Kutiveta Ngekwetsemba Kutsi Ungubani

Imininingwane Yesimiso
Indlela labaphatseka ngayo labasebentisa loluhlelo

Imininingwane yesimiso

LUSHINTJO KULOKWENTIWE
Inhloso Yesimiso
Kwetsembeka kungumgogodla wemalunga emacembu etfu. Sikholelwa kutsi kwetsembeka kusita ekwakheni emacembu lapho bantfu betsembeka kulomunye nalomunye, naku-Meta, ngetindlela letilusito. Sifuna kuvumela tindlela letehlukehlukene tekuveta bunguwe kubantfu labasebentisa tinhlelo tetfu emhlabeni wonkhe, sibe sivikela kwenta shangatsi ungulomunye umuntfu nekumelela kabi loko longiko. Kute sente kutsi lendzawo ihlale iphephile futsi ibe yindzawo lekhululekile lapho bantfu bangetsembana khona futsi babe munye, asikuvumeli kwakhiwa kwema-akhawunti noma emafayela lakhelwe noma lasetjentiselwa kuyenga labanye.
Ka-Facebook, sifuna kutsi bantfu bavule i-akhawunti yinye basebentisa ligama labalisebentisa malanga onkhe leliveta kutsi babobani mbambambamba. SivuleEmafayela Lengetiwe kute sisite bantfu bachaze tincenye letehlukehlukene letiveta kutsi babobani, njengetintfo labatitsandzako nome emabhizinisi abo.
Asikuvumeli kusetjentiswa kwetinhlelo tetfu futsi sitawabekela imincele nome siwavale ema-akhawunti e-Facebook, e-Instagram newe-Threads noma letinye tinhlelo te-Facebook (njengemaKhasi, emacembu):
  • Lasetjentiswa bantfwana labangephansi kweminyaka lefanele
  • Lenta shengatsi alomunye umuntfu noma inhlangano ngekutsi:
    • Asebentise sitfombe sakhe (titfombe), ligama, noma lokufana naye ngenhloso yekuyenga labanye
    • Akhulume egameni lalomunye umuntfu noma inhlangano abe loloyisebentisako ete imvume yekwenta njalo (nasi sibonelo, ngekwakha Likhasi noma Lifayela)
  • Atente shengatsi alomunye umuntfu kute adukise noma ayenge labanye, abalekele kutsatselwa tinyatselo, noma ephule Timiso tetfu Tawonkhewonkhe. Sibuka tintfo letinyenti nasihlola ema-akhawunti lenta shengatsi alomunye umuntfu, njengaloku:
    • Lushintjo lolwentiwa kanyenti nome lolukhulu lwemininingwane yakho, njengeligama nome umnyaka webudzala
    • Imininingwane yelifayela lekhohlisako, njengemininingwane lemayelana nawe kanye nendzawo lohlala kuyo
    • Kusebentisa titfombe tebhizinisi
  • Kusebentisa ligama lelinalokweca Timiso tetfu Tawonkhewonkhe.
Ku-Facebook, sitawufuna imininingwane lebanti ngaphambi kwekutsatsa tinyatselo, njengekubeka imincele kwesikhashana kuye ekuwavaleni ngalokuphelele ema-akhawunti noma emafayela nangabe:
  • Ufake lilanga lekutalwa lelingasilo
  • Usebentisa ligama lelingasilo lolisebentisa ekuphileni kwakho onkhe malanga
  • Wakha i-akhawunti yinye lemelele nome lesetjentiswa bantfu labangetulu kwamunye
  • Wakha noma usebentisa ema-akhawunti lamanyenti e-Faebook
  • Wakha i-akhawunti lemelela inhlangano lengasiyo yemuntfu, njengelibhizinisi, silwane lesifuywako, noma umlingiswa enganekwaneni
  • Ugcina emafayela lete lutfo lasanesikhatsi lesidze angasebenti
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito ekumeleleni ngekwetsembeka loko longiko
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito