Kutyora Mutemo Wezvakavanzika

Tsanangudzo Dzemutemo
Zvasangana Nevashandisi

Mashoko akawanda nezveMutemo

CHINJA ROGU
Zvikonzero Zvemutemo
Masevhisi edu anovavarira kuchengetedza kuvanzika uye mashoko akavanzika ezvemunhu emushandisi wedu. Tinoshanda nesimba kuti tichengetedze kuzivikanwa kwako pachako uye mashoko, uye hatibvumidzi vanhu kuburitsa mhando dzimwe dzemashoko emunhu kana mashoko akavanzika nezvavo kana nezvevamwe. Tinowanisawo vanhu nzira dzekumhan'ara nadzo mifananidzo iyo vanhu vanodavira kuti iri kutyora kodzero dzavo dzezvakavanzika.
Tinobvisa zviiswa zvinotumira, zvinowanisa vanoda, kana zvinokumbira zvinhu zvinogona kuita kuti munhu azivikanwe kana zvimwe zvakavanzika zvinogona kukuvadza munhu kana kukuvadza zvine chekuita nemari dzake, pekugara, uye zveutano, kusanganisira zvakavanzika zvinowanika nenzira dzisiri pamutemo. Tinoziva kuti zvakavanzika zvinogona kuwaniswa veruzhinji kuburikidza nenhau, mafaira ematare, zvinobudiswa mumapepanhau, nezvimwewo. Panoitika izvi, tingatendera kuti zvakavanzika zvacho zvitumirwe.
Tine zvimwe zvidzoreso zvezviiswa zvinobhadharwa. Kunyange tichibvumira shambadzo dzinopa ruzivo rwakanaka kumushandisi nekutarisa pane zvinhu kana masevhisi azvo, tinobvisa shambadzo dzinoshandisa nhamo dzemunhu, dzinoita sekudzora kana kutsanangura zvisizvo pamusoro pake, kana kuti dzinoratidza kunge dzine ruzivo rwezvinhu zvakavanzika zvemunhu. Kuti uwane mamwe mashoko pamusoro pemitemo yedu yekuvanzika pamashoko akabhadharwa, ona Maitiro Edu eKushambadza pa Kutyora Kuvanzika uye Zvinhu Zvemunhu.
Hatitenderi:
Zviiswa zvinotumira kana kukumbira zvakavanzika zvemunhu, pangava pamasevhisi edu kana kuti pachishandiswa zvibatanidzi zvekunze:
Mashoko anozivisa muridzi (PII)
  • Zviiswa zvinopa Mashoko Anozivisa Muridzi (mashoko anoita kuti munhu azivikanwe kuti ndiani) aposita kana vamwe. Izvi zvinosanganisira:
    • Nhamba dzezvitupa dzenyika dzakaita senhamba dzekuchengetedzwa kwevanhu (SSN), nhamba dzepasipoti kana nhamba dzekuzivikanwa dzemutero wega wega (ITIN).
    • Zvitupa zvinopiwa nehurumende zvevachengetedzi vemitemo, mauto, kana vachengetedzi.
    • Zvinyorwa kana madhokumendi epamutemo ekunyoreswa kwevanhu zvakadai semuchato, kuzvarwa, rufu, kuchinja zita kana kuti munhui
    • Madhokumendi ekuuya kunogara munyika uye epamire munhu panyaya dzebasa akadai semakadhi egirini, mvumo dzebasa, mavhiza, kana mapepa ekuuya kunogara munyika
  • Zviiswa zvinokumbira Mashoko Anozivisa Muridzi evamwe
Mashoko eKutaura Nemunhu
  • Zviiswa zvinogovera mashoko akavanzika epanobatika vamwe, kunze kwekunge zvaiswa pachena nemunhu wacho kana kuti zvapiwa kana kukumbirwa kusimudzira zvikonzero zvekubatsira, kubatsira kutsvaga vanhu vari kushayikwa, mhuka, kana varidzi vezvinhu zviri kushayikwa, kana kubata bhizinesi kana vanopa masevhisi (kunze kwekunge zvaonekwa kuti mashoko emunhu agoverwa pasina mvumo yemunhu).
Mashoko epanogara munhu
  • Zviiswa zvinogovera kero dzekumba dzevamwe, kusanganisira zita rechivakwa kana mapini pamepu inozivisa kero (kunyangwe mapini ari mu off-platform link), kunze kwezvinotevera:
    • kana zvakagoverwa kusimudzira zvikonzero zvekubatsira, kufambisa kutsvaga vanhu vasipo, mhuka, kana varidzi vezvinhu zvisipo, kana kubata bhizinesi kana vanopa masevhisi.
    • kana panogarwa pacho iri nzvimbo yepamutemo kana embassy yemunhu anozivikanwa neruzhinji
  • Zviiswa zvinogovera maadhiresi epanogara munhu akavanzika (kunze kwekunge panogarwa pacho iri nzvimbo yepamutemo kana embassy yemunhu anozivikanwa neruzhinji):
    • Kana zvakagoverwa mumamiriro ekuronga kuratidzira kana kutariswa kwemugari uye nzvimbo yekugara iri inozivikanwa nechimwe chezvinotevera:
      • Mugwagwa
      • Guta kana nharaunda (maguta ane vanhu vagari vari pasi pe50 000 chete)
      • Kodhi yeposvo
      • Mapini eGPS kana mapini pamepu anoratidza chero cheizvi (kunyangwe mapini ari mu-off-platform link)
    • Mufananidzo unoratidza zvakaita kunze kwedzimba dzevanhu dzekugara kana paine zvese zvinotevera:
    • Imba yacho uri musha wemhuri imwe chete, kana kuti nhamba yemba yacho/chivakwa ichioneka mumufananidzo/zvakatorwa zvacho.
    • Nzvimbo yekugara inoratidzwa nechimwe chezvinotevera:
      • Mugwagwa
      • Guta kana nharaunda (maguta ane vanhu vagari vari pasi pe50 000 chete)
      • Kodhi yeposvo
      • Mapini eGPS kana mapini pamepu anoratidza chero cheizvi (kunyangwe mapini ari mu-off-platform link)
    • Zviiswa zvinozivisa kuti mugari kana vagari ndivanaani.
    • Mugari wacho iyeye achiramba kuti imba yake yakavanzika ibudiswe pachena, kana kuti pachitaurwa urongwa hwekuratidzira pachitsutsumwa nezvemugari iyeye.
    • Mufananidzo weimba iyi uyu hausi kugovaniswa nekuti imba yacho ndiyo yakanangana nenhau (kunze kwekunge yagovaniswa mumamiriro ekuronga kuratidzira kupokana nemugari)
  • Zviiswa zvinokumbira maadhiresi epanogara munhu akavanzika (kunze kwekunge panogarwa pacho iri nzvimbo yepamutemo kana embassy yemunhu anozivikanwa neruzhinji):
  • Zviiswa zvinokumbira nzvimbo dzedzimba dzakachengetwa kana kubudisa mashoko edzimba dzakachengetwa kuburikidza nekutumira chii zvacho chezviri pazasi apa (kunze kwekunge imba yacho ichisimudzira zvine chekuita nenzvimbo yayo)
    • Kero chaiyo (Ziva kuti: "Bhokisi Reposvo chete" ndiro rinotenderwa)
    • Mifananidzo yemba yakachengeteka
    • Guta/nharaunda inoratidza pane imba yakachengeteka
    • Zvinobudisa pachena rupawo rwevari kugara muimba yakachengeteka
Mashoko ezvekurapwa
  • Zviiswa zvinogovera kana kukumbira mashoko ane chekuita nezvekurapwa, zvepfungwa nemanzwiro, zviri pamunhu zvinomusiyanisa nevamwe, kana zvaanoberekwa achitoredzera kuvabereki nevamwe vemhuri (kusanganisira kana akaratidzwa zvinoonekwa kana kugoverwa kuburikidza nechekuteerera kana vhidhiyo), kana zvakajeka kuti mashoko aya anobva kumarekodhi ezvekurapwa kana amwe marekodhi epamutemo.
Mashoko ezvemari.
  • Zviiswa zvinogovera kana kukumbira ruzivo rwemari yemunhu atumira kana vamwe, zvinotsanangurwa semashoko maererano nezvemari dzemunhu kusanganisira:
    • Zvinyorwa kana masitatimendi asiri eruzhinji ane chekuita nemari.
    • Nhamba dzeakaundi yebhangi dzine mapini kana makodhi echengetedzo.
    • Zvine chekuita nenzira yepaindaneti yekubhadhara nayo pamwe chete nezvekupindisa nazvo, mapini kana makodhi echengetedzo.
    • Zvekadhi rechikwereti kana reakaundi yebhanga rinoratidza musi warichaguma kushanda, kana mapini kana makodhi echengetedzo.
  • Zviiswa zvinopa kana kukumbira mashoko asiri eparuzhinji ezvemari emabhizinesi kana masangano, kunze kwekunge apiwa nesangano racho pacharo (kusanganisira kupiwa kwakazotevera zvese zvepakutanga) kana kupiwa kuburikidza nezvinodiwa mumaripoti eparuzhinji (semuenzaniso sekudiwa kwazvo nemusika unotengeswa masheya kana masangano anodzora), kusanganisira:
    • Zvinyorwa kana masitatimendi asiri eruzhinji ane chekuita nemari
    • Nhamba dzeakaundi yebhangi dzinenge dzichiperekedzwa nemapini kana makodhi echengetedzo.
    • Zvine chekuita nenzira yepaindaneti yekubhadhara nayo zvichiperekedzwa nezvekupindisa nazvo, mapini kana makodhi echengetedzo.
Mashoko awanikwa paitwa zvekupinda zvechitsotsi
  • Zviiswa zviri kunzi neatumira kana kuti zvaonekwa kuti zvabva muakaundi yakapindwa zvechitsotsi, zvisinei nekuti munhu ari kubatwa-batwa nazvo munhu ane mukurumbira kana kuti munhu asingazivikanwi.
Zviiswa zvinotevera zvingangobviswawo:
  • Mufananidzo kana vhidhiyo iri kuratidza vanhu yamhan'arirwa, ine munhu ari kuratidzwa anenge ari:
    • Mwana ari pasi pemakore 13 ekuzvarwa, uye zviiswa zvacho zvamhan'arirwa nemwana kana mubereki kana muchengeti wepamutemo.
    • Mwana ari pakati pemakore 13 ne18 ekuzvarwa, uye zviiswa zvacho zvamhan'arirwa nemwana mudiki.
    • Munhu mukuru, kana kuri kuti zviiswa zvacho zvamhan'arirwa nemunhu mukuru ari kunze kweUnited States uye mitemo iri iri kushandiswa iri iya ingazozvipa kodzero dzekuti zvibviswe.
    • Munhu chero upi asingakwanisi kuzviitira zvinhu uye asingakwanisi kumhan'arira zviiswa pachezvake.
PaMitemo yeNharaunda inotevera, tinoda mamwe mashoko kana kuti mashoko akapoteredza kuti tikwanise:
  • Mifananidzo Yevanhu uye Zvivakwa Zvekurapa, zvinotsanangurwa sezviiswa zvinoratidza munhu ari munzvimbo yekurapa kana yehutano kana munhu akazvimiririra kana mudiki ari kupinda kana kubuda munzvimbo yekurapa kana yehutano, uye zvinenge zvichiiswa:
    • Nemunhu ari pamufananidzo
    • Nemumiririri wemunhu ari pamufananidzo
    • Nachiremba kana nzvimbo yehutano ine mabasa ekurapa munhu ari pamufananidzo, kana
    • Nachiremba kana nzvimbo yehutano inoshandirwa nemunhu ari pamufananidzo, kana
  • Zvinhu zvinoratidza mashoko asiri eruzhinji anoenderana nesarudzo akagoverwa achitsigirwa nehurumende isiri yemunyika yacho.
    • Tinobvisa kukwanisa kubudisa mashoko kwemasangano enhau enyika kunyika inenge yabudisa zvirisi pamutemo.
Zvasangana nevashandisi
Ona mienzaniso yezvinoitwa pakuitwa kuti mitemo itevedzwe kuvanhu vepaFacebook, zvakadai seizvi: zvazvakaita pakumhan'ara chinhu chaunofunga kuti hachifaniri kuva paFacebook, kuudzwa kuti watyora Mitemo yeNharaunda yedu uye kuona mashoko echenjedzo pane zvimwe zviiswa.
Ziva kuti: Tinogara tichivandudza, saka zvaunoona pano zvinogona kunge zvava zvekare zvishoma pane zvatinenge tava kushandisa.
ZVINOSANGANA NEMUSHANDISI
Kumhan'ara
ZVINOSANGANA NEMUSHANDISI
Kukurukura pashure pekumhan'ara
ZVINOSANGANA NEMUSHANDISI
Mashandiro ekubvisa
ZVINOSANGANA NEMUSHANDISI
Mashoko echenjedzo anobuda pasikirini
Kuita kuti itevedzerwe
Tine mitemo yakafanana pasi rese yemunhu wese ari paFacebook.
Zvikwata zvinoongorora
Chikwata chedu chepasi rese chevanhu vanopfuura 15 000 chinoshanda zuva nezuva kuti vanhu vari paFacebook vachengeteke.
Kunzwawo vamwe
Nyanzvi dziri kunze, vedzidzo, maNGO nevanogadzira mitemo, vanobatsira kuti Facebook ione zvaingaita pakugadzirisa Mitemo yeNharaunda.
Wana rubatsiro nezvekutyora mutemo wezvakavanzika
Dzidza zvaungaita kana ukaona chimwe chinhu chinopesana neMitemo Yenharaunda yedu paFacebook.
Shanyira Nzvimbo Yerubatsiro yedu