Kutiphatsa Ngekungetsembeki

Imininingwane Yesimiso
Indlela labaphatseka ngayo labasebentisa loluhlelo

Imininingwane yesimiso

LUSHINTJO KULOKWENTIWE
Inhloso Yesimiso
Kutiphatsa Ngekungetsembeki kusho tindlela letehlukehlukene letiyinkimbinkimbi tekukhohlisa, letentiwa tigungu letingaketsembeki letisebentisanako letilawulwa ngumuntfu munye noma labanyenti, ngemgomo wekukhohlisa i-Meta noma bantfu labasebentisa tinhlelo tetfu noma kubalekela kutsatselwa tinyatselo ngephansi kweTimiso Tawonkhewonkhe.
Lapho labo labadala umonakalo kutebucwephesha batenta shengatsi bangulabanye bantfu kute bente tento Tekutiphatsa Ngekungetsembeki letiyinkimbinkimbi, benta loko lesikubita ngekutsi Kubambisana Ekutiphatseni Ngekungetsembeki (CIB).
Lokutsatfwa kwetinyatselo netimiso kwentiwa ngaphandle kwekutsintsa lokucuketfwe noma imicondvo futsi kwakhiwe ngendlela yekutsi kwente bantfu babetsembe labanye bantfu nemacembu labachumana nawo.
Nasitibona letigungu, siyawasusa lama-akhawunti mbumbulu, Emakhasi, Emacembu, noma letinye tinhlelo taka-Meta letitsintsekako kulokuganga. Etimeni lapho labantfu baphindze bakhe, babe baphatsi, bameme nalabanye, bacondze lotsite, noma balawula Emakhasi, Emacembu noma tinhlangano nalabatsite labetsembekile labangakasifaki sandla kulokutiphatsa lokungekho emtsetfweni, singase sitsatse tinyatselo tekutisusa letigangi kodvwa sishiye emacembu nebantfu labamsulwa bachubeke nekusebentisa tinhlelo tetfu.
Noma nini nasikhonile, siyakuveta loko lesikutfolile lokumayelana netigungu te-CIB embikweni wetfu lobitwa ngekutsi Ngumbiko Wemonakalo Lobangelwa Titsa, lotfolakala lana. Lemibiko ayikentelwa kuhlanganisa konkhe kutsatsa tinyatselo lokukhona ngephansi kwesimiso seKutiphatsa Ngekungetsembeki, kodvwa isita kwenta labasebentisa tinhlelo tetfu bacondze kuhlaselwa lokushintjashintjako lesidibana nako kuloluhlangotsi.
Asikuvumeli:
Kusungulwa, kusebentisa, noma kusho kutsi tiyasetjentiswa Tinhlelo Taka-Meta Ekutiphatseni Ngekungetsembeki (Ema-Akhawunti, Emakhasi, Emacembu, nalokunye) kuze:
  • Uyenge i-Meta noma labasebentisa tinhlelo tetfu ngekutsi ungubani noma kutsi bakuphi lababonako noma kutsi bamelela yiphi inhlangano noma ibhizinisi
  • Ubalekele kutsatselwa sinyatselo ngephansi kweTimiso Tawonkhewonkhe.
  • Usebentise kabi tinhlelo tekubika te-Meta kuze uhlukumete, wesabise noma uthulise labanye.
KuleTimiso Tawonkhewonkhe letilandzelako, sidzinga imininingwane leyengetiwe futsi/noma inchazelo ngesimo kuze sitsatse sinyatselo:
Asikuvumeli:
  • Kutsi tinhlangano tifake sandla, noma titsi tibe nesandla Ekubambisaneni Ekutiphatseni Ngekungetsembeki, lokuchazwa njengetinhlobo letiyinkimbinkimbi kakhulu teKutiphatsa Ngekungetsembeki lapho kutenta shengatsi ungulomunye umuntfu kungumgogodla walokwentiwako nalabo labakwentako basebentisa tindlela tebucili kute babalekele kubonwa noma batente shengatsi betsembekile; kanye
  • Nekutsi tinhlangano nebantfu bafake sandla, noma batsi basifakile sandla eKungeneleni Kwemuntfu Wakulelinye Live, lokuchazwa ngekutsi Kubambisana Ekutiphatseni Ngekungetsembeki lapho khona bacondzisi bako bangekho eveni linye nalabo lokucondziswe kubo
  • Kutsi bohulumende bavale tinkhundla tekuchumana kutsi tisebentise ematiko abo lasemtsetfweni, labacashiwe, nemahhovisi ebuncusa kutsi bavimbele kusetjentiswa kwemandla nome ludlame nakukhulunywa ngekuhlasela imincele yalenye indzawo lokukwephulwa kwesimiso lesikuSicephu 2(4) se-UN charter.
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito mayelana nekutiphatsa ngekungetsembeki
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito