Kusitakala Ngemuntfu Lomdzala Kutemacansi

Imininingwane Yesimiso
Indlela labaphatseka ngayo labasebentisa loluhlelo

Imininingwane yesimiso

LUSHINTJO KULOKWENTIWE
Inhloso Yesimiso
Siyakubona kubaluleka kwetinhlelo tetfu njengendzawo yekucoca nekunaka indzaba yebudlova betelicansi nekusitakala ngebantfu. Sikholelwa kutsi lena yincenye lebalulekile yekwakha kuvumelana nekuhlanganisa bantfu. Emetameni yekwakha indzawo yalencociswano nekukhutsata simo lesiphephile, sivumela labatsintsekile kutsi basho lokwenteke kubo, kodvwa siyakususa kwatiswa lokukhombisa budlova betelicansi, kuhlukunyetwa ngekwelicansi, noma kusitakala ngemuntfu kutemacansi, lokusongelako nobe lokukukhutsatako. Siphindze sisuse kwatiswa lokuveta, kusekele noma kuchumanise tento telicansi nemacembu langavumelani kuze sigweme kwenta kube melula kulalana kwebantfu bangakavumelani. Ngetulu kwaloko, nasesati kutsi kukhona lokufakiwe lokungabangela kudlwengulwa nome kukukhutsate, singase siyente ingasasebenti le-akhawunti lekufakile futsi sisebentisane nebemtsetfo, ngetulu nje kwekukususa.
Kuze sivikele labatsintsekile, siyatisusa titfombe letikhombisa tehlakalo tebudlova betelicansi netitfombe letiveta bantfu bakhombisana lutsandvo letisakatwe ngaphandle kwemvume yabo. Njengoba kuvetiwe esetfulweni, siphindze sisebentisane nabocwephesha betekuphepha bangaphandle kuze sicoce futsi sitfutfukise timiso tetfu nekutsatsa sinyatselo mayelana netindzaba tekuphepha ku-inthanethi, futsi singakususa lokufakiwe nangabe sitfola imininingwane lekhombisa kutsi lokwatiswa kuhlobene nalokutsite lokuyingoti. Sibhalile mayelana nebucwephesha lesibusebentisako kute sivikele titfombe letiveta bungcunu lokungakavunyelwana ngato kanye nelucwaningo lolucondzise umsebenti wetfu. Siphindze sahlanganisa netintfo tekuniketa lusitotekubika tinsongo netitfombe telicansi letisakatwe ngaphandle kwemvume ku-Meta kuze kuvinjwe kutsi titfombe tebantfu letikhombisa telicansi tisakatwe ku-inthanethi.
Asikuvumeli:
Kwatiswa lokukhombisa, lokukhutsata, noma lokuhlekisa ngekutsintsana ngekwelicansi ningakavumelani, lokufaka ekhatsi:
  • Titfombe letikhombisa kutsintsana ngekwelicansi ningakavumelani (ngaphandle kwebuciko mbamba lobukhombisa bantfu labangasibo bantfu sibili, ngesihloko lesigcekako noma lesingatsatsi luhlangotsi)
  • Titatimende letetama noma letisongela kusakata, kuniketa, noma kucela titfombe letikhombisa kutsintsana ngekwelicansi ningakavumelani
  • Inchazelo yekutsintsana ngekwelicansi ningakavumelani, ngaphandle nangabe isakatwe ngulosindzile noma ayisekela
  • Kugcugcutela (lokufaka ekhatsi titatimende tekufisa naletinemibandzela), tinsongo tekutibophelela, noma kuvuma kuhlanganyela ekutsintsaneni ngekwelicansi ningakavumelani
  • Kwatiswa lokuhlekisa ngalabasindzile ngemcondvo wekutsintsana ngekwelicansi ningakavumelani
  • Kwatiswa lokusakatwe ngulokutsintsekako lokuveta labasindzile ekugagadlelweni nakubikwe ngulosindzile
Kwatiswa, lokwentiwako nome kusebentisana lokwetama kusitakala ngebantfu ngekutsi:
  • Kuphocelela ngemali, kwentela lotsite umusa noma titfombe letiveta bungcunu letivela kubantfu labasongela kutiveta ebaleni letitfombe noma lemininingwane (kucindzetelwa ngekwesatjiswa)
  • Kusakata, kusongela, kuchaza inhloso yekusakata, kunikela noma kucela titfombe letiveta bungcunu ngaphandle kwemvume yemnikati (NCII) lokugcwalisa tonkhe letimo letintsatfu letilandzelako:
    • Titfombe atisito tekutsengiselana futsi tentiwe endzaweni yangasense.
    • Umuntfu lokulesitfombe (ucishe) ungcunu, ulalana nalotsite noma ume ngendlela lesikisela kulalana (loku kufaka ekhatsi sitfombe lesentiwe ngemshini webucwephesha noma lesakhiwe ngeBucwephesha Bemishini)
    • Kungabi khona kwemvume yekusakata sitfombe kubonakala ngekuhlangabetana nanoma nguluphi luphawu kuleti:
      • Lokucuketfwe kwekutiphindziselela (njengemavi lahambisana nesitfombe, kuphawula noma sihloko selikhasi).
      • Imitfombo letimele lefaka ekhatsi emarekhodi emtsetfo ekutsatsa sinyatselo, imibiko yetindzaba (lefaka ekhatsi titfombe letimpuntjukile leticinisekiswa yimitfombo yetindzaba) noma labamelele labasindzile eTitfombeni Letiveta Bungcunu Ngephandle Kwemvume Yalabavelako
      • Umbiko lobuya kumuntfu lovetwe kulesitfombe noma losebentisa ligama lelifana nelalomuntfu lovetwe kulesitfombe.
  • Kukhutsata, kuhlongota kusakata, nome kuveta kutsi ungenta i-NCII nome titfombe tekucabuzana kuma-app noma etinhlelweni telusito (kuhlanganise ne-AI), nome ticondziso, ngisho nome tingekho titfombe letitsengiswako nome letingatsengiswa letisakatwe kulokufakiwe (ngaletinye tikhatsi lokubhekiselwa kuto njengema-app "ebungcunu" nome ema-app "e-AI ekucabuzana").
  • Kusakata titfombe letishuthwe ngasense letingasito tekutsengiselana letigcile etitfweni temtimba temuntfu letihambisana nekuya ecansini (letinjengemabele, ingculu, tibunu, noma ematsanga), umuntfu lome ngendlela lelingisa kulalana, noma temuntfu loya ecansini, futsi tisakatwe ngenhloso yekuhlekisa, kulalana noma kwembula kutsi ngubani lomuntfu lokhonjiswe esitfombeni. Letitfombe ngalokuvamile tatiwa ngekutsi "titfombe letisikisela kulalana loshuthwe tona ungati" noma "titfombe letiveta bantfu besifazane labashuthwe ngaphansi kwetiketi babe bangati".
  • Kusakata, kusongela kusakata noma kuchaza inhloso yekusakata tincociswano tangansense telicansi lapho kungabi khona kwemvume yekusakata kukhonjiswa ngunome ngukuphi kuloku lokulandzelako:
    • Lokucuketfwe kwekutiphindziselela kanye/noma lokucuketfwe lokusongelako,
    • Imitfombo letimele njengemitfombo yetindzaba noma emarekhodi emtsetfo ekutsatsa sinyatselo, noma
    • Umbiko lobuya kumuntfu lokhonjisiwe kulesitfombe noma losebentisa ligama lelifanako nalelo lalomuntfu lokhonjiswe kulesitfombe
Kwatiswa lokuhlobene netento tekulalana noma kuphocelela kutsi lotsite akhumule, lokufaka ekhatsi:
  • Titfombe kulalana noma kuphocelela lotsite kutsi akhumule (ngaphandle kwebuciko mbamba lobukhombisa bantfu labangasibo bantfu sibili, ngesihloko lesigcekako noma lesingatsatsi luhlangotsi
  • Titatimende letetama kusakata, kuniketa, kubuta, noma kusongela kusakata titfombe tekulalana noma kukhumula lotsite ngenkhani
  • Titatimende leticuketse tinchazelo, kugcugcutela, titatimende tetifiso noma letinemibandzela, netitatimende tenhloso noma kutsatsa tinyatselo tekutibophelela, kuvuma kuhlanganyela, noma kuhlekisa ngalabasindzile etindzabeni tekulalana noma kukhumula lotsite ngenkhani
Kuloku lokulandzelako, sifaka screen lesisecwayiso kute bantfu bati kutsi lokwatiswa kungase kubaphatamise labanye:
Tindzaba nemavi lacuketse inchazelo yekutsintsana ngekwelicansi ningakavumelani (lokubhaliwe noma lokungemavi) lokuhlanganisa imininingwane lengetulu kwekubita nje ngeligama noma kukhuluma ngaletento nangabe:
  • Kusakatwe ngulosindzile, noma
  • Kusakatwe tinhlelo letichumana naletinye (ngaphandle kwalosindzile) ngekusekela lolosindzile noma kugceka lesento noma kwecwayisa ngendlela levamile lokuya ngalokucuketfwe/ngembhalo lochazako.
KuleTimiso Tawonkhewonkhe letilandzelako, sidzinga imininingwane leyengetiwe futsi/noma lokutsite lokufakiwe kuze sitsatse sinyatselo:
Singase sifake imincele yekutsi kubone kuphela bantfu labangetulu kweminyaka lengu-18 futsi sifake secwayiso kulokunye lokufakiwe lokufaka ekhatsi:
  • Kwatiswa lokukhombisa kutsintsana ngekwelicansi ningakavumelani nangabe:
    • Kusakate kute kucaphelise (ngaphandle kwekutsi kujabulise nobe kumangalise),
    • Losindzile akabonakali, futsi
    • Lokwatiswa akufaki ekhatsi bungcunu
  • Kwatisa lokukhombisa kutsintsana ngekwelicansi ningakavumelani (tinchazelo temafilimu, nalokunye lokunyenti) nakusakatwe bantfu labetsenjwako kuze bacaphelise ngalokwatiswa ngaphandle kwekutsi kumangalise
Singase sibeke imincele letsi kubonwa kuphela bantfu labaneminyaka lengetulu kwalengu-18 budzala futsi sifake luphawu lwesecwayiso kulokutsite lokufakiwe lokukhombisa kutsintsana ngekwelicansi kungakavunyelwana, nakusakatwe kuze kwentiwe kwatiwe ngaphandle kwekutijabulisa nobe kuchazeka, lapho lotsintsekako noma losindzile angabonakali futsi lapho lokufakiwe kungafaki ekhatsi bungcunu.
Ngetulu kwemtsetfo wetfu lomkhulu wekususwa kwekwatiswa lokusongela noma lokukhutsata kudlwengula noma lokunye kutsintsana ngekwelicansi kungakavunyelwana, singase futsi siyente ingasasebenti le-akhawunti lekufakile.
Singase sitsatse nesinyatselo ekwatisweni lokusakatwe etinhlelweni letichumana naletinye letiveta labasindzile ekugagadlelweni nakubikwe ngummeleli losemtsetfweni noma nguMlingani Lowetsembekile.
Indlela labaphatseka ngayo labasebentisa loluhlelo
Buka tibonelo tekutsi kuba njani nangabe bantfu batsatselwe tinyatselo ku-Facebook njengekutsi: kuba njani nawubika intfo locabanga kutsi akukafaneli ibe ku-Facebook, nawutjelwa kutsi wephule Timiso tetfu Tawonkhewonkhe nalapho ubona secwayiso ngalokutsite lokufakiwe.
Naka naku: Sihlale sitfutfuka, ngako lokubona lana kungenteka sekuphelelwe sikhatsi nakucatsaniswa naloko lesikusebentisako nyalo.
INDLELA LABAPHATSEKA NGAYO LABASEBENTISA LOLUHLELO
Kubika
INDLELA LABAPHATSEKA NGAYO LABASEBENTISA LOLUHLELO
Kuchumana ngemuva kwekubika lokufakiwe
INDLELA LABAPHATSEKA NGAYO LABASEBENTISA LOLUHLELO
Indlela bantfu labaphatseka ngayo nakususwa lobekufakiwe
INDLELA LABAPHATSEKA NGAYO LABASEBENTISA LOLUHLELO
Ema-screen laveta tecwayiso
Kutsatsa sinyatselo
Sisebentisa timiso letifanako emhlabeni wonkhe, kubo bonkhe bantfu labasebentisa i-Facebook.
Emacembu labuketako
Licembu letfu lelisemhlabeni wonkhe lelinemalunga langetulu kwa-15 000 labuketa lokufakiwe lisebenta onkhe malanga kute ligcine bantfu baphephile kaFacebook.
Kusebentisana nemalunga lesibambisene nawo
Tingcweti tangephandle, tifundziswa, Tinhlangano Letingasito Tahulumende kanye nebantfu labakha timiso bayaseluleka mayelana neTimiso Tawonkhewonkhe TakaFacebook.
Tfola lusito mayelana nekusitakala ngemuntfu lomdzala ngetemacansi
Fundza kutsi ungenta njani nangabe ubona lokutsite ku-Facebook lokushayisana neTimiso Tetfu Tawonkhewonkhe.
Vakashela Indzawo Yetfu Yekutfola Lusito