Shkeljet e privatësisë

Detajet e politikës
Përvojat e përdoruesve

Detajet e politikës

EVIDENCA E NDRYSHIMEVE
Arsyetimi i politikës
Shërbimet tona synojnë të mbrojnë privatësinë dhe informacionet personale të përdoruesve tanë. Ne punojmë fort për të mbrojtur identitetin dhe informacionet tuaja personale dhe nuk i lejojmë njerëzit të postojnë lloje të caktuara informacionesh personale ose konfidenciale rreth vetes së tyre ose rreth të tjerëve. Ne u ofrojmë gjithashtu njerëzve mënyra për të raportuar imazhet që mendojnë se shkelin të drejtat e tyre të privatësisë.
Ne e heqim përmbajtjen që ndan, ofron ose kërkon informacione personalisht të identifikueshme ose informacione të tjera private që mund të çojnë në dëmtimin fizik ose financiar, duke përfshirë informacionet financiare, mjekësore dhe të vendit të banimit, si dhe informacionet private të marra nga burimet e paligjshme. Ne e pranojmë që informacionet private mund të bëhen të disponueshme për publikun nëpërmjet mbulimit të lajmeve, dosjeve gjyqësore, njoftimeve për shtyp ose burimeve të tjera. Në këto raste, ne mund ta lejojmë postimin e informacioneve.
Ne kemi kufizime shtesë për përmbajtjen me pagesë. Megjithëse i lejojmë reklamat që japin një eksperiencë pozitive për përdoruesin duke u fokusuar në detajet e produktit ose shërbimit, ne i heqim reklamat që shfrytëzojnë vështirësitë personale të përdoruesve, që duket se bëjnë karakterizime negative ose të pasakta rreth tyre ose që nënkuptojnë se janë në dijeni të informacioneve personale delikate. Për më shumë informacione për rregullat tona të privatësisë për përmbajtjen me pagesë, shikoni Standardin tonë të reklamimit për Shkeljet e privatësisë dhe atributet personale.
Ne nuk lejojmë:
Përmbajtjen që ndan ose kërkon informacione private, ose në shërbimet tona, ose nëpërmjet lidhjeve të jashtme, si vijon:
Informacionet personalisht të identifikueshme
  • Përmbajtja që ndan informacionet personalisht të identifikueshme (informacione që identifikojnë në mënyrë unike një individ) të postuesit ose të personave të tjerë. Këtu përfshihen:
    • Numrat e identifikimit kombëtar të tillë si numrat e sigurimeve shoqërore (SSN), numrat e pasaportave ose numrat e identifikimit të tatimpaguesit individual (ITIN).
    • ID-të shtetërore të forcave të zbatimit të ligjit, ushtarakëve ose të personelit të sigurisë.
    • Të dhënat ose dokumentacioni zyrtar i informacioneve të regjistrave civilë, të tilla si martesa, lindja, vdekja, ndryshimi i emrit ose dokumentet e njohjes së gjinisë
    • Dokumentet e statusit të emigracionit ose të punës, të tilla si kartat jeshile, lejet e punës ose vizat
  • Përmbajtjen që kërkon informacionet personalisht të identifikueshme të personave të tjerë
Informacionet personale të kontaktit
  • Përmbajtja që ndan informacionet personale të kontaktit të personave të tjerë, përveçse kur janë bërë publike nga individi ose kur ndahen apo kërkohen për të promovuar kauza bamirësie, për të lehtësuar gjetjen e personave apo kafshëve të humbura ose pronarët e sendeve të humbura, ose për të kontaktuar një biznes ose ofruesit e shërbimeve (përveçse nëse është vërtetuar që informacionet personale të kontaktit janë ndarë pa pëlqimin e individit).
Informacionet e banimit
  • Përmbajtja që ndan adresat e plota private të banimit të personave të tjerë, duke përfshirë emrin e banesës ose pineskat në hartë që identifikojnë adresën (edhe nëse pineskat janë në një lidhje jashtë platformës), përveçse në kontekstet e mëposhtme:
    • kur ndahen për të promovuar kauza bamirësie, për të lehtësuar gjetjen e personave ose kafshëve të humbura, ose të pronarëve të objekteve të humbura, ose për të kontaktuar një biznes ose ofruesit e shërbimeve
    • kur banesa është banesë zyrtare ose ambasadë që i jepet një zyrtari publik të nivelit të lartë
  • Përmbajtja që ndan adresat e pjesshme të banesave private të personave të tjerë (përveçse kur banesa është banesë zyrtare ose ambasadë që i jepet një zyrtari publik të nivelit të lartë):
    • Kur ndahen me rastin e organizimit të protestave ose mbikëqyrjes së banorit dhe vendndodhja e banesës identifikohet nga një prej sa më poshtë:
      • Rruga
      • Qyteti ose lagjja (vetëm për qytetet me më pak se 50 000 banorë)
      • Kodi postar
      • Pinesakat e GPS-së ose pineskat në një hartë që identifikojnë cilëndo nga këto (edhe nëse pineskat janë në një lidhje jashtë platformës)
    • Imazhet që tregojnë pamjen e jashtme të banesave private, nëse zbatohen të gjitha kushtet në vijim:
    • Banesa është një shtëpi për një familje të vetme ose numri i njësisë së banorit/emri i ndërtesës identifikohet në imazh/nëntitull.
    • Vendndodhja e banesës identifikohet nga një prej sa më poshtë:
      • Rruga
      • Qyteti ose lagjja (vetëm për qytetet me më pak se 50 000 banorë)
      • Kodi postar
      • Pinesakat e GPS-së ose pineskat në një hartë që identifikojnë cilëndo nga këto (edhe nëse pineskat janë në një lidhje jashtë platformës)
    • Përmbajtja identifikon banorin (ose banorët).
    • Nëse banuesi e kundërshton ekspozimin e banesës së vet private ose ekziston konteksti i organizimit të protestave kundër banorit.
    • Imazhet e banesës nuk po ndahen sepse banesa është në qendrën e një lajmi (përveçse kur ndahet me rastin e organizimit të protestave kundër banorit)
  • Përmbajtja që kërkon informacionet e banesave private të personave të tjerë (përveçse kur banesa është banesë zyrtare ose ambasadë që i jepet një zyrtari publik të nivelit të lartë)
  • Përmbajtja që kërkon vendndodhjen e shtëpive të sigurta ose që ekspozon informacione për shtëpitë e sigurta duke ndarë cilindo nga sa më poshtë (përveçse kur shtëpia e sigurt po promovon në mënyrë aktive informacionet për ambientin e vet)
    • Adresa e tanishme (Shënim: lejohet "Vetëm kutia postare")
    • Imazhet e shtëpisë së sigurt
    • Qyteti/lagjja e identifikueshme e shtëpisë së sigurt
    • Informacionet që ekspozojnë identitetin e banorëve të shtëpisë së sigurt
Informacionet mjekësore
  • Përmbajtja që ndan ose kërkon informacione mjekësore, psikologjike, biometrike ose të trashëgimisë gjenetike të të tjerëve (duke përfshirë kur shfaqen në mënyrë vizive ose kur ndahen përmes audios ose videos), kur është e qartë se informacionet vijnë nga kartela mjekësore ose dokumente të tjera zyrtare.
Informacionet financiare
  • Përmbajtja që ndan ose kërkon informacione financiare personale rreth postuesit ose personave të tjerë, të përkufizuara si informacione rreth financave individuale të një personi, duke përfshirë:
    • Të dhënat ose pasqyrat financiare jopublike.
    • Numrat e llogarive bankare me kode sigurie ose kode PIN.
    • Informacionet dixhitale për mënyrën e pagesës me detajet e hyrjes, kodet e sigurisë dhe kodet PIN.
    • Informacionet e kartës së kreditit ose debitit me datat e vlefshmërisë ose kodet PIN të sigurisë ose kode të tjera.
  • Përmbajtja që ndan ose kërkon informacione financiare jopublike të bizneseve ose organizatave, të përkufizuara si informacione rreth financave të një biznesi ose organizate, përveçse kur ndahen fillimisht nga vetë organizata (duke përfshirë ndarjet pasuese me kontekstin fillestar të paprekur) ose kur janë ndarë përmes kërkesave për raportimin publik (për shembull siç kërkohet nga agjencitë e bursave ose ato rregullatore), duke përfshirë:
    • Të dhënat ose pasqyrat financiare jopublike
    • Numrat e llogarive bankare të lidhura me kode sigurie ose kode PIN.
    • Informacionet dixhitale për mënyrën e pagesës të lidhura me detajet e hyrjes, kodet e sigurisë ose kodet PIN.
Informacionet e marra nga burimet e piratuara
  • Përmbajtja e pretenduar nga postuesi ose e konfirmuar që vjen nga një burim i piratuar, pavarësisht nëse personi i prekur është një personazh publik ose një individ privat.
Mund të hiqet edhe përmbajtja në vijim:
  • Një fotografi ose video e raportuar me njerëz, ku personi i treguar në imazh është:
    • Një i mitur nën 13 vjeç dhe përmbajtja është raportuar nga i mituri ose nga një prind apo kujdestar ligjor.
    • Një i mitur i moshës 13 deri në 18 vjeç dhe përmbajtja është raportuar nga i mituri.
    • Një i rritur, kur përmbajtja është raportuar nga i rrituri nga jashtë Shteteve të Bashkuara dhe ligji në fuqi mund të japë të drejta për ta hequr.
    • Çdo person që është i paaftë në aspektin mjekësor dhe nuk mund ta raportojë vetë përmbajtjen.
Për Standardet e komunitetit në vijim, kërkojmë informacione dhe/ose kontekst shtesë për t’i zbatuar:
  • Përshkrimet e individëve dhe institucioneve mjekësore, të përkufizuara si përmbajtje që shfaqin një individ në një institucion mjekësor ose shëndetësor ose të një individi privat ose të mituri që është duke hyrë ose duke dalë nga një institucion mjekësor ose shëndetësor dhe që raportohen nga:
    • Personi në imazh
    • Një përfaqësues i personit në imazh
    • Institucioni mjekësor ose shëndetësor me përgjegjësitë e kujdesit ndaj personit në imazh ose
    • Institucioni mjekësor ose shëndetësor që ka punësuar personin në imazh
  • Materiale të burimeve që kanë si qëllim të zbulojnë informacione jopublike që lidhen me një palë zgjedhje, të cilat ndahen si pjesë e veprimeve të një qeverie të huaj për të ndikuar.
    • Ne e heqim raportimin e kësaj rrjedhjeje nga entitetet e mediave të kontrolluara shtetërore nga shteti që fshihet pas kësaj rrjedhjeje informacioni.
Përvojat e përdoruesve
Shikoni disa shembuj se si duket zbatimi i politikave për njerëzit në Facebook, si për shembull: si duket raporti i diçkaje që mendoni se nuk duhet të jetë në Facebook, t’ju thuhet se keni shkelur Standardet tona të komunitetit dhe të shikoni një ekran paralajmërues për përmbajtje të caktuara.
Shënim: Ne jemi gjithmonë duke u përmirësuar, prandaj ajo që shikoni këtu mund të jetë pak e vjetruar në krahasim me ato që përdorim aktualisht.
EKSPERIENCA E PËRDORUESIT
Raportimi
EKSPERIENCA E PËRDORUESIT
Komunikimi pas raportimit
EKSPERIENCA E PËRDORUESIT
Eksperienca e heqjes
EKSPERIENCA E PËRDORUESIT
Ekranet paralajmëruese
Zbatimi
Ne kemi të njëjtat politika në të gjithë botën, për të gjithë në Facebook.
Ekipet e rishikimit
Ekipi ynë global me mbi 15 000 rishikues punon çdo ditë për t’i mbajtur të sigurt njerëzit në Facebook.
Angazhimi i palëve të interesuara
Ekspertët e jashtëm, akademikët, OJQ-të dhe politikëbërësit ndihmojnë për informimin e Standardeve të komunitetit të Facebook.
Merrni ndihmë lidhur me shkeljet e privatësisë
Mësoni se çfarë mund të bëni nëse shikoni diçka në Facebook që është në kundërshtim me Standardet tona të komunitetit.
Vizitoni Qendrën tonë të ndihmës