Kushungurudza Munhu Mukuru Nezvepabonde

Tsanangudzo Dzemutemo
Zvasangana Nevashandisi

Mashoko akawanda nezveMutemo

CHINJA ROGU
Chikonzero Chakanyorerwa Mutemo
Tinoziva kukosha kwemasevhisi edu senzvimbo yekukurukura uye kuita kuti vanhu vazive nezvekushungurudzwa nezvepabonde. Tinovimba kuti ichi chikamu chakakosha chekuvaka kunzwanana uye nharaunda. Pakuedza kugadzira mukana wekuti nhaurirano iyi iitike uye kusimudzira nharaunda yakachengeteka, tinobvumira vakapona pakushungurudzwa kuti vagovere zvavakasangana nazvo, asi tinobvisa zvinhu zvinoratidza pachena, kutyisidzira kana kukurudzira kushungurudza nezvepabonde. Tinobvisawo zvinhu zvinoratidza, zvinokurudzira kana kuronga zviito zvebonde nevanhu vasina kubvuma kuitira kuti tisabatsira zviito zvebonde zvisina kubvumiranwa. Pamusoro peizvi, kana tikaziva chero chezviiswa zvinotyisidzira kana kukurudzira chibharo, tinogona kumisa akaundi yatumira uye toshanda nevezvemutemo, pamusoro pekubvisa zviiswa zvacho.
Kuti tichengetedze vanhu vakapona pakushungurudzwa, tinobvisa mifananidzo inoratidza zviito zvekushungurudzwa pabonde uye mifananidzo yebonde yakagoverwa pasina mvumo yemunhu kana vanhu vari pamufananidzo wacho. Sezvataurwa munhanganyaya, tinoshandawo nenyanzvi dzekuchengeteka dzakazvimiririra tichikurukura uye kukwenenzvera mitemo yedu uye kutevedzerwa kwayo pakuchengeteka kwepaindaneti, uye tinogona kubvisa zvinhu kana tikagamuchira mashoko anoratidza kuti zvinhu zvacho zvine chekuita nezviito zvinokuvadza. Takanyora nezve tekinoroji yatinoshandisa pakuchengetedza kubva kumifananidzo yemusvo isina mvumo uye tsvakurudzo dzakaitwa kubatsira basa redu. Takanyorawo zvinobatsira pakumhan'ara kuMeta kutyisidzira uye mifananidzo yemusvo inenge yatumirwa pasina mvumo kuti tidzivirire kuparira kwemifananidzo yemusvo yevanhu paindaneti.
Hatitenderi:
Zviiswa zvinoratidza, zvinotsigira, kana kutsoropodza kubata munhu nenzira yezvepabonde pasina kubvumirana, kunosanganisira:
  • Mufananidzo uri kuratidza maitiro ekubata munhu nenzira yezvepabonde (kunze kweyakaita zvekudhirowewa inoratidza vanhu vasiri chaivo, ine tsanangudzo dzinonyomba kana kuti dzisina zvadzinotsigira)
  • Mashoko anoedza kana kutyisidzira kutumira, kupa, kana kukumbira mifananidzo inoratidza kubata munhu nenzira yezvepabonde pasina mvumo
  • Tsanangudzo dzekubata munhu nenzira yezvepabonde pasina mvumo, kunze kwekunge dzatumirwa kana kuti dzichitsigira akapona.
  • Kutsigira (kunosanganisira mashoko echido uye anoenderana) ekutyisidzira kuita, kana kubvuma kubatanidzwa pakubata munhu nenzira yezvepabonde pasina mvumo
  • Zviiswa zvinotsvinyira vakapona kana maitiro ekubata munhu nenzira yezvepabonde pasina mvumo
  • Zviiswa zvinenge zvatumirwa nevamwewo vanhu vanoziva vakapona pakushungurudzwa pabonde kana zvamhan'arwa neakapona
Zviiswa, zviito kana kuwadzana kunoedza kutsotsa vanhu nekuita zvinotevera:
  • Kumanikidza kuti munhu abhadhare mari, aite chimwe chinhu kana kupa mifananidzo yakavanzika munhu wacho achityisidzirwa kuti mifananidzo yake kana mashoko akavanzika zvinogona kubudiswa pachena kana akasaita kudaro (kutyisidzira kushambadza mifananidzo yemunhu yakavanzika)
  • Kutumira, kutyisidzira, kutaura kuti munhu arikuda kutumira, kuda kupa kana kuti kukumbira mifananidzo yepabonde isina kutendera kuti ishambadzwe (NCII) inozadzisa zvese zviri mune zvitatu zvinotevera:
    • Mifananidzo yacho haitengeswi uye yakatorerwa panzvimbo yepachivande.
    • Munhu ari mumufananidzo wacho (akada) kushama, ari kuita zvebonde kana kuti akamira semunhu ari kuda kuita zvebonde (izvi zvinosanganisira mufananidzo wakagadzirwa zviri dijitari kana kuti wakagadzirwa neAI).
    • Kusava nemvumo yekugovera mufananidzo wacho kunoratidzwa nechero zvinotevera:
      • Mashoko ekutsiva (akadai seemuzasi memufananidzo, makomendi kana musoro wepeji).
      • Vanopa mashoko vakaita sezvinyorwa zvemitemo zvakamisikidzwa kuti mitemo itevedzwe, mashoko enhepfenyuro (akaita sekufumurwa kwemifananidzo zvasimbiswa nevenhepfenyuro) kana vamiririri veakapona weNCII
      • Kumhan'ara kwabva kumunhu ari kuratidzwa pamufananidzo wacho kana kuti ane zita rakafanana neremunhu ari kuratidzwa pamufananidzo.
  • Kukurudzira, kutyisidzira kutumira, kana kuda kugadzira Mifananidzo Yebonde Isina Kutenderana kuburikidza neangave ari maapu kana masevhisi (anosanganisira AI), kana mirayiridzo, chero pasina mufananidzo uri kutengeswa kana kuti usiri watumirwa muzviiswa zvacho (dzimwe nguva unonzi maapu "ekuita kuti munhu ave musvo kana maapu "ekutsvodana paAI").
  • Kutumira mifananidzo yakatumirwa pachivande isiri yekutengesa iyo inonanga nhengo dzemunhu chaiye dzinowanzonzi ndedzebonde (dzakaita semazamhu, chiuno, magaro, kana zvidya), kana munhu akamira seari kuita bonde, kana kwemunhu ari kuita zvepabonde, uye yakatumirwa nechinangwa chekutsvinyira, kufungisa bonde kana kuratidza rupawo rwemunhu akaratidzwa pamifananidzo. Mifananidzo iyi inowanzozivikanwa se"creepshots" (mifananidzo yemunhu akamira seari kuita bonde) kana "upskirts" (mifananidzo yakatorwa kamera iri pasi pesiketi).
  • Kutumira, kutyisidzira kutumira kana kuti kutaura chinangwa chekutumira nhaurirano dzakavanzika dzezvebonde panenge pasina mvumo yekutumira zvinoratidzwa nechero zvinotevera:
    • Mashoko ekuda kutsiva uye ekutyisidzira,
    • Vanopa mashoko vakazvimiririra vakaita sevanoita zvenhepfenyuro kana kuti zvinyorwa zvemitemo zvakamisikidzwa kuti mitemo itevedzwe, kana
    • Kumhan'ara kwabva kumunhu ari kuratidzwa pamufananidzo wacho kana kuti ane zita rakafanana neremunhu ari kuratidzwa pamufananidzo
Zviiswa zvakafanana nezvekurara nemunhu akafa kana kuti kumanikidzirwa kupfekenura mbatya, zvinosanganisira:
  • Mufananidzo uri kuratidza zvekurara nemunhu akafa kana kuti kumanikidzirwa kupfekenura mbatya (kunze kweyakaita zvekudhirowewa inoratidza vanhu vasiri chaivo, ine tsanangudzo dzinonyomba kana kuti dzisina zvadzinotsigira
  • Mashoko anoedza kutumira, kupa, kubvunza kana kuti kutyisidzira kutumira mifananidzo inoratidza kuita zvebonde nemunhu akafa kana kuti kumanikidzirwa kupfekenura mbatya
  • Mashoko ane tsanangudzo, anotsigira, ekuvavarira kana anotaura zvinotarisirwa, mashoko echinangwa kana kushevedzera kuitwa kwechiito, kubvuma kwechiito chakati, kana kunyomba vakapukunyuka pakuita zvebonde nemunhu akafa kana kuti kumanikidzirwa kupfekenura
Pazviiswa zvinotevera, tinoisa mashoko echenjedzo kuitira kuti vanhu vazive kuti zviiswa zvacho zvinogona kusaitira vamwe vanhu:
Nyaya uye mashoko ane tsanangudzo dzekubatwa nenzira yebonde pasina mvumo (zvakanyorwa kana zvinotaurwa) anosanganidzira mashoko anopfuura kungodudza zita kana kutaura chiito chacho kana:
  • Zvakatumirwa neakapona wacho, kana
  • Zvakagoverwa nemumwewo (asiri nyakuitirwa wacho) nechinangwa chekutsigira nyakuitirwa wacho kana kutsoropotsa muitiro wakadaro kana kuti kuita kuti ruzhinji ruzive nezvazvo izvo zvinoratidzwa nemashoko akapoteredza/anotsanangura mufananidzo.
PaMitemo Yenharaunda inotevera, tinoda mamwe mashoko kana kuti mashoko akapoteredza kuti tikwanise:
Tinogona kudzora kuti zviiswa zvionekwe nevanhu vezera rinopfuura 18 uye toisa chikwangwani cheyambiro pazvimwe zviiswa kusanganisira:
  • Zviiswa zvinoratidza kubata munhu nenzira yezvepabonde pasina kubvumirana kana:
    • Zvichinge zvagoverwa kuti vanhu vazive nezvazvo (pasina mashoko akapoteredza ekuti zvivaraidze kana kana kufadza vanhu.
    • Akapona haasi kuzivikanwa, uye
    • Zviiswa hazvibatanidzi kuva musvo
  • Zviiswa zvinoratidza kunyepedzera kubatana nemunhu nenzira yepabonde pasina mvumo (mamuvhi akapfupikiswa, zvichingodaro.) kana atumirwa nevashandidzani vakavimbika nekuchengeteka kuti zvizivikanwe uye kana isina kutumirwa zvekuti inokwezva
Tinogona kudzora kuonekwa kuvanhu vane makore 18 kana kudarika uye tinosanganisira chiratidzo cheyambiro pazvimwe zviiswa zvinoratidza kubata zvepabonde kusina mvumo, kana zvichinge zvagoverwa kuti zvizivikanwe uye pasina zvipoteredzwa zvekuvaraidza kana kufadza, apo nyakuitirwa kana nyakupona asingaziviswe uye apo zviiswa zvisina zvekuva musvo.
Kuwedzera pamutemo wedu wekubvisa zvinhu zvinotyisidzira kana kuti kukurudzira kubata chibharo kana mimwe miitiro yekubata munhu nenzira yebonde pasina mvumo, tinogonawo kumisa kushanda kweakaundi inenge yaposita zvinhu zvacho.
Tinogonawo kuisa mitemo pazviiswa zvinenge zvagoverwa nevashandisi vakazvimiririra vanodoma vanhu vakabatwa chibharo kana zvikamhan'arwa nemumiririri akapiwa mvumo kana Watinoshanda Naye Akavimbika.
Zvasangana nevashandisi
Ona mienzaniso yezvinoitwa pakuitwa kuti mitemo itevedzwe kuvanhu vepaFacebook, zvakadai seizvi: zvazvakaita pakumhan'ara chinhu chaunofunga kuti hachifaniri kuva paFacebook, kuudzwa kuti watyora Mitemo yeNharaunda yedu uye kuona mashoko echenjedzo pane zvimwe zviiswa.
Ziva kuti: Tinogara tichivandudza, saka zvaunoona pano zvinogona kunge zvava zvekare zvishoma pane zvatinenge tava kushandisa.
ZVINOSANGANA NEMUSHANDISI
Kumhan'ara
ZVINOSANGANA NEMUSHANDISI
Kukurukura pashure pekumhan'ara
ZVINOSANGANA NEMUSHANDISI
Mashandiro ekubvisa
ZVINOSANGANA NEMUSHANDISI
Mashoko echenjedzo anobuda pasikirini
Kuita kuti itevedzerwe
Tine mitemo yakafanana pasi rese yemunhu wese ari paFacebook.
Zvikwata zvinoongorora
Chikwata chedu chepasi rese chevanhu vanopfuura 15 000 chinoshanda zuva nezuva kuti vanhu vari paFacebook vachengeteke.
Kunzwawo vamwe
Nyanzvi dziri kunze, vedzidzo, maNGO nevanogadzira mitemo, vanobatsira kuti Facebook ione zvaingaita pakugadzirisa Mitemo yeNharaunda.
Wana rubatsiro nezvekubatirirwa kwemunhu mukuru mune zvepabonde
Dzidza zvaungaita kana ukaona chimwe chinhu chinopesana neMitemo Yenharaunda yedu paFacebook.
Shanyira Nzvimbo Yerubatsiro yedu