho nobe siyini sizatfu noma kungubani lokufakile.
  • Lokufuna kutsenga, kutsengisa, kunikela, kupha, kucela nome kuvuma kuba ngumnikati wemishini yetibhamu.
Lokwatiswa lokulandzelako kubonwa kuphela bantfu labadzala labaneminyaka lengu-21 budzala nangetulu:
Tikhali, Tinhlavu noma Tichumane
  • Kwatiswa lokufakwe noma lokukhangisa sitolo lesisemtsetfweni lapho usebentelana nelikhasimende buso nebuso, emabhizinisi, kufaka ekhatsi emabhizinisi latsengisako, emakhasi e-inthanethi, timphawu, noma tinhlangano tahulumende letetama kutsenga, kutsengisa, kwenta ibhizinisi, kunikela, kupha nome kucela (lokufaka ekhatsi nakunendali nome kucongelela timali ngemathikithi lanetinombolo) tibhamu, emaphatsi etibhamu, tinhlavu, tichumane, noma kutfutfukiswa kwalokubulalako.
Lokwatiswa lokulandzelako kubonwa kuphela bantfu labadzala labaneminyaka lengu-18 budzala nangetulu:
Tintfo letikhaliphako kanye naletinye tikhali:
  • Kwatiswa lokwetama kutsenga, kutsengisa, kwenta ibhizinisi, kuchumanisa, kunikela, kuphisana noma kucela emathulusi lakhaliphile kanye nanoma ngutiphi tikhali (nasi sibonelo, kwekufutsa lokubaba njengapelepele, noma tindandatho letifakwa eminweni).
  • Kwatiswa lokukhuluma kahle mayelana naloku lokulandzelako, lokuniketa ticondziso tekusebentisa nome lokukhutsata kusetjentiswa kwetibhamu, tincenye tetibhamu, tikhali, tichumane, kutfutfukiswa kwalokubulalako, nome tintfo letikhaliphako encenyeni yekubuketwa kwemikhicito
  • Ematfuba ekutsengiselwa kanye nendali yetintfo letingabulali
Lugwayi kanye Nemikhicito Lehlobene Nalo
Asikuvumeli:
Kwatisa lokunjena:
  • Lokwetama kutsenga, kutsengisa noma kwenta ibhizinisi ngetintfo letihambisana nelugwayi/i-nicotine, noma lokunye lokufana nekwekubhema, lokufaka ekhatsi tonkhe tinhlobo temathulusi ekubhema i-nicotine letibitwa ngekutsi yi-"ENDS" (nasi sibonelo, imishini yekubhema, emaphayiphi ekubhema kanye nemaphayiphi ekubhema lete i-nicotine).
    • Ngaphandle nangabe kufakwe Likhasi, Licembu, noma lifayela laka-Instagram lelimelele emabhizinisi lasemtsetfweni lapho usebentelana nelikhasimende buso nebuso, lokufaka ekhatsi emabhizinisi lacupha atsengise, emakhasi e-inthanethi, timphawu, noma umuntfu lotimele losakata kwatiswa akusakatele emabhizinisi lasemtsetfweni lasebentelana nemakhasimende buso nebuso, lokufaka ekhatsi kuniketa lusito lwekukuletsela lokutsengile kanye netindali tekukhangisa luphawu.
  • Lokwetama kunikela nome kuphisana ngelugwayi/imikhicito ye-nicotine, noma ngetinhlobo temathulusi ekubhema i-nicotine letibitwa ngekutsi yi-"ENDS".
    • Ngaphandle nangabe kufakwe Likhasi, Licembu, noma lifayela laka-Instagram lelimelele emabhizinisi lasemtsetfweni lapho usebentelana nelikhasimende buso nebuso, lokufaka ekhatsi emabhizinisi lacupha atsengise, emakhasi e-inthanethi, timphawu, noma umuntfu lotimele losakata kwatiswa akusakatele emabhizinisi lasemtsetfweni lasebentelana nemakhasimende buso nebuso, lokufaka ekhatsi kuniketa lusito lwekukuletsela lokutsengile kanye netindali tekukhangisa luphawu.
  • Lokucela lugwayi/imikhicito ye-nicotine, noma lokunye lokufana nekwekubhema, lokufaka ekhatsi tonkhe tinhlobo temathulusi ekubhema i-nicotine letibitwa ngekutsi yi-"ENDS" (emaphayiphi ekubhema lete i-nicotine).
Lokwatiswa lokulandzelako kubonwa kuphela bantfu labadzala labaneminyaka lengu-18 budzala nangetulu.
  • Kwatiswa lokufakwe noma lokukhangisa emabhizinisi lasemtsetfweni lapho usebentelana nelikhasimende buso nebuso, lokufaka ekhatsi emabhizinisi latsengisako, emakhasi e-inthanethi noma timphawu, lokwetama kutsenga, kutsengisa, kwenta ibhizinisi, kunikela noma kuphisana ngetjwala noma imikhicito yelugwayi.
  • Kwatiswa lokunesitfombe sekudliwa kwelugwayi, imikhicito ye-nicotine, noma tinhlobo temathulusi ekubhema i-nicotine letibitwa ngekutsi yi-"ENDS".
  • Kwatiswa lokuchumanisa nome lokukhutsata kusetjentiswa kwelugwayi, imikhicito ye-nicotine, tinhlobo temathulusi ekubhema i-nicotine letibitwa ngekutsi yi-"ENDS", noma tinhlobonhlobo telugwayi.
  • Kwatiswa lokuveta Imikhicito Yekuyekela Lugwayi
  • Kwatiswa lokukhuluma nome lokukhutsata kusetjentiswa kwelugwayi, tinhlobo temathulusi ekubhema lugwayi, noma tinhlobo telugwayi
  • Kwatiswa lokuveta kubhema nome kusetjentiswa kwelugwayi esimeni lesikhona mbamba
    • Ngaphandle nangabe kukhulunywa ngemikhankaso lelwisana nekubhema, lusito lwekweluleka imihuca yekubhema, kuvusetela similo kulababhemako, nobe nakusimemetelo lesiya kuwonkhewonkhe
Tjwala
Asikuvumeli:
Kwatisa lokunjena:
  • Lokwetama kutsenga, kutsengisa noma kwenta ibhizinisi yetjwala ngaphandle nangabe:
    • Kufakwe Likhasi, Licembu, noma lifayela laka-Instagram lelimelele emabhizinisi lasemtsetfweni lapho usebentelana nelikhasimende buso nebuso, lokufaka ekhatsi emabhizinisi latsengisako, emakhasi e-inthanethi noma timphawu, umuntfu lotimele losakata kwatiswa akusakatele emabhizinisi lasemtsetfweni lasebentelana nemakhasimende buso nebuso, lokufaka ekhatsi kuniketa lusito lwekukuletsela lokutsengile kanye netindali tekukhangisa luphawu.
    • Kwatiswa kukhuluma ngetjwala nome kumemela bantfu endzaweni lokutawube kunetjwala kuyo lapho khona tjwala butawube bushintjiselwana noma bunatfwa endzaweni letsite embutsanweni, etitolo tekupheka kudla, ebhareni noma ephathini.
  • Kwetama kunikela noma kuphana ngetjwala noma ligwayi ngaphandle nangabe kufakwe Likhasi, Licembu, noma lifayela le-Instagram lelimelela emabhizinisi lasemtsetfweni lapho kukhulunywa khona nelikhasimende buso nebuso, kufaka ekhatsi emabhizinisi latsengisako, emakhasi e-inthanethi noma timphawu, noma kwatiswa lokusakatwe ngumuntfu lotsite egameni lebhizinisi lebonakalako lesemtsetfweni.
  • Kucela imikhicito yetjwala kanye netinatfo.
Lokwatiswa lokulandzelako kubonwa kuphela bantfu labadzala labaneminyaka lengu-18 budzala nangetulu:
  • Kwatiswa lokufakwe ngemabhizinisi lasemtsetfweni lapho usebentelana nelikhasimende buso nebuso noma lokuwakhangisako, lokufaka ekhatsi emabhizinisi latsengisako, emakhasi e-inthanethi noma timphawu, lokwetama kutsenga, kutsengisa, kwenta ibhizinisi, kunikela noma kuphisana ngalokwakhiwe ngetjwala noma tinatfo.
  • Kwatiswa lokukhombisa kunatfwa kwalokwakhiwe ngetjwala noma tinatfo noma lokusakata tindlela tekwakha tinatfo letidzakanako.
  • Kwatiswa lokukhuluma ngemikhicito yetjwala nome lokumemela bantfu endzaweni lokutawube kunetjwala kuyo lapho khona tjwala butawube bushintjiselwana noma bunatfwa.
Temphilo Nenhlalakahle
Lokwatiswa lokulandzelako kubonwa kuphela bantfu labadzala labaneminyaka lengu-18 budzala nangetulu:
Imikhicito nobe lusito lwekwehlisa umtimba nobe kuyikhulisa
Kwatisa lokunjena:
  • Lokwetama kutsenga, kutsengisa, kwenta ibhizinisi, kunikela, kuphana, kukhuluma noma kucela imikhicito noma lusito lwekwehlisa noma kukhulisa umtimba.
  • Lokuvuma noma lokukhombisa kusetjentiswa kwemkhicito wekwehlisa noma wekukhulisa umtimba, kuchaze buhle noma imiphumela yawo lemibi.
  • Lokukhombisa kuchumanisa noma kukhangisa (ngaloko sisho kukhulumela kahle, kukhutsata kutisebentisa noma kuniketa ticondziso tekusebentisa noma tekwakha) kwekwehlisa umtimba.
  • Lokunemavi laveta kukhobosa ngendlela umuntfu labukeka ngayo (sibonelo: emagama, tinchazelo, noma imibuto lemibi futsi lehlasela indlela umuntfu labukeka ngayo, titfo letitsite temtimba, noma kuhlanteka), noma lokuveta titfombe letishuthelwe edvute tesitfo lesitsite semtimba letiveta emafutsa lacindzetelwe.
  • Imibono yekutsi imiphumela ingafinyelelwa kuphela ngekusebentisa imikhicito legcokwako, njengebucwebe noma emapheshi.
  • Kusebentisa tindlela tekwatiswa lokudvonsa bantfu etindzabeni tekwehlisa nome kukhulisa umtimba, njengelulwimi lolubeka tintfo ebaleni letinemavi lalihaba nome labucayi ngetemphilo, nome letitsembisa imiphumela letsite ngesikhatsi lesitsite ngaphandle kwemavi ekutihlenga nome kwekucacisa.
Kwekutimonyonga, Tindlela Tekukusebentisa, Noma Kuhlindvwa
Kwatisa lokunjena:
  • Lokwetama kutsenga, kutsengisa, kwenta ibhizinisi, kunikela, kuphisana, kukhuluma ngako, noma kucela kwekutimonyonga, tindlela tekukusebentisa, noma kuhlindvwa. Loku kufaka ekhatsi:
    • Imikhicito leshintja sikhumba sibe mhlophe lokufaka ekhatsi emafutsa ekugcobisa lakhanyisa sikhumba.
    • Tindlela tekutimonyonga letihloselwe kwelapha, noma kuvusetela noma kushintja kubukeka kwebuso bebantfu noma imitimba.
  • Kuvuma kukwenta noma kukhombisa indlela yekutimonyonga noma kuhlindvwa, lokugcamisa buhle nebubi bako, noma imiphumela yakho lemibi.
  • Lokukhombisa kuchumanisa noma kukhangisa (ngaloko sisho kukhulumela kahle, kukhutsata kusebentisa noma kuniketa ticondziso tekusebentisa noma tekwenta) indlela yekutimonyonga nome kuhlindza.
  • Lokunemavi laveta kukhobosa ngendlela umuntfu labukeka ngayo, (sibonelo: emagama, tinchazelo, noma imibuto lemibifutsi lehlasela indlela umuntfu labukeka ngayo, titfo letitsite temtimba, noma kuhlanteka)
Naka: Kutfutfukiswa kwetindlela tekutivocavoca (njengeluhlobo lwekujima lokutsiwa ngema-Pilates) nome kwekutimonyonga kwesikhashana (njengetimonyo) akukabalwa kulesimiso.
Tindlela Tekwelapha Letiyengako
  • Imibono (lokufaka ekhatsi leyo levela kubocwephesha betemphilo nome tinhlangano tetemphilo) yekwelapha, kucedza nome kususa nome ngutiphi kuletifo letilandzelako letingelapheki futsi/nome letifo letibulalako (luhla loluphelele): Naka: Loku akusebenti emibonweni lemayelana nekwelapha noma kulawula timphawu taletifo.
    • Sifo sashukela
    • I-Herpes
    • Umphimbo
    • Inkinga yesikhumba
    • I-Ebola
    • Umdlavuza
    • I-Autism
    • I-Alzheimer
    • I-Parkinson
    • I-Amyotrophic Lateral Sclerosis (ALS)
    • Ingculaza (HIV)
  • Kusebentisa tindlela tekwatiswa lokudvonsa bantfu etindzabeni tekwelapha, njengelulwimi lolubeka tintfo ebaleni letinemavi lalihaba nome labucayi ngetemphilo, nome letitsembisa imiphumela letsite ngesikhatsi lesitsite ngaphandle kwemavi ekutihlenga nome kwekucacisa.
Tintfo tekuvusa inkhanuko kubantfu labadzala
Kwatisa lokunjena:
  • Lokwetama kutsenga, kutsengisa, kukhangisa, kwenta ibhizinisi, kunikela, kuphisana noma kucela tintfo letivusa inkhanuko kubantfu labadzala, lapho injongo lenkhulu kwenta umuntfu anetiseke kutelicansi noma kusheshise kuvuka kwenkhanuko kumuntfu, endzabeni leyakhiwe nome lengakakhiwa. Loku kufaka ekhatsi:
    • Emathoyisi etasecansini
    • Imikhicito yekuvusa inkhanuko
    • Kwekunweba noma kukhulisa sitfo sangasese lokungadzingi uhlindvwe, njengetintfo letivusa inkhanuko noma letitfutfukisa lizinga kutekulalana
    • Imikhicito lehloselwe kakhulu kuvusa inkhanuko nobe sifiso sekuya ecasini
    • Kuvetwa kwemathoyisi etemacansi lokungaveti ingcikitsi lecacile yendzaba
Temphilo Yetekutala nome Imikhicito Yetemphilo
Kwatisa lokunjena:
  • Lokwetama kutsenga, kutsengisa, kwenta ibhizinisi, kunikela, kuphisana, kukhuluma noma kucela imikhicito yetekutalana nome yekunakekela imphilo. Loku kufaka ekhatsi:
    • Imikhicito Yetekutala nome Temphilo lehloselwe kutenetisa ngekwelicansi hhayi kusitakala kutekwelapha, lokufaka ekhatsi leyo lenetfombe sesitfo sangasese salomdvuna nome salomsikati
    • Imikhicito lekhuluma ngetinkinga tekutala
    • Kuhlindvwa titfo tangasese ngenjongo yekushintja kubukeka
    • Kuhlindvwa kwetitfo tangasese talabadzala
    • Kufundziswa ngetemacansi lokukhuluma kakhulu ngekwenetiseka kutemacansi
    • Imikhicito yemahomoni (sibonelo, kwekutfutfukisa ema-testosterone)
Emabhizinisi etindzaba temacansi tebantfu labadzala
Kwatisa lokunjena:
  • Lokwetama kutsenga, kutsengisa, kukhangisa, kucela tintfo letivusa inkhanuko kubantfu labadzala, letingenta umuntfu anetiseke kutelicansi noma kusheshise kuvuka kwenkhanuko kumuntfu. Loku kufaka ekhatsi:
    • Emabhizinisi etekutijabulisa kwebantfu labadzala
    • Tindzawo tebantfu labadzala
    • Kufundzsiswa ngetemacansi
Kugembula Nemidlalo Yaku-inthanethi
Lokwatiswa lokulandzelako kubonwa kuphela bantfu labadzala labaneminyaka lengu-18 budzala nangetulu:
Kugembula Nge-inthanethi kanye Nemidlalo
  • Kwatiswa lokwetama kutsengisa, kwenta ibhizinisi, kukhombisa noma kukhutsata kudlala ku-inthanethi nekugembula, lapho noma yini lenelinani lemali (kufaka ekhatsi imali lephatfwako noma imali lekutebucwephesha/lengabonakali, sibonelo i-bitcoin) idzingeka kuze kudlalwe futsi nanoma yini lenelinani lemali iyincenye yemklomelo. Loku kufaka ekhatsi loku lokulandzelako, kodvwa hhayi kona kuphela:
    • Imidlalo yemakhono, i-lotto/kucongelela timali ngemathikithi, kubheja, kubhejela imidlalo, imidlalo yase-casino, imidlalo lowina ngenhlanhla kuyo, luhlobo lwekugembula ngemijako/kuwina ngekudvonswa kwemathikithi.
    • Imidlalo Yekugembula leniketana sikhatsi lesitsite sekwetama kudlala bese kudzingeka ubhadale ngemuva kwaloko.
midlalo Yase-casino Lesetinkhundleni Tekuchumana
  • Kwatiswa lokwetama kutsenga, kwenta ibhizinisi, kukhombisa noma kukhangisa imidlalo yase-casino lesetinkhundleni tekuchumana lefana nemidlalo yekugembula njengemishini yekugembula, lakute khona litfuba lekuwina imali noma lokulingana nayo. Loku kufaka ekhatsi kwatiswa lokuveta litfuba lekuwina "lokubuhhehlu" lokute linani lemali.
Imidlalo-yamahhala lenekuGembula
  • Kwatiswa lokwetama kutsengisa, kutsenga, kuveta nome kutfutfukisa imidlalo yamahhala lokufana nemidlalo yekugembula, lapho nome yini leyimali ingadzingeki kute kudlalwe loyo mdlalo, kodvwa kungase kube nelitfuba lekuwina imali nome lokungalingana nemali.
Luhlobo lolusengotini naloluvikelwako lwetintfo letiphilako (tilwane tesiganga nalokutimilelako)
Asikuvumeli:
Kwatisa lokunjena:
  • Lokwetama kutsenga, kutsengisa, kwenta ibhizinisi, kunikela, noma kuphisana noma kucela tinhlobonhlobo tetilwane letivikelwako noma titfo tato nome tinhlobo tsite talokutimilelako lokuvikelwako.
  • Lokuvuma noma lokukhutsata kutingela ngalokungekho emtsetfweni, kutsenga noma kwenta ibhizinisi ngetinhlobonhlobo talokuphilako lokusengotini noma titfo tako lokwentiwa ngulofake lokwatiswa, kungaba kutsi kufakwe nguye cobo lwakhe noma balingani bakhe basebentisa labanye bantfu. Loku akufaki ekhatsi titfombe tekutingela lokungekho emtsetfweni letifakwe bantfu labangatiwa.
  • Lokukhombisa kutingelwa lokungekho emtsetfweni kwetinhlobo tetilwane letisengotini noma titfo tato lokwentiwa ngulona lofake lokwatiswa noma balingani bakhe.
  • Lokukhombisa kuchumanisa noma kukhangisa (ngaloko sisho kukhuluma kahle, kukhutsata kutingela ngalokungekho emtsetfweni, noma kuniketa ticondziso) tekusebentisa noma kwenta imikhicito levela etinhlotjeni talokuphilako lokusengotini noma titfo tako, nanoma ngabe ngutiphi tilwane tesiganga noma lokutimilelako lokusengotini.
Tilwane letingekho engotini
  • Kwatiswa lokwetama kutsenga, kutsengisa noma kwenta ibhizinisi ngetilwane letiphilako letingekho engotini ngaphandle nangabe:
    • Kufakwe Likhasi, Licembu noma lifayela laka-Instagram lelimelela emabhizinisi lasemtsetfweni lasebentelana nemakhasimende buso nebuso, lokufaka ekhatsi emabhizinisi lacupha atsengise, emakhasi e-inthanethi lasemtsetfweni, timphawu, nome indzawo yekutigcina, noma umuntfu nje lotimele losakata kwatiswa akusakatele emabhizinisi lasemtsetfweni lasebentelana nemakhasimende buso nebuso.
    • Kufakwe ngekutsi kutsatfwe, kunikelwe, kucelwe kunikelwa noma kutsatsa tilwane letiphilako letingekho engotini, lokufaka ekhatsi tindleko tekutitsatsa ngenjongo yekutikhulisela
    • Kutsengisa silwane ngenjongo yekwenta umhlatjelo, noma sibongo lesihle sekutfotisa tilwane letifuywako.
    • Kufakwe ngekutsi kutsengiswa tilwane letifuywako.
    • Kufakwe ngekutsi kutsengwe, kutsengiswe noma kunikelwe, kucelwe, kunikelwe ngetimphondvo tetilwane, titfo, imilente, tidvumbu tetilwane, kushuka tikhumba tetilwane, emangcoliso (ngaphandle kwemcuba noma manyolo).
    • Kufakwe ngekutsi kunikete imikhicito lehlobene netilwane kuze bantfu bayidle, lefaka ekhatsi: emacandza, inhlanti, nalokunye.
Tintfo Takadzeni Letentiwe Ngebuciko
Asikuvumeli:
Kwatiswa lokwetama kutsengisa, kutsenga, kwenta ibhizinisi, kunikela, kupha noma kucela tintfo takadzeni letentiwe ngebuciko.
Imikhicito Netintfo Letiyingoti
Asikuvumeli:
Kwatiswa lokwetama kutsenga, kutsengisa, kwenta ibhizinisi, kunikela, kupha noma kucela imikhicito netintfo letiyingoti.
Titfo Temtimba Wemuntfu Nalokuluketjezi Kwemtimba
Asikuvumeli:
Kwatisa lokunjena:
  • Lokwetama kutsenga, kutsengisa noma kwenta ibhizinisi ngetitfo temtimba wemuntfu, ngisho nangale kwekwatiswa lokumayelana nekushushumbiswa kwebantfu lokungakavumeleki ngephansi kweSimiso Sekukhutsata Kucindzetelwa Kwebantfu.
  • Lokucela kushintjiselana ngalokuluketjezi kwemuntfu.
  • Lokwetama kutsenga, kutsengisa noma kwenta ibhizinsi ngeluketjezi lwemuntfu.
  • Ngaphandle kwalapho kufakwe ngenjongo yekunikela ngeluketjezi lwemuntfu njengesidvodza noma i-plasma yengati.
Imphahla Lejikisiwe
Asikuvumeli:
Kwatiswa lokwetama kutsenga, kutsengisa, kutsengiselana, kuchumanisa kutsenga nekutsengisa, kunikela, kwenta sipho noma kucela timphahla letibuyiselwe emuva.
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kwatiswa
Hlola Umbiko Wekugcizelela Timiso Tawonkhewonkhe losandza kwentiwa
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito mayelana netintfo nelusito lokubekelwe imibandzela
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito