Kwephula Simiso Salokuyimfihlo

Imininingwane Yesimiso
Indlela labaphatseka ngayo labasebentisa loluhlelo

Imininingwane yesimiso

LUSHINTJO KULOKWENTIWE
Inhloso Yesimiso
Inhloso yetinhlelo tetfu kuvikela lokuyimfihlo nemininingwane yalabatisebentisako. Sisebenta matima kuze sivikele kutsi ungubani kanye nemininingwane letsintsa wena futsi asibavumeli bantfu kutsi bafake luhlobo lolutsite lwemininingwane yabo noma leyimfihlo lemayelana nabo noma labanye. Siphindze sinikete bantfu tindlela tekubika titfombe labakholelwa kutsi tinyatsela emalungelo abo alokuyimfihlo.
Siyatisusa tintfo letisakata, tinikete nome ticele imininingwane leveta kutsi ungubani nome leminye imininingwane leyimfihlo lengaholela ekulimaleni lokubonakalako nome kugetjengwa timali, lokufaka ekhatsi imininingwane yetimali, yendzawo lohlala kuyo, yetekwelashwa, kuhlanganise nemininingwane leyimfihlo lokutfolakele emitfonjeni lengekho emtsetfweni. Siyacondza kutsi imininingwane leyimfihlo ingase itfolwe nguwonkhewonkhe etindzabeni, emafayeleni asetinkantolo, etitatimendeni tebetindzaba, nome kuleminye imitfombo. Nakwenteka loko, singase sikuvumele kutsi loko kwatiswa kufakwe.
Sinemincele leyengetiwe letsintsa kwatiswa lokubhadalelwe. Ngisho noma sitivumela tikhangiso letiniketa lokujatjulelwa ngulabasebentisa tinhlelo tetfu ngekunaka kuveta imininingwane yalokutsengiswako noma yelusito loluniketwako, siyatisusa tikhangiso letisitakala ngetimo letimatima umuntfu lake waba kuto, letibonakala tikhuluma kabi ngaleto timo noma tisho lokungesilo liciniso ngato, noma letiveta kutsi tiyayati imininingwane yemuntfu lebucayi. Kute utfole imininingwane leyengetiwe yemitsetfo yetfu yalokuyimfihlo kulokubhadalelwe, buka Umtsetfo Wetekukhangisa lesinawo kulencenye letsi Kungahloniphi Lokuyimfihlo Nemininingwane Yemuntfu.
Asikuvumeli:
Kwatiswa lokusakata nome lokubuta kwatiswa lokuyimfihlo, kungaba nguloko kwekuniketa lusito nome ngemalinki angephandle, kulolokulandzelako:
Kwatiswa lokuveta umuntfu kutsi ungubani (PII)
  • Lokufakiwe lokusakata imininingwane leveta kutsi ungubani (kwatiswa lokuveta umuntfu lotsite ngendlela langiyo) loyo lofake lokutsite nome labanye. Loku kufaka ekhatsi:
    • Tinombolo letiveta umuntfu kutsi ngubani, njengetinombolo tetakhamuti (SSN), tinombolo tetimphepha tekuhamba nome tinombolo talotsite temtselo (ITIN).
    • Tinombolo taMatisi letivela kuhulumende tetisebenti temtsetfo, emasotja, nome labasebenta kutekuvikela.
    • Emarekhodi nome timphepha letisemtsetfweni tekubhaliswa njengemshado, kutalwa, kufa, kushintja ligama nome bulili
    • Timphepha tekuhamba netekusebenta, njengelikhadi lebuve leliluhlata, imvume yekusebenta nome ema-visa
  • Kwatiswa lokufuna Imininingwane Leveta Umuntfu Kutsi Ungubani
Imininingwane Yemuntfu Yekuchumana
  • Kwatiswa lokusakata imininingwane yekuchumana yalabanye, ngaphandle nangabe umnikati akufake kutsi kubonwe nguwonkhewonkhe nome nangabe kusakatwe nome kwafakwa kute kutfutfukise kupha, kusita ekutfoleni bantfu labalahlekile, tilwane, nome banikati betintfo letilahlekile, nome kuchumana nebhizinisi nome labaniketa lusito (ngaphandle nangabe kutfolakala kutsi lemininingwane yekuchumana yalomuntfu isakatwe ngaphandle kwemvume yakhe).
Imininingwane Yendzawo Yekuhlala
  • Kwatiswa lokusakata emakheli laphelele endzawo yemuntfu yekuhlala, lokufaka ekhatsi ligama lesakhiwo, emaphini lasebalaveni laveta likheli (ngisho nome lamaphini akulinki lengekho eluhlelweni), ngaphandle kwakuletimo letilandzelako:
    • nakasakatwe kute kukhutsatwe kupha, kusita ekutfolweni kwebantfu labalahlekile, tilwane, nome banikati betintfo letilahlekile, nome kusita ekuchumaneni nemabhizinisi nome labaniketa lusito lolutsite
    • nangabe lendzawo yekuhlala kuyindzawo lesemtsetfweni nome lihhovisi lelincusa leliniketwe sikhulu lesisetulu sahulumende
  • Kwatiswa lokusakata incenye yemakheli etindzawo tekuhlala alabanye (ngaphandle nangabe lendzawo yekuhlala kuyindzawo lesemtsetfweni nome lihhovisi lelincusa leliniketwe sikhulu lesisetulu sahulumende):
    • Nakusakatwe ngenjongo yekuhlela imibhikisho nome kugadza lendzawo yekuhlala futsi lendzawo ibonakala nganome ngukuphi kwaloku lokulandzelako:
      • Sitaladi
      • Lidolobha nome indzawo lesedvute (emadolobheni lanebantfu labangephansi kwa-50,000 kuphela labahlala khona)
      • Ikhodi yekuposa
      • Emaphini e-GPs nome emaphini lasebalaveni labonisa nome ngukuphi kwaloku (ngisho nome lamaphini akulinki lengalawulwa yinkhundla yetekuchumana letsite)
    • Titfombe letiveta lingaphandle lendzawo yekuhlala nangabe konkhe loku lokulandzelako kukhona:
    • Lendzawo yekuhlala iyemndeni munye, nome inombolo yalendlu/ligama lesakhiwo liyabonakala esitfombeni/emavini labhaliwe.
    • Indzawo letfolakala kuyo ibonakala nganome ngukuphi kwaloku lokulandzelako:
      • Sitaladi
      • Lidolobha nome indzawo lesedvute (emadolobheni lanebantfu labangephansi kwa-50,000 kuphela labahlala khona)
      • Ikhodi yekuposa
      • Emaphini e-GPs nome emaphini lasebalaveni labonisa nome ngukuphi kwaloku (ngisho nome lamaphini akulinki lengalawulwa yinkhundla yetekuchumana letsite)
    • Lokwatiswa kuyaveta kutsi bobani labahlala khona.
    • Kungaba kutsi lomuntfu lohlala khona akafuni kwatiwe kutsi uhlala kuphi, nome kukhona lokuveta kutsi kuhlelwa umbhikisho lomelene naloyo muntfu.
    • Sitfombe salendzawo asisakatwa ngobe lendzawo kukhulunywa ngayo etindzabeni (ngaphandle nangabe sisakatwa ngenjongo yekuhlela imibhikisho lemelene nalabahlala khona)
  • Kwatiswa lokufuna imininingwane yemakheli etindzawo tekuhlala alabanye (ngaphandle nangabe lendzawo yekuhlala kuyindzawo lesemtsetfweni nome lihhovisi lelincusa leliniketwe sikhulu lesisetulu sahulumende)
  • Kwatiswa lokufuna indzawo lokutfolakala kuyo indlu leyimfihlo nome lokuveta ebaleni imininingwane leyimfihlo lemayelana netindlu letiyimfihlo ngekusakata nome ngukuphi kwaloku lokungentansi (ngaphandle nangabe lendlu leyimfihlo isetjentiselwa kusakata kwatiswa lokumayelana nalesakhiwo)
    • Likheli (Naka: "Libhokisi Leliposi kuphela" lelivunyelwe)
    • Titfombe talendlu leyimfihlo
    • Lidolobha/indzawo lengumakhelwane yalendlu leyimfihlo kuyabonakala
    • Imininingwane leveta bantfu labahlala kulendlu leyimfihlo
Imininingwane yetekwelapha
  • Kwatiswa lokusakata nobe kucele imininingwane yalabanye bantfu yetemphilo, yengcondvo, yemtimba, nome imininingwane yelufuto/leyendluliselwako (lokuhlanganisa lapho ivetwe khona kutebucwephesha nome isakatwe ngalokulalelwako nome ngevidiyo), nangabe kucacile kutsi lemininingwane ivela emarekhodini etekwelapha nome kuletinye timphepha letisemtsetfweni.
Imininingwane yetimali.
  • Kwatiswa lokusakata nome lokucela imininingwane yetimali yaloyo lokufakile nome yalabanye, lokuchazwa ngekutsi kwatiswa lokumayelana nesimo setimali semuntfu lokufaka ekhatsi:
    • Emarekhodi nome titatimende tetimali letingasito tawonkhewonkhe.
    • Tinombolo te-akhawunti yasebhange letinekhodi nome inombolo yekuphepha.
    • Kwatiswa kwekubhadala ngetebucwephesha lokunemininingwane yekungena, inombolo nome ikhodi yekuphepha.
    • Imininingwane yelikhadi lesikweleti nome likhadi lasebhange lelinelilanga lekuphelelwa sikhatsi nome tinombolo nome emakhodi ekuphepha.
  • Kwatiswa lokusakata nome lokufuna imininingwane yetimali lengasiyo yawonkhewonkhe lemayelana nebhizinisi nome inhlangano letsite, lokuchazwa ngekutsi kwatiswa lokumayelana netimali tebhizinisi nome inhlangano, ngaphandle nangabe kucale kwasakatwa yinhlangano ngekwayo (lokufaka ekhatsi lokusakatwe kamuva lokunekwatiswa kwekucala) nome lokusakatwe kusetjentiswa tincabekelwane tekubika tawonkhewonkhe (sibonelo, njengobe kulindzelekile kutekutsengiselana ngetimali nome tinhlangano letilawulako), kuhlanganise:
    • Emarekhodi nome titatimende tetimali letingasito tawonkhewonkhe.
    • Tinombolo te-akhawunti yasebhange letihamba nemakhodi ekuphepha nome emakhodi ekuvula.
    • Imininingwane yekubhadala ngetebucwephesha lehambisana nemininingwane yekungena, tinombolo nemakhodi ekuphepha.
Imininingwane letfolakele etindzaweni lokungenwe kuto ngaphandle kwemvume
  • Kwatiswa lokuvunywe nguloyo lokufakile nome lokucinisekisiwe kutsi kuvela endzaweni lokungenwe kuyo ngaphandle kwemvume, ngisho nome loyo muntfu lotsintsekako angumuntfu lodvumile nome kungumuntfu nje.
Lokwatiswa lokulandzelako nako kungasuswa:
  • Sitfombe lesibikiwe nome ividiyo yebantfu lapho umuntfu lovetiwe kulesitfombe:
    • Kungumntfwana longephansi kweminyaka lengu-13, futsi lokwatiswa kubikwe ngulomntfwana nome ngumtali nome ngumuntfu losemtsetfweni lomnakekelako.
    • Kungumntfwana losemkhatsini weminyaka lengu-13 na-18 budzala, futsi lokwatiswa kubikwe ngulomntfwana.
    • Kungumuntfu lomdzala, lapho lokwatiswa kubikwe ngulomuntfu lomdzala longasiye waseMelika futsi imitsetfo lesebentako ivumela lilungelo lekutsi kususwe.
    • Nome ngubani lote emandla nalongakhoni kutibikela yena lokwatiswa.
KuleTimiso Tawonkhewonkhe letilandzelako, sidzinga imininingwane leyengetiwe futsi/noma lokutsite lokufakiwe kuze sitsatse sinyatselo:
  • Kuvetwa kwebantfu Netakhiwo Tetemphilo, lokuchazwa ngekutsi kwatiswa lokuveta umuntfu losendzaweni yekwelashwa nome yetemphilo nome umuntfu lotimele nome umntfwana lomncane longenako nome lophuma endzaweni yekwelashwa nome yetemphilo, futsi kubikwa:
    • Ngulomuntfu lokulesitfombe
    • Ngulomelele lomuntfu lokulesitfombe
    • Ngulendzawo yekwelashwa nome yetemphilo lenemtfwalo wekunakekela lomuntfu lokulesitfombe, nome
    • Ngulendzawo yekwelashwa nome yetemphilo lecashe lomuntfu lokulesitfombe
  • Kwatiswa lokungumtfombo letihloselwe kuveta kwatiswa lokungasiko kwawonkhewonkhe lokuhlobene nelukhetfo lokusakatwe njengencenye yemtselela wahulumende wangaphandle.
    • Siyakususa kubika ngalokuputjuka kwendzaba kusetjentiswa betindzaba labacondziswa nguhulumende kulelive leliputjute lendzaba.
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito mayelana nekwephulwa kwesimiso salokuyimfihlo
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito