Kumiririra Rupawo Rwepachokwadi

Tsanangudzo Dzemutemo
Zvasangana Nevashandisi

Mashoko akawanda nezveMutemo

CHINJA ROGU
Zvikonzero Zvemutemo
Kumira pachokwadi ndiko kunotsigisa nharaunda yedu. Tinodavira kuti kumira pachokwadi kunobatsira kuti tiumbe nharaunda yekuti vanhu vanozvidavirira kumumwe nemumwe, uye kuMeta, munzira dzinoshanda. Tinoda kutendera nzira dzakasiyana-siyana dzatinoratidza nadzo zvatiri munharaunda yedu yepasi rese, uku tichidzivisa kunyepedzera kuva mumwe munhu kana kuti kushandisa rupawo rusiri rwedu. Kuti tichengetedze nzvimbo yakakotseka uye iri pajekerere yekuti vanhu vanovimba mumwe nemumwe vovaka nharaunda, hatitenderi kuvhurwa kwemaakaundi kana mapurofairi anogadzirwa kana kushandiswa kuti anyengedze vamwe.
PaFacebook, tinoda kuti vanhu vagadzire akaundi imwe chete vachishandisa zita ravanodaidzwa naro mazuva ese iro rinovamiririra ivo zvepachokwadi. Takagadzira Mamwe Mapurofairi kuti tibatsire vanhu kuburitsa pachena zvimwe zvine chekuita nezvavari, sezvakaita zvavanofarira kana mabhizinesi avo.
Hatitenderi kushandiswa kwemasevhisi edu uye tichadzora kana kumisa kushanda kwemaakaundi eFacebook, Instagram, uye Threads kana zvimwe zvinhu zveFacebook (zvakadai seMapeji, magurupu):
  • Zvinenge zviri zvevana vasati vabva zera
  • Zvinonyepera kuva mumwe munhu kana sangano kuburikidza ne:
    • Kushandisa mufananidzo kana mifananidzo yavo, zita, kana kakuda kufanana nechinangwa chekunyengedza vamwe
    • Kutaura nezwi remumwe munhu kana sangano mushandisi asina kupiwa mvumo yekudaro (semuenzaniso nekugadzira Peji kana Purofairi)
  • Zvinokambira rupawo rwusiri rwazvo kuti zvirasise kana kunyengedza vamwe, kunzvenga kumisikidzwa kwemitemo, kana kutyora Mitemo Yenharaunda yedu. Tinotarisa zvinhu zvakasiyana kana tichiongorora kumiririra rupawo kwekunyengedza, sezvakaita:
    • Kudzokorora kana kuchinjwa kwakanyanya kwemashoko erupawo, sekuti zita kana zera
    • Mashoko epurofairi anonyengedza, sekuti zvizhinji pamusoro pemunhu uye nzvimbo yepurofairi
    • Kushandisa mifananidzo yezvekutengeserana inoda marezinesi
  • Zvinoshandisa zita rine kutyora Mitemo Yenharaunda yedu.
PaFacebook, tichatsvaga ruzivo rwekuwedzera tisati tatora matanho anotangira pakumbomisa kushanda kusvikira pakuvhara zvachose mapurofairi kana maakaundi kana iwe:
  • Ukapa musi wekuzvarwa wekunyepa
  • Ukapa zita risiri rechokwadi raunoshandisa mazuva ese
  • Ukagadzira akaundi imwe chete inomiririra kana kuti inoshandiswa nevanhu vanodarika mumwe chete
  • Ukagadzira kana kuramba uine maakaundi akawanda eFacebook
  • Ukagadzira akaundi inomiririra chinhu chisiri munhu, chakadai sebhizinesi, mhuka inovaraidza, kana munhu asiri wechokwadi
  • Ukachengeta mapurofairi asina chinhu anenge akangogara kwenguva yakareba
Zvasangana nevashandisi
Ona mienzaniso yezvinoitwa pakuitwa kuti mitemo itevedzwe kuvanhu vepaFacebook, zvakadai seizvi: zvazvakaita pakumhan'ara chinhu chaunofunga kuti hachifaniri kuva paFacebook, kuudzwa kuti watyora Mitemo yeNharaunda yedu uye kuona mashoko echenjedzo pane zvimwe zviiswa.
Ziva kuti: Tinogara tichivandudza, saka zvaunoona pano zvinogona kunge zvava zvekare zvishoma pane zvatinenge tava kushandisa.
ZVINOSANGANA NEMUSHANDISI
Kumhan'ara
ZVINOSANGANA NEMUSHANDISI
Kukurukura pashure pekumhan'ara
ZVINOSANGANA NEMUSHANDISI
Mashandiro ekubvisa
ZVINOSANGANA NEMUSHANDISI
Mashoko echenjedzo anobuda pasikirini
Kuita kuti itevedzerwe
Tine mitemo yakafanana pasi rese yemunhu wese ari paFacebook.
Zvikwata zvinoongorora
Chikwata chedu chepasi rese chevanhu vanopfuura 15 000 chinoshanda zuva nezuva kuti vanhu vari paFacebook vachengeteke.
Kunzwawo vamwe
Nyanzvi dziri kunze, vedzidzo, maNGO nevanogadzira mitemo, vanobatsira kuti Facebook ione zvaingaita pakugadzirisa Mitemo yeNharaunda.
Wana rubatsiro nezvekumiririrwa pakuva pachokwadi kwako
Dzidza zvaungaita kana ukaona chimwe chinhu chinopesana neMitemo Yenharaunda yedu paFacebook.
Shanyira Nzvimbo Yerubatsiro yedu