පෞද්ගලිකත්වය උල්ලංඝනය කිරීම්

පළ කරන්නකුගේ හෝ අන් අයගේ පුද්ගලිකව හඳුනා ගත හැකි තොරතුරු බෙදාගන්නා අන්තර්ගය (පුද්ගලයකුව සුවිශ‍ේෂී ‍ල‍ෙස හඳුනාගන්නා‍‍ තොරතුරු). මීට ඇතුළත් වන්නේ:

සමාජ ආරක්ෂණ අංකයන් (SSN), බලපත්‍ර අංකයන් හෝ තනි පුද්ගල බදු ගෙවන්නන් හඳුනාගැනීමේ අංකයන් (ITIN) වැනි ජාතික අනන්‍යතා අංකයන්.
නීතිය බලාත්මක කරන, හමුදා හෝ ආරක්ෂක නිලධාරීන්ගේ රජයේ හැඳුනුම්පත්.
විවාහ, උපත්, මරණ හෝ නම වෙනස් කිරීමේ, ලිංගික අනන්‍යතාව හඳුනාගැනීමේ ලියකියවිලි වැනි සිවිල් ලියාපදිංචි කිරීමේ තොරතුරුවල වාර්තා හෝ රාජකාරි ලියකියවිලි
ග්‍රීන් කාඩ්, රැකියා අවසරපත් හෝ වීසා වැනි සංක්‍රමණ හා වැඩ තත්ත්වයන් පිළිබඳ ලියකියවිලි

වෙනත් පුද්ගලයන්ගේ පුද්ගලිකව හඳුනා ගත හැකි තොරතුරු ඉල්ලා සිටින අන්තර්ගත

අදාළ පුද්ගලයා විසින් ප්‍රසිද්ධියට පත් කරනු ලැබූ විට හෝ පුණ්‍ය කටයුතු ප්‍රවර්ධනය, අතුරුදන් වූ පුද්ගලයන්, සතුන් හෝ නැති වූ වස්තූන්ගේ හිමිකරුවන් සොයා ගැනීම, හෝ ව්‍යාපාර හෝ සේවා සැපයුම්කරු ඇමතීම සඳහා බෙදාගන්නා හෝ ඉල්ලා සිටින විට හැර (පුද්ගලික සබඳතා තොරතුරු බෙදා ගන්නේ අදාළ පුද්ගලයාගේ අනුමැතිය ලබා ගැනීමෙන් තොරව බව සනාථ කළහොත් විනා) අන් අයගේ පුද්ගලික සබඳතා තොරතුරු බෙදාගැනීමේ අන්තර්ගත.

පහත සන්දර්භවල දී හැරුණු කොට, ලිපිනයන් හඳුනා ගන්නා ගොඩනැඟලි නම් හෝ සිතියමක ඇති සලකුණු කිරීම් ඇතුළුව (සලකුණු කිරීම් ඇත්තේ වේදිකාවෙන් බැහැර සබැඳියක වුව ද) අන් අයගේ සම්පූර්ණ පුද්ගලික පදිංචි ලිපින බෙදාගන්නා අන්තර්ගතය:

වෙනත් අයගේ පුද්ගලික නේවාසික ලිපිනවල කොටස් (නිවස ඉහළ තනතුරක සේවය කරන රජයේ සේවකයකුට සැපයූ නිල නිවසක් හෝ තානාපති කාර්යාලයක් වන අවස්ථාවන්හි හැර) බෙදාගන්නා අන්තර්ගතය:

වෙනත් අයගේ පුද්ගලික නේවාසික තොරතුරු (නිවස ඉහළ තනතුරක සේවය කරන රජයේ සේවකයකුට සැපයූ නිල නිවසක් හෝ තානාපති කාර්යාලයක් වන අවස්ථාවන්හි හැර) ඉල්ලා සිටින අන්තර්ගතය

ආරක්ෂිත නිවෙස්වල පිහිටීම ඉල්ලා සිටින හෝ (ආරක්ෂිත නිවසක් සිය පහසුකම පිළිබඳ තොරතුරු ක්‍රියාකාරීව ප්‍රවර්ධනය කරන අවස්ථාවක දී හැර) පහත කවරක් හෝ බෙදා ගැනීමෙන් ආරක්ෂිත නිවසක තොරතුරු අනාවරණය කරන අන්තර්ගතය

යම් තොරතුරක් වෛද්‍ය වාර්තා හෝ වෙනත් නිල ලේඛනවලින් ලබාගෙන ඇති බව පැහැදිලිව පෙනෙන විට අන්‍යයන්ගේ වෛද්‍ය, කායික, ජෛවමිතික හෝ ජාන උරුමය පිළිබඳ තොරතුරු (දෘශ්‍ය ලෙස සංදර්ශනය කරන විට හෝ ඕඩියෝව හෝ වීඩියෝ ඔස්සේ දිස් කරන විට ඇතුළුව) ඉල්ලා සිටින හෝ ඒවා බෙදා ගන්නා අන්තර්ගතය.

පුද්ගලයකුගේ පුද්ගලික මූල්‍ය තොරතුරු ලෙස අර්ථ නිරූපණය කරන ප්‍රකාශකයාගේ හෝ අන් අයගේ පුද්ගලික මූල්‍ය තොරතුරු බෙදාගන්නා හෝ ඒවා ඉල්ලා සිටින අන්තර්ගතය:

රාජ්‍ය නොවන මූල්‍ය වාර්තා හෝ ප්‍රකාශ.
ආරක්ෂක කේත හෝ PIN කේත සහිත බැංකු ගිණුම් අංක.
පිවිසුම් විස්තර, ආරක්ෂක කේත හෝ PIN කේත සහිත ඩිජිටල් ගෙවීම් ක්‍රම තොරතුරු.
වලංගු දිනයන් හෝ ආරක්ෂක PIN අංක හෝ කේත සහිත ක්‍රෙඩිට් හෝ ඩෙබිට් කාඩ්පත් තොරතුරු.

පහත ඒවා ඇතුළුව, අදාළ සංවිධානය විසින් ම පළමුව බෙදාගෙන ඇති අවස්ථාවල හැර (මුල් සන්දර්භය යථාස්ථව තිබිය දී සිදු කරන ආනුෂංගික බෙදා ගැනීම් ඇතුළුව) හෝ පොදු පැමිණිලි කිරීමේ අවශ්‍යතා ඔස්සේ බෙදා ගත් (උදාහරණ ලෙස කොටස් හුවමාරුවෙහි හෝ නියාමන අධිකාරීන්ගේ නියමය පරිදි) ව්‍යාපාරයක හෝ සංවිධානයක මූල්‍ය කටයුතු ලෙස අර්ථ නිරූපණය කරන ව්‍යාපාරයක හෝ සංවිධානයක ප්‍රසිද්ධ නොවන මූල්‍ය තොරතුරු බෙදා ගන්නා හෝ ඒවා ඉල්ලා සිටින අන්තර්ගත:

රාජ්‍ය නොවන මූල්‍ය වාර්තා හෝ ප්‍රකාශ
ආරක්ෂක කේත හෝ PIN කේත සමග තිබෙන බැංකු ගිණුම් අංක.
පිවිසුම් විස්තර, ආරක්ෂක කේත හෝ PIN කේත සමග තිබෙන ඩිජිටල් ගෙවීම් ක්‍රම තොරතුරු.

බලපෑමට ලක්වූ පුද්ගලයා ප්‍රසිද්ධ චරිතයක් ද නැතහොත් අප්‍රසිද්ධ පුද්ගලයෙක් ද යන්න නොසලකා, හැක් කළ මූලාශ්‍රයක් වෙතින් ලැබුණු බවට පළ කරන්නා විසින් දක්වා ඇති හෝ තහවුරු කර ඇති අන්තර්ගතය.