Kërkesa për ofrimin e shërbimeve seksuale nga të rriturit dhe gjuha e qartë seksuale

Detajet e politikës
Përvojat e përdoruesve

Detajet e politikës

EVIDENCA E NDRYSHIMEVE
Arsyetimi i politikës
Siç vërehet në politikën për Shfrytëzimin seksual të të rriturve, njerëzit i përdorin shërbimet tona për të diskutuar dhe për të tërhequr vëmendjen ndaj dhunës dhe shfrytëzimit seksual. Ne e dimë rëndësinë e këtij diskutimi dhe e lejojmë atë. Ne lejojmë gjithashtu diskutimin për përkrahjen e të drejtave të punonjësve të seksit dhe rregullimin e punës së seksit. Megjithatë, ne vendosim kufirin kur përmbajtja lehtëson takimet seksuale ose shërbimet seksuale me pagesë midis të rriturve, ose kur përmbajtja kërkon ose ofron përmbajtje pornografike ose seksuale. Këtë e bëjmë për të shmangur lehtësimin e transaksioneve që mund të përfshijnë trafikimin, shtrëngimin dhe veprimet seksuale jokonsensuale.
Ne kufizojmë gjithashtu gjuhën e qartë seksuale që mund të çojë në kërkesa për ofrimin e shërbimeve seksuale, sepse disa audienca në komunitetin tonë botëror mund të jenë të ndjeshme ndaj kësaj lloj përmbajtjeje dhe ajo mund të pengojë mundësinë e njerëzve për t’u lidhur me shokët e tyre dhe me komunitetin në përgjithësi.
Ne nuk lejojmë:
Përmbajtjen që ofron, kërkon ose jep mënyra kontakti për prostitucionin, i cili përkufizohet si kërkimi ose ofrimi i vetes për takime seksuale në shkëmbim të parave ose të çdo gjëje me vlerë nëpërmjet:
  • Ofrimit ose kërkimit të takimeve seksuale (për shembull, shërbimet e shoqërimit për favore seksuale, masazhet seksuale/erotike, bisedat/bashkëbisedimet me përmbajtje seksuale, shërbimet për fetishin/dominimin)
  • Përdorimit të termave të zhargonit për prostitucionin, të kombinuara me një kërkesë ose ofertë disponueshmërie, çmim ose cilindo sinjal të një transaksioni për para ose diçka me vlerë, vendndodhje ose informacione kontakti
  • Përfshirjes në kërkesa seksuale të kombinuara me një çmim ose cilindo sinjal të një transaksioni për para ose diçka me vlerë
  • Paraqitjes ose përmendjes së takimeve ose partnerëve seksualë me një çmim ose çfarëdolloj sinjalesh të transaksioneve monetare ose shpërblimit në natyrë.
  • Rekrutimi ose ofrimi i personave të tjerë për shërbime seksuale me pagesë për palë të treta mbulohet nga Politika për shfrytëzimin e njerëzve.
Përmbajtjen që angazhohet në kërkesa seksuale duke ofruar, kërkuar ose dhënë mënyra kontakti për takime seksuale të tilla si:
  • Marrëdhëniet ose stimulimi seksual
  • Seksi oral
  • Fetishet seksuale
  • Bisedat ose bashkëbisedimet me përmbajtje seksuale
  • Mesazhet seksuale ose erotike
  • Kërcimi ose zhveshja erotike
  • Ndarja e imazheve lakuriq (të tilla si videot seksuale, me lakuriqësi)
Përmbajtjen që kërkon, ofron ose jep mënyra kontakti për të siguruar materiale pornografike ose që përmban emra përdoruesi ose lidhje për sajtet pornografike të uebit.
Gjuha e papërshtatshme seksuale që përdor detaje të qarta ose grafike për:
  • Organet gjenitale
  • Gjendjet e eksitimit seksual (p.sh. lagie ose ereksion)
  • Takimet seksuale
  • Sa më sipër nuk përfshijnë përmbajtjen e ndarë në një kontekst humoristik, satirik ose si sharje seksuale
Ne lejojmë përmbajtjen që mbulohet ndryshe nga kjo politikë kur postohet në kontekstin e dënimit, edukimit, ndërgjegjësimit ose raportimit të lajmeve. Ne nuk ndalojmë gjithashtu diskutimin e praktikave seksuale sipas politikës. Megjithatë, këto mund të lejohen vetëm për personat e rritur mbi 18 vjeç sipas Politikës për shëndetin dhe mirëqenien për të lehtësuar eksperiencat e përshtatshme sipas moshës për të miturit.
Për përmbajtjen në vijim, e lejojmë shikimin e përmbajtjes vetëm për personat e rritur të moshës 18 vjeç e lart:
  • Përmbajtja që diskuton për praktikat ose eksperiencat seksuale
  • Përmbajtja që përmban emra përdoruesish, lidhje ose logo për sajtet e uebit për të rriturit me abonim
  • Gjuha e qartë seksuale në kontekstin humoristik ose atë satirik, duke përfshirë metaforat seksuale
  • Gjuha sugjeruese seksuale që i referohet takimeve seksuale
Për Standardet e komunitetit në vijim, kërkojmë informacione dhe/ose kontekst shtesë për t’i zbatuar:
  • Në disa raste, do të lejojmë përmbajtje, që në rast të kundërt do të shkelte Standardet e komunitetit, kur përcaktohet se përmbajtja është satirike. Përmbajtja do të lejohet vetëm nëse elementet shkelëse të përmbajtjes janë duke u satirizuar ose i atribuohen diçkaje ose dikujt tjetër për ta tallur ose kritikuar.
Përvojat e përdoruesve
Shikoni disa shembuj se si duket zbatimi i politikave për njerëzit në Facebook, si për shembull: si duket raporti i diçkaje që mendoni se nuk duhet të jetë në Facebook, t’ju thuhet se keni shkelur Standardet tona të komunitetit dhe të shikoni një ekran paralajmërues për përmbajtje të caktuara.
Shënim: Ne jemi gjithmonë duke u përmirësuar, prandaj ajo që shikoni këtu mund të jetë pak e vjetruar në krahasim me ato që përdorim aktualisht.
EKSPERIENCA E PËRDORUESIT
Raportimi
EKSPERIENCA E PËRDORUESIT
Komunikimi pas raportimit
EKSPERIENCA E PËRDORUESIT
Eksperienca e heqjes
EKSPERIENCA E PËRDORUESIT
Ekranet paralajmëruese
Zbatimi
Ne kemi të njëjtat politika në të gjithë botën, për të gjithë në Facebook.
Ekipet e rishikimit
Ekipi ynë global me mbi 15 000 rishikues punon çdo ditë për t’i mbajtur të sigurt njerëzit në Facebook.
Angazhimi i palëve të interesuara
Ekspertët e jashtëm, akademikët, OJQ-të dhe politikëbërësit ndihmojnë për informimin e Standardeve të komunitetit të Facebook.
Merr ndihmë për kërkesat për ofrimin e shërbimeve seksuale nga të rriturit dhe për gjuhën e qartë seksuale
Mësoni se çfarë mund të bëni nëse shikoni diçka në Facebook që është në kundërshtim me Standardet tona të komunitetit.
Vizitoni Qendrën tonë të ndihmës