Emetameni yekuphazamisa nekuvimbela kulinyatwa, siyakususa lokufakiwe lokutfutfukisa nome lokubambisana nekucashatwa kwebantfu, lokufaka ekhatsi kushushumbiswa kwebantfu. Kushushumbisa bantfu sikuchaza ngekutsi kuyibhizinisi lebangela kutsi umuntfu angabi nenkhululeko yekwakha inzuzo. Kukusitakala ngebantfu kute ubaphocelele kutsi baye ecansini, basebente nome bente lokunye lokuphambene nentsandvo yabo kute babhadalwe. Kwentiwa ngekuyenga, kuphocelela nekusongela, futsi kwehlisa bantfu sitfunti ngekubancisha inkhululeko yabo kube kutfutfukisa labanye kutemnotfo nome kubandzisele umcebo.
Kushushumbiswa kwebantfu kutinhlobonhlobo futsi kusemhlabeni wonkhe; kungatsintsa nome ngubani ngisho nome aneminyaka lemingakhi, anelimuva lelinjani, awaluphi luhlanga, bulili nome indzawo. Kuba tinhlobo letinyenti, futsi nome ngusiphi simo sekushushumbiswa kwebantfu singafaka ekhatsi tigaba letehlukehlukene. Ngenca yekuphocelelwa lokwenteka kulokuhlukunyetwa, labashushumbisiwe basuke bangakavumelani nako.
Nanobe kudzingeka sigadze kutsi singahlanganisi kushushumbiswa kwebantfu nekufohlisa bantfu, loku kungase kufane futsi kube nalapho kuhlangana khona. Mhlabuhlangene uchaza kufohlisa bantfu ngekutsi kutsenga nome kusita ekungeneni ngalokungekho emtsetfweni ehhekeni lelive lelitsite. Ngaphandle kwekucindzetelwa nome kuphocelelwa, kungase kube nemphumela wekusitakala ngebantfu labangakhoni kutivikela labetame kuphuma eveni labo, esikhatsini lesinyenti ngenca yekufuna emadlelo laluhlata. Kufohlisa bantfu kulicala eveni, kwetsembela endleleni yekuhamba, futsi kushushumbiswa kwebantfu kulicala kuloyo muntfu, kwetsembela ekusitakaleni ngemuntfu.
Ngetulu kwekugceka kwatiswa, kuchushisa bantfu ngekushushumbiswa kwebantfu nome ngetinkinga tekufohlisa bantfu, siyakuvumela lokufakiwe lokufuna nome lokusakata kwatiswa lokumayelana nekuphepha kwemuntfu nekwewela ehhekeni, kufuna imvume yekukhosela nome kutfola kutsi ungaphuma kanjani eveni.
Ungafaki:
Kwatiswa, sento noma kwenta lokutsite kwekutfola bantfu, lokwenta kube melula nome lokusitakala ngebantfu nganome nguyiphi yaletindlela letilandzelako tekushushumbiswa kwebantfu:
Kushushumbisa umuntfu ngenjongo yetelicansi (nome nguluphi luhlobo lwekulala nemntfwana lomncane kute kwakhiwe imali nanome nguluphi luhlobo lwekulala nemuntfu lomdzala kute kwakhiwe imali lokwentiwa ngekumphocelela, ngekumyenga nome kumsongela)
Kutsengiswa kwebantfwana nome kufaka umntfwana esiswini lokungekho emtsetfweni
Kushushumbiswa kwetintsandzane kanye nekuvakashiswa kwato endzaweni legcina tintsandzane.
Kwendziswa (kufaka ekhatsi kwendziswa kwebantfwana)
Kucashatwa kwetisebenti (lokufaka ekhatsi kusebentela kubhadalwa kwetikweledi)
Kuba sigcili ekhaya
Kushushumbiswa kwetitfo temtimba letingavuseleleki, lokungafaki ekhatsi kukhishwa kwetitfo temtimba, kunikela ngato, nome kufakelwa sitfo semtimba nangabe sinikelwe ngaphandle kwekusitakala ngalomunye umuntfu
Kuphocelelwa kutsi wente bucala (sibonelo, kuphocelelwa kutsi ucele tintfo kubantfu, kuphocelelwa kutsi ushushumbise tidzakamiva)
Kutsatsa bantfwana kutsi bayoba ngemasotja.
Kwatiswa lapho longumlingisi lokubanjiswene naye atsatsa bantfu, asita nome azuza (ngetimali nome ngalenye indlela) ekutsengiseni ngetemacansi
Kwatiswa lokuniketa nome lokusekela kushushumbiswa kwebantfu
Kwatiswa lokwentelwe kucela lusito lwekushushumbisa bantfu
Siyakuvumela kwatiswa lokukhulunywe ngako kuletimiso nangabe kufakwe ngenjongo yekwekhuta, kufundzisa, kucaphelisa nobe nakubikwa etindzabeni.
Ngephansi kwetimiso tetfu letimayelana nekuKhutsata Kucindzetelwa Kwebantfu, bahloli betfu netinhlelo tetfu letihlola ngalokutentakalelako kungakhona kubona timphawu letehlukahlukene tendlela yekutiphatsa kuze kusisite sibone ema-akhawunti lephula umtsetfo siphindze siwatsatsele sinyatselo.
- Singase sisuse ema-akhawunti kuye ngalakwentako kulamanye ema-akhawunti lephula umtsetfo, kufuna lokufakiwe lokwephula umtsetfo noma kwenta lokutsite kuko, nome kuba ngemalunga emacenjini lamakhulu (sibonelo nje, Emacembu) lesiwasusile ngenca yekungalandzeli timiso tetfu.
KuleTimiso Tawonkhewonkhe letilandzelako, sidzinga imininingwane leyengetiwe futsi/noma lokutsite lokufakiwe kuze sitsatse sinyatselo: