Kuzviuraya, Kuzvikuvadza, uye Kusadya Zvakanaka

Tsanangudzo Dzemutemo
Zvasangana Nevashandisi
Dhata

Mashoko akawanda nezveMutemo

CHINJA ROGU
Chikonzero Chakanyorerwa Mutemo
Tine hanya chaizvo nekuchengeteka kwevanhu vanoshandisa maapu edu. Tinogara tichikurukura nenyanzvi dzezvekuzviuraya, kuzvikuvadza uye kusadya zvakanaka kuti vatibatsire pakugadziridza mitemo yedu uye pakutevedzerwa kwayo, uye tinoshanda nemasangano ari pasi rose pakupa rubatsiro kuvanhu vari kushushikana.
Kunyange zvazvo tisingabvumiri vanhu kuti vapemberere kana kukurudzira kuzviuraya, kuzvikuvadza, kana kusadya zvakanaka, vachizviita vachiziva kana kuti vazingazivi, tinobvumira vanhu kuti vakurukure nyaya idzi nekuti tinoda kuti masevhisi edu ave nzvimbo iyo vanhu vanogona kukurukura zvakaitika kwavari, kuita kuti vanhu vazive nezvenyaya idzi, uye kutsvaga rubatsiro. Tinogonawo kuita kuti vanhu vakuru chete, vane makore 18 kana kudarika vakwanise kuona zviiswa zvacho.
Tinobvisa chero zviiswa zvinokurudzira kuzviuraya, kuzvikuvadza, kana kusadya zvakanaka, kusanganisira zvinhu zvakadai seanonzi mamemes kana zvakadhirowewa uye chero zviiswa zvine chekuita nekuzviuraya zvinonyatsooneka, pasinei nechinangwa chazvaisirwa. Tinobvisa zviiswa zvine mirayiro yemaitiro ekudzikisa uremu zvisina utano. Tinobvisawo zviiswa zvinotsoropodza vanhu vakazviuraya kana kuti vakapona pakuda kuzviuraya, kuzvikuvadza, kana kusadya zvakanaka, uyewo kuratidzwa kwekuzviuraya kana kuzvikuvadza kunenge kuchitoitika. Zviiswa zvine chekuita nekupona pakuedza kuzviuraya, kuzvikuvadza, kana kusadya zvakanaka zvinobvumirwa, asi zvinogona kunge zviine mifanandzo inogona kusafadza vamwe (yakadai seronda rakapora) zvinoisirwa mashoko echenjedzo uye tichaita kuti vanhu vakuru chete, vane makore 18 kana kudarika vakwanise kuona zviiswa zvacho.
Kana vanhu vakatumira kana kutsvaga zvinhu zvine chekuita nekuzviuraya, kuzvikuvadza, kana kusadya zvakanaka, tichavaratidza masangano emunzvimbo yavo anogona kuvapa rubatsiro uye kana chikwata cheVanobatsira Vashandisi chichityira kuti munhu anogona kuzvikuvadza nekukurumidza, tichabata vanomhanya kunobatsira vemunzvimbo kuti munhu wacho abatsirwe. Kuti uwane mamwe mashoko, enda pa Muzinda weMeta Wekuchengeteka.
Panyaya yezvinobuda zviri kutoitika, nyanzvi dzakatiudza kuti kana munhu anenge achitaura kuti ane pfungwa dzekuda kuzviuraya achibuda pavhidhiyo yezviri kutoitika, tinofanira kusiya vhidhiyo yacho kwenguva yakareba sezvinobvira nekuti kufamba kunoita nguva munhu achitaura pakamera kunoita kuti pavewo nemukana wakawedzera wekuti shamwari kana wemumhuri afonere vanomhanya kunobatsira. Kunyange zvakadaro, kuderedza mukana wekuti vamwe vavhiringidzwe nekuona vhidhiyo iyi, tichaimisa painoratidza kuti munhu wacho ava kutoda kuita zvaari kutaura. Sezvataurwa pamusoro apa, chero zvazvingava, tichafonera vanomhanya kunobatsira kana tikaona kuti munhu ava pangozi yekuda kuzvikuvadza.
Hatitenderi:
  • Zviiswa zvinosimudzira, zvinokurudzira, zvinoronga, kana kupa mirayiridzo yekuzviuraya, kuzvikuvadza, kana kusadya zvakanaka.
  • Zviiswa zvinoratidza kuzviuraya kwakaipisisa, kuzvikuvadza, kana mifananidzo yekusadya zvakanaka
  • Zviiswa zvinoratidza munhu achiedza kuzviuraya kana kuti azviuraya
  • Mifananidzo yevanhu kana yakatumirwa pamwe chete nemashoko anofambidzana nekusadya zvakanaka
  • Zviiswa zvinoratidza mbabvu, mabhonzo akatenderedza mutsipa, mukaha wepakati pemakumbo, mahipusi, dumbu rakanamana nemusana, musana uri kubuda, mapendekete akaondoroka, mabhonzo ari kuoneka kana shaya dzakawira mukati kana zvikatumirwa zviine mashoko ane chekuita nekusadya zvakanaka
  • Zviiswa zvine mirayiro yemaitiro ekudzikisa uremu zvisina utano
  • Zviiswa zvinobvumira maitiro ekudzikisa uremu zvisina utano kana atumirwa pamwe chete nemashoko anofambidzana nekusadya zvakanaka
  • Zviiswa zvine mirayiro yekudya zvishoma-shoma kana zvikatumirwa zviine mashoko ane chekuita nekusadya zvakanaka
  • Zviiswa zvinotsoropodza vanhu vakapona pakuda kuzviuraya, kuzvikuvadza, kusadya zvakanaka vanozivikanwa neruzhinji kana varikunzi vanombotaura kuti vakamboedza kuzviuraya, kuzvikuvadza kana kusadya zvakanaka
  • Mifananidzo inoratidza kuvandudzwa kwemuviri (semuenzaniso, nyora, kuzviboora, kuzvinyora paganda, kuzvirova, nezvimwe) kana zvatumirwa munyaya yekuzviuraya kana kuzvikuvadza
Pazviiswa zvinotevera, tinoisawo sikirini ine mashoko eyambiro kuti vanhu vazive kuti zviiswa zvacho zvingangovabatabata. Tinoitawo kuti vanhu vakuru chete, vane makore 18 kana kudarika vakwanise kuona zviiswa zvacho:
  • Mifananidzo kana mavhidhiyo anoratidza munhu ari kubatsirwa kuti afe nemishonga inonzi euthanasia.
  • Zviiswa zvinoratidza zviitiko zvemunguva yakapfuura zvekuzvikuvadza zvakadai semadzvanga emaronda akapora kana mimwe mifananidzo isinganyanyi kubudisa zvinhu sezvazviri yekuzvikuvadza, kuzviuraya kana kupora kubva pazvinhu izvi
  • Zviiswa zvinoratidza mbavhu, mabhonzo akatenderedza mutsipa, mukaha wepakati pemakumbo, mahipusi, dumbu rakanamana nemusana, musana uri kubuda, mabhonzo epamapendekete, mabhonzo mumaoko kana makumbo ari kuoneka kana matama akawira mukati mumamiriro ekupora
Pazviiswa zvinotevera, tinopa zvinobatsira kuvanhu uye todzora kuti zviiswa zvacho zvionekwe nevanhu vakuru, vezera remakore 18 kana kupfuura:
  • Kubvuma kwakanyorwa kana kwekutaura kuda kuzviuraya, kuzvikuvadza kana kusadya zvakanaka.
  • Mashoko asina kujeka angangotaura zvekuzviuraya kana kutaura nezvazvo (kusanganisira mamemes kana mifananidzo yepaindaneti yekusuruvara, kuora mwoyo, kuratidza kufa sekupukunyuka, kana zviiswa zvinobva kutsika dzakakurumbira dzinosimbisa pfungwa dzakaipa, dzinoodza mwoyo) mumamiriro ane chekuita nekuzviuraya kana kuzvikuvadza.
Pazviiswa zvinotevera, tinodzora kuti zviiswa zvacho zvionekwe nevanhu vakuru, vezera remakore 18 kana kupfuura:
  • Kutsvinyira kana kuramba mafungiro ekuzviuraya, kuzvikuvadza kana kusadya zvakanaka
  • Nhoroondo dzinotsanangura kuzviuraya ine mashoko anopfuura kungodudza zita kana kutaura chiito chacho kana zviri pashure pekuzviuraya
  • Kubvuma kuva nemaitiro ekuderedza uremu zvisina utano
PaMitemo Yenharaunda inotevera, tinoda mamwe mashoko kana kuti mashoko akapoteredza kuti tikwanise:
  • Tinogona kubvisa mashoko ekuzviuraya kana tikava nechokwadi chekuti ndeemunhu akazviuraya kana kuti akaedza kuzviuraya. Tinoedza kuona mashoko ekuzviuraya tichishandisa zvinhu zvakawanda, kusanganisira asi zvisingagumire ku:
    • Zvikumbiro zvegweta kana vamiririri vemhuri,
    • Maripoti kubva kune vezvenhau, vezvemutemo, kana vamwewo vanhu (semuenzaniso, mapazi ehurumende, maNGO),kana Fomu Rekukubata Rekuzviuraya kana Fomu Rekukubata reInstagram.
    • Tinogonawo kubatanidza zviratidzi zvepasiri papuratifomu zvekubvuma kana kusimudzira kuzviuraya, kusadya zvakanaka kana maitiro ekuderedza uremu zvisina utano kwabva kumushandisi kuti tinogorore kana zviiswa zvakasanangurwa zvakatumirwa navo pamapuratifomu eMeta achogona kuva nenjodzi kune vamwe.
Zvasangana nevashandisi
Ona mienzaniso yezvinoitwa pakuitwa kuti mitemo itevedzwe kuvanhu vepaFacebook, zvakadai seizvi: zvazvakaita pakumhan'ara chinhu chaunofunga kuti hachifaniri kuva paFacebook, kuudzwa kuti watyora Mitemo yeNharaunda yedu uye kuona mashoko echenjedzo pane zvimwe zviiswa.
Ziva kuti: Tinogara tichivandudza, saka zvaunoona pano zvinogona kunge zvava zvekare zvishoma pane zvatinenge tava kushandisa.
ZVINOSANGANA NEMUSHANDISI
Kumhan'ara
ZVINOSANGANA NEMUSHANDISI
Kukurukura pashure pekumhan'ara
ZVINOSANGANA NEMUSHANDISI
Mashandiro ekubvisa
ZVINOSANGANA NEMUSHANDISI
Mashoko echenjedzo anobuda pasikirini
Dhata
Ona Ripoti yeKumisikidzwa kweMitemo Yenharaunda yazvino
Kuita kuti itevedzerwe
Tine mitemo yakafanana pasi rese yemunhu wese ari paFacebook.
Zvikwata zvinoongorora
Chikwata chedu chepasi rese chevanhu vanopfuura 15 000 chinoshanda zuva nezuva kuti vanhu vari paFacebook vachengeteke.
Kunzwawo vamwe
Nyanzvi dziri kunze, vedzidzo, maNGO nevanogadzira mitemo, vanobatsira kuti Facebook ione zvaingaita pakugadzirisa Mitemo yeNharaunda.
Wana rubatsiro payaya yekuzviuraya, kuzvikuvadza, kana yekusadya zvakanaka
Dzidza zvaungaita kana ukaona chimwe chinhu chinopesana neMitemo Yenharaunda yedu paFacebook.
Shanyira Nzvimbo Yerubatsiro yedu