Inhloso Yesimiso
Kute sigcine lendzawo iphephile futsi sikhutsate kukhuluma ngekukhululeka, siwabekela imincele nobe siwasuse ema-akhawunti layingoti kubantfu. Sente inhlanganisela yetindlela letisebenta ngalokutentakalelako kanye naletisetjentwako kute sisuse ema-akhawunti lasetjentiselwa kwephula timiso tetfu ngekwedzelela noma ngekuphikelela, kunoma ngutiphi tinhlelo tetfu.
Ngesizatfu sekutsi kususa i-akhawunti kusento lesibucayi kakhulu, nome nini nakungenteka, siniketa bantfu litfuba lekufundza imitsetfo yetfu nekulandzela Timiso Tetfu Tawonkhewonkhe. Nasi sibonelo nje, ngaso sonkhe sikhatsi sifaka satiso nangabe sitawukhipha lokufakiwe, esikhatsini lesinyenti siniketa bantfu imininingwane lemayelana nekwephulwa kwanoma ngumiphi imincele lebekiwe. Sento setfu sekutsatsa tinyatselo sihlelwe ngendlela yekutsi siye ngebungako bekweca umtsetfo, umlandvo waleyo akhawunti wekweca umtsetfo kanye nengoti noma umonakalo lokungawubanga kubantfu. Kwephulwa kwemtsetfo lokuchubekako, nangetulu kwekwecwayiswa kanenginengi nekubekelwa imincele, nome kwephulwa kwemtsetfo lokunebungoti lobukhulu kutekuphepha kutawuholela ekutseni i-akhawunti iyekeliswe kusebenta.
Singawabekela imincele noma siwayekelise kusebenta ema-akhawunti, naletinye tinhlelo (emaKhasi, emacembu, imicimbi) nome tintfo temabhizinisi (Emathulusi Ekuhlola Emabhizinisi, ema-akhawunti etikhangiso) lenta loku:
Kweca Timiso tetfu Tawonkhewonkhe lokufaka ekhatsi kwenta umonakalo lomkhulu, kuhlanganise nalowo lesiwundlulisela kubantfu bemtsetfo ngenca yekutsi ungabangela ingoti ngekushesha kumuntfu noma kuwonkhewonkhe
Kweca Timiso tetfu Tawonkhewonkhe lokufaka ekhatsi noma ngubuphi bungoti lobubitela kutsi wendluliselwe kubemtsetfo ngenca yekutsi ungabangela ingoti ngekushesha kumuntfu noma kuwonkhewonkhe
Kweca Timiso tetfu Tekukhangisa lokufaka ekhatsi kutsi ibhizinisi ilimate lotsite ngekuyenga nome ngetindlela letiyingoti
Kutephula ngalokuphindziwe Timiso Tetfu Tawonkhewonkhe ngekufaka tintfo letingalandzeli timiso kanye/nome kulawula tinhlelo noma tintfo tebhizinisi letingekho emtsetfweni
Kutephula ngalokuphindziwe Timiso Tetfu Tekukhangisa
Kukhombisa sento noma kutiphatsa lokuveta ngalokusebaleni kutsi kuhlose kwephula timiso
Singawabekela imincele noma siwayekelise kusebenta ema-akhawunti, naletinye tinhlelo (emaKhasi, emacembu, imicimbi) nome tintfo temabhizinisi (Emathulusi Ekuhlola Emabhizinisi, ema-akhawunti etikhangiso) letenta loku:
Lalawulwa ngumuntfu nome luhlelo lolufanako nelwe-akhawunti leyekelisiwe kusebenta
Lakhiwe noma laphindze ahlelwa kutsi agweme i-akhawunti lendzala noma kususwa kweluhlelo, lokuhlanganisa nalawo lokubonakala ngatsi anebanikati labajwayelekile nalokufakiwe lokufana nekwema-akhawunti noma tinhlelo letisusiwe
Lakhelwe kutsi achumane nemuntfu lovimbe i-akhawunti
Ngandlela tsite lasetjentiselwa kubalekela kutsatsa kwetfu sinyatselo noma inchubo yekuhlola
Singawabekela imincele noma siwayekelise kusebenta ema-akhawunti, naletinye tinhlelo (emaKhasi, emacembu, imicimbi) nome tintfo temabhizinisi (Emathulusi Ekuhlola Emabhizinisi, ema-akhawunti etikhangiso) lakhombisa kutsi:
Achumene nema-akhawunti lamanyenti nome letinye tinhlelo lokutfolakele kutsi tephula timiso tetfu nome tiyatibalekela
Asebentisana nema-akhawunti lamanyenti nome letinye tinhlelo letiphikelela kweca timiso tetfu nome letenta njalo ngendlela lembi kakhulu
Tento noma kutiphatsa lokukhombisa ngalokusebaleni inhloso yekweca timiso kusetjentiswa ema-akhawunti lamanyenti
Sitawusebentela kutsi abekelwe imincele noma ayekeliswe kusebenta ema-akhawunti nobe letinye tinhlelo (emaKhasi, emacembu, imicimbi) nome tintfo temabhizinisi (Emathulusi Ekuhlola Emabhizinisi, ema-akhawunti etikhangiso) lenta lokutsite ngaphandle kwetinhlelo tetfu lokungalimata indzawo yetfu, lokufaka ekhatsi nalawo:
Laphetfwe ngumuntfu lowatfolakala anelicala lekuhlukumeta ngekwelicansi, lowatfolakala anemacala lahlobene nekuhlukumeta bantfwana ngekwelicansi noma bantfu labadzala
Etinhlangano Letatiwa Ngalokutsite noma asetjentiswe egameni lato
Langakavunyelwa kutsi atfole imikhicito yetfu, lusito nome tinhlelo ngephansi kwemitsetfo lesebentako
Kuletimo letilandzelako, singahle sicele imininingwane leyengetiwe ye-akhawunti kute sicinisekise kutsi ngubani umnikati wayo kanye/noma sento lesivumelekile:
Ema-akhawunti langakaphephi
Kwakha noma kusebentisa i-akhawunti noma tinhlelo kusetjentiswa tindlela letitentelako, njengema-scripts (ngaphandle nangabe letento tema-scripts tenteka ngetindlela letivumelekile futsi tingateci timiso tetfu)
Ema-akhawunti lete lutfo lasahleli sikhatsi lesidze angasebenti