Dhaqan Naceyb Ah

Faahfaahinta Xeerka
Adeegsiga Isticmaalaha
Xogta

Faahfaahinada xeerka

DIIWAANKA BEDDEL
Ujeeddada Xeerka
Waxaan aaminsannahay in dadku u isticmaalaan codkooda oo ay si xor ah iskugu xidhmaan marka aysan dareemin in lagu soo weeraray iyada oo ku saleysan dadka ay yihiin. Taasina waa sababta aanaan ugu oggolaanin dhaqan naceyb ah Facebook-ga, Instagram-ka, ama Threads-ka.
Waxaan ku qeexnaa dhaqanka nacaybka ah weeraro toos ah oo ka dhan ah dadka — halkii ay ka ahaan lahaayeen fikrado ama dhaqan dhisan — annagoo ku salaynayna waxa aan ugu yeerno sifooyinka la ilaaliyo (PCs): isir, qowmiyad, wadanka qofka ka soo jeedo, naafonimada, xidhiidh diimeed, u kala qeybinta dadka kooxo, nooca galmada, jinsiga, aqoonsiga jinsiga, iyo cudur halis ah. Intaa waxaa dheer, waxaan u tixgalinaa da'da si sifo ilaalsan ah marka ay la socoto sifo kale oo ilaalsan. Waxaan sidoo kale ka ilaalinaa qaxootiga, muhaajiriinta, soogalootiga iyo magangalyo doonka ka soo carara weerarrada ugu daran(Heerka 1-aad ee hoose) inkastoo aan oggolaano faallooyinka iyo dhaleeceynta ku saabsan xeerarka socdaalka. Sidoo kale, waxaanu siinaa xoogaa ilaalin ah sifooyinka aan la illaalin sida shaqada, marka ay la socoto sifo ilaalsan. Mararka qaarkood, iyadoo lagu saleynayo kala duwanaanshaha deegaanka, waxaan u tixgelinaa ereyo ama weedho gaarkood inay yihiin wakiillo inta badan loo isticmaalo sifooyin la ilaaliyay.
Waxaan saarnaa hadalka bahdilka ah, eedeynada dambiga iyo anshax xumada daran, iyo aflagaadooyinka. Sidoo kale waxaan saarnaa fikradaha waxyeellada leh, kuwaas oo aan ku qeexno sida isbarbardhigyo bahdilaad ah oo taariikh ahaan loo isticmaalay in lagu weeraro, loogu hanjabo, ama looga reebo kooxo gaar ah, kuwaas oo inta badan lala xidhiidhiyo xadgudubka ofleenka ah. Ugu dambeyntii, waxaan saarnaa aflagaadooyinka halista ah, tibaaxaha quudhsiga, naceybka ama cayda ah, iyo baaqitaanada ka reebida ama kala geynta marka la beegsanayo dadka iyada oo lagu saleynayo sifooyin la ilaaliyay. Waxaan u kala saarnaa hadalkan laba qeybood oo dardaran, sida hoos lagu qeexay.
Waxaan aqoonsannahay in dadka ay mararka qaarkood wadaagaan nuxur ay ku jiraan aflagaado ama hadal neceyb ah oo qof kale si ay u cambaareeyaan hadalka ama ay uga sameeyaan dacwo. Xaaladaha kale, hadalka, oo ay ku jiraan aflagaaddada, oo laga yaabo inay si kale u jebiyaan xeerarkayaga ayaa loo isticmaalaa is-tixraac ama hab awood siin. Waxaan oggolaanaa hadalka noocaan ah halkaas oo ujeedadda qofka hadlaya ay cadahay. Halka ujeeddadu aanay caddayn, waxaa laga yaabaa inaan saarno nuxurka.
Dadku mararka qaarkood waxay isticmaalaan luuqad u gaar ah galmada ama jinsiga marka ay ka hadlayaan gelida meelaha inta badan lagu xadiday galmada ama jinsiga, sida gelida musqulaha, dugsiyo gaar ah, militari gooni ah, dhaqangelinta sharciga, ama doorarka barista, iyo caafimaadka ama kooxaha taageerada. Wakhtiyada kale, waxay ku baaqaan reebida ama u isticmaalida luuqada aflagaadada ama ka hadalka mowduucyada siyaasadeed ama diimeed, sida marka laga doodayo xuquuqaha jinsiga, muhaajirnimada, ama khaniisnimada. Ugu dambeyntii, mararka qaarkood dadku waxay aflagaadeeyaan jinsiga iyaga oo u isticmaalaya kala tag jaceyl. Xeerarkeena waxaa loogu talagalay inay siiyaan nafis noocyadan hadalka ah.
Ha boosti gareeyn:
Heerka 1-aad
Nuxur beegsanaya qof ama koox dad ah (marka laga reebo kooxaha lagu qeexay inay geysteen dambiyo galmo ama xadgudub ama matala wax ka yar barka koox) iyada oo lagu saleynayo sifooyinka ilaashan ee horey loo soo sheegay ama heerka muhaajirnimo ama muuqaal oo leh:
  • Hadal liidid ah oo leh qaabka isbarbardhigida ee guud yeelida ku saabsan xoolaha, cudur sidaha, ama noocyada kale ee nolosha aadnaaha ka hooseeya, oo ay ku jiraan:
    • Cayayaanka (ay ku jiraan laakiin aan ku xadidnayn: baraanbarada, ayaxa)
    • Xoolaha guud ahaan ama noocyada gaar ahaaneed ee xoolaha dhaqan ahaan loo arko inay hooseeyaan (oo ay ku jiraan laakiin aan ku xaddidnayn: Dadka madow iyo daanyeerada ama makhluuqa u eg daanyeerka; Dadka yuhuuda iyo jiirka; Dadka muslimka ah iyo doofaarrada; Dadka Mexico iyo gooryaanka)
    • Bakteeriyada, fayrasyada, ama microbes-ka
    • Bini'aadanimada hooseysa (oo ay ku jiraan laakiin aysan ku koobneyn: wuxuushnimada, shayaadiinta, wuxuushta)
  • Eedeymaha anshax xumada iyo dembiilanimada daran:
    • Shaxaarinimada iyo kuwa galmo ka raadiya carruurta (oo ay ku jiraan laakiin aan ku xaddidnayn: dadka Muslimiinta ah ee la galmooda ariga ama doofaarrada)
    • Dembiilayaasha xadgudubka (oo ay ku jiraan laakiin aan ku koobneyn: argagixisda, dilaayaasha)
  • Baaqyada iyo rajooyinka ee waxyeellada soo socda (hanjabaadaha daran ama gaarka ah iyo baaqyada xadgudubka lagu sheegay xeerka hoos yimaada Xadgudubka iyo Kicinta):
    • Qaadista xanuun
    • La kulmida masiibada rabaaniga ah
    • Is-dhaawicida ama is-dilka
    • Dhimasho aan lahayn dambiile ama hab
    • Shilalka iyo waxyeellooyinka kale ee jidka ee ay sababtay ama dambiile la'aan ama sanab
  • Aragtiyo waxyeello leh oo taariikhiyan lala xidhiidhiyo cabsigelin ama xadgudub,weji madoobeynta; Diidmada xasuuqii Holocaust; rumeysashada in dadka Yuhuuda ah ay maamulaan hay'adaha maaliyadda, siyaasadda, ama warbaahinta; iyo u tixraacyada Dalits iney yihiin xoogsatada qabata shaqada hoose; lana babardhiga dadka Madow qalabka beerta.
  • Ku jeesjeeska fikradda, dhacdooyinka ama dhibanayaasha dembiyada nacaybka xitaa haddii aan qof dhab ah lagu muujin sawir.
  • Ku jeesjeesida dadka inay sameeyaan ama ay la kulmaan xanuun.
  • Nuxurka qeexa ama si xun u bartilmaameedsada dadka leh ceytama. Afxumada waxaa lagu qeexaa inay yihiin erayo si dabiici ah u abuuraya jawi ka saarid iyo cagajugleyn ka dhan ah dadka iyadoo lagu saleynayo sifooyin la ilaaliyay, inta badan sababtoo ah erayadani waxay ku xiran yihiin takoorid, cadaadis iyo rabshado taariikheed.
Heerka 2-aad
Nuxur beegsanayo qof ama koox dad ah iyadoo lagu salaynayo sifadooda(sifooyinkooda) ilaashan (qaab qoraal ama muuqaal ah):
  • Baaqyada taageerada ee reebida ama kala geynta ama bayaanada ujeedadda si looga reebo ama loo kala geeyo, sida lagu qeexay:
    • Kala geynta guud, taas oo ka dhigan ku baaqida ka reebid guud ama kala geyn, sida ''X looma oggola!''
    • Ka reebid siyaasadeed, taas oo ka dhigan inkirida xaqa ka qeyb qaadashada siyaasadeed ama ugu booteynta xadhiga ama loo diido xuquuqaha siyaasadeed.
    • Dhaqaale u diidid, taas oo macnaheedu ay tahay in la diido helitaanka xuquuqda dhaqaale iyo xaddididda ka qayb-galka suuqa shaqada. Waxaan oggolaanaa nuxurka ku doodaya xadidaado milatari oo ku saleysan jinsiga, dhaqangelinta sharciga, iyo shaqooyinka wax barisata. Sidoo kale waxaan oggolaanaa isla nuxur iyada oo lagu saleynayo habka galmood, marka nuxurku ku saleysanyahay aragtiyada diimeed.
    • Ka reebida bulsho, taas oo ka dhigan waxyaabaha ay ka midka yihiin u diidida gelida meelaha (si jismi ama qaab onleen ah) iyo adeegyada bulsho, marka laga reebo ka reebista ku saleysan jinsiga ee goobaha inta badan lagu xadiday jinsiga, sida suuliyada, ciyaaraha iyo tartamada ciyaaraha, kooxaha caafimaadka iyo taageerada, wax dugsi oo gaar ah.
  • Aflagaadada, oo ay ku jiraan kuwa ku saabsan:
    • Dhaqanka, oo ay ku jiraan laakiin aan ku ekeyn eedeymada baqdinta, khiyaanada, dembiyada aasaasiga ah, dhileynimo ama anshax xumada kale ee galmada.
    • Tilmaamaha maskaxda, oo ay ku jiraan laakiin aan ku xaddidnayn eedeymaha nacasnimada, kartida garaadka, iyo xanuunka dhimirka, iyo isbarbardhigga aan la taageerin ee u dhexeeya kooxaha PC ee ku saleysan awoodda garaadka ee dabiiciga ah. Waxaan oggolaneynaa eedeymaha xanuunka dhimirka ama aan caadiga ahayn marka lagu saleynayo jinsiga ama qaabka galmoodka, la siiyo khudbado siyaasadeed iyo diimeed oo ku saabsan labeebka iyo khaniisnimada iyo isticmaalka caadiga ah ee aan khatarta ahayn ee ereyada sida "wax qariib ah."
    • Meelah akale, oo ay ku jiraan laakiin aan ku xadidney eedeymaha qiimo la'aanta, qiimo badnida, foolxumada, wasakhda.
  • Tibaaxaha soo jeediya in bartilmaameedsigu sababay xanuun, oo ay ku jiraan laakiin aan ku xaddidneyn "hunqaaco ayaan ka qaadayaa.''
  • Habaarka beegsiga ah, marka laga reebo qaar ka mid ah habaarka ku salaysan jinsiga ee macnaha guud ee kala taga dadka is jecel, oo lagu qeexay sida:
    • Isticmaalka bartilmaameedsan ee ''fuck'' ama kala duwanaanshaha ''fuck'' oo ujeedadeedu tahay in la caayo, sida ''Was [Sifo La ilaaliyay]!''
    • Erayada ama odhaahyada ku baaqaya ka-qaybgalka hawlaha galmada, ama xidhiidhka xubnaha taranka, dabada, saxarada ama kaadida, oo ay ku jiraan laakiin aan ku xaddidnayn: dhuuq guskeyga, dhunko dabadayda, cun xaarka.
Xeerarka Bulshada ee soo socda, waxaan u baahannahay macluumaad dheeraad ah iyo/ama macnaha guud si loo dhaqangeliyo:
Ha boosti gareeyn:
  • Nuxur si cad u bixinaya ama bixinaya si uu u keeno badeecooyin ama adeegyo ujeeddadoodu tahay in ay beddelaan jihaynta galmada ee dadka ama aqoonsiga jinsiga.
  • Nuxur weeraraya fikrado guud, machadyada, fikradaha, dhaqamada, ama caqiidooyinka la xidhiidha sifooyinka la ilaaliyay, kuwaas oo ay u badantahay in ay gaystaan ​​waxyeellada jidheed ee dhow, cabsigelin ama takoorid ka dhan ah dadka la xidhiidha sifadaas la ilaaliyo. Meta waxay eegtaa calaamado kala duwan si ay u go'aamiso haddii ay jirto khatar waxyeello ah oo ku jirta nuxurka. Kuwani waxaa ka mid ah laakiin aan ku xaddidnayn: nuxurka kicin kara rabshado ama cabsigelin dhow; haddii ay jirto xiisad kacsanaan ah sida doorasho ama khilaaf socda; iyo haddii ay jirto taariikh dhow oo rabshado ah oo ka dhan ah kooxda la ilaaliyo ee la beegsaday. Xaaladaha qaarkood, waxaa laga yaabaa inaan sidoo kale tixgelinno in qofka hadlaya uu yahay qof dadka ka dhax muuqdo ama uu hayo jago maamul.
Xaaladaha qaarkood, waxaanu oggolaan doonnaa nuxurka laga yaabo in uu ku xad-gudbo Xeerarka Bulshada marka la go'aamiyo in nuxurku yahay jeesjees. Nuxurka waxaa kaliya ee la oggolaan doonaa haddii walxaha ku xad-gudubka ee nuxurka ku jira la buunbuuniyay ama loo nisbaynayo shay ama qof kale si loogu canjilo ama loo dhaleeceeyo iyaga.
Ogow: Haddii aad tahay isticmaale ku sugan Midowga Yurub, oo aad arkeysid nuxur aad aaminsantahay in uu ku xadgudbayo sharciyada hadalka naceybka ah ee gudaha waddankaaga, waxaad u gudbin kartaa codsi saaris oo sharci ah Facebook-ga ama Instagram-ka.
Adeegsiga isticmaalaha
Arag tusaalooyinka qaar ee ku saabsan sida dhaqangelinta ay ugu muuqato dadka Facebook-ga isticmaala, sida: qaabka ay kuugu muuqato in aad dacwo ka gudbiso wax aad u malaynayso inaysan ahayn inay ka sii mid ahaadaan Facebook-ga, in laguu sheego inaad ku xadgudubtay Xeerarka Bulshadeena iyo inaad aragto digniinta macluumaadka beenta ah oo dul saaranta nuxur gaar ah.
Xusuusin:Had iyo jeer waxaan sameynaa horumar, sidaa darteed waxa aad halkan ku aragto waxaa laga yaabaa in ay waxyar wixii hore ahaayeen marka la barbardhigo waxa aan hadda isticmaalno.
ADEEGSIGA ISTICMAALAHA
Dacweynta
WAAYO ARAGNIMADA ISTICMAALAHA
Ogeysiinta dacweeynta-boostiga
WAAYO ARAGNIMADA ISTICMAALAHA
Khibrada saarista nuxur ama koonto
WAAYO ARAGNIMADA ISTICMAALAHA
Digniinta macluumaadka beenta ah
Xogta
Eeg Warbixinta Dhaqangelinta Xeerarka Bulshada ee ugu dambeeyay
Dhaqangelinta
Waxaanu leennahay xeerar isku mid ah adduunka oo dhan, oo loogu talagalay qofkasta oo isticmaala Facebook-ga.
Kooxaha dib u eegista
Kooxdayada caalamiga ah oo ka badan 15,000 dib-u-eegayaal ah ayaa shaqeeya maalin kasta si ay dadka Facebook-ga isticmaala uga dhigaan kuwo ammaan ah.
Ka qeybgalka saamileyda
Khubarada dibadda, aqoonyahannada, Ururrada aan Faa'ido Doonka ahayn iyo xeer dejiyeyaasha ayaa gacan ka geysta wargelinta Xeerarka Bulshada ee Facebook-ga.
Caawimo u hel dhaqanka nacaybka ah
Baro waxa aad samayn karto haddii aad Facebook-ga ku aragto wax ka soo horjeeda Xeerarkeena Bulshada.
Booqo Xaruntayada Caawinta