Inhloso Yesimiso
Emetameni wekuvimbela nekuphatamisa kulimala lokwenteka ngaphandle kwe-inthanethi nemkhuba wekukopa, siyabavimbela bantfu ekwenteni tintfo tibe lula, ekuhleleni, ekukhutsateni noma ekuvumeleni imisebenti letsite yebugebengu noma leyingoti lecondziswe kubantfu, emabhizinisini, emphahleni noma etilwaneni. Siyabavumela bantfu kutsi babe netinkhulumo mphikiswano futsi bagcugcutele kuba semtsetfweni kwemisebenti yebugebengu naleyingoti, kanye nekunaka imisebenti leyingoti noma yebugebengu labangase bayibone noma bahlangabetane nayo nangabe nje bangagcugcuteli noma babambisane ngenhloso yekulimata.
Siyakususa:
Kulimata bantfu Kwatiswa lokuveta ebaleni: kuveta kutsi bulili bemuntfu noma indzawo lehlobene nanome ngubani lomangalelwe ngaloku:
Kuba yincenye yelicembu lelibuke bungoti bekuveta kutsi umuntfu ungubuphi bulili; noma/futsi
Sakata budlelwane bemndeni kanye/noma betelutsandvo nelilunga (emalunga) lelicembu lelibuke bungoti bekuveta kutsi umuntfu ungubuphi bulili; futsi/noma
Wente imisebenti yebucwephesha ekusekeleni licembu lelibuke bungoti bekuveta kutsi umuntfu ungubuphi bulili (ngaphandle kwalabo labakupolitiki)
Kusiveta ebaleni simo lesiyimfihlo semuntfu losebenta kutemtsetfo, emphini nobe kutekuphepha nangabe lokwatiswa kuneligama lalomuntfu, buso bakhe, imbeji nanobe ngukuphi kuloku lokulandzelako:
Inhlangano yalesisebenti lebuke kuhlonishwa kwemtsetfo
Umsebenti walesisebenti lobuke kuhlonishwa kwemtsetfo
Kubeka ebaleni sigaba sakhe lesiyimfihlo
Kucondzisa, kusongela, kusekela nobe kuvuma kutfumela imibiko lengemanga ngaphandle nangabe kwentelwa kucaphelisa nobe kusola, kutindzaba letakhiwe nobe imidlalo yasesiteji nobe kuhlenga lotsite.
Kuveta, kukhutsata, kugcugcutela nobe kukhutsata kuba nesandla emsebentini lowesabisako futsi loyingoti kakhulu ngaphandle nangabe wentelwa kucaphelisa nobe kusola. Nangabe kuvela titfombe kulokwatiswa lokulandzelako, sifaka emavi lasecwayiso kuze bantfu bati kutsi kungabakhuba labanye.
Kulimata tilwane
Kucondzisa, kusongela, kusekela nobe kuvuma kulimata tilwane (ngekusebentisa lokubhaliwe, lokubonakalako nobe emavi) ngaphandle nangabe kwentelwa:
Kucaphelisa labanye noma kusola
Kuhlenga
Kuphepha nobe kutivikela wena, kuvikela lomunye umuntfu nome lesinye silwane
Tindzaba letakhiwe nobe imidlalo yasesiteji NGAPHANDLE nangabe kuvetwa imidlalo yekulwa kwetilwane nobe kukhululwa kwetilwane lokungemanga
Kutingela nome kudweba
Umhlatjelo wetenkholo
Kupheka kudla nome kukulungisa
Tinambutane nome tilokatane
Kubulala ngenca yekugula
Kulwa kwetinkunzi
Kuchumanisa, kusongela, kusekela, kukhombisa noma kuvuma kulwa kwetilwane noma kukhombisa titfombe tevidiyo tekusindzisa tilwane letingemanga ngaphandle nangabe kwentelwa kwecwayisa nome kugceka nome kuhlenga.
Kulimata imphahla
Kucondzisa, kusongela, kusekela nobe kuvuma kumosha takhiwo nome kweba (ngekusebentisa lokubhaliwe, lokubonakalako nobe emavi) ngaphandle nangabe kwentelwa
Kucaphelisa nobe kusola,
Kuhlenga,
Tindzaba letakhiwe nobe imidlalo yasesiteji,
Kuvuma kutivikela wena nobe kuvikela lomunye umuntfu
kuveta kumosha takhiwo nangabe kunetitelega,
kuveta imibhalo lengemakipiloshi, nobe
kukhuluma ngahle ngetento tekumosha takhiwo nobe kweba letentiwe ngulabanye.
Ematfuba ekutsenga nobe kutsengisa emavoti ngemali, ngetipho, ngelusito lolutsite nobe letinye tintfo letiphatsekako ngaphandle nangabe lamatfuba asakatwe ngenjongo yekusola, kucaphelisa, kubika etindzabeni, kuhlekisa nobe kuphukuta.
Kukhutsata, kuniketa ticondziso, noma kukhombisa inhloso lecacile yekuhlanganyela ngalokungekho emtsetfweni ekuvoteni (nasi sibonelo, kuvota kabili noma kwakha kufaneleka kwakho kutsi uvote) noma eluhlelweni lwekubalwa kwebantfu (nasi sibonelo, kusho emanga ngemininingwane yebantfu noma kutsi bangakhi bantfu emtini wakho), ngaphandle nangabe kusakatwa kuze kusolwe, kucapheliswe, kubikwe etindzabeni, noma kube kwatiswa lokuhlekisako nobe lokuphukutako.
Kulokwatiswa lokulandzelako, sifaka secwayiso kute bantfu bati kutsi kungabaphatsa kabi labanye:
Titfombe letikhombisa insayeya lenebungoti lobukhulu nangabe tisakatwe ngenjongo yekugceka noma kucaphelisa lotsite ngebungoti lobuhambisana nako.
Kulokwatisa lokulandzelako, sente kutsi kubonwe bantfu labadzala labaneminyaka lengu-18 nangetulu budzala kuphela:
Sitfombe lesikhombisa tinhlobo letiyingoti tekushayela imoto letingaholela ekulimaleni lokusongela kuphila noma ekufeni kwemshayeli noma labanye bantfu, ngaphandle nangabe singasilo liciniso noma sentiwe ngebucwephesha lobutsite.
KuleTimiso Tawonkhewonkhe letilandzelako, sidzinga imininingwane leyengetiwe futsi/noma lokutsite lokufakiwe kuze sitsatse sinyatselo:
Siyakususa:
Kubeka ebaleni bulili bemuntfu: kwembula kutsi lotsite ngubani nekumbeka engotini yekulinyatwa:
emalunga e-LGBTQIA+
Bafati labembuliwe
Bantfu labangakalahlwa licala njengalabasitakala ngalabanye eChingeni Lemaphoyisa lekufuna labasitakala ngalabanye ngetemacansi
Bantfu labatsintsekako emacaleni etemtsetfo, nangabe kuba nencenye kwabo kuvinjiwe kute kungabonwa nguwonkhewonkhe
Bofakazi, bantfu labaniketa emaphoyisa imininingwane, labakhankasela lushintjo, bantfu labavalelwe nobe lababoshiwe
Bantfu labavukele emave abo, nangabe babikwe luhlangotsi lolwetsenjwako lwahulumende
Tiboshwa tasemphini, endzabeni letsintsa kulwa kwemave lahlomile
Titfombe letingase tiyenge sive ngemsuka wato nangabe:
Inhlangano lekhonjisiwe noma ummeleli logunyatiwe tintfo letifakwe esitfombeni, futsi
Lesitfombe kungenteka silimate sive.
Emavi labhaliwe lachaza inhloso, emavi ekutsatsa sinyatselo, nobe sikhutsato:
Sekuvimba indlela yekungena etinhlelweni letilusito nangabe kunesicinisekiso nobe sicinisekiso lesitfolakala kuwonkhewonkhe sekutsi timoto telusito loluphutfumako tivinjiwe, NOBE
Sekucondza umuntfu lotsite nobe licembu lebantfu ngekuvimba indlela yekutsi bangene etinhlelweni letilusito nobe ekungeneni ngaphandle kwemvume ngendlela lengakubeka engotini kuphepha kwabo
Sekuphatamisa kuvota nobe lubalo, lokufaka ekhatsi:
Simemetelo sekutsi kuchunyaniswe kuphatamiseka lokungatsikameta kuhlanganyela kwemuntfu elubalweni lolusemtsetfweni noma elukhetfweni.
Imibono letsi lubalo noma kuba nencenye ekuvoteni kungase kuphumele ekutseni kuphocelelwe umtsetfo (sibonelo: kuboshwa, kucoshwa noma kufakwa ejele).
Kusongela ngekutsi kutawuyiwa enkhundleni yekuvota kute kubukwe nobe kunakwe labavotako nobe lokwentiwa ngulabavotisako nangabe kuhambisana nekwesabisa (njengekutsi, "Asibakhombise kutsi ngubani lophetse la!," "Bafuna silwe?" Sitakulwa nabo-ke tsine.").
Kusongela ngekutsi kutawuyiwa enkhundleni lobekuvotelwa kuyo nangabe kuhambisana nekwesabisa (njengekutsi, "Asibakhombise kutsi ngubani lophetse la!," "Bafuna silwe?" Sitakulwa nabo-ke tsine.").