Kusitakala Ngemntfwana Kutemacansi, Kuhlukumeta, Nebungcunu

Imininingwane Yesimiso
Indlela Labaphatseka Ngayo Labasebentisa Loluhlelo
Kwatiswa

Imininingwane yesimiso

LUSHINTJO KULOKWENTIWE
Inhloso Yesimiso
Asikuvumeli kwatiswa noma lokwentiwako lokuveta kusitakala ngemuntfu kutemacansi noma lokufaka bantfwana engotini. Nasiva ngekusitakala ngemntfwana kutemacansi, sivele sibikele i-National Center for Missing and Exploited Children (NCMEC), ngalokuhambisana nemtsetfo losebentako. Siyati kutsi labanye bantfu basakata titfombe tebungcunu tebantfwana babo ngetinhloso letinhle; nome kunjalo, ngalokuvamile siyatisusa leto titfombe ngenca yekutsi tingase tisetjentiswe kabi ngulabanye nekusita kugwema simo lapho labanye bantfu bangaphindze batisebentise khona nome batisebentise kabi.
Siphindze sisebente nabocwephesha bangephandle, lokufaka ekhatsi Ibhodi Leyeluleka Ngetekuphepha KaMeta kute sicoce ngetimiso tetfu futsi sititfutfukise siphindze sitsatse sinyatselo mayelana netekuphepha ku-inthanethi, ikakhulukati kubantfwana. Fundza kabanti mayelana nebucwephesha lesibusebentisako kute silwe nekusitakala ngebantfwana.
Ungafaki:
Kusitakala ngemntfwana kutemacansi
Lokufakiwe, lokwentiwako, noma kuchumana lokusongelako, kuchaze, kudvumise, kusekele, kunikete ticondziso, kusho emavi lahlosiwe, kuvume kutsi kuhlanganyele noma kusakate emalinki ekusitakala ngebantfwana kutemacansi (lokufaka ekhatsi bantfwana labancane mbamba, bantfwana labasacatfuta noma tinswane nome imidvwebo lenesimo semuntfu, njengalokudvwetjiwe, lokukhicitwe ngebucwepheshe bemishini, balingiswa labacanjiwe, bomdoli, nalokunye lokunyenti). Loku kufaka ekhatsi loku lokulandzelako, kodvwa hhayi kona kuphela:
  • Kulalana
    • Kulalana lokuvetwa ebaleni noma bulili bemlomo, lokuchazwa njengekungena kwemlomo noma titfo tangasese noma kutsintsana netitfo tangasese talomunye umuntfu noma nesitfo sekutikhulula, lapho lokungenani titfo tangasese talomunye umuntfu tisebaleni.
    • Kulalana lokuhlosiwe noma bulili bemlomo, lokufaka ekhatsi lapho kutsintsana sekusedvute noma kungabonakali.
    • Kuvusa inkhanuko ngekuphotholoza titfo tangasense noma sitfo sekutikhulula, lokufaka ekhatsi lapho kulalana sekusedvute noma kungabonakali ngalokusebaleni.
    • Noma ngukuphi kuloku lokungenhla lokuhlanganisa silwane.
  • Bantfwana labanetici telicansi, lokufaka ekhatsi loku lokulandzelako, kodvwa kungagcini lapho:
    • Lokubavimbelako
    • Timphawu tekuvuka kwenkhanuko
    • Kunaka titfo tangasense nobe sitfo sekutikhulula
    • Kuba khona kwemuntfu lomdzala lovukelwe yinkhanuko
    • Kuba khona kwemathoyisi etemacansi nome kusetjentiswa kwanome yini kuze uvuse inkhanuko yetemacansi nome utenelise nobe uhlukumete ngekwelicansi
    • Timphahla letentelwe kuvusa inkhanuko
    • Kukhumula
    • Tinyatselo tekugcina ngaphambi kwekutsi lokutsite kushicilelwe (sibonelo: embhedzeni) noma kushutha ngetebucwephesha (lizinga/kunaka/tinhlangotsi)
    • Kucabuzana nivule umlomo
    • Kuvusa inkanuko ngetingono temuntfu nobe kubhujunga tingono temuntfu lomsikati (NGAPHANDLE nangabe kukumunyiswa)
    • Kuba khona kwalokuphuma ngesento sekulalana
  • Kwatiswa lokutsintsa bantfwana kulolunye luhlobo lwesifiso sekutenetisa ngekwelicansi
  • Kwatiswa lokusekela, kutfutfukise, kugcugcutele nobe kukhutsate kuba nencenye ekubeni nesifiso sekulala nebantfwana labancane ngaphandle nangabe kucocwa ngako kutemphilo
  • Kwatiswa lokukhombisa noma kuhlekise ngalabatsintsekako ekusitakaleni ngemntfwana kutemacansi ngekuveta ligama noma sitfombe
Kucela
Lokufakiwe lokukhutsata telicansi nome tento tekulalana lokuveta nome lokufaka ekhatsi bantfwana, kuchazwa ngekutsi:
  • Tintfo Tekuhlukumeta Umntfwana Ngekwelicansi (CSAM)
  • Titfombe tebungcunu tebantfwana mbamba nome letingasito
  • Titfombe tekuya ecansini letiveta bantfwana mbamba nome lokungasibo bantfwana mbamba
Kusebentelana nebantfwana ngendlela lengakafaneli
Kwatiswa lokuhlanganisa noma lokwenta kube lula kusebentelana nebantfwana ngendlela lengakafaneli, lokufaka ekhatsi:
  • Kukhutsata noma kuhlela kulalana nebantfwana
  • Kuheha umntfwana kutsi aye ecansini ngekusebentisa tincociswano letikhuluma ngelicansi noma kumetsembisa kumnika lokutsite, kukhangisa, kutfola noma kucela tintfo letiphatselene nekulalana kubantfwana, ngekukuveta ebaleni ngenhloso noma ngemilayeto yangasense
  • Kuhlanganyela etincociswaneni letimayelana netemacansi ngemilayeto yangasense nebantfwana
  • Kutfola noma kucela kubantfwana tintfo letimayelana netelicansi kubantfwana ngemilayeto leyimfihlo
Titfombe letiyimfihlo tekusitakala ngemuntfu nekucindzetelwa ngekwesatjiswa
Kwatiswa lokwetama kusitakala ngebantfwana mbamba:
  • Ngekuphocelela kukhishwa kwemali, kwentela lotsite umusa noma kuveta titfombe tekulalana ngekusongela kutiveta ebaleni titfombe tekulalana noma letingasito tako noma imininingwane
  • Ngekusakata, kusongela, noma kusho inhloso yekusakata tincociswano letiyimfihlo telicansi noma titfombe tekulalana noma letingesito tekulalana
Kubuka bantfwana njengetintfo telicansi
  • Kwatiswa (lokufaka ekhatsi titfombe, emavidiyo, imidvwebo yetintfo lokungatsi ngito mbamba, kwatiswa lokukutebucwephesha, kanye nemifanekiso leshiwo ngemlomo) lokubuka bantfwana mbamba nome labangasibo bantfwana mbamba njengetintfo telicansi
  • Emacembu, Emakhasi kanye nemafayela lasetjentiselwa kutsatsa bantfwana mbamba nome labangasibo bantfwana mbamba njengetintfo telicansi
Bungcunu bebantfwana
Kwatiswa lokukhombisa bungcunu bebantfwana mbamba nome lokungasibo bantfwana mbamba lapho bungcunu buchazwa ngekutsi:
  • Titfombe letishuthelwe edvute letiveta titfo tangasese tebantfwana mbamba nome labangasibo bantfwana mbamba
  • Bantfwana mbamba labacatfutako labangcunu nome labangasibo bantfwana mbamba, labaveta:
    • Titfo tangasense letibonakalako, ngisho nalapho tivaliwe noma tifihlwe ngetimphahla letibonisa lokungekhatsi.
    • Lingemuva lelisebaleni/noma bungcunu lobuphelele lokuvetwa sitfombe lesishuthelwe edvute setibunu.
  • Bantfwana mbamba labancane labangcunu nome labangasibo bantfwana mbamba, labaveta:
    • Kubonakala lokusebaleni kwetitfo tangansense (lokufaka ekhatsi titfo tangasense letivalwe tinta kuphela noma timphahla letibonisa ngekhatsi)
    • Lingemuva lelisebaleni/noma bungcunu lobuphelele lokuvetwa sitfombe lesishuthelwe edvute setibunu.
    • Tingono temuntfu lomsikati letisebaleni
    • Kungembatsi lutfo kusukela entsanyeni kuya emadvolweni - ngisho noma titfo tangasense noma tingono temuntfu lomsikati tingabonakali.
  • Ngaphandle kwalapho letitfombe letingasito talokwenteka mbamba tisetjentiswa ngenjongo yekwelapha nobe tikuvetwa kwebungcunu bemntfwana lomncane lokungaveti kulalana ebucikweni betintfo letikhona mbamba
Kuhlukumeta umntfwana ngetindlela letingasito telicansi
Emavidiyo nobe titfombe letiveta kuhlukunyetwa kwemntfwana lokwenteka mbamba nome lokungenteki mbamba ngisho nome iyini inhloso yekukusakata, ngaphandle kwalapho letitfombe titebuciko, bopopayi, emafilimu nome imidlalo yevidiyo
Kwatiswa lokudvumisa, kusekele, kukhutsate, kunikete ticondziso noma kukhutsate kuhlanganyela ekuhlukumeteni bantfwana ngetindlela letingasito temacansi
Ngetulu kwekuwasusa ema-akhawunti lephula timiso tetfu letimayelana neKusitakala Ngebantfwana Kutemacansi, Kuhlukubeta Nebungcunu (CSEAN), bahloli betfu nemishini lebona ngalokutentakalelako babuka timphawu letinyenti letehlukehlukene kute bavimbele lokubonakala kungematfuba etento letingakavumeleki noma letingakaphephi.
  • Singase siwente angasasebenti ema-akhawunti noma sibeke imincele ekungeneni etinhlelweni nasetincenyeni letitsite (nasi sibonelo, kulandzela ema-akhawunti latsite) kubantfu labadzala kuye ngalabakwentako kulamanye ema-akhawunti, kufuna lokufakiwe lokwephula umtsetfo noma kwenta lokutsite kuko (nasi sibonelo, kukusekela noma kukugcina), noma kuba ngemalunga emacenjini lamakhulu (sibonelo nje, Emacembu) lesiwasusile ngenca yekungalandzeli timiso tetfu.
Kulokwatiswa lokulandzelako, sifaka secwayiso kute bantfu bati kutsi lokwatiswa kungase kuphatamise nekutsi kuvumeleke kutsi kubukwe bantfu labadzala labaneminyaka lelishumi nesiphohlongo kuya etulu:
  • Emavidiyo noma titfombe letikhombisa emaphoyisa noma tisebenti tasemasotjeni tihlukumeta umntfwana ngetindlela letingasito temacansi
  • Emavidiyo nobe titfombe tekuhlukumeta umntfwana ngetindlela letingasito temacansi, lapho khona kugcinwa kwemtsetfo, tinhlangano tekuvikela bantfwana, noma balingani betekuphepha labetsembekile bacela kutsi sikushiye lokwatiswa endzaweni leku-inthanethi ngenhloso yekubuyisela umntfwana endzaweni lephephile.
Kuloku lokulandzelako, sifaka secwayiso kute bantfu bati kutsi lokwatiswa kungase kubaphatamise labanye:
  • Emavidiyo noma titfombe tekucwiliswa kwemntfwana ngesibhuku emantini nakwentiwa imisimeto yenkholo
KuleTimiso Tawonkhewonkhe letilandzelako, sidzinga imininingwane leyengetiwe futsi/noma lokutsite lokufakiwe kuze sitsatse sinyatselo:
Kulokwatiswa lokulandzelako, sifaka emavi lasecwayiso kuze bantfu bati kutsi kungabakhuba labanye:
  • Titfombe letifakwe tinhlangano tetindzaba letikhombisa bungcunu bemntfwana esimeni sendlala, kubulawa kwetive, bugebengu basetimphini, noma bugebengu lobuphambene nebuntfu, ngaphandle nangabe tihambisana nemavi lakuvetako kushayisana nemtsetfo noma kusakatwa esimeni sekwephula simiso, kunoma ngusiphi simo lokwatiswa kuyasuswa.
Singase futsi sisuse titfombe letikhombisa ngemuva kwekuhlumeta umntfwana ngetindlela letingasito temacansi nangabe kubikwa balingani betfu betindzaba, tinhlangano letingekho ngaphansi kwahulumende noma ngulabanye balingani betfu betekuphepha labatsembekile.
Singase sikususe kwatiswa lokuveta kutsi babobani bantfwana lokusolwa kutsi kusitakalwe ngabo ngekwelicansi kusetjentiswa letinye tindlela ngaphandle kweligama nobe sitfombe nangabe lokwatiswa kufaka ekhatsi imininingwane lengenta kutsi lomuntfu abonakale kutsi ungubani.
Singakususa kwatiswa lokufakwe ngenjongo yekubona umntfwana lomncane nangabe kungaba nengoti ekuphepheni kwakhe, lapho loku kufunwa nguLabaphocelela Kugcinwa Kwemtsetfo, nguHulumende, Umlingani Lowetsenjwako, nobe lokwatiswa kubikwa ngulomntfwana lomncane, umtali wakhe nobe lomnakekelako.
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kwatiswa
Hlola Umbiko Wekugcizelela Timiso Tawonkhewonkhe losandza kwentiwa
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito mayelana nekusitakala ngebantfwana kutemacansi, kuhlukumeta nebungcunu
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito