Tinhlangano Kanye Nebantfu Labayingoti

Imininingwane Yesimiso
Indlela Labaphatseka Ngayo Labasebentisa Loluhlelo
Kwatiswa

Imininingwane yesimiso

LUSHINTJO KULOKWENTIWE
Inhloso Yesimiso
Emetameni yekuvikela kanye nekuvimba tingoti letikhona emhlabeni, asitivumeli tinhlangano nome bantfu labaveta tinhloso tebudlova nome labenta ludlame kutsi basebentise tinhlelo tetfu. Letinhlangano siyatihlola kuye ngekutiphatsa kwato kokubili ku-inthanethi kanye nangephandle kwayo, ikakhulukati kutsintseka kwato eludlameni. Ngephansi kwalesimiso, sibeka bantfu, tinhlangano, kanye nema-network ebantfu. Lokubekwa kuhlukaniswe kwaba tigaba letimbili letiveta lizinga lesinyatselo lesitsetfwe ekwatisweni lokutsite, Sigaba 1 sisinyatselo lesishube kunato tonkhe ngobe sikholelwa kutsi letinhlangano titsintseka ngalokucondzile ekulimateni bantfu ngephandle kwe-inthanethi.
Sigaba 1 sinaka kakhulu tinhlangano letilimata bantfu kakhulu ngephandle kwe-inthanethi - lokufaka ekhatsi kuhlela nome kugcugcutela ludlame ngalokumelene netakhamuti, kwehlisa sitfunti ngalokuphindzaphindziwe nome kugcugcutela kulinyatwa kwebantfu ngenca yetici letivikelwako, nome kuhlanganyela ekwenteni bucala lobuhleliwe. Sigaba 1 sifaka ekhatsi tinhlangano letinenzondo; tinhlangano tetigebengu, kuhlanganise naleto hulumende waseMelika latibita ngekutsi ngema-Specially Designated Narcotics Trafficking Kingpins (SDNTKs); netinhlangano tetiphekula, kuhlanganise netinhlangano nebantfu hulumende waseMelika latsi Tinhlangano Tetiphekula Tebantfu Bangephandle (FTOs) nome ema-Specially Designated Global Terrorists (SDGTs). Siyakususa Kudvumisa, Kusekela, kanye neKumelela tinhlangano letiseSigabeni 1 lokufaka ekhatsi baholi bato, basunguli nome emalunga lahamba embili, ngisho nekukhuluma ngato ngetindlela letingacaci.
Ngetulu kwaloko, asikuvumeli kwatiswa lokudvumisa, kusekele, nome kumelele tentakalo i-Meta letsi tineludlame - lokufaka ekhatsi kuhlasela kwemaphekula, tentakalo tenzondo, ludlame lolubhekiswe kubantfu labanyenti nome ludlame lobeluhlelwa, kubulala bantfu labanyenti, nome emacala enzondo. Asikuvumeli (1) neKudvumisa, Kusekela, nome Kumelela labo labenta lokuhlaselwa; (2) kwatiswa lokwentiwe ngumuntfu lowenta lokuhlobene nalokuhlaselwa; nome (3) sitfombe lesivela kulomunye umuntfu lesiveta kuhlaselwa lokunjalo kwebantfu lababonakalako. Siyakususa nekwatiswa loKudvumisa, Lokusekela nome Lokumelela imibono lebhebhetela inzondo, njengebunazi nenkholelo yekutsi bantfu labamhlophe bancono. Siyakususa nome yini lokukhuluma ngalokungacaci ngaletintfo nome ngalemibono.
Sigaba 2 sifaka ekhatsi Bantfu Labanebudlova Labangasebentisani Nahulumende labanesandla eludlameni lwekulwa ngetibhamu lolumelene nahulumende nome umbutfo wetekuvikela kodvwa lolungakacondziswa esiveni. Kuphindze kuhlanganise Tinhlangano Letikhutsata Ludlame letisekela nome letigcugcutela kususwa kweludlame esikhatsini lesitako kodvwa letingakahlanganyeli kulo kuze kube ngunyalo. Leti futsi tinhlangano lokungenteka tihlanganyela ngalokuphindziwe ekwephuleni timiso tetfu letimayelana neKutiphatsa Lokunenzondo nome neTinhlangano Nebantfu Labayingoti, letikwenta etinhlelweni tetfu nome ngaphandle kwato. Siyakususa Kudvunyiswa, Kusekelwa Ngetintfo, kanye Nekumelelwa kwaletinhlangano, baholi bato, basunguli nome emalunga ato lahamba embili.
Siyacaphela kutsi bantfu bangasakata kwatiswa lokukhuluma ngetinhlangano kanye nebantfu layingoti nakukhulunywa ngetindzaba tenhlalakahle nome tepolitiki. Loku kufaka ekhatsi kwatiswa lokubikako, lokukhuluma kungavuni muntfu nome kugceke tinhlangano nebantfu labayingoti nome tintfo labatentako.
Kubika tindzaba kufaka ekhatsi kwatiswa lokusakatwa ngenhloso yekwenta bantfu bati ngalokwenteka endzaweni nobe emhlabeni wonkhe lokutsintsa tinhlangano letiyingoti kanye nebantfu labayingoti.
  • Nasi sibonelo: “Tindzaba Letishisako: I-Al-Shabab itsi ngiyo lenesandla kulokuhlasela lokwenteke eSomalia”
  • Nasi sibonelo: “Kulandzelana kwetikhatsi nekuhlatiya kwabocwephesha: Indlela bantfu labadutjulwe ngayo esitolo lesikhulu i-Buffalo Supermarket naloko lolodubulile lakushito enkantolo”
Kukhuluma ungatsatsi luhlangotsi kufaka ekhatsi emavi laveta emaciniso, kuphawula ngalokwentekile, imibuto, naleminye imininingwane lengakhulumi kahle ngetinhlangano letiyingoti nebantfu labayingoti naloko labakwentako.
  • Nasi sibonelo: “I-Al Qaeda ayisiyo ingoti njenge-ISIS nakubukwa kungabi khona kwebaholi netimali”
  • Nasi sibonelo: “Anders Breivik usibonelo sendlela lokuyinkimbinkimbi ngayo kwenta umuntfu abe neludlame kakhulu”
Kugceka kufaka ekhatsi kungakwemukeli, kukwenyanya, kungakuvumeli, kukhuluma kabi ngako, kuhlekisa ngako, nekusho lamanye emavi lakabi ngenhlangano leyingoti nobe umuntfu loyingoti kanye naloko labakwentako.
  • Nasi sibonelo: “Nginyanyiswa ngulobugebengu baSalvador Ramos. Emavi elijaji angitsintse kakhulu. Inkantolo akukafaneli imentele umusa”
  • Nasi sibonelo: “Emacala lentiwa nguHitler angeke size siwakhohlwe. Leti bekunguletinye tetikhatsi letimatima kakhulu emlandvweni"
Timiso tetfu tentelwe kutsi tiluvumele loluhlobo lwetincociswano ngesikhatsi lesifanako tibe tinciphisa lokungaba yingoti ngephandle kwe-inthanethi. Ngako-ke sifuna kutsi bantfu bavete ngalokucacile kutsi tiyini tinhloso tabo nabakha nome basakata lokutsite. Nangabe tinhloso temuntfu tingacondzakali nome tingacaci, sikususa ngalokutentakalelako loko lakufakile.
Ngekuvumelana nemitsetfo yemhlaba yemalungelo ebantfu, timiso tetfu tiyakuvumela kucoca ngemalungelo ebantfu labaphawuliwe nome emalunga etinhlangano letiyingoti, ngaphandle kwalapho lokwatiswa kufaka ekhatsi lokunye kudvunyiswa, kusekelwa, nome kumelelwa kwaletinhlangano letiyingoti nome lokunye kungalandzelwa kwetimiso, njengekukhutsata ludlame.
Sicela ufundze Simiso Semalungelo Ebantfu Labasetinkapaneni Letinkhulu lesinaso kuze utfole imininingwane leyengetiwe mayelana nekutibophelela kwetfu emalungelweni ebantfu lahlonishwa mhlaba wonkhe.
Siyakususa:
Sisusa Kudvunyiswa, Kusekelwa neKumelelwa kwetinhlangano kanye nebantfu labehlukehlukene labayingoti. Lemibono isebenta kuletinhlangano ngekwato, kuletikwentako, kanye nakumalunga ato. Lemibono ayikuvimbeli kusekelwa ngekuthula kwemiphumela yetepolitiki.
Kudvumisa, kuchazwa ngekutsi ngunobe ngukuphi kwaloku lokungentansi:
  • Kwenta kube semtsetfweni nome kuvikela tento teludlame nome letinenzondo tenhlangano letsite ngekutsi leto tento tinetizatfu tekutiphatsa, tepolitiki, letinengcondvo noma letinye letenta kutsi temukeleke noma tibe nengcondvo.
    • Nasi sibonelo: "Kute lokubi lokwentiwa nguHitler."
  • Kukhombisa noma kuhalalisela ludlame noma inzondo yenhlangano lekhetsiwe ngekutsi iphumelele noma ifeze lokutsite;
    • Nasi sibonelo: “Hizbul Mujahideen uyaphumelela emphini yekulwela kukhululeka nekutibusa eKashmir”
  • Emavi laveta sifiso sekuba lilunga nobe emavi laveta kutsi ungatsandza kuba yinhlangano lebekiwe nobe umgcugcuteli wesentakalo seludlame lesishayisana nemtsetfo.
    • Nasi sibonelo: “Ngifisa shengatsi bengingajoyina i-ISIS futsi ngibe yincenye yeKhilafah”
Sisusa Kudvunyiswa kwetinhlangano kanye nemicimbi leseSigabeni 1 naseSigabeni 2.
Singase sisuse emavi lakhuluma ngalokungacaci ngetinhlangano letiseSigabeni 1 nemicimbi letsite nangabe tinhloso temuntfu tingavetwanga ngalokucacile. Loku kuhlanganisa kuhlekisa lokungacaci, tinkhomba letite emagama lachazako nome emavi lakhuluma kahle langadvumisi ludlame nome inzondo yenhlangano letsite.
Kusekela, kuchazwa ngekutsi ngunobe ngukuphi kwaloku lokungentansi:
  • Kusekela Ngetintfo Letiphatsekako
    • Nome ngusiphi sento lesitfutfukisa inhlangano letsite ngekwetimali – lokuhlanganisa kufaka imali enhlanganweni letsite nome kuyikhipha;
      • Nasi sibonelo, "Nikelela i-KKK!”
    • Nome ngusiphi sento lesisekela inhlangano nome umcimbi ngetintfo letiphatsekako;
      • Nasi sibonelo, "Nangabe ufuna kutfumela tintfo tekunakekela ku-Sinaloa Cartel, sebentisa lelikheli:"
    • Kufuna bantfu egameni lenhlangano nome umcimbi;
      • Nasi sibonelo, "Nangabe ufuna kulwela i-Caliphate, chumana nami”
  • Lokunye Kusekela
    • Kutfumela imininingwane nome lusito, lokufaka ekhatsi kukhulumisana, egameni lenhlangano nome umcimbi
      • Nasi sibonelo, Kucaphuna inhlangano letsite ngalokucondzile ngaphandle kwemavi lachazako lalahla umbiko wetindzaba, lakhuluma ngaphandle kwekutsatsa luhlangotsi, nome layincenye yembiko wetindzaba.
    • Kugcugcutela kutsi kwentiwe lokutsite egameni lenhlangano letsite nome umcimbi;
      • Nasi sibonelo: "Chumana ne-Atomwaffen Division – (XXX) XXX-XXXX"
Sisusa konkhe Kusekelwa Kwetinhlangano letiseSigabeni 1 neKusekelwa Ngetintfo kwaletiseSigabeni 2.
Kumelela, kuchazwa ngekutsi ngunobe ngukuphi kwaloku lokungentansi:
  • Kusho kutsi ulilunga lenhlangano, nome uyinhlangano lebekiwe;
    • Nasi sibonelo: "Ngingudrako lomkhulu we-KKK."
  • Kwakha Likhasi, Lifayela, Umcimbi, Licembu, nome lelinye licembu le-Facebook lelihloselwe kutsi libe leNhlangano Lebekiwe nome ulisebentise egameni layo, nome libe lemcimbi lotsite.
    • Nasi sibonelo: Likhasi lelibitwa ngekutsi "Licembu LemaNazi AseMelika."
Sisusa Lokumelela Tinhlangano letiseSigabeni 1 na-2, kanye nemicimbi letsite.
Tinhlobo Netigaba Tetinhlangano Letiyingoti
Sigaba 1: Buphekula, kuhlasela lokuhleliwe, bugebengu lobusezingeni lelisetulu, kwetama kubulala ngalokuphindziwe, kubulala ngalokuphindziwe, kubulala bantfu labanyenti, nemicimbi yebudlova leyephula umtsetfo
Asibavumeli bantfu nome tinhlangano letinesandla ebugebengwini lobuhleliwe, lokufaka ekhatsi leto letiphawulwe nguhulumende waseMelika, ikakhulukati leto letihamba embili eshushumbiseni lugwayi (SDNTKs); inzondo; nome buphekula, lokufaka ekhatsi tinhlangano letiphawulwe nguhulumende waseMelika ngekutsi Tinhlangano Tangephandle Temaphekula (FTOs) nome Emaphekula Emhlaba Labekwe Ngalokukhetsekile (SDGTs), kutsi tibe khona kuloluhlelo. Asivumi nekutsi labanye bantfu bamelele letinhlangano. Asibavumeli baholi nome emalunga lahamba embili aletinhlangano kutsi abe khona kuloluhlelo, nekutsi imifanekiso lebamelelako isetjentiswe kulo, nome kutsi kube nekwatiswa lokutidvumisako nome lokudvumisa leletikwentako, lokufaka ekhatsi kukhuluma ngalokungacaci ngato. Ngetulu kwaloko, siyakususa nome ngukuphi kusekelwa kwalabantfu kanye naletinhlangano.
Asikuvumeli kwatiswa lokudvumisa, kusekele, nome kumelele imicimbi iMeta leyiphawule ngekutsi kuhlasela kwemaphekula, yimicimbi yenzondo, ludlame lolutsintsa bantfu labanyenti nome ludlame lobelwetanywa kubantfu labanyenti, umuntfu lobulala aphindzelela, emacala enzondo nome imicimbi yeludlame. Asikuvumeli (1) nekwatiswa lokudvumisa, kusekele, nobe kumelele labo labenta loko kuhlaselwa; (2) kwatiswa lokwentiwe ngumuntfu lowenta lokuhlobene nalokuhlaselwa; nome (3) sitfombe lesivela kulomunye umuntfu lesiveta kuhlaselwa lokunjalo kwebantfu lababonakalako.
Asikuvumeli neKudvumisa, Kusekela, nome Kukhulumela imibono lenenzondo, nekukhuluma ngayo ngalokungacaci.
Tinhlangano temaphekula kanye nemaphekula , kuchazwa ngekutsi abasebenteli hulumende:
  • Kuhlanganyela, kukhulumela, nome kutisekela ngekutimisela tento letihleliwe kanye nenhloso yekwenta ludlame,
  • Lolubangela nome lolucishe lubangele kufa, kulimala nome kulimala lokukhulu kwesive, nome kulimala kwanome ngubani lote incenye ngalokucondzile ekulweni ngetikhali, nome futsi nasekulinyatweni kwemphahla lokutsintsa kufa, kulimala lokukhulu nome kulimala kwesive lokukhulu
  • Ngenhloso yekucindzetela, kwesabisa nome futsi kuyenga takhamuti, hulumende, nome inhlangano yemhlaba wonkhe
  • Kuze kufezwe inhloso yetepolitiki, yenkholo, nome kutfutfukisa umbono lotsite.
Hate Entity, ichazwa ngekutsi yinhlangano nome umuntfu losakata futsi akhutsate inzondo lebhekiswe kulabanye bantfu ngenca yetici tabo letivikelekile. Letento tibonakala lokungenani ngalokunye kwalokutiphatsa lokulandzelako:
  • Budlova, inkhulumo lesongelako, nome kuhlukunyetwa lokuyingoti lokubhekiswe kubantfu ngenca yetici tabo letivikelekile;
  • Kuyisebentisa ngalokuphindziwe inkhulumo leveta inzondo;
  • Kumelelwa Kwemibono Leveta Inzondo nome Letinye Tinhlangano Letiveta Inzondo letiphawuliwe, kanye/nome
  • Kudvunyiswa nome Kusekelwa kwaletinye Tinhlangano Letinenzondo nome Imibono Yenzondo.
Tinhlangano Tebugebengu, tichazwa ngekutsi yinhlangano lenebantfu labatsatfu nobe ngetulu:
  • lehlangene ngaphansi kweligama, imibala, kushukunyiswa kwetandla nome luphawu lolucashelwako; futsi
  • leyake yenta nome yasongela kwenta bucala bekubulala lobufana nekubulala, kushushumbisa tidzakamiva, nome kutfumba bantfu.
Multiple-Victim Violence and Serial Murders
  • Umcimbi siwutsatsa ngekutsi uneludlame lolutsintsa bantfu labanyenti nome lobelufuna kwentiwa kubantfu labanyenti nangabe ubangela kulimala kwebantfu labatsatfu nome ngetulu esigamekweni sinye, lokuchazwa ngekutsi kufa nome kulimala lokukhulu. Nome ngumuphi umuntfu lowente loku utsatfwa ngekutsi wente nome ucishe wenta ludlame lolutsintsa bantfu labanyenti.
  • Nome ngumuphi umuntfu lobulele kabili nome ngetulu etigamekweni letinyenti simtsatsa njengemuntfu lobulele aphindzelela.
Imibono Lenenzondo
  • Nanobe kuphawula kwetfu tinhlangano kanye nebantfu kunaka kakhulu kutiphatsa, siyanaka kutsi kunaleminye imibono netinkholelo letihlobene neludlame futsi legcugcutela bantfu kutsi bente ludlame nome kubandlululwa kwalabanye bantfu ngenca yetici tabo letivikelwako. Kuletimo, siphawula lowo mbono ngekwawo futsi sikususe kwatiswa lokusekela lombono eluhlelweni lwetfu. Lemibono ifaka ekhatsi:
    • BuNazi
    • Kutsi Bantfu Labamhlophe Bancono
    • Buve Balabamhlophe
    • Kwehlukaniswa Kwalabamhlophe
  • Siyakususa Kudvunyiswa lokusebaleni, Kusekelwa kanye Nekumelelwa kwalemibono, futsi sisusa nebantfu netinhlangano letibhekisela kumunye nome leminyenti yalemibono lenenzondo.
Sigaba 2: Bantfu Labaneludlame Labangasebenteli Hulumende Kanye Netinhlangano Letibangela Ludlame
Tinhlangano kanye nebantfu labaphawulwa yiMeta ngekutsi Bantfu LabaneLudlame Labangekho Kuhulumende nome Tinhlangano Letibangela Ludlame abavunyelwa kutsi babe khona etinhlelweni tetfu, nome kutsi babe khona basebentisa labanye bantfu. Njengobe onkhe lamacembu ahlanganyela etentweni tebudlova, amelene nahulumende nome emasotja (Bantfu Labaneludlame Labangekho Kuhulumende) nome alungiselela nome amelela nome akha timo letingabangela ludlame esikhatsini lesitako (Tinhlangano Letibangela Ludlame), kusekela letinhlangano ngetintfo letiphatsekako akukavumeleki. Sitawuphindze sisuse kudvunyiswa kwaletinhlangano.
Tinhlangano Letingasito Tahulumende Letineludlame, tichazwa ngekutsi ngunoma nguyiphi inhlangano lengekho ngaphansi kwahulumende leyenta loku:
  • Kuhlanganyela etentweni lesetingumkhuba naletihlosiwe teludlame lolubi kakhulu lolubhekiswe kuhulumende, emasotja nome lamanye emacembu lahlomile lahlanganyela ngalokucondzile enzondweni lesemkhatsini wemacembu lalwako, futsi langahlaseli sive ngenhloso nangalokucondzile ngebudlova lobungabulala labanye bantfu; KANYE/NOME
  • Kuncisha sive kutsi singafinyeleli tinhlelo nome imicebo yemvelo; KANYE/NOME
  • Kuhlanganyela ekuhlaselweni lokuhloselwe kulimata kakhulu imphahla lokungabangeli kufa, kulimala lokukhulu nome kulimata kwesive.
Tinhlangano Letikhutsata Ludlame tichazwa ngalendlela:
Inhlangano Lekhutsata Ludlame (Levamile) iyinhlangano lengekho ngaphansi kwahulumende:
  • Lenemgomo wayo lobekiwe noma inhloso yekuniketa umsebenti wekutsatsa sinyatselo longekho emtsetfweni, kusetjentiswa ludlame (njengemsebenti wemaphoyisa, emasotja, kutfutsela kulelinye live) esikhundlleni sahulumende noma kwengeta kulakwentako; noma kuphatamisa ngeludlame umsebenti wahulumende wekutsatsa sinyatselo;
  • Ibe nesandla esinyatselweni lesibalulekile kulomgomo lochaziwe etinhlelweni takaMeta; futsi
  • Ibe nesandla etigamekweni letinyenti tekusongela noma kwenta budlova lobungabulala labanye (ku-inthanethi noma ngaphandle kwakhona)
Inhlangano Levinjiwe Lenenzondo yinhlangano lengekho ngaphansi kwahulumende:
  • Lehlanganyela ngalokuphindzaphindziwe emikhubeni leveta inzondo nome inkhulumo lencengako, kodvwa lengakafiki eSigabeni 1 ngobe ayikahlanganyeli nome ayikakhulumi ngalokusebaleni ngeludlame, nome ngobe ite kuchumana lokwanele netinhlangano nome bantfu lebebaphawuliwe ngaphambili.
KuleTimiso Tawonkhewonkhe letilandzelako, sidzinga imininingwane leyengetiwe futsi/noma lokutsite lokufakiwe kuze sitsatse sinyatselo:
  • Kuletinye timo, sitakuvumela kwatisa lokungase ngandlela tsite kwephule Timiso Tawonkhewonkhe nangabe kuncunywa kutsi lolokufakiwe kuyaphukuta. Lokufakiwe kutawuvunyelwa kuphela nangabe lolokwephula umtsetfo kuloko lokufakiwe kugcekwa noma kubhekiswe kulokutsite noma kumuntfu lotsite kuze kuhlekiswe ngaye noma agcekwe.
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kwatiswa
Hlola Umbiko Wekugcizelela Timiso Tawonkhewonkhe losandza kwentiwa
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito mayelana nebantfu netinhlangano letiyingoti
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito