Vetëvrasja, lëndimi i vetes dhe çrregullimet e ushqyerjes

Detajet e politikës

Përvojat e përdoruesve

Të dhënat

Detajet e politikës

EVIDENCA E NDRYSHIMEVE

Sot

26 Shk 2026

14 Maj 2025

2 Tet 2024

25 Kor 2024

2 Kor 2024

1 Maj 2024

29 Dhj 2023

28 Pri 2022

30 Sht 2021

4 Maj 2020

17 Dhj 2020

18 Nën 2020

30 Kor 2020

1 Kor 2019

26 Pri 2019

20 Mar 2019

31 Gush 2018

Arsyetimi i politikës

Ne kujdesemi shumë për sigurinë e njerëzve që përdorin aplikacionet tona. Ne këshillohemi rregullisht me ekspertët për vetëvrasjen, lëndimin e vetes dhe çrregullimet e ushqyerjes për të na ndihmuar që të informojmë politikat tona dhe zbatimin e tyre, si dhe punojmë me organizatat në mbarë botën për t’u dhënë ndihmë njerëzve që vuajnë.

Ndonëse nuk i lejojmë njerëzit të gëzohen me dashje ose pa dashje për vetëvrasjen, lëndimin e vetes ose çrregullimet e ushqyerjes apo t’i përkrahin ato, ne i lejojmë njerëzit që të diskutojnë për këto tema, sepse duam që shërbimet tona të jenë një hapësirë ku njerëzit mund të ndajnë eksperiencat e tyre, të rrisin ndërgjegjësimin për këto çështje dhe të kërkojnë ndihmë nga njëri-tjetri. Ne gjithashtu mund ta lejojmë shikimin e kësaj përmbajtjeje vetëm për personat e rritur, të moshës 18 vjeç e lart.

Ne heqim çdo përmbajtje që nxit vetëvrasjen, lëndimin e vetes ose çrregullimet e ushqyerjes, duke përfshirë përmbajtjet me karakter artistik, të tilla si memet ose ilustrimet, dhe çdo përmbajtje për lëndimin e vetes që është grafike, pavarësisht nga konteksti. Ne e heqim përmbajtjen që përmban udhëzime për sjelljen ekstreme për humbjen e peshës. Ne heqim gjithashtu përmbajtjet që tallen me viktimat ose të mbijetuarit e vetëvrasjes, lëndimit të vetes ose çrregullimeve të ushqyerjes, si dhe paraqitjet në kohë reale të vetëvrasjes ose lëndimit të vetes. Përmbajtja për shërimin nga vetëvrasja, lëndimi i vetes ose çrregullimet e ushqyerjes, e cila lejohet, por që mund të përmbajë imazhe të cilat mund të jenë shqetësuese (si p.sh. një shenjë plage e shëruar), vihet pas një ekrani ndjeshmërie dhe gjithashtu e lejojmë shikimin e përmbajtjes vetëm për personat e rritur të moshës 18 vjeç e lart.

Kur njerëzit postojnë ose kërkojnë përmbajtje që lidhet me vetëvrasjen, lëndimin e vetes ose çrregullimet e ushqyerjes, ne i drejtojmë ata tek organizatat lokale që mund të japin mbështetje dhe, nëse ekipi ynë i Operacioneve të komunitetit është i shqetësuar për lëndim të menjëhershëm, kontaktojmë shërbimet lokale të urgjencës për t’u dhënë ndihmë. Për më shumë informacione, vizitoni Qendrën e sigurisë së Meta.

Për sa i përket përmbajtjes së drejtpërdrejtë, ekspertët na kanë thënë se nëse dikush po thotë se synon të bëjë përpjekje për vetëvrasje në një transmetim të drejtpërdrejtë, duhet ta lëmë përmbajtjen të transmetohet sa më gjatë të jetë e mundur, sepse sa më gjatë të flasë dikush në kamerë, aq më shumë mundësi ka që një shok ose anëtar i familjes të telefonojë shërbimet e urgjencës. Megjithatë, për të minimizuar rrezikun e ndikimit negativ te të tjerët që janë duke e parë këtë përmbajtje, do ta ndalojmë transmetimin e drejtpërdrejtë në momentin kur kërcënimi kthehet në përpjekje. Siç përmendet më sipër, në çdo rast, ne do të kontaktojmë shërbimet e urgjencës nëse identifikojmë dikë që është në rrezik të menjëhershëm për të lënduar veten.

Ne nuk lejojmë:

Përmbajtje që promovon, nxit, koordinon ose ofron udhëzime për vetëvrasjen, lëndimin e vetes ose çrregullimet e ngrënies.

Përmbajtje që paraqet imazhe grafike të vetëvrasjes, lëndimit të vetes ose çrregullimeve të ushqyerjes

Përmbajtje që paraqet një person të përfshirë në një përpjekje për vetëvrasje ose vdekje nga vetëvrasja

Imazhe të njerëzve kur ndahen bashkë me termat e lidhura me çrregullimet e ushqyerjes

Përmbajtje që përqendrohet në përshkrimin e brinjëve, klavikulave, hapësirave midis kofshëve, vitheve, barkut të lugët, shtyllës kurrizore ose shpatullës së dalë, kockave të dukshme në krahë ose këmbë ose faqeve të futura si gropë, kur ndahet bashkë me termat e lidhura me çrregullimet e ushqyerjes

Përmbajtje që përmban udhëzime për sjelljen ekstreme për humbjen e peshës

Përmbajtje që pranon kryerjen e sjelljes ekstreme për rënien në peshë kur ndahet bashkë me termat e lidhura me çrregullimet e ushqyerjes

Përmbajtje që përmban udhëzime për dieta kufizuese kur ndahet bashkë me termat e lidhura me çrregullimet e ushqyerjes

Përmbajtje që tallet me viktimat ose të mbijetuarit e vetëvrasjes, lëndimit të vetes ose çrregullimeve të ngrënies, të cilët dihen publikisht ose nënkuptohet se përjetojnë ose kanë përjetuar vetëvrasje, lëndim të vetes ose çrregullime të ushqyerjes

Imazhe që paraqesin modifikim të trupit (p.sh., tatuazh, shpim për vënien e vëthëve, gërrica, fshikullim i vetes me kamxhik etj.) kur ndahen në kontekstin e vetëvrasjes ose të lëndimit të vetes

Për përmbajtjen në vijim, ne përfshijmë një ekran paralajmërues, në mënyrë që njerëzit të jenë në dijeni se përmbajtja mund të jetë delikate. Ne gjithashtu ua japim mundësinë për të parë përmbajtjet vetëm personave të rritur, të moshës 18 vjeç e lart:

Fotografitë ose videot që paraqesin një person që është angazhuar në eutanazi/vetëvrasje të ndihmuar në një mjedis mjekësor.

Përmbajtja që përshkruan raste më të vjetra të lëndimit të vetes, të tilla si prerjet e shëruara ose imazhe të tjera jografike të lëndimit të vetes në kontekstin e lëndimit të vetes, vetëvrasjes ose shërimit

Përmbajtja që paraqet brinjët, klavikulat, hapësirën midis kofshëve, vithet, barkun e lugët, shtyllën kurrizore ose shpatullën e dalë, kockat e dukshme në krahë ose këmbë ose faqet e futura si gropë në kontekstin e shërimit

Për përmbajtjen në vijim, u japim njerëzve burime dhe e lejojmë shikimin e përmbajtjes vetëm për personat e rritur të moshës 18 vjeç e lart:

Pranimi me shkrim ose me gojë i vetëvrasjes, lëndimit të vetes ose çrregullimeve të ushqyerjes.

Deklaratat ose referencat e paqarta që mund të kenë lidhje me vetëvrasjen (duke përfshirë memet ose imazhet stok për gjendjen e trishtuar ose depresionin, që paraqesin vdekjen si shpëtim ose përmbajtjen nga një kulturë popullore që i vë theksin mendimeve të errëta, depresive) në kontekstin e vetëvrasjes ose të lëndimit të vetes.

Për përmbajtjen në vijim, e lejojmë shikimin e përmbajtjes vetëm për personat e rritur të moshës 18 vjeç e lart:

Tallja ose shpërfillja e konceptit të vetëvrasjes, lëndimit të vetes ose çrregullimeve të ushqyerjes

Tregimet që përmbajnë një përshkrim të vetëvrasjes me detaje që shkojnë përtej emërtimit të thjeshtë ose përmendjes së veprimit ose pasojave

Pranimi i sjelljes ekstreme për humbjen e peshës

Për Standardet e komunitetit në vijim, kërkojmë informacione dhe/ose kontekst shtesë për t’i zbatuar:

Ne mund t’i heqim shënimet e vetëvrasjes kur kemi konfirmim të një vetëvrasjeje ose të një përpjekjeje për vetëvrasje. Ne përpiqemi të identifikojmë shënimet e vetëvrasjes duke përdorur disa faktorë, duke përfshirë, por jo vetëm:

Kërkesat e familjarëve ose të përfaqësuesve ligjorë,

Raportet nga media, agjencitë e zbatimit të ligjit ose burimet e tjera të palëve të treta (p.sh., agjencitë qeveritare, organizatat joqeveritare) ose Formularin e kontaktit për përmbajtjen lidhur me vetëvrasjen ose Formularin e kontaktit të Instagram.

Ne mund të marrim në konsideratë sinjalet jashtë platformave të pohimit ose nxitjes së vetëvrasjes, lëndimit të vetes, çrregullimeve të ushqyerjes ose sjelljeve ekstreme për rënien në peshë nga një përdorues për t'i vlerësuar nëse përmbajtjet specifike të postuara prej përdoruesit në platformat e Meta mund të përbëjnë rrezik për të tjerët.