Is-dilida, Is-dhaawacida, iyo Cunto Xumada

Faahfaahinta Xeerka
Adeegsiga Isticmaalaha
Xogta

Faahfaahinada xeerka

DIIWAANKA BEDDEL
Ujeeddada Xeerka
Waxaan si qoto dheer uga taxadarnaa badbaadada dadka isticmaala app-yadeena. Waxaan si joogto ah ula tashanaa khubarrada ku takhasusay is-dilida, is-dhaawicida iyo cunto xumada si aan gacan uga geysanno in aan shaacino xeerarkeena iyo dhaqangelintooda, oo aan ula shaqeyno ururrada adduunka oo dhan si aan u siinno caawimo dadka dhibaataysan.
In kasta oo aynaan oggolayn in dadku si badheedh ah ama ula kac ah ugu dabaaldegaan ama kor u qaadaan is-dilka, is-dhaawaca, ama cunto xumada, waxaan u oggolaanay dadka inay ka hadlaan mawduucyadan sababtoo ah waxaan rabnaa in Facebook-ga uu noqdo meel ay dadku ku wadaagaan waayahooda, ku sameeyaan wacyigelin ku saabsan arrimahan, oo ay isugu raadiyaan taageero midba midka kale. Waxaa sidoo kale laga yaabaa inaan ku xaddidno awoodda ay ku daawadaan nuxurkan dadka waaweyn, ee jira 18 iyo ka weyn.
Waxaan saarnaa wax kasta oo dhiirigelinaya is-dilka, is-dhaawicida ama cunto xumada, oo ay ku jiraan nuxurka khayaaliga ah sida xusuusta ama sawir-qaadista iyo wax kasta oo is-dhaawac ah oo ah muuqaal laga naxo, iyadoon loo eegin macnaha guud. Waxaan saarnaa nuxurka ay ku jiraan tilmaamaha dhaqanka miisaan dhimista saa'idka ah. Waxaan sidoo kale saarnaa nuxurka ku kaftamaya dhibbanayaasha ama ka badbaadayaasha is-dilka, is-dhaawicida ama cunto xumada, iyo sidoo kale muuqaallada isla markaa ah isdilka ama is-dhaawaca. Nuxurka ku saabsan ka soo kabashada is-dilka, is dhaawaca, ama cunto xumada ee la oggolyahay, laakiin laga yaabo inay ku jiri karaan sawirro laga yaabo inay xanaaq keeni karaan, sida nabar bogsaday, waxaa la dhigaa gadaasha dabool macluumaad xasaasi ah oo Waxaa sidoo kale ku xaddidaynaa awoodda ay ku daawadaan nuxurka dadka waaweyn, ee jira 18 iyo wixii ka badan.
Marka ay dadku soo boosti gareeyaan ama raadiyaan nuxur la xidhiidha is-dilka, is-dhaawicida, ama cunto xumada, waxaanu ku hagi doonnaa ururrada deegaanka ee bixin kara taageerrada iyo haddii kooxdayada Hawlaha Bulshada ay ka walaacsan yihiin waxyeellada degdegga ah waxaan la xidhiidhi doonnaa adeegyada degdegga ah ee deegaanka si aan ugu helno gargaar. Wixii macluumaad dheeraad ah, booqo Xarunta Badbaadada ee Meta.
Marka la eego nuxurka tebinta tooska ah, khubarradu waxay inoo sheegeen in haddii qof uu sheego inuu doonayo inuu isku dayo inuu is-dilo isagoo ku jiro baahin toos ah, waa inaan daynaa nuxurka illaa inta suurtogalka ah, sababtoo ah inta wakhti dheer uu qof la hadlayo kaamarada, waa fursad dheeraad ah oo saaxiib ama xubin qoyska ka mid ah ay ku wacaan adeegyada gurmadka. Hase yeeshee, si loo yareeyo khatarta kuwa kale inay si xun saamayn ugu yeelato daawashada nuxurkan, waxaanu joojin doonnaa baahinta tooska ah marka ay khatartu isu beddesho isku day. Sida kor ku xusan, xaalad kasta, waxaan la xidhiidheynaa adeegyada degdegga ah haddii aan ogaanno qof halis degdeg ah ugu jira inuu naftiisa waxyeelleeyo.
Ma oggolaano:
  • Nuxurka kor u qaada, dhiirigeliya, isku xidha, ama bixiya tilmaamaha is-dilka, is dhaawaca, ama cunto xumada.
  • Nuxurka muujiya muuqaal laga naxo oo ah is-dilid, is-dhaawacid, iyo cunto xumo
  • Nuxur muujinaya qof ku hawlan isku day isdil ama dhimasho isdil ah
  • Sawirrada dadka markii lala wadaago erayo la xiriira cunto xumada
  • Nuxur diiradda saaraya muujinta feeraha, lafaha garbaha xidhiidhiyo, ban-bannaanka bowdada, miskaha, calool u qaloocda hoose, laf dhabarta soo taagan, lafta garabka iyo qoorta u dhaxeysa, lafaha muuqda ee gacmaha iyo lugaha ama dhabanada godka ku jiro marka lala wadaago erayo la xidhiidha cilladaha cunto xumada
  • Nuxurka ay ku jiraan tilmaamaha dhaqanka miisaan dhimista saaidka ah
  • Nuxur qiranaya dhaqan miisaan dhimis aan caafimaad qabin ah marka lala wadaago ereyada la xidhiidha cilladaha cunto xumada
  • Nuxur ay ku jiraan tilmaamo xaddid cunto ah marka lala wadaago ereyada la xidhiidha cilladaha cunto xumada
  • Nuxur ku jeesjeesa dhibbanayaasha ama ka badbaadayaasha is-dilka, is-dhaawacidda ama xanuunka cunto xumada kuwaas oo si guud loo yaqaan ama la sheego inay la kulmayaan ama la kulmeen is-dilid, is-dhaawacid ama cunto xumo
  • Sawir muujinaya wax ka beddelka jirka (tusaale, shaabad, durasho, summadinta jidhka, is-qaraacid, iwm.) marka loo wadaago xaalad is-dilid ama is-dhaawicid
Nuxurka soo socda, waxaan ku darnay daboolka digniin shaashad si ay dadku u ogaadaan in nuxurka laga yaabo inuu yahay mid xasaasi ah. Waxaan sidoo kale ku xaddidnaa awoodda ay ku daawadaan nuxurka dadka waaweyn, ee jira 18 iyo ka weyn:
  • Sawirrada ama muuqaallada muujinaya qofka ku hawlan dilida qofka xanuun daran haya/is-dilida la caawiyay ee lagu sameeyo goob caafimaad.
  • Nuxur muujinaya dhacdooyin hore oo is-dhaawicid ah sida jeex-jeexid bogsatay ama is-dhaawacid kale oo aan laga naxeynin sawirro ku jira is-dhaawacid, is-dilid ama xaalad soo kabasho
  • Nuxur muujinaya feeraha, lafaha garbaha xidhiidhiyo, ban-banaanka bowdada, miskaha, calool u qaloocda hoose, laf dhabarta soo taagan lafta u dhaxeysa garabka iyo qoorta, lafaha muuqda ee gacmaha ama lugaha ama dhabannada godka ku jiro ee xaaladda soo kabashada
Nuxurka soo socdo, waxaan siinnaa agabyo dadka oo ka xaddidnaa awoodda ay ku daawadaan nuxurka dadka waaweyn, ee jira 18 iyo wixii ka badan:
  • Qirasho qoraal ama af ah oo ah is-dilid, is-dhaawacid, ama xanuunada cunto xumada.
  • Tix-raacyo aan caddayn, odhaahyo is-dilid ah oo suurtogal ah (oo ay ku jiraan kaftan ama sawirro kayd ah oo ku saabsan xaalad murugo ama niyad-jab ah oo u soo bandhigaya dhimasho ka baxsasho ahaan, ama nuxur ka socdo dhaqan caan ah oo xoogga saarayo fikradaha mugdiga ah, ee murugada leh) marka lagu jiro xaalad guud oo is-dilid ama is-dhaawacid ah.
Nuxurka soo socdo, waxaan xaddidnaa awoodda ay ku daawadaan nuxurka dadka waaweyn, ee jira 18 iyo ka weyn:
  • Ku jees jeesida ama diidida fikradda is-dilka, is-dhaawicida ama cunto xumada
  • Sheekooyinka ay ku jiraan qeexitaan is-dil oo leh faahfaahin ka baxsan magacaabista ama sheegida falka keliya ama ka dib
  • Qirashada dhaqanka miisaan dhimista saa'idka ah
Xeerarka Bulshada ee soo socda, waxaan u baahannahay macluumaad dheeraad ah iyo/ama macne guud si aan u dhaqangelino:
  • Waxaa laga yaabaa in aanu saarno qoraallada is-dilida marka aanu helno xaqiijinta is-dilka ama isku-dayga is-dilka. Waxaan isku daynaa inaan aqoonsanno qoraallada is-dilitaanka annagoo adeegsanayna dhowr arrimood, oo ay ku jiraan laakiin aan ku xaddidnayn:
    • Codsiyada wakiillada qoyska ama sharciga,
    • Warbixinnada warbaahinta, sharci fulinta, ama ilaha kale ee qolyaha saddexaad (tusaale, wakaaladaha dawladda, NGO-yada), ama Foomka Xidhiidhka Nuxurka Is-dilka ama Foomka Xidhiidhka Instagram-ka.
    • Waxaa laga yaabaa inaan tixgelino seenyaalayaasha ka baxsan madasha ee qirashada ama kor u qaadida is-dilka, is-dhaawicidda, xanuunada cunto xumada ama dhaqanka miisaan dhimista daran ee ka socdo isticmaale si aan u qiimeyno haddii nuxur gaar ah ee ay ku soo boosti gareeyeen madalyaasha Meta ay halis u keeni karto dadka kale.
Adeegsiga isticmaalaha
Arag tusaalooyinka qaar ee ku saabsan sida dhaqangelinta ay ugu muuqato dadka Facebook-ga isticmaala, sida: qaabka ay kuugu muuqato in aad dacwo ka gudbiso wax aad u malaynayso inaysan ahayn inay ka sii mid ahaadaan Facebook-ga, in laguu sheego inaad ku xadgudubtay Xeerarka Bulshadeena iyo inaad aragto digniinta macluumaadka beenta ah oo dul saaranta nuxur gaar ah.
Xusuusin:Had iyo jeer waxaan sameynaa horumar, sidaa darteed waxa aad halkan ku aragto waxaa laga yaabaa in ay waxyar wixii hore ahaayeen marka la barbardhigo waxa aan hadda isticmaalno.
ADEEGSIGA ISTICMAALAHA
Dacweynta
WAAYO ARAGNIMADA ISTICMAALAHA
Ogeysiinta dacweeynta-boostiga
WAAYO ARAGNIMADA ISTICMAALAHA
Khibrada saarista nuxur ama koonto
WAAYO ARAGNIMADA ISTICMAALAHA
Digniinta macluumaadka beenta ah
Xogta
Eeg Warbixinta Dhaqangelinta Xeerarka Bulshada ee ugu dambeeyay
Dhaqangelinta
Waxaanu leennahay xeerar isku mid ah adduunka oo dhan, oo loogu talagalay qofkasta oo isticmaala Facebook-ga.
Kooxaha dib u eegista
Kooxdayada caalamiga ah oo ka badan 15,000 dib-u-eegayaal ah ayaa shaqeeya maalin kasta si ay dadka Facebook-ga isticmaala uga dhigaan kuwo ammaan ah.
Ka qeybgalka saamileyda
Khubarada dibadda, aqoonyahannada, Ururrada aan Faa'ido Doonka ahayn iyo xeer dejiyeyaasha ayaa gacan ka geysta wargelinta Xeerarka Bulshada ee Facebook-ga.
Caawimaad u hel is-dilka, is-dhaawicida, iyo xanuunada cunto xumada
Baro waxa aad samayn karto haddii aad Facebook-ga ku aragto wax ka soo horjeeda Xeerarkeena Bulshada.
Booqo Xaruntayada Caawinta